Добросав Гавриќ, убиецот на Жељко Ражнатовиќ Аркан и двајца негови пријатели, кој веќе 12 години е во притвор во Кејп Таун, Јужна Африка, наскоро би можел да биде зад решетки во Србија, откако судот месецов му даде зелено светло на Интерпол да го екстрадира.

Како што пренесува јужноафриканскиот портал „Netwerk24“, неговата одбрана најавила дека повторно ќе поднесат жалба на ваквата одлука бидејќи Гавриќ не сака да биде екстрадиран во својата земја. Бранителот на Гавриќ во Србија, адвокатот Вељко Делибашиќ за српски „Курир“ кусо вели дека не бил информиран за ваквата одлука.

Гавриќ, во Србија беше осуден на 35 години затвор затоа што на 15 јануари 2000 година во хотелот „Интерконтинентал“ ги застрела Ражнатовиќ, Миленко Мандиќ Манда и Драган Гариќ додека седеа во кафулето во хотелот.

Гавриќ се бранеше од слобода на судењето за тројно убиство во „Интерконтинентал“. Се даде во бегство во 2006 година, во пресрет на првата пресуда. Ништо не се знаеше за него, како и за Мирослав Ѓуричиќ - Мики, кој исто така исчезна во тоа време, се до 2011 година, кога беше уапсен во Јужноафриканската Република. Тогаш се утврди дека со лажното име Саша Ковачевиќ дошол во таа земја во 2007 година преку Италија и Еквадор - потсетува соговорникот на Курир.

[caption id="attachment_642882" align="aligncenter" width="640"] Фото: Ѓорѓе Јовановиќ, Драгана Удовичиќ, ЕПА[/caption]

Наводно, тој живеел со сопругата и децата во луксузен стан на морскиот брег во Кејп Таун. Според истите извори, тој и неговата сопруга имале ресторан во Јоханесбург и компанија за увоз и извоз. Вистинскиот идентитет на Гавриќ, како што претходно објавија медиумите, беше откриен кога тој беше ранет во пукотница во која загина еден од водачите на подземјето во ЈАР, Сирил Бика. Српскиот бегалец во тој момент бил зад воланот на автомобилот и во пукањето бил тешко повреден, но бил приведен кога било утврдено дека се работи за човек по кој е распишана потерница од Интерпол.

Во текот на постапката по барањето на Србија за негова екстрадиција, Гавриќ побара да му се даде статус на бегалец, побара азил и се спротивстави на неговата екстрадиција во Србија, тврдејќи дека е осуден во „политички монтиран судски процес“ и дека се плаши за својот живот поради, како што ги нарече, „одмаздниците на Аркан“, доколку биде испратен во Србија.

[caption id="attachment_642881" align="aligncenter" width="639"] Фото: Профимедиа, Ројтерс, Дамир Дервишагиќ[/caption]

Гавриќ во текот на судскиот процес за убиството во „Интерконтинентал“ негираше вмешаност во злосторството. На судењето сведочеше и вдовицата на Аркан, пејачката Светлана Цеца Ражнатовиќ, која на едно рочиште во судницата му се обрати на Гавриќ со зборовите:

Седеше со наведната глава, свртен кон излезот, убаво те видов преку рамото на Жељко. Ќе повторам сто пати! Апсолутно сум сигурна. Предавник, знаеш ли кого предаде, кого уби? Смрдеш, ѓубре!“.

На излегување од судницата вдовицата го плукна Гавриќ.

По судската постапка, освен Гавриќ, на по 30 години затвор се осудени и Милан Ѓуричиќ - Мики и Драган Николиќ - Гаги.

The post Убиецот на Аркан се враќа во Србија: По 12 години Добросав Гавриќ ќе биде екстрадиран преку Интерпол appeared first on Република.

Kристијан Голубовиќ во неодамнешното интервју за „Република“ проговори и каков им бил односот со Аркан и зошто тврди дека државата го убила бидејќи многу знаел.

https://www.youtube.com/watch?v=ZWAYVeGS7EI&embeds_euri=https%3A%2F%2Frepublika.mk%2F&source_ve_path=MjM4NTE&feature=emb_title

Тој знаеше многу тајни.Му беше „коска во грло“ на Слободан Милошевиќ.Но, Аркан се однесуваше арогантно кон многу луѓе и кон моќни криминалци и едноставно спрегата меѓу криминалот и државата направи „дил“ Аркан да биде убиен.

The post Кристијан Голубовиќ: Државата го уби Аркан затоа што многу знаеше appeared first on Република.

Жарко Лаушевиќ ја објави својата автобиографија „Падре, идиот“, а првата сопруга на Жељко Ражнатовиќ Аркан, Наталија Мартиновиќ, најде место во неговата четврта автобиографска книга.

Имено, Лауш во својата книга ја опишал средбата со Аркан, а зборовите што му ги кажал во таа прилика ќе изненадат многумина:

Со Жељко Ражнатовиќ сум се сретнал двапати во животот. И двата пати случајно. Еднаш бев во хотелот „Славија“ со Љуба Дапчевиќ, кога Аркан на заминување, дојде до нашата маса да се поздрави со Љуба и да ми каже дека неговата Наталија многу ме цени. Наталија, неговата тогашна сопруга, синиот ангел од Цетиње... Вториот пат го видов пред Радио Белград во 1992 година, кога го чекав петгодишниот Дуле од драмската школа кај Мика Алексиќ. Душан излегува со близнаци и ме запознава со своите нови пријатели. Многу културни деца, едно од нив ми вели: Нашата мајка Наталија многу ве поздрави. Аркан ми мафна од паркираниот џип, а јас му отпоздравив, напиша Лаушевиќ, а потоа ја опиша следната средба со Аркан на која присуствувал и Гага Николиќ:

- Стадионот „Обилиќ“ малку подоцна. Ручаме „детска радост“ - планина од пржени телешки стекови и пире од компири. Домашна атмосфера, лимонада и вода. Ја прашувам Цеца како е задоволна од снимањето на „Коштана“ со Стојан Стојчиќ...

Малку подоцна Жељко ме изнесе на теренот да прошетаме.

-Треба малку да се тргнеш на страна, се ќе се заборави.

- Не можам.

- Што не можеш да направиш?

- Да заборавам.

- Да, да, се се заборава. Оди отпатувај некаде неколку години.

-Немам ни пасош, сепак, во понатамошниот разговор што го опиша актерот, Жељко му понудил помош, а за тоа била заслужна првата сопруга.
- Еве го мојот број, 24/7! Се што е потребно! Тоа е мојот долг кон тебе, поради Наталија. Таа секогаш зборуваше добро за тебе. Не сакав пред Цеца...

The post Аркан се плашел од Цеца името да ѝ го спомене: Непознати детали од нивниот однос открива Жарко Лаушевиќ appeared first on Република.

Лука Бојовиќ како и повеќето деца во деведесеттите, ја започнал својата криминална кариера на улица. Уште како тинејџер стана „дете“ на Жељко Ражнатовиќ Аркан.

Засекогаш ќе остане мистерија што би станал Лука доколку не бил маѓепсан од животот на Жељко Ражнатовиќ, кого го запознал како дете преку неговиот татко Вук Бојовиќ, долгогодишниот директор на белградската зоолошка градина.

Сè започна во пролетта 1992 година, кога Аркан со својата српска доброволна гарда се подготвуваше да замине на бојното поле во источна Босна.

Додека издавал наредби за движење од штабот во неговата куќа на Дедиње, бил пресретнат“  од 19-годишниот Лука, кој го молел да оди со своите „Тигри“ во војна.

- Нема да одиш никаде, дете, јасно ли е?-наредил Аркан.

Но, набрзо се предомислил и го одвел Бојовиќ во војната, каде, според кумот на Аркан, Радет Ракоњац, се покажал како еден од најхрабрите и најверните гардисти, кој на само 19 години добил чин втор поручник.

The post Лука Бојовиќ е „дете“ на Аркан, тој го внесе во светот на криминалoт appeared first on Република.