Грчкиот кошаркарски клуб Арис од Солун преку социјалните мрежи се прости со својот поранешен тренер Лазар Лечиќ, кој синоќа почина во Скопје, јави дописничката на МИА од Атина.

Во постот придружен со фотографија од времето кога македонскиот кошаркарски тренер го водеше солунскиот клуб, му порачаа дека никогаш нема да го заборават, но се осврнаа и на Јанис Јоанидис кој почина лани, а заедно со Лечиќ беа дел од Арис.

-Лазар отиде да се сретне со Јанис за повторно, од горе, заедно да го тренираа Арис. Лазар повеќе не е тука, но никогаш нема да „замине“. Секогаш ќе биде во нашите срца и душа. Семејството на Арис жали. Од денеска е посиромашно. Лазар Лечиќ, никогаш нема да те заборавиме, напишаа на социјалните мрежи од солунскиот кошаркарски клуб

The post Никогаш нема да те заборавиме: Грчки Арис емотивно се прости од Лечиќ appeared first on Република.

Полицијата во Солун извршила серија рации во седиштата на повеќе фудбалски навивачки групи во обид до крај да го расветли убиството на еден тинејџер и да стави крај на уличното насилство поврзано со фудбалот.

Претреси се извршени на 13 локации за кои полицијата се сомнева дека биле користени за организирање улични напади, при што се уапсени две лица, а запленети биле и безбол палки и пиротехнички средства.

Полициската акција уследи откако во понеделникот вечерта почина 19-годишниот Акис Камбанос, кој беше брутално претепан и избоден со нож на улица во Солун. Под сомнение дека го извршил убиството подоцна беше приведено 23-годишно момче.

Локалните медиуми јавија дека Камбанис бил навивач на Арис, а во инцидентот се повредени уште две момчиња, на возраст од 19 и 20 години.

Полицијата соопшти дека нападот го извршиле навивачи на ПАОК.

Убиството во градот во кој владее жестоко ривалство меѓу навивачките групи на локалните екипи ПАОК и Арис ја шокираше земјата и предизвика остра осуда од државниот врв и политичарите.

Како можеме да дозволиме нашите улици, паркови и плоштади да бидат места на насилство меѓу ривалски банди, загрозувајќи ја притоа безбедноста на нашите граѓани? - напиша грчката претседателка Катерина Сакеларополу на социјалните мрежи.

The post Полицијата во Солун апси навивачи на ПАОК по убиство на 19-годишен навивач на Арис appeared first on Република.