Со победата во Аризона, Трамп освои 11 електорски гласови и има вкупно 312, додека неговата ривалка Камала Харис освои 226 електорски гласови.

Трамп победи и во Аризона во 2016 година, кога прв пат беше избран за претседател на САД. На изборите во 2020 година, Аризона сепак „ја доби“ Џозеф Бајден.

Покрај Аризона, Трамп освои уште шест клучни држави: Мичиген, Пенсилванија, Џорџија, Северна Каролина, Висконсин и Невада.

Победата на претседателските избори во Америка оди во рацете на кандидатот кој ќе освои најмалку 270 електорски гласови. Трамп треба официјално да ја преземе новата функција на 20 јануари.

Доналд Трамп им вети на Американците дека ќе го подобри нивниот животен стандард со намалување на даноците. Републиканецот, исто така, рече дека ќе изврши „масовна“ депортација на мигрантите кои се илегално во земјата.

The post Трамп ја освои и Аризона, ги освои сите седум клучни држави appeared first on Република.

Најдобриот кошаркар на светот Никола Јокиќ не сака луксуз. За него е доволен имотот во родниот Сомбор и коњите кои ги обожува. Популарниот Џокер вели дека никогаш не оди на одмор на море и оти тоа не го интересира.

Тој дури му го подари на таткото луксузниот имот во италијански стил во Аризона кој чини 100 милиони долари.

Секоја чест Никола.

The post Не се за него луксуз и море: Јокиќ му подари на таткото вила од 100 милиони долари appeared first on Република.

Политичкиот трилер „Бизнисот на задоволството” на режисерот Гоце Цветановски ја доби наградата за највпечатлив филм (Best Impact Film) на јубилејното 30. издание на „Седона интернешнал филм фестивал”, во Аризона, САД.

Фестивалот се одржа од 24 февруари до 3 март, а беа прикажани независни филмски остварувања од целиот свет.

Филмот на Цветановски претходно освои пет награди на филмските фестивали, од кои три за најдобар долгометражен филм во Бугарија, Перу и Панама, понатаму добитник е на специјална награда во Романија и за најдобра кинематографија во Албанија.

„За првпат награда во Америка и трет континент на којшто филмот е награден. Од една страна мислам дека со оваа шеста награда, филмот го оправда своето постоење, но како вечен оптимист се надевам дека фестивалскиот живот на филмот ќе донесе и нови успеси”, рече Цветановски.

„Бизнисот на задоволството” ја следи приказната на новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола.

Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.

Филмот е снимен со поддршка на Агенцијата за филм.

The post „Бизнисот на задоволството“ на Гоце Цветановски награден на фестивал во Аризона appeared first on Република.

Температурата не се спушта под 43 степени Целзиусови 31 ден по ред во Феникс, главниот град на Аризона. Рекорди за температура се забележани низ целата земја. Топлотниот бран низ САД усмрти десетици луѓе.

Јули беше толку топол што научниците предвидуваа дека ќе биде најтоплиот месец досега, а Светската метеоролошка организација и Службата за климатски промени на ЕУ го прогласија за рекордно топол месец, пренесува Voice of America. Шумски пожари беснеат низ САД, а жителите се евакуирани во некои делови од земјата.

- Едноставно кажано – топлината убива. Кога ќе започне топлотен бран, првите жртви се случуваат во рок од 24 часа - вели Кристи Еби од Универзитетот во Вашингтон.

Во Феникс се очекуваат невреме кои би можеле малку да ја намалат температурата, но тоа ќе биде краткотрајно бидејќи веќе од среда се прогнозира температурата да се искачи до 46 Целзиусови степени.

Феникс има рекордни температури и во ноќните часови, бидејќи 16 ноќи по ред не се спуштиле под 32,2 степени Целзиусови. Екстремни горештини се забележани и во источниот дел на САД, каде на места се забележани и рекордни температури.

The post Пеколно во Аризона: Температурата не се спушта под 43 °C веќе 31 ден appeared first on Република.

Масовна тепачка изби во средно училиште во Аризона кога повеќе од 30 ученици и еден родител се степале за време на паузата за ручек.

Гимназијата во Тусон беше блокирана неколку часа по тепачката во вторникот, пишува „Дејли мејл“.

На видеото од инцидентот објавено на социјалните мрежи се гледа вознемирувачка сцена додека учениците удираат и шутираат.

https://twitter.com/Pasty_P_/status/1521582969902665731?ref_src=twsrc%5Etfw%7Ctwcamp%5Etweetembed%7Ctwterm%5E1521582969902665731%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3926817%2Fmasovna-tuca-ucenika-i-roditelja

Тепачката почнала откако родител, облечен во црвена кошула и фармерки, наводно влегол во кампусот за да се соочи со група деца кои го нападнале неговиот син со посебни потреби.

Кога пристигнал, ги затекнал децата како го напаѓаат братот на момчето кој го штител, изјавил братучед за „Дејли Мејл“.

The post Боксови и клоци: Масовна тепачка на ученици и родители во средно училиште appeared first on Република.