Пуштено е на домашно лекување, 20-годишното момче кое беше тешко повредено при пукање во Арачиново на 1 ноември. Тогаш беше убиен 56-годишниот татко на момчето.

- Во врска со вториот пациент, примен на 1 ноември во Ургентниот центар со прострелни рани, информираме дека пациентот е во добра општа здравствена состојба и пуштен на домашно лекување, соопштија вечерва од ТОАРИЛУЦ.

Како што појаснуваат, медицинските екипи кај овој пациент веднаш ја извршиле неопходната дијагностика, по што била извршена хируршка интервенција, што поминала во најдобар ред.

Од Секторот за внатрешни работи - Скопје на 3 ноември информираа дека ги расчистиле убиството и обидот за убиство врз таткото и синот. Убиството било извршено со огнено оружје. Бил утврден идентитетот на сторителите - две лица на возраст од 23 и 31 година.

Осомничените, како што соопшти тогаш Јавното обвинителство, заеднички и со умисла на подмолен начин лишиле од живот едно лице, а се обиделе да го лишат од живот и неговиот син, поради нерасчистени должничко доверителски односи - долг од 7.000 евра, што, сега починатиот, го имал кон покојниот татко на осомничените.

The post Пуштено на домашно лекување момчето тешко повредено при пукање во Арачиново appeared first on Република.

Пуштено е на домашно лекување, 20-годишното момче кое беше тешко повредено при пукање во Арачиново на 1 ноември. Тогаш беше убиен 56-годишниот татко на момчето.

Во врска со вториот пациент, примен на 1 ноември во Ургентниот центар со прострелни рани, информираме дека пациентот е во добра општа здравствена состојба и пуштен на домашно лекување, соопштија вечерва од ТОАРИЛУЦ.

Како што појаснуваат, медицинските екипи кај овој пациент веднаш ја извршиле неопходната дијагностика, по што била извршена хируршка интервенција, што поминала во најдобар ред.

Од Секторот за внатрешни работи - Скопје на 3 ноември информираа дека ги расчистиле убиството и обидот за убиство врз таткото и синот. Убиството било извршено со огнено оружје. Бил утврден идентитетот на сторителите - две лица на возраст од 23 и 31 година.

Осомничените, како што соопшти тогаш Јавното обвинителство, заеднички и со умисла на подмолен начин лишиле од живот едно лице, а се обиделе да го лишат од живот и неговиот син, поради нерасчистени должничко доверителски односи - долг од 7.000 евра, што, сега починатиот, го имал кон покојниот татко на осомничените.

https://republika.mk/vesti/crna-hronika/svr-skopje-go-raschisti-ubistvoto-vo-arachinovo/

The post Ги пукаа за долг од 7000 евра – таткото загина, синот пуштен на домашно лекување appeared first on Република.

Во врска со извршеното кривично дело „убиство" на 01.11.2024 во скопско Арачиново, каде со огнено оружје беше убиен С.А. (56) од село Арачиново, a Х.А. (20) од село Арачиново, се здобил со прострелни рани, од страна на Единицата за насилен криминал при СВР Скопје преземени се мерки и активности, при што е утврден идентитетот на сторителите и тоа Ш.Ш. (23) од с.Арачиново и Е.Ш. (31) од с.Арачиново.

ОД МВР денеска соопштија дека исто така е утврдено и возилото со кое е извршено кривичното дело „ауди А5" со скопски регистерски ознаки, во сопственост на Е.Ш., кое е пронајдено и одземено.

- На 02.11.2024 од страна на ЕНК-ОКСД во координација со ОЈО Скопје поднесена е кривична пријава по брза постапка против Ш.Ш. за кривично дело „убиство" предвидено и казниво по член 123 од КЗ и кривично дело „убиство" предвидено и казниво по член 123 во врска со член 19 од КЗ и кривична пријава против Е.Ш. за кривично дело „убиство" предвидено и казниво по член 123 во врска со член 22 од КЗ и кривично дело „убиство" предвидено и казниво по член 123 во врска со член 19 во врска со член 22 од КЗ, при што Е.Ш. е лишен од слобода, а Ш.Ш. е во бегство и се преземаат мерки за негово пронаоѓање..

Од страна на Судија на претходна постапка на двете пријавени лица им е одредена мерка притвор во траење од 30 дена, појаснуваат во соопштението од МВР.

The post СВР Скопје го расчисти убиството во Арачиново appeared first on Република.

Дежурен јавен обвинител од Основното јавно обвинителство Скопје синоќа изврши увид во Арачиново, каде во оружен инцидент едно лице е лишено од живот, а уште едно е потешко повредено.

Се преземаат сите дејствија за расчистување на настанот. Од лице место се подигнати траги и материјални докази, обезбедени се и се прегледуваат снимки од видео надзор, на телото на починатиот ќе се врши обдукција. Првичните сознанија упатуваат на нерасчистени должничко-доверителски односи како можен мотив на сторителите, од кои едниот е лишен од слобода, а по другиот се трага“, велат од ОЈО Скопје.

Според МВР вчера, 01.11.2024 околу 19 часот од Ургентен центар Мајка Тереза во СВР Скопје е пријавено дека со повреди од огнено оружје биле донесени С.А. и А.А. од Арачиново. Според пријавеното, во нив било пукано со огнено оружје од страна на две лица кои биле со возило „Ауди“.

The post Се должеле пари: Можен мотив за вчерашното убиство во Арачиново appeared first on Република.

Во Клиничкиот центар „Мајка Тереза“ примени се двете повредени лица во оружениот инцедент што попладнето се случи во селото Арачиново.

Еден од повредените починал, а кај другиот ќе биде извршена хируршка интервенција, потврдуваат за МИА од Ургентниот центар.

Претходно од МВР информираа дека две лица се повредени од огнено оружје во инцидент што се случил вечерва во скопско Арачиново.

На 01.11.2024 околу 19 часот од Ургентен центар Мајка Тереза во СВР Скопје е пријавено дека со повреди од огнено оружје биле донесени С.А. и А.А. од с. Арачиново.

Според пријавеното, во нив во с.Арачиново било пукано со огнено оружје од страна на две лица кои биле со возило „Ауди“, наведуваат од МВР и додаваат дека се преземаат мерки за расчистување на случајот.

The post Почина еден од повредените во пукањето во Арачиново appeared first on Република.

Две лица се здобиле со повреди од огнено оружје во инцидент што се случил вечерва во село Арачиново, потврдија од МВР за МИА.

- На 01.11.2024 околу 19 часот од Ургентен центар Мајка Тереза во СВР Скопје е пријавено дека со повреди од огнено оружје биле донесени С.А. и А.А. од с. Арачиново. Според пријавеното, во нив во с.Арачиново било пукано со огнено оружје од страна на две лица кои биле со возило “Ауди”, наведуваат од МВР.

Се преземаат мерки за расчистување на случајот. 

The post Вечерва пукање во Арачиново најмалку двајца ранети appeared first on Република.

Од СВР Скопје информираат дека го расчистиле кривично дело „убиство во обид" и кривичното дело „предизвикување општа опасност" во случајот со пукањето во Арачиново на крајот на август, кога беше ранет млад арачиновец.

https://republika.mk/vesti/crna-hronika/pukane-vo-arachinovo-raneto-e-24-godishno-momche/

Во врска со кривично правниот настан случен на 29.08.2024 околу 21 часот во с.Арачиново, скопско, каде што со огнено оружје е пукано кон А.И. (25) и В.Б. (29) од с.Арачиново, при што со прострелни рани се здобил А.И. и бил пренесен во комплекс клиники „Мајка Тереза“ за укажување на лекарска помош, од страна на полициски службеници од Единицата за насилен криминал - Одделение за крвни и сексуални деликти извршени се претреси на повеќе локации во с.Арачиново, при што од слобода е лишен Е.А. (22) од с.Арачиново.
Од страна на ЕНК-ОКСД поднесена е кривична пријава против Е.Б. (29), В.А. (27) и Е.А. (22), сите од с. Арачиново за кривично дело обид за убиство по член 123 во врска со член 19 од КЗ и кривично дело „предизвикување општа опасност” по член 288 од КЗ. Од страна на судија на претходна постапка на лицето Е.А. определена му е мерка притвор во времетраење од 30 дена, соопштуваат оттаму.

The post Расчистен обидот за убиство во Арачиново, ќе им се суди на три лица appeared first on Република.

Во пукање кое се случило во Арачиново доцна синоќа, едно лице е тешко рането.

Според информациите од Министерството за внатрешни работи (МВР), инцидентот се случил на 28.08.2024 година околу 21 часот. Во СВР Скопје е пријавено дека непознат напаѓач пукал кон А.И. (24) од село Арачиново, кој претрпел повреди и бил пренесен во комплексот клиники „Мајка Тереза“ за медицинска помош.

МВР потврди дека се преземаат мерки за расчистување на случајот и истрагата е во тек.

The post Пукање во Арачиново, рането е 24-годишно момче appeared first on Република.

Во понеделникот во периодот од 17.30 до 21.00 часот, полициски службеници од Единицата за насилен криминал при СВР Скопје ги лишиле од слобода Г.Т.(37), Н.С.(39) и Д.С.(34), сите од Скопје, постапувајќи по претходна пријава од К.Б.(35) од Скопје.

Според пријавата, на 01.06.2024 околу 12.45 часот со патничко возило „форд“ со скопски регистарски ознаки го однеле во близина на гробиштата во с.Арачиново, скопско, каде што го држеле без негова волја и физички го нападнале. Според пријавеното, тој успеал да избега после некое време. По целосно документирање на случајот ќе следува соодветна кривична пријава, велат од МВР.

The post Го одвеле на гробиштата во Арачиново и го тепале appeared first on Република.

На 22.05.2024 во 18:30 часот во СВР Скопје било пријавено дека во двор од семејна куќа во с.Арачиново, скопско, поради нерасчистени имотно-правни односи, бил нарушен јавниот ред и мир со физичка пресметка помеѓу М.Ј.(28) и Б.Ј.(32), двајцата од с.Арачиново.

По целосно документирање на случајот ќе следува соодветен поднесок.

The post Тепачка во Арачиново поради нерасчистени имотно-правни односи appeared first on Република.

Оџата од Општина Арачиново за муслиманскиот празник Рамазан Бајрам добил подарок автомобил „мерцедес“ како „благодарница за неговиот придонес за арачиновци“.

„Мерцедесот“ е подарок од советници и од жители на Арачиново.

The post Оџата од Арачиново доби „мерцедес“ за Рамазан Бајрам appeared first on Република.

Две лица се приведени под сомнение за помагање во вчерашниот обид за атентат врз градоначалникот на Арачиново. Извори од МВР велат дека полицијата се уште е на терен и се прават напори да се идентификува и приведе напаѓачот кој вчера со автоматска пушка отвори оган врз Ридван Ибраими, кој доаѓа од редовите на ДУИ, објави Сител телевизија.

Тој својот мандат нема да го памети по добро бидејќи откако стана градоначалник ова е трет пат полицијата да добие пријава дека бил нападнат. Лани пријавил дека му се заканувал 69 годишен арачиновец, а во 2022 бил физички нападнат од неколку лица кои како што и кажал на полицијата ги предводел член на семејството на поранешниот градоначалник на Арачиново и прв човек на огранокот на ДУИ во оваа општина Брахим Ајвази. Иако мотивите за последниот напад се уште официјално не се познати, во медиумите веќе се шпекулира дека станува збор за внатрепартиска пресметка во ДУИ, позиција која Ахмети денеска не беше многу расположен да ја коментира.

The post Две лица се приведени за помагање во вчерашниот обид за атентат врз градоначалникот на Арачиново appeared first on Република.

Во однос на Арачиновскиот Европски фронт на СДС и ДУИ имаме само едно прашање за кое што молиме за одговор, а тоа е согласно кој дел од преговорите со ЕУ и кое поглавје е ова пукање во Арачиново?, прашува ВМРО-ДПМНЕ.

https://republika.mk/vesti/crna-hronika/sdsm-e-kreator-poddrzhuvach-i-logistichar-na-kriminalnite-bandi-na-dui/

The post Прашање до СДСМ и ДУИ: Во кој дел од преговорите со ЕУ е пукањето во Арачиново? appeared first on Република.

После соопштението на СДС дека Панче Тошковски е крив за безбедносната ситуација и фактот што има обид за убиство на нивен коалициски градоначалник, МВР можеби стварно треба да влезе во СДС за да провери некој да не упаднал во седиштето на партијата, превземал контрола и пушта вакви глупости во јавност, велат од ВМРО-ДПМНЕ.

СДС е креатор, поддржувач и логистичар на криминалните банди на ДУИ кои се пресметуваат меѓу себе. Тој е деветогодишен систем граден лично од Оливер Спасовски, Зоран Заев и Димитар Ковачевски. Тие стапија во брак со криминалците, добиваа услуги, им полнеа за кутии, а за возврат власта на Спасовски, Заев и Ковачевски требаше да замижи пред секој нивен криминал. Сега се плаќа цехот.

СДС треба да побара одговори за состојбите од нивниот стопан Али Ахмети, од Артан Груби, и од Спасовски. Ако се толку загрижени по истиот принцип ќе побараат одговори и за модуларната болница, за да не мислат дека кабелот е крив за десетици жртви, за трагедијата во Ласкарци, автобуската несреќа во Бугарија, за погромот на Онкологија и препродажба на цитостатици. Се дотогаш СДС, Ковачевски и Зечевиќ може само да го бројат времето за вистинско соочување со правдата, кое следи веднаш по изборите во мај. Тогаш Македонија ќе стане повторно во сопственост на секој еден граѓанин, за сметка на криминалните банди на СДС и ДУИ.

The post СДСМ е креатор, поддржувач и логистичар на криминалните банди на ДУИ appeared first on Република.

Дежурен јавен обвинител од Основното јавно обвинителство Скопје извршил увид на лице место и издал наредби за прибирање траги и вршење соодветни вештачења, информираат од ОЈО Скопје во врска со пукањето кон градоначалникот на Општина Арачиново, Ридван Ибраими, во кое се повредени две лица кои биле заедно со гроначалникот.

Од Обвинителството дополнуваат дека ќе биде издадена и наредба за обезбедување снимки од видео надзор од околни објекти, како и за преземање други дејствија.

Претходно, од Министерството за внатрешни работи информираа дека во СВР Скопје денеска е пријавено дека на влез на село Арачиново машко лице со автоматска пушка пукало кон градоначалникот на Општина Арачиново Ридван Ибраими, кој бил заедно со уште неколку лица. Оттаму соопштија дека градоначалникот не е повреден, а како што наведоа, не се точни ниту шпекулациите објавени во дел од порталите дека е повреден полициски службеник.

Техничкиот министер за внатрешни работи, Панче Тошковски, претходно за МИА потврди дека во престрелката е погоден возачот на градоначалникот, а пукано е и кон уште едно лице вработено во општината.

Повредениот е донесен во Ургентниот центар во Скопје.

Директорот на Клиниката за Торакална хирургија во скопскиот Клинички Центар, Неџати Јакупи за телевизија Телма изјави дека во Клиниката е донесено момче на околу 30-годишна возраст со прострелни рани на градниот кош.

Раните се за итна операција, поради што веќе влегуваме во сала, изјави Јакупи.

The post Обвинителството со детали за пукањето во Арачиново: Ќе биде издадена и наредба за обезбедување снимки од видео надзор appeared first on Република.

Инцидент во кој во Арачиново е пукано врз градоначланикот на општината Ридван Ибраими, ја потресе јавноста. Според информациите од МВР, нападот се случил додека градоначалникот се движел во своето возило. Во нападот има двајца ранети, но градоначланикот не е повреден.

Од полицијата за „Порталб“ го потврдуваат случајот.

Денеска во 13:25 часот во СПБ Скопје пријавено е дека на влез во село Харачина машко лице со автоматска пушка пукало во градоначалникот на општина Харачина Р.И., кој бил заедно со повеќе лица. Таму се повредени две лица кои биле заедно со градоначалникот“, наведуваат од полицијата и додаваат дека се работи на расчистување на случајот.

Од полицијата потенцираат дека градоначалникот не е повреден и додаваат дека не се точни шпекулациите дека има и повредени полицајци.

Во врска со инцидентот во Харачина, дежурен јавен обвинител од Основното јавно обвинителство Скопје изврши проверки на местото на инцидентот, даде наредба за подигање на трагите и вршење на соодветно вештачење“, соопштија од Обвинителството, додавајќи дека наредбата е дадена и за обезбедување на снимки од камерите пронајдени во објектите во близина на местото на настанот.

Во инцидентот сериозно е повреден возачот на градоначалникот на општина Арачиново.

Тој има прострелна рана во градниот кош. Се работи за момче на околу 30 години“, изјави во разговор за „Телма“, Неџати Јакупи, директор на Клиниката за торакална хирургија при Клиничкиот центар во Скопје.

Истрелите кон Ибраими дошле од автомобил во движење.

На местото на настанот има многу полицајци, додека влезовите и излезите на Харачина се блокирани.

The post Полицијата откри детали за атентатот врз градоначалникот на општина Арачиново appeared first on Република.

Во престрелка недалеку од Скопје извршен е напад врз градоначалникот на Арачиново Ридван Ибраими, при што се ранети се две лица.

По информацијата дека со автоматска пушка е пукано во градоначалникот на Арачиново, на социјалните мрежи се појави видео од местото каде што се пукало, објави српски „Блиц“.

Видеото на следниот ЛИНК.

Директорот на скопската клиника по хируршки болести „Свети Наум Охридски“, Љубен Арсенков, изјави дека во таа болница е донесен 39-годишен маж со прострелна рана во пределот на рамото, која ја добил при пукање во Арачиново.

Станува збор за машко лице, истиот е надвор од животна опасност и е сместен на одделението за интензивна нега. Лицето било донесено пред околу еден час, при што се здобило со прострелна рана во десното рамо“, изјави Арсенков за агенцијата МИА.

МВР претходно соопшти дека со огнено оружје било пукано во автомобилот на претседателот на општина Арачиново, Ридван Ибраими, додека во возилото биле неговиот возач и општинскиот вработен.

Министерот за внатрешни работи, Панче Тошковски, за МИА потврди дека во пукотницата биле погодени возачот на градоначалникот и уште едно лице вработено во општината.

Пукањето во возилото на градоначалникот на Арачиново се случило околу пладне, полицијата е на терен и врши увид.

Дел од медиумите потсетуваат дека градоначалникот Ибраими и претходно пријавил закани во полиција, а пред две години бил физички нападнат.

The post Прво видео од местото на пукањето врз градоначланикот на Арачиново: Вооружен напаѓач ранил две лица се ранети appeared first on Република.

Со огнено оружје денеска е пукано кон автомобилот на градоначалникот на општина Арачиново, Ридван Ибраими, при што во возилото се наоѓале неговиот возач и вработен во општината.

Техничкиот министер за внатрешни работи Панче Тошковски за МИА потврди дека во престрелката е погоден возачот на градоначалникот, а пукано е и кон уште едно лице вработено во општината. Припадници на полицијата се на терен и вршат увид.

Повредениот е донесен во Ургентниот центар во Скопје.

Директорот на Клиниката за Торакална хирургија во скопскиот Клинички Центар, Неџати Јакупи за телевизија Телма изјави дека во Клиниката е донесено момче на околу 30-годишна возраст со прострелни рани на градниот кош.

Раните се за итна операција, поради што веќе влегуваме во сала, изјави Јакупи.

The post Детали за пукањето во Арачиново: Возачот на градоначалникот во моментов се оперира, куршумите му го пробиле градниот кош! appeared first on Република.

Пукано во автомобилот на градоначалникот на општина Арачиново, Ридван Ибраими од ДУИ.

Во престрелката погоден e неговиот возач, кој во моментов се носи на комплексот клиники „Мајка Тереза“,  информираат од МВР.

Припадници на полицијата се на терен, и вршат увид.

Наскоро подетални информации.

The post Пукано во автомобилот на градоначалникот на општина Арачиново, ранет неговиот возач appeared first on Република.

Маж од село Брест на пат за Арачиново застанал кај една чешма и паднал. Бил погоден од куршум во главата.

Во СВР Скопје, вчера во 18.52 часот, од Градската општа болница ‘Св.Наум Охридски’ било пријавено дека кај нив со повреда од заталкано зрно бил донесен А.С.(29) од село Брест, Скопско.

Како што соопшти МВР, според пријавеното, околу 17.30 часот на патот кон село Арачиново, скопско, тој застанал до чешма, при што почувствувал удар во главата и паднал. Се преземаат мерки за расчистување на случајот“, соопшти МВР.

The post Кај Арачиново маж погоден со куршум во главата appeared first on Република.