Поранешниот директор на финансиска полиција Арафат Муареми од СДСМ премина во ДУИ, дознава ТВ21.

Почитувани семејства, пријатели, колеги и сите вие ​​добронамерници, сакам да ве информирам дека по многу дискусии и анализи решив да се приклучам на Европскиот фронт, со една цел, најдобрата иднина на нашата земја. Имам целосна верба во моќта на мислата на непобедениот лидер низ годините, г. Али Ахмети! Ги повикувам сите истомисленици во поддршка, да им дадеме глас на нашите цели да триумфираме и да ја движиме оваа земја напред!“, објави Муареми.

Муареми, кој беше директор на финансиска полиција поднесе оставка по  „војната“ со шефицата на Обвинителството за гонење организиран криминал и корупција.

Обвинителките на шефицата на ОЈО ГОКК Вилма Русковска влегоа во Финансиската полиција да прават претрес.

Муареми поднесе и кривична пријава против Русковска.

По меѓусебните обвинувања и преписки, Русковска беше суспендирана, а Муареми се повлече од функцијата.

The post Премина во ДУИ: СДСМ го изгуби Арафат Муареми appeared first on Република.

Поранешниот директор на Финансиска полиција Арафат Муареми од СДСМ премина во ДУИ.

The post Арафат Муареми од СДСМ премина во ДУИ appeared first on Република.

Вилма Рускоска е разрешена е од функцијата обвинител.Советот на јавни обвинители на денешната седница едногласно  донесе одлуката откако беше пријавена и суспендирана од Државниот јавен обвинител Љубомир Јовески, за незаконски претрес по нејзина наредба извршен лани летото во просториите на Управата за финансиска полиција.

Тогашниот директор Арафат Муареми веднаш ѝ поднесе и кривична пријава, а во ОЈО Скопје истрагата за овој сличај уште не е завршена.

The post Toлку од Вилма: Русковска веќе не е обвинител поради претресот кај директорот на финансиската полиција appeared first on Република.

Задоволен што предметниот јавен обвинител по извршените проверки утврди и докажа дека не постои никакво незаконско работење, ниту пак сторено кривично дело од моја страна, во својство на директор на Управата за финансиска полиција, вели поранешниот директор на Управата за финансиска полиција, Арафат Муареми, по вчерашната одлука на Јавното обвинителство.

https://republika.mk/vesti/makedonija/jo-ne-utvrdilo-osnovano-somnevane-za-storeni-krivichni-dela-od-muaremi-i-vraboteni-vo-upravata-za-finansiska-politsija/

Додава дека одлуките на обвинителството потврдуваат дека во институцијата со која раководел нема неправилности и незаконитости во периодот на неговото директорување. Според него, нападот кон него бил исклучиво поради нечии лични цели и интереси, притоа злоупотребувајќи ја јавнообвинителската фунција со цел да му наштети на угледот и угледот на Управата.

Дополнително, ве известувам дека до Основниот граѓански суд имам поднесено тужба против Вилма Русковска, затоа што истата, во неколку наврати во своите јавни излагања во емисиски гостувања, иако свесна за невистинитоста на истите, продолжува да изнесува лажни и невистинити податоци, да лаже и да клевети. Од моја страна, злоупотребите на Вилма Русковска ќе бидат докажани и обелоденети до крај, вели Муареми.

The post Муареми поднесе тужба против Русковска appeared first on Република.

Постапувајќи по двете кривични пријави против поранешен директор на Управата за финансиска полиција (УФП) и вработени службеници во Управата, јавниот обвинител врз основа на прибраните вербални и материјални докази утврди дека во однос на двете кривични пријави не постои основано сомнение дека пријавените ги сториле кривичните дела или друго кривично дело кое се гони по службена должност.

Имено, во анонимната кривична пријава поднесена од група граѓани на ден 3 мај 2023 година до Основното јавно обвинителство за гонење на организиран криминал и корупција се изнесени наводи дека УФП не постапувала по анонимните пријави и оформените предмети биле затворани без да биде известено надлежното обвинителство. Врз основа на наводите во кривичната пријава, на 18 јули 2022 година согласно чл. 287 став 1, 2 и 3 од Законот за кривична постапка, до УФП е доставено барање со рок од 10 дена за доставување податоци за бројот на примени анонимни кривични пријави од 2018 година до денот на доставување на одговорот и нивното евидентирање во уписниците на УФП, причините за нивно евентуално неевидентирање, како и фазата во која се наоѓаат овие пријави и дејствијата што УФП ги преземало по однос на нив, соопшти државното Јавно обвинителство.

Истиот ден врз основа на наредба за претрес издадена од Основниот кривичен суд Скопје, посочува ЈОРСМ, на барање на обвинителството е извршен претрес на просториите на УФП, како и претрес на лице – поранешниот директор на УФП.

Истражители од Истражниот центар во ОЈО ГОКК и полициски службеници извршија увид во документацијата на УФП, односно во уписниците за наведениот период при што е утврден бројот на анонимните кривични пријави. По насока на јавниот обвинител е побарано овие предмети да се достават на увид, како би се утврдил начинот на евиденција и постапување. Со потврда за привремено одземање на денот на претресот се обезбедени 35 предмети, воедно од поранешниот директор се одземени подвижни предмети – едно УСБ и еден персонален компјутер. Подоцна, со допис од 9 септември 2022 година од УФП дополнително се доставени 380 предмети, наведува обвинителството.

Предметот на 21 септември 2022 година е презаведен во уписникот РОПС, односно со сите дотогаш прибрани списи е отстапен на надлежност на Специјализираното одделение за гонење на кривични дела сторени од лица со полициски овластувања и припадници на затворската полиција. Наредниот ден, предметниот јавен обвинител до Секторот за компјутерски криминал и дигитална форензика издаде наредба за вештачење на одземените електронски уреди.

Истражители од Истражниот центар на ОЈОГОКК, се наведува во соопштението, извршија увид во документацијата на сите 415 предмети и констатираа дека дел од предметите, иако се по пријави од 2018, 2019 и 2020 година, сѐ уште се водат како предмети во работа, а поголем дел од предметите се препратени на надлежно постапување во други инспекторати, МВР и други институции. Во предметите што биле затворени е содржана службена белешка од која може да се утврди на кој начин предметот е затворен или препратен во друга институција.

Од сето погоре наведено, предметниот обвинител утврди наводите во пријавата дека УФП не преземала соодветни дејствија по предметите и не ги известувала надлежните јавни обвинителства и другите засегнати институции не соодветствуваат со фактичката состојба. Во однос на наводите во анонимната кривична пријава и фактот дека наредбата за претрес на лице е барана поради постоење основи на сомневање дека поранешниот директор сторил кривично дело Примање награда за противзаконито влијание, предмет на анализа на обвинителството беа токму овие наводи во корелација со прибавените докази во текот на предистражната постапка. Од доставеното вештачење и анализа на содржината на одземената компјутерска опрема е утврдено дека документите и компјутерските податоци немаат поврзаност со конкретниот предмет. Така, од собраните докази и деталното разгледување на сите анонимни пријави, не произлезе основано сомневање дека пријавениот со искористување на своето реално или претпоставено влијание, службена или општествена положба и углед, барал, интервенирал, поттикнувал или на друг начин влијаел да се изврши службено дејствие што не би смеело да се изврши или да не се изврши службено дејствие што би морало да се изврши, а за посредувањето да примил награда или друга корист, информира Обвинителството.

Со оглед дека од увидот во самите предмети обвинителството не може да утврди основи на сомнение дека обработувачите на предметите при преземање или непреземање на службени дејствија сториле кривично дело што се гони по службена должност, до УФП достави известување со кое ја задолжи УФП да изврши анализа на констатираните состојби во службената белешка и извештајот со цел дополнително да истражи. Доколку се констатира дека некој од инспекторите или поранешниот директор сториле кривично дело што се гони по службена должност, да го извести Специјализираното одделение за гонење кривични дела сторени од лица со полициски овластувања и припадници на затворска полиција при ОЈО ГОКК.

Воедно, предметниот обвинител донесе решение и за кривичната пријава поднесена од физичко лице против поранешниот директор на УФП и инспектор во УФП, за сторени кривични дела Злоупотреба на службена положба и овластување, Малтретирање во вршење на службата, Насилство и Примање поткуп. Во врска со наводите во пријавата, јавниот обвинител во текот на предистражната постапка достави барање до повеќе органи и институции и ги сослуша оштетениот, пријавените и шеснаесет сведоци.

Со цел да утврди дали пријавените со своите дејствија оствариле битие на кривично дело Злоупотреба на службената положба и овластување, јавниот обвинител од ОЈОГОКК презеде низа дејствија, меѓу кои достави барања за доставување податоци до Општина Дебар, барање за увид во предметот оформен во Управен суд и барање до УФП за добивање на предмет оформен по анонимна пријава која се однесува на легализација на бесправно изграден објект на лицето што ја поднело кривичната пријава до ОЈОГОКК.

Од прибраните писмени докази и вербални искази, јавниот обвинител утврди дека не постои основано сомнение што упатува дека пријавените ја искористиле својата моќ како вработени во УФП и откако оштетениот не им дал пари, започнале да водат постапки за поништување на легализацијата на неговиот објект. Прибраните докази упатуваат на тоа дека пријавените постапувале во рамки на нивните законски овластувања по поднесена анонимна пријава до УФП и имале за цел да утврдат дали е сторено кривично дело што се гони по службена должност, а чие откривање и документирање е во надлежност на УФП. Управната постапка за поништување на решението за легализација за која станува збор во пријавата е во надлежност на Управниот суд и истата сѐ уште не е завршена, се наведува во соопштението.

ЈОРСМ соопшти и дека во однос на наводите дека пријавените сториле кривично дело Примање поткуп, пријавениот инспектор во својата одбрана ги негираше тврдењата опишани во кривичната пријава и тие се потврдени со анализа на телефонската комуникација и движење по базни станици на телефонските броеви на пријавениот и пријавителот. Притоа е утврдено дека за период од една година, двата телефонски броја не се регистрирани на исти или приближно исти базни станици што упатува на заклучокот дека исказот на пријавителот не може да се потврди.

Исказите на сведоците, вработени во Општина Дебар не ги потврдија наводите на оштетениот дека пријавените ги извршиле кривичните дела Малтретирање во вршење на служба и Насилство за кои тој тврди дека биле преземани кон него и кон вработените во Општина Дебар. Притоа, пријавениот поранешен директор на УФП не е споменат од ниту еден сведок, а оштетениот со ниту еден доказ не ги поткрепи тврдењата дека лица од Косово и Албанија му се јавувале во врска со овој предмет, ниту пак поврзаноста на наводните јавувања со пријавените, соопшти државното јавно обвинителство.

Врз основа на анализа на сите расположливи докази, предметниот јавен обвинител донесе решение со кое ја отфрли кривичната пријава бидејќи не постои основано сомнение дека пријавените ги сториле кривичните дела за кои се пријавени или друго кривично дело што се гони по службена должност.

The post ЈО не утврдило основано сомневање за сторени кривични дела од Муареми и вработени во Управата за финансиска полиција appeared first on Република.

„Ако на обвинителката ова и се случи, што ќе ни се случи нас“, вака велеле сведоци што требало да дадат исказ во предметот против поранешниот директор на Финансова полиција, Арефат Муреми, тврди поранешната шефица на обвинителството за организиран криминал, Вилма Русковска.

Не знам до каде е предметот, како што имам информации од колешката многу од луѓето повикани да дадат искази, се плашат. Јас бев суспендирана во вторник, за во петок имав закажано искази, но луѓето се апсолутно заплашени со ова да дојдат и да дадат исказ. По ова што мене ми се случи е обесхрабрувачко за сите обвинители. Секој еден обвинител со право ќе се запраша ако добие предмет во кој е пријавен трет братучед на функционер, дали да постапува или не – вели Русковска.

Во врска со мобилните телефони на Муареми, кои биле побарани на претресот кој бил извршен по барање на Русковска, а за кои поранешниот директор на Финансова рекол дека ги изгубил, Русковска откри уште еден детаљ.

Додека траеше претресот бев во комуникација со истражителите. Кога дошле тогашниот директор не бил на работа, кога дошол и му ги покажале наредбите за претрес и кажал на секретарката да му ѕвони на републичкиот обвинител, секретарката го немала, му се јавиле на Гаврил Бубевски. Значи прв со кого исконтактирал е републикиот јавен обвинител. Ова е според истражителите. Доколку не е точно, однапред се извинувам да не се најдам пред судови, но така ми кажаа истражителите – рече Русковска во Топ Тема на Телма.

Таа рече дека нема комуникација со Јовески откако почнала постапката против неа.

Во врска со кривичната пријава која Муареми ја поднел против неа, Русковска очекува дека нема да се одлучи по предметот додека трае дисциплинската постапка против неа.

Јас отворено му реков на Гаврил Бубевски, доколку сметате дека сум направила кривично дело поднесете обвинение. Или донесете решение за затворање на предметот. Не се мешам тоа е нивна одлука, но недозволиво е по толку време да нема одлука. Се води кривича постапка против мене и ако сакам да излезам од државата, може да ме уапсат и да кажат дека сакам да бега. Не можам на викенд некаде да отидам – рече таа.

The post Јовески е првиот човек на кого Муареми му се јавил за време на претресот, вели Русковска appeared first on Република.

Поранешната шефица на Обвинителството за гонење организиран криминал Вилма Рускоска во Топ тема на Телма откри информации кои не ѝ се познати на јавноста за најинтересните случаи на ова обвинителство.

Обвинителката во Топ тема тврди дека предлогот за нејзино разрешување е резултат на истрагата што ја отворила за поранешниот генерален секретар на Владата на Зоран Заев, Драги Рашковски. Рускоска обвини дека трпела притисоци и закани да се откаже од шефовското место, а за возврат ѝ било понудено да стане заменик-републички Јавен 0бвинител. Со овие понуди, како што рече, „сакаа да ме фатат на пенал, а тоа е почнувањето предистрага за тогашниот директор на Финансова полиција, Арафат Муареми“.

Русковска претпоставува дека со понудата на тие повисоки функции, ако таа ги прифатела, можеби ќе требала и да ја повлече, односно да се откаже од истрагата за случајот со поранешниот генерален секретар, Драги Рашковски.

Можеби и тоа беше причината, тогашниот премиер и јавно кажа дека не ми верува мене кога станува збор за овој предмет. Кога бевме сега на дисциплинската комисија, јас го предложив професорот Калајџиев за сведок-експерт, бидејќи таму се наведува дека сум сторила повреди на Законот за кривична постапка. Калајџиев, кој бил дел од Законот за кривична постапка, да каже дали јас навистина сум го сторила тоа дело. Но, не беше прифатен како сведок. А како докази за дисциплинската постапка беа наведени само претставките од Арафат Муареми“, вели Русковска.

Таа додава дека власта не сфатила дека нејзе „не ѝ била важна фотелјата, туку желбата да става темели на една правна држава“, и поради тоа повторно ја поднела кандидатурата за прв човек на Обвинителството за организиран криминал и корупција.

Едноставно не сфатија дека мене не ми беше важно функција и фотелја. Јас сама се изборив за позицијата шеф на обвинителството за борба против организиран криминал од причина што сакав да почнам да ставам темели на една правна држава. Сите знаеме во каква состојба беше тоа обвинителство, едноставно не немаше на мапа. И затоа не се каам што тогаш не го прифатив тој предлог, рече Русковска во интервјуто на „Телма“.

The post Рускоска: Власта не сфати дека не ми е важна фотелјата, туку желбата да ставам темели на една правна држава appeared first on Република.

Суспендирањето, поведувањето на дисциплинска постапка, како и поднесената кривична пријава, обвинителката Вилма Русковска го гледа како притисок кон неа и кон сите јавни обвинители да внимаваат против кого ќе поведат постапка.

Русковска ова денеска го истакна по исказот во Обвинителството по поднесената кривична пријава за злоупотреба на службена должност при претресот извршен на 18 јули годинава во Управата за финансиска полиција од страна на ОЈО – ГОКК. Таа соопшти дека вчера поднела и пријава каде конкурирала за шеф на Основното јавно обвинителство за гонење на организиран криминал и корупција и дека очекува поддршка од нејзините колеги.

Давав исказ по поднесена кривична пријава од Финансова полиција за наводна злоупотреба на службена положба и овластувања, член 353 став 1 и за наводно фалсификување на избори, појасни Русковска..

Истакна дека нејзиниот колега што го застапува предметот бил максимално коректен и професионален кон неа, а информираше дека сабајлево исказ дала нејзината колешка Елизабета Јосифовска, дека утре ќе дава Ивана Трајчева, а, како што рече, слушнала и дека Сузана Мирчевска Кузмановска бил ставена во пријавата.

Суспендираната обвинителка рече дека не извршла увид во доказите, освен во делови од предметот што се прибавени од Организиран криминал.

Обвинителот ми рече дека имал некој извештај направено од колешката Лиле Стефанова, ја видов кривичната пријава. Ми беше понудено да го видам записникот на изјавата на Муареми, не бев заинтересирана да ја прочитам, само кривичната пријава ја прочитав, истакна обвинителката.

ОЈО Скопје претходно на брифинг со новинарите информираше дека постапува по кривичната пријава за злоупотреба на службена должност при претресот во Управата за финансиска полиција од страна на ОЈО – ГОКК, дека веќе се прибрани материјални докази и сослушан е подносителот на кривичната пријава, а во следните денови ќе се испитаат и пријавените лица.

Подносител на пријавата е Управата за финансиска полиција, а оштетено лице е Арафат Муареми.

Пријавено е дејствието на злоупотреба на службена должност во контекст на нешто што не било созреано за претрес и немало таква документација за претрес, а е направено. Како аргументација кон пријавата е посочен и извештајот од надзорот и тоа што се случувало таму, појаснуваат од ОЈО Скопје.

Управата за финансиска полиција на 8 август годинава, поднесе кривична пријава до Основното јавно обвинителство Скопје против обвинителките Вилма Русковска, Ивана Трајчева и Елизабета Јосифовска, за „злоупотреба на службена положба и овластување“ при претресот во Управата за финансиска полиција извршен на 18 јули годинава.

The post Поднесената кривична пријава Русковска ја смета како притисок кон неа и нејзините колеги appeared first on Република.

Вилма Русковска дала исказ како осомничена во скопското Обвинителство, по пријавата од ексдиректорот на Финансиската полиција, Арафат Муареми. Таа смета дека оваа постапка за нејзе е притисок и испрати порака до обвинителите да внимаваат кон кого поведуваат постапки.

Предметот е во фаза на истрага, додаде суспендираната шефица.„Бев сослушана во својство на осомничена. На постапката гледам како притисок, со воведување на дисциплинската постапка, поднесената кривична пријава“, кажа Русковска.

Таа очекува да се отфрли пријавата против неа. Не ги видела доказите, не знае што има против неа во скопското Обвинителство.

„Спрема мене имаше порано закани и притисоци од поранешна власт“, кажа Русковска без да каже во која година било тоа.

„Бидејќи сум суспендирана, не сум обрнала внимание на заканите“, додаде Русковска и кажа: „Не сум ги пријавила заканите, сметав дека нема потреба“.

Таа конкурирала на новиот конкурс за избор на шеф на ОЈО-ГОКК.

„Да вчера поднесов пријава, очекувам поддршка“, додаде Русковска.

The post Русковска: Очекувам пријавата од Муареми да биде отфрлена, обвинителите да внимаваат кон кого поведуваат постапки appeared first on Република.

Предметите во предистражна постапка што се однесуваат на работењето на Управата за финансиска полиција и на станицата за технички преглед „Виа Комерц“, а по кои до нејзината суспензија од функцијата постапуваше Вилма Русковска, се презаведени и дадени на надлежно постапување на обвинителката Лиле Стефанова од Одделението за гонење на кривични дела сторени од лица со полициски овластувања и припадници на затворската полиција и обвинителата Катерина Коларевиќ од Основното јавно обвинителство за гонење на организиран криминал и корупција.

Од Jавно обвинителство информираат дека назначениот јавен обвинител Трајче Пеливанов за времено раководење со Основното јавно обвинителство за гонење на организиран криминал и корупција донел одлука за формирање четиричлена Комисија за констатирање на состојбата со тековните предмети во обвинителството, која извршила увид и ја попиша целокупната документација по предметите во предистражна постапка што се однесуваат на работењето на Управата за финансиска полиција и на станицата за технички преглед „Виа Комерц“.

Согласно надлежностите предвидени во Законот за јавното обвинителство, предметот оформен по поднесена анонимна кривична пријава против повеќе лица од Управата за финансиска полиција е презаведен и даден на надлежно постапување на јавниот обвинител Лиле Стефанова од Одделението за гонење на кривични дела сторени од лица со полициски овластувања и припадници на затворската полиција. Предметот за станицата за технички преглед „Виа Комерц“ е распореден во работа кај јавниот обвинител Катерина Коларевиќ од Основното јавно обвинителство за гонење на организиран криминал и корупција, се вели во соопштението од ЈО.

Постапувањето по овие предмети, се вели во соопштението, ќе продолжи непречено и јавните обвинители на кои сега им се доверени ќе ги преземат сите дејствија во согласност со Законот за кривична постапка за да ги проверат наводите во поднесените кривични пријави.

По останатите предмети во Основното јавно обвинителство за гонење на организиран криминал и корупција, како што уверувата од ОЈО – ГОКК, нема никаков застој во постапувањето.

Јавниот обвинител Пеливанов во изминатите неколку дена одржа неколку колегиуми со јавните обвинители од Основното јавно обвинителство за гонење на организиран криминал и корупција, се информираше за тековните прашања и ги презеде сите организациски и други надлежности во ова обвинителство, се вели во соопштението од ЈО.

Согласно законските надлежности предвидени во член 28 од Законот за јавното обвинителство, Јавниот обвинител ја започна постапката за вршење редовен надзор врз целокупното работење на Основното јавно обвинителство за гонење на организиран криминал и корупција. Со надзорот над законитото и навременото извршување на јавнообвинителската функција ќе биде направен увид во текот на постапките во ова обвинителство.​

The post Пеливанов ѝ го додели случајот за Муареми на Стефанова appeared first on Република.

Германската влада е заинтересирана за разрешница во случајот со кривичната пријава против Артан Ајро и Арафат Муареми, која ја поднесе Фехми Стафа, државниот правобранител кој мината недела си поднесе оставка, пишува Инфомакс.

Германските истражни органи до овој момент не можат да стапат во контакт со обвинителот Артан Ајро и ексдиректорот на Финансовата полиција Арафат Муареми.

Кривичната пријава на Стафа, ги обвинува ексдиректорот на Финансиската полиција Арафат Муареми, обвинителите Артан Ајро и Гаврил Бубевски дека сториле кривично дело со непостапување согласно законските обврски.

Поранешниот специјален обвинител Артан Ајро, кој сега работи во обвинителството за организиран криминал, неговиот колега Гаврил Бубевски, кој сега е шеф на скопското обвинителство, како и Арафат Муареми, поранешен истражител во СЈО, а сега ексдиректор на Управата за финансиска полиција, се осомничени за злосторничко здружување заради злоупотреба на службена положба и овластување и несовесно работење, пишува Инфомакс.

Повеќе ТУКА

Дека нешто смрди околу поранешните кадри на СЈО и директорот на Финансовата полиција, исто така прозилезен од СЈО, покажа и суспензијата на Вилма Рускоска.

Главниот обвинител Јовески ја суспендираше шефицата на Обвинителството за гонење организиран криминал и корупција, Рускоска поради претресот кај првиот човек на Финансовата полиција Арафат Муареми. За Русковска и колешките, Ивана Трајчева и Елизабета Јосифовска е покренета дисциплинска постапка и се бара утврдување на одговорност за трите обвинителки.

https://republika.mk/vesti/makedonija/dali-joveski-ja-suspendira-ruskovska-poradi-dokazite-koi-gi-poseduva-za-kriminalot-na-muaremi-koi-vodat-do-krimnali-na-visoki-vladini-funkcioneri/

Индикативно, на предлог на Јовески за заменик на Рускоска е назначен обвинителот Трајче Пеливанов, исто така кадар произлезен од СЈО.

https://republika.mk/vesti/makedonija/kadrite-na-sjo-se-vrakjaat-na-golema-vrata-preku-obvinitelstvoto-na-vilma/

Додека шефицата на Обвинителството за гонење на организиран криминал и корупција, Вилма Русковска е под супсензија токму обвинителот Трајче Пеливанов кој речиси две години е во Обвинителството за гонење организиран криминал, по предлог на републичкиот обвинител Љубомир Јовески и одлуката за избор од Советот на јавни обвинители, ќе раководи со оваа институција.Тој, пак, на денот на претресот во Финансова полиција бил во кафеана заедно со тогашниот директор на управата, Арафат Муареми, дознава „Инфомакс“.

https://republika.mk/vesti/makedonija/chovekot-koj-kje-ja-menuva-ruskovska-dodeka-se-odvival-pretresot-vo-finansova-sedel-vo-kafeana-so-arafat-muaremi/

Претходно, Владата ја констатира оставката на државниот правобраните Фехми Стафа. Иако Стафа информира дека ја поднесува оставката од лични причини, се шпекулира дека причина бил пресилниот притисок токму од обвинителите Ајро, Бубевски и од првиот човек на Финансовата полиција Муареми.

https://republika.mk/vesti/makedonija/bozinovski-ostavkata-na-pravobranitelot-stafa-e-rezultat-na-ogromen-pritisok-od-arafat-muaremi-gavril-bubevski-i-artan-ajro/

The post Германските истражни органи ќе го гонат Арафат Муареми, Артан Ајро и Гаврил Бубевски? appeared first on Република.

Обвинителот на поранешното СЈО, Трајче Пеливанов, кој треба да ја менува Русковска, на денот на претресот во Финансова полиција бил во кафеана заедно со тогашниот директор на управата, Арафат Муареми, дознава „Инфомакс“.

Додека шефицата на Обвинителството за гонење на организиран криминал и корупција, Вилма Русковска е под супсензија токму обвинителот Трајче Пеливанов кој речиси две години е во Обвинителството за гонење организиран криминал, по предлог на републичкиот обвинител Љубомир Јовески и одлуката за избор од Советот на јавни обвинители, ќе раководи со оваа институција.

Како што дознава порталот, на дента на фамозниот претрес во Финансова полиција обвинителот Трајче Пеливанов бил во кафеана со тогашниот директор на Финансовата управа, Арафат Муареми и Љуљзим Јашари инспекторот на Финансова кој бил десна рака на директорот во рекетарската шема.

Споменатите биле забележани во ресторанот „Стара градска куќа“ истиот ден додека траел претресот.

„Инфомакс“ стапи во контакт со обвинителот Трајче Пеливанов кого директно го прашавме за што разговарал со Муареми и Јашари додека неговите колеги вршеле претрес во институцијата со која раководи токму Арафат.

На прашањето Пеливанов не одговори, а потоа го исконтактирале и по телефон, а во кус разговор тој на новинарите на „Инфомакс“ им кажал дека бил во гужва и дека не може да разговара.

Два дена по разговорот, „Инфомакс“ се уште не доби одговор за што се разговарало на средбата.

https://republika.mk/vesti/makedonija/kadrite-na-sjo-se-vrakjaat-na-golema-vrata-preku-obvinitelstvoto-na-vilma/

Кој е Трајче Пеливанов

Пред да стане дел од Јавното обвинителство за гонење организиран криминал и корупција, во Специјалното јавно обвинителство (СЈО) работеше четири години од 2015 до 2019 година.

Обвинителската кариера ја започна во Основното јавно обвинителство во Скопје во 2009 година, каде работел до 2015 година.Има обвинителски стаж од 11 години.

Пеливанов на оваа функција ќе остане најмалку до почетокот на следната година бидејќи мандатот на Русковска завршува во ноември, а потоа сигурно ќе бидат потребни уште неколку месеци додека се избере нејзин наследник.

По кадровските промени во Обвинителството за гонење на организиран криминал прашање дали новиот обвинител ќе ги продолжи случаите кои ги започна Русковска, од кои некои допираат до највисоките структури на власта.

Колку заработија „специјалните обвинители“

По 87 илјади евра за 4 години надвор од редовната плата зеле Фатиме Фетаи, Љубомир Лапе, а илјада евра помалку зеле Артан Ајро, Трајче Пеливанов и Гаврил Бубевски. Обвинителката Ленче Ристоска зела најмалку, 72 илјади евра

The post Човекот кој ќе ја менува Русковска додека се одвивал претресот во Финансова седел во кафеана со Арафат Муареми appeared first on Република.

Новинарот Зоран Божиновски, пишува дека правобранителот Фехми Стафа поднел неотповиклива оставка до Владата, како што наведе од „лични причини“, поради силен притисок од луѓе на високи позиции.

Оставката е резултат на шестмесечен ненормален притисок од Артан Ајро, Арафат Муареми и Гаврил Бубевски, врз Стафа да ја повлече кривичната пријава против нив за криминалот со запленетиот имот на Сеад Кочан.

 

„Или повлечи ја кривичната пријава или ќе те снема како Вилма!“, ова е последната закана кон Стафа од оваа криминална тројка, по нивната пресметка со Рускоска... - пишува Божиновски.

Тој додава дека закани биле упатени и до премиерот Димитар Ковачевски.

Слична закана упатиле и кон премиерот ќурка, дека ке го срушат и него заедно со Владата, ако не го разреши Стафа.

 

Зад овие битанги стои Зоран Заев - пишува Божиновски.

The post Божиновски: Оставката на правобранителот Стафа е резултат на огромен притисок од Арафат Муареми, Гаврил Бубевски и Артан Ајро appeared first on Република.

Формирано Специјално јавно обвинителство чија шефица е осудена за корупција, а обвинителството укинато. Обвинителство за организиран криминал времено го раководи обвинителка од растуреното и укинато СЈО зашто нејзината нова шефица од организиран криминал е суспендирана заради грешки во постапка против висок владин функционер.

Малку несоодветен начин за спроведување на идејата „Нема правда, нема мир”!, коментира професорката Ана Павловска Данева околу последните случувања со шефицата на Основното јавно обвинителство за гонење на организиран криминал и корупција, Вилма Русковска, републичкиот обвинител, Љубомир Јовески и директорот на финансиската полиција Арафат Муареми.

The post Данева за аферата Русковска/Муареми: Малку несоодветен начин за спроведување на идејата „Нема правда, нема мир”! appeared first on Република.

Шефицата на Основното јавно обвинителство за гонење на организиран криминал и корупција, Вилма Русковска ќе се жали на суспензијата од републичкиот обвинител, Љубомир Јовески. Таа за „Сител“ вели дека во рокот од 8 дена својата жалба ќе му ја достави на Советот за јавни обвинители. Не сакаше да ги коментира причините поради кои Јовески се решил да ја суспендира.

Русковска, која ги стави во притвор двајца од тројцата генерални секретари на Владите на СДСМ, се сопна на директорот на финансиската полиција Арафат Муареми, исто така кадар на социјалдемократите. По отворената истрага против него, доби кривична пријава и дисциплинска постапка за наводни пропусти во постапката во која вршеше претрес во неговите канцеларии.

https://republika.mk/vesti/makedonija/kalajdziev-ruskovska-napravi-tri-greshki-najserioznata-e-shto-zgazila-vrz-nechija-noga-kade-shto-ne-trebalo/

Со својата фотелја се збогуваше и Муареми. Тој вчера во писмено обраќање рече дека си заминува по сопствена волја за да не пречел на истрагата која треба да се води против него.

Денеска Потпретседателот на Владата Бојан Маричиќ со друг став. Вели, Муареми не си поднел оставка туку му истекол мандатот.

Чистката во институциите кои треба да ја носат борбата против корупцијата во Владата велат дека нема да има влијание во намерата да се расчисти со високиот криминал во државата. Владиниот потпретседател денеска потсети на реализираните предмети, но само против функционерите на поранешната власт.

Но суспензијата на Русковска и заминувањето на Муареми доаѓаат на средина од отворената истрага против директорот на финансиската полиција во која Обвинителството за органзиран криминал чека цела пратка на докази за кои смета дека би можеле функционерот на СДСМ да го поврзат со криминал. Во ситуација кога на Русковска и е забрането да се доближува до Обвинителството, останува нејасно кој ќе ја прими и обработи целата документација и какви услови ќе има за реална борба против евентуалната корупција во оваа државна институција.

Суспензија на Русковска веројатно ќе биде една од последните одлуки кои ги донел Јовески имајќи предвид дека тој во моментов го чека мнозинството на СДСМ и ДУИ кое треба да му обезбеди 9 години фотелја како судија во Уставниот суд.

The post Русковска ќе се жали на одлуката за суспензија, владата тврди дека на Муареми му истекол мандатот appeared first on Република.

Што се случува во триаголникот Вилма Рускоска, Љубомир Јовевски и Арафат Муареми? Денеска главниот обвинител Јовески ја суспендираше шефицата на Обвинителството за гонење организиран криминал и корупција, Рускоска поради претресот кај првиот човек на Финансовата полиција Арафат Муареми.

– Во согласност со член 93 од Законот за јавното обвинителство, Јавниот обвинител на Република Македонија денеска поднесе предлог за поведување дисциплинска постапка за утврдување одговорност на тројца јавни обвинители, за кои постои сомнение дека намерно и неоправдано направиле крупна професионална грешка со што сториле тешка дисциплинска повреда од член 91 алинеа 6 од Законот за јавното обвинителство, се вели во соопштението од Јавното обвинителство.

За Русковска и колешките, Ивана Трајчева и Елизабета Јосифовска е покренета дисциплинска постапка и се бара утврдување на одговорност за трите обвинителки.

Многу набрзо беше објавено дека еден од суспендираните обвинители е токму Русковска. Таа и официјално потврди дека е суспендирана, по што со придружба ја напушти зградата на Обвинителството. Љубомир Јовески, за Фокус изјави дека Рускоска сѐ уште ги нема доставено одговорите околу спорниот претрес во Финансиската полиција, кои од неа тој ги побарал.

Брзо по суспензјата на Русковска, оставка поднесе и Муареми. Тој потврди дека заминува заради одлуката на Јовески и за да нема сомнеж дека тој може да влијае на постапката која ја води Обвинителството против органзииран криминал.

Ваквата одлука ја носам со цел во јавноста да не постои ни најмал сомнеж во интегритетот, непристрасноста и независноста на постапката која што и понатаму останува да се води во Основното јавно обвинителство за гонење на организиран криминал и корупција, вели Муареми.

Јовески може да поднесе дисциплинска постапка во неколку сличаи а еден од нив е намерно или неоправдано се направи крупна професионална грешка. Муареми се жалеше до државниот обвинител дека Русковска со колешките извршиле незаконски претрес во канцелариите на Управата, а Јовески испрати двајца обвинители за да проверат што и како се работи во Организиран. Во извештајот констатираа дека има неправилности при постапувањето во предметот. Судирот во истражните органи трае веќе еден месец. Од друга страна, Русковска побара помош и од меѓународните институции поради притисокот на власта за откриените криминали на владини функционери.

Јавноста веќе почна да прашува зошто Јовески ја суспендираше Русковска доколку навистина има докази за криминали на високи функционери?! Дали аферата со Муареми носи до криминали на имиња многу поголеми од Арафат? Дали Муареми и Финансовата полиција рекетирале физички и правни лица? Зошто Муареми поднесува оставка доколку се работи за грешка на Рускоска? Дали Јовески по нечие барање ја суспендира Рускоска? Дали сето ова се прави за мир во куќа, односно за мир меѓу СДСМ и ДУИ?! Кои се владините функционери и моќници кои се инволвирани во криминал а за кои Рускоска зборуваше и бараше помоѓ од меѓународни институции поради притисокот кој бил вршен врз неа? Кој од владата на Зоран Заев и Димитар Ковачевски се инволвирани за криминалите за кои Рускоска зборуваше, а Јовески не и дозволи да ги обелодени и истера до крај? Има ли министри кои се на власт во списокот на Рускоска за криминали на влдини функционери? Кои се тие?

Како започна сѐ?

Откако беше направен претрес во УФП пред повеќе од еден месец, за кој во почетокот имаше молк и не се соопштуваше ништо, освен дека е сторен по пријава што стигнала од ОЈО ГОКК од граѓани уште во мај, се огласи Муареми со обвинување во јавноста дека претресот што се врши од ОЈО ГОКК е надвор од вообичаените процедури. Тој тврдеше дека во налогот пишувало дека треба да уследи претрес во неговиот дом, а се вршел во просториите на УФП. Покрај тоа во налогот не било посочено што се бара, што беше протолкувано како надвор од Законот за кривична постапка и злоупотреба и на Судот, кој издал налог за претрес без основани сомневања за сторено кривично дело. Муареми испрати претставка до Јавниот обвинител Љубомир Јовески и до Советот на Јавните обвинители, а подоцна и до Судскиот совет. Рускоска тврдеше дека сè е законски. Како што тогаш реле нема потреба од нервозна реакција на Муареми. Но Јовевски на 1 август излезе со соопштение во кое беше посочено дека има повеќе нарушени процедури во постапувањето на ОЈО ГОКК.

При заведувањето на оформениот предмет нарушена е хоризонталната надлежност и организацијата на Јавното обвинителство. Кривичната пријава се однесува на лица од Управата за финансиска полиција, кои имаат полициски овластувања, а по таквите пријави надлежно е да постапува Специјализираното одделение за гонење на кривични дела извршени од лица со полициски овластувања и припадници на затворската полиција. Според тоа, тројцата јавни обвинители од Основното јавно обвинителство за гонење на организиран криминал и корупција кои постапувале по овој предмет, а не се дел од Специјализираното одделение, ненадлежно постапувале по кривичната пријава – стоеше во соопштението од Јовески.

Рускоска му порача на Јовески да не се меша во постапувањето по конкретен предмет. Таа нагласи дека се истражува и постапувањето на Муареми, кој е избрано и именувано лице од Владата и прашање е дали воопшто може да се смета за лице со полициско овластување, а уверена е и дека ЈО излегува од законот, наведувајќи дека нема право да дава препораки и упатства.

Покрај тоа што немаат законско право да се мешаат во постапување по конкретен предмет, прашање е дали директорот има полициски овластувања со оглед на тоа што го именува Владата. Јавниот обвинител на Република Македонија и јавните обвинители на јавните обвинителства не може да донесуваат упатства и насоки кои се однесуваат на работата на конкретни предмети на јавните обвинители – рече Русковска.

Но таа не го коментираше тврдењето на Јовески околу налогот од Судот и како Русковска го обезбедила:

Во образложението на барањето на Судот погрешно му се даваат податоци дека Јавното обвинителство има основи на сомнение дека е сторено кривично дело, а во списите од предметот има само анонимна кривична пријава. Анонимната кривична пријава и конкретните наводи во неа, непоткрепени со ниту еден доказ или со други средства, можат да бидат повод за поведување кривична постапка, но таа не обезбедува определен степен на веројатност дека ќе се пронајдат траги на кривичното дело или предмети важни за кривичната постапка за да има основи за барање на претрес на простории на државен орган и претрес на лице.

Покрај тоа, во образложението на барањето за издавање на наредба за претрес се наведува дека во предметот се води предистражна постапка, а при увидот е констатирано дека во списите постои само барање за претрес и писмо, кои се први дејствија преземени во постапката по анонимната кривична пријава – се вели во Соопштението од надзорот што го сториле двајца обвинители распоредени да вршат надзор по претставки и по налог на Јовески.

Муареми најави дека ќе поднесе кривични пријави против трите обвинителки од ОЈО ГОКК, Вилма Русковска, Ивана Трајчева и Елизабета Јосифовска, за злоупотреба на службената положба и овластување и фалсификување службена исправа. Тој обвинуваше дека Обвинителството не постапувало по предмети кои Финансовата полиција ги испраќала. Е зошто Муареми до претресот не запрашал што е со предметите кои тие ги испраќале до Обвинителството, одговор нема.

Русковска побара од надлежните органи, но и од меѓународниот фактор да се инволвирал во целиот случај и да ја спасат од притисокот што незаконски и го прават во име на криминалот:

Јас како обвинител со стаж повеќе од 34 години, во кои обвинител за организиран криминал од самото основање на Одделението за организиран криминал на ЈОРМ далечната 2004 година, нема да дозволам лице за кое се проверува постапувањето да ми го валка образот и честа кои долги години макотрпно сум ги градела. Честа, угледот, поштењето, ги имам научено од мала возраст од моите родители кои и двајцата се бореле со фашистите за денешна слободна и независна Македонија. Татко ми беше потполковник на дивизија во НОВ, закопан со бугарски куршум. Мајка ми партизанка која лежела во бугарски затвор и која се борела и на Сремскиот фронт“, стои во обраќањето на Русковска до јавноста и до амбасадите.

Таа ги повика надлежните институции во државата, какои сите меѓународни институции и амбасади, пред сè Амбасадата на САД и Канцеларијата на ЕУ, еднаш засекогаш да ги проверат сите факти и да се расчисти – кој во оваа држава се бори против криминалот, а кој го прави криминалот.

-Исто така, ја замолувам и Европската обвинителка Лаура Ковеси, ако е во можност, да дојде и да ги провери сите предмети на Обвинителството за гонење организиран криминал и корупција, откако јас сум на чело на Обвинителството, со посебен осврт на предметите за Рашковски, Зеќири и овој најновиот, за Муареми“, повикува Русковска.

Се огласи и Муареми:

Ја повикувам Вилма Русковска, доколку располага со сознанија и информации за сторен криминал од моја страна – истите да ги докаже и на јавноста да ѝ пласира обвинителен акт против мене, а не празни и неосновани сознанија и информации, дискредитирајќи ја во целост функцијата која ја извршува. Негонење на криминал поради притисоци претставува кривично дело, обвинителке. А вашата чест и углед е беспредметнo да ги коментирам. Се придружувам и јас кон вашиот повик до амбасадите и сите страни на кои се повикувате за ‘помош’ – нека го потврдат и тие она што Јавниот обвинител на Република Македонија го утврди со надзорот над вашето незаконско работење и неетичко постапување. Одговорност за вашето самоволие мора да има.

Што сега по суспензијата на Русковска?

Русковска е суспендирана. Јовески на некој начин ја запре постапката која таа ја започна и за која тврдеше дека има докази за криминали на високи функционери. Дали тоа ќе биде крај на истрагата на Обвинителството?! Ја одигра ли Јовески улогата на медијатор, направи ли чекор по нарачка за да ги задоволи двете страни?! Што се кријат доказите на Рускоска? Зошто поита Јовески да го спречи она кое Рускоска го започна и за кое тврдеше дека има докази?

Излегуваат разни тврдења, муабети, непотврдени информации. Се зборува и за докази за љубовни афери во финансовата полиција кои траат со години наназад и кои имаат влијание врз работењето и функционирањето на институцијата. Но да се надеваме дека прво ќе ги видиме доказите и имињата на инволвираните високи функционери, па потоа и за аферите.

Кој е Арафат Муареми?

40-годишниот прв човек на Финансовата полиција прв пат беше назначен за в.д директор на оваа институција во 2017 година, а во 2018 година стана директор. На 15 февруари годинава му истече четиригодишниот мандат, и владата повторно го назначи за в.д директор со мандат од шест месеци, со можност за негово продолжување од уште шест месеци. Денеска поднесе оставка за да не влијаел на постапката која се води.

Муареми го врзуваат многу афери. Беше објавена снимка пред избори на која директорот на Финансиската полиција се заканува со инспекции.

Во јули годинава беше објавено дека против него е поднесена кривична пријава од граѓанин поради Злоупотреба на службената положба и овластувања, насилство и малтретирање во вршење на служба.

Неофицијално, Муареми во јавноста се споменува како дел од случаи за кои се води постапка во Јавното обвинителство за организиран криминал за вршење притисок врз правни субјекти кои биле рекетирани и уценувани да исплатат „црни пари“, а за возврат институциите да не ги гонат за кривични и други дела сторени од нив.

Архивата вади повеќе наслови поврзани со Муареми:

„(Документи )Катиљ ферманот на Арафат Муареми – треба да дадеш 50.000 евра за директорот за да се смири ситуацијата!“

„Киднапирање, уцени, закани и рекет: Како оперирал Арафат Муареми?“

„Од 2017-та преку Еуростандард банка се пepeле пари?“

https://republika.mk/vesti/makedonija/ujp-i-finansiskata-policija-rekeratski-duvla-obvinuva-vmro-dpmne/

https://republika.mk/vesti/crna-hronika/istragata-treba-da-pokaze-dali-vo-finansiskata-policija-se-sproveduvale-fiktivni-istragi/

The post Дали Јовески ја суспендира Русковска поради доказите кои ги поседува за криминалот на Муареми кои водат до кримнали на високи владини функционери? appeared first on Република.

Топ тема попладнево е суспензијата на обвинителката за организиран криминал и корупција Вилма Рускоска и оставката на директорот на Финансиската полиција, кадар на ДУИ, Арафат Муареми.

The post Мицковски: Ова егзитов за Русковска у пакет иде со прославава за Рамковен appeared first on Република.

Директорот на Управата за финансиска полиција Арафат Муареми, информира дека по своја сопствена волја се повлекува од функцијата в.д директор на Управата за финансиска полиција, имајќи ја предвид одлуката на Јавниот обвинител на Република Македонија Љубомир Јовески да поведе постапки за утврдување дисциплинска одговорност за сите три јавни обвинителки и да ја суспендира Вилма Русковска од функцијата основен јавен обвинител на Основното јавно обвинителство за гонење на организиран криминал и корупција поради незаконитото постапување и злоупотребата на службената положба и овластување, пренесува МИА.

Ваквата одлука ја носам со цел во јавноста да не постои ни најмал сомнеж во интегритетот, непристрасноста и независноста на постапката која што и понатаму останува да се води во Основното јавно обвинителство за гонење на организиран криминал и корупција, се вели во соопштението до медиумите од Управата за финансиска полиција.

Од Управата, исто така, нагласуваат дека денешната одлука на Јавниот обвинител на Република Македонија дава јасна порака дека законите мора сите да ги почитуваат и оти злоупотребите на функциите за лични цели се недозволиви.

Како што информираа денеска од Јавното обвинителство, Јавниот обвинител на Република Македонија Љубомир Јовески, денеска поднел предлог за поведување дисциплинска постапка за утврдување одговорност на тројца јавни обвинители, за кои постои сомнение дека намерно и неоправдано направиле крупна професионална грешка со што сториле тешка дисциплинска повреда од член 91 алинеја 6 од Законот за јавното обвинителство. Врз основа на член 81 од Законот за јавното обвинителство, Јовески, исто така, донел Решение за оддалечување од функцијата на шефицата на Основното јавно обвинителство за гонење на организиран криминал и корупција, Вилма Русковска додека трае кривичната постапка поведена по поднесена кривична пријава.

The post Арафат Муареми се повлече од функцијата: Сам се повлекувам, за јавноста да нема сомнеж дека вршам притисоци appeared first on Република.

Цели десет дена откако државниот обвинител Љубомир Јовески ја посочи како надлежна да го гони шефот на Финансиската полиција обвинителката Гордана Смаќовска не презема ништо против Арафат Муареми, пишува Експрес.мк.

Според порталот, Јовески, кој ја нападна обвинителката за организиран криминал Вилма Русковска и испрати обвинители да истражуваат дали таа со право го гони Муареми, влезе во замка со изјавата дека Русковска не смеела да го гони шефот на Финансиската полиција затоа што за него надлежна е обвинителката која ги покрива полициските службеници.

Анонимна кривична пријава за случајот со шефот на финансиска полиција во организиран криминал пристигнала на 3 мај годинава а обвинителите побарале налог за претрес од судот по два ипол месеци, на 18 јули. Анонимна пријава за Муареми пристигнала и во Аникорупциската комисија. Во меѓувреме медиумите објавија за нова кривична пријава против Муареми од дебарски бизнисмен.

Јовески во нападот врз работата на Русковска констатира и дека ненадлежни обивнители го вршеле претресот против Муареми. Според него требало да постапуваат обвинители од одделението специјализирано за лица со полициски овластувања затоа што Муареми се смета за полициски службеник.

Одговорна за гонење на полициски службеници е обвинителката Гордана Смаќовска, која иако е посочена од Јовески цели десет дена не покренува истрага за Муареми.

Дали таа сама одлучила дека нема криминал во работата на Муареми или пак има ,,сугестии” од повисоки инстанци да не го гони шефот на Финансиската полиција ќе се истражува најрано кога Јовески ќе замине во уставниот суд или најдоцна кога ќе биде избран нов државен обвинител од нова влада.

По прозивањето на Јовески на Смаќовска како одговорна за полициски службеници, луѓе во Јавното обвинителство очекувале дека таа ќе почне истражни дејствија со цел да утврди дали Муареми рекетирал бизнисмени.

За да го расчисти случајот, Јовески морал да ѝ наложи на Смаќовска да го истражува Муареми затоа што вака излегува дека тој сака да го спаси шефот на Финансиската полиција, тврдат луѓе во скопското јавно обвинителство.

Тие тврдат дека досега Смаќовска воопшто не започнала истрага за жешкиот предмет во кој е вклучен функционер близок на Зоран Заев, а кој ја има поддршката од премиерот Ковачевски.

Смаќовска полани беше дел од нерасчистен непотистичко-корупциски скандал кога нејзината ќерка беше вработена во правосудството како дел од Академијата за судии и обвинители.

Таа досега не се истакна со прогон на било кој полициски службеник иако јавноста знае за најмалку десетина крупни скандали во кои се инволвирани полицајци или луѓе од безбедносните служби.

The post Само Смаќовска може да го гони Муареми, но неа никаде ја нема appeared first on Република.

Директорот на Финансиската полиција Арафат Муареми во текот на денешниот ден се очекува до Основното јавно обвинителство да ги достави најавените кривични пријави против обвинителите кои упаднаа во неговата канцеларија, објави Алсат-М.

Пријавите против Вилма Русковска, Ивана Трајчева и Елизабета Јосифовска од Обвинителството за гонење организиран криминал се однесуваат на злоупотреба на службената положба и фалсификување службена исправа.

Неофицијално, пријавата се заснова на извештајот од надзорот на Основното обвинителство на Љубомир Јовески, во кој се констатирани низа неправилности при извршената контрола во Финансиската полиција од страна на Обвинителството за организиран криминал.

Според Финансиската полиција, обвинителите до судот доставиле лажни и невистинити податоци за да добијат наредба за претрес, без да се почитува Законот за кривична постапка.

Од друга страна, обвинителката Русковска, по најавите за тужби од Муареми, истакна дека врз неа се врши притисок и предупреди дека ќе ги објави наодите за кои тврди дека ги има против Муареми.

Од друга страна, тој побара од Русковска да поднесе обвинение против него доколку има докази.
Поддршка за своите постапки Русковска не доби ниту од Здружението на јавни обвинители. Всушност, тие рекоа дека таа му наштетува на угледот на обвинителите и го прекршила нивниот етички кодекс.

Конфликтот Русковска-Муареми експертите го оценија како криза на правосудниот систем која нема лесно да се реши поради политичките влијанија.

The post Сега Муареми ќе ја тужи Русковска appeared first on Република.