Научници открија остатоци од најстарото познато езерско село во Европа откриено досега, објави CBS.

Доказите за селото се пронајдени под површината на Охридското Езеро, европско езеро поделено со границата меѓу Албанија и Македонија. Селото е пронајдено во Лин, на албанска страна.

Радиојаглероднa анализа на локацијата сугерира дека датира од, приближно, помеѓу 6000 п.н.е. и 5800 п.н.е., што го прави старo околу 8000 години.

Тоа е неколку стотици години постаро од претходно познатите езерски места во медитеранските и алпските региони, забележа Алберт Хафнер, професор по археологија од Универзитетот во Берн во Швајцарија.

Говорејќи за АФП, тој рече:

Според нашите сознанија, тоа е најстарото езерско село во Европа.“ Тој додаде дека поголемиот дел од најстарите европски села се наоѓаат на италијанските Алпи и се околу илјада години помлади.

Еди Рама, албанскиот премиер, се огласи на Фејсбук за да го прослави откритието.

Ова ново откритие, покрај неспорната историска и археолошка вредност, ќе биде и нова референтна точка за туризмот, напиша албанскиот премиер.

Постигнатиот археолошки напредок беше резултат на четиригодишна работа на локацијата во име на Хафнер и неговата коалиција на албански и швајцарски археолози.

Достигнувањето создаде интерес кај политичарите во Швајцарија покрај Албанија.

Според изјавата на тимот на Хафнер, швајцарската амбасадорка Рут Хубер лично го посетила местото на археолошкото ископување.

Амбасадорот сакаше лично и на лице место да биде информиран за истражувањето на Швајцарија во Албанија и албанско-швајцарската соработка, напиша Хафнер.

Радиојаглеродното датирање доаѓа од дрва. Дрвата некогаш припаѓале на градби што стоеле на потпорници или директно над површината на езерото или во области каде што имало редовни поплави. Таквата градба би била тешка, особено во тоа време во историјата.

Научниците веруваат дека селото било дом на некаде помеѓу 200 и 500 жители.

Дополнително, научниците пронајдоа докази дека околу 100.000 колци биле пробиени до дното на езерото за да формираат одбранбена барикада.

Хафнер истакна дека „за да се заштитат на овој начин, морале да исечат шума“.

Она што останува да се знае, на кое научниците во моментов работат на откривање, е зошто селаните сметале дека им требаат такви утврдувања.

The post Си-Би-Ес: Научници открија остатоци од најстарото познато езерско село во Европа откриено досега, се наоѓало на брегот на Охридското Езеро appeared first on Република.

Денеска во 10 часот, пред Собранието на Македонија Македонското археолошко друштво (МАД) организира протест против гласањето на измените на Законот за заштита на културното наследство кој се најде во собраниска процедура по скратена постапка.

Со предлогот на група пратеници во Собранието за дополнување на Законот за заштита на културното наследство, заради изградба на автопатите од Коридор 8 и Коридор 10д, се овозможува бескрупулозно легално уништување на културното наследство, реагираат од  МАД.

Предлог-законот во Собранието ќе се носи по брза постапка предвидува изведувачот на градежните работи да има обврска да го пријави откритието до надзорниот инженер, наместо до надлежната јавна установа за заштита или до Министерството за внатрешни работи.

Археолозите велат дека е ова дрзок предлог на група пратеници со кој се прави целосно заобиколување на Министерството за култура, Управата и надлежните установи за заштита за културното наследство.

А со цел имплементација на проектот за изградба на инфраструктурниот Коридор 8 пратениците бараат да се занемари заштитата на културното наследство која како темелна вредност е од исто толку голем јавен интерес за државата.

Во исто време во собранието по итна постапка ќе се гласа за измени на девет закони како оној за земјоделско земјиште, за експропријација, за урбанистичко планирање, за минерални суровини, за работни односи како и за номинирање на стратешки партнер за имплементација на проектот за изградба на инфраструктурниот Коридор 8 и Коридорот 10-д.

За главен координатор за изградба на коридорот 8 владата го назначи Артан Груби.

The post Археолозите ќе протестираат пред Собрание appeared first on Република.

The post Музеј на град Штип годинава ќе работи на археолошките локалитет во Свети Николе, Карбинци, Конче и Штип appeared first on Република.

Завршија едномесечните археолошки истражувања на градскиот Плоштад на четири локации. На последната се пронајдени монети и делови од градби кои датираат од поново време, објави ТВМ.

Артефактите се откриени со помош на сонда на длабочина од половина метар.

Со археолошките истражувања на плоштадот се откриени остатоци од некoлку градби кои датираат од почетокот на 20 век. Истражувањата се направени во четвртата сондa на длабочина од 40 до 50 цм. Пронајдени се делови од ѕидана чешма и трансформатор, но и фурна кои сеуште ги паметат повозрасните охриѓани. Најдени се и делови од коски од Турски гробишта и неколку парички. Монетите се од 1913, 1918 и 1925 година. Не зборуваме за антички или средновековни монети. Можеби во подлабоките слоеви има и други остатоци но, заради градежните активности од модерните времиња слоевите се испретурени и нема конкретни остатоци од архитектура или погребувања “ – информира Мишо Тутуткоски, директор на НУ „Завод и Музеј“ Охрид.

Градскиот плоштад само во современиот период претрпел големи градежни активности. Изградени биле улици , уредуван пазар, плоштадот. Слоевите се измешани и нема конкретни археолошки остатоци, а доколку имаше конкретни наоди можеби ќе направевме понатамошни испитувања. Плоштадот е еден од најфрекфентните делови од градот и не може да го затвориме за истражување.

Може и да има но, ние и да сакаме да вршиме археолошки ископувања тие ќе треба да траат 10тина години. Овие сонди покажаа дека остатоци од среден век, антички и праисториски период би биле на длабочина од 2 метри надолу. Има големо напластување на слоеви земја што се слевале од ридот, којшто не ни дозволуваат да вршиме археолошки истражувања“ -вели Тутуткоски.

Со затворање на четвртата сонда завршуваат археолошките истражувања на НУ „Завод и Музеј“ кои стартува пред еден месец. Сега може да отпочне реконструкцијата на градскиот плоштад. Просторот околу Чинарот треба да добие современо партерно уредување за кое што општината изработи проектна документација и издвои финансиски средства.

The post Охридски археолози пронајдоа стари монети appeared first on Република.