На 22.10. во 20.50 часот во СВР Скопје од Комплексот клиники „Мајка Тереза“ било пријавено дека кај нив бил донесен Ќ.Д.(42) од с.Арачиново-скопско со повреди од огнено оружје во пределот на десната нога.

Од страна на полициски службеници излезено било на местото на настанот и констатирано било дека околу 20 часот Ќ.Д. од едно лице бил повикан да излезе пред вратата од неговата куќа, по што лицето пукало кон него.

На местото на настанот биле пронајдени две чаури од огнено оружје.

Се преземаат мерки за расчистување на случајот, велат од МВР.

The post Арачиновец со рани од куршум донесен на Клиника appeared first on Република.

Полициски службеници денеска го привеле 26-годишниот Е.Х. од Арачиново, кој бил баран по централна потерница за издржување затворска казна.

Денеска (06.02.2024) во 10.15 часот на ул. „Петар Манџуков“ во Скопје, полициски службеници од Оперативен тим потраги при СВР Скопје го лишиле од слобода Е.Х.(26) од скопското село Арачиново. Тој бил баран по централна потерница врз основа на судска наредба за издржување казна затвор за сторено кривично дело по член 300 во врска со член 297 став 3 во врска со став 1 од Кривичниот законик, информираат од МВР.

Лицето било предадено во Полициската станица Чаир, по што ќе биде спроведено во надлежната казнено – поправна установа за издржување на казната.

The post Уапсен арачиновец баран за издржување затвор поради предизвикување тешка сообраќајка од небрежност appeared first on Република.

Вчера во 17.40 часот било пријавено дека на регионалниот пат Куманово-Граничен премин Белановце, атар на село Белановце, се случила сообраќајна незгода помеѓу патничко моторно возило „мерцедес“ со скопски регистарски ознаки, управувано од А.Б.(62) од с.Арачиново-скопско, и возило „дачиа дастер“, сопственост на МВР, управувано од О.С.(43) од с.Облавце-кумановско.

Во незгодата со телесни повреди се здобиле А.Б., О.С., како и уште тројца полициски службеници кои биле во возилото „дачиа“ и уште три сопатнички од патничкото возило „мерцедес“, констатирани во Општата болница Куманово. Извршен бил увид од увидна екипа од СВР Куманово“, соопштија од Министерството за внатрешни работи.

The post Арачиновец кој управувал возило „мерцедес“ се судрил со полициски џип, 8 лица повредени appeared first on Република.

Основното јавно обвинителство Скопје поведе истражна постапка против 33-годишник од Арачиново, бидејќи постои основано сомнение дека сторил кривично дело – Убиство според член 123 став 3 во врска со член 19 (во обид). Освен тоа, за осомничениот е поведена постапка и за – Предизвикување општа опасност по член 288 став 1 од Кривичниот законик, информираат од Обвинителството.

На 11 септември, осомничениот се обидел со умисла да лиши од живот две лица, кои вербално протестирале затоа што со голема брзина управувал автомобил „Ленд ровер“ по плочникот кај трговскиот центар „Бисер“ во Аеродром, предизвикувајќи значителна опасност за животот и телото на луѓето.

Во моментот кога оштетените му забележале за опасноста што ја предизвикува, тој завртел со возилото и со голема брзина се упатил кон нив со намера да ги прегази. Тие се тргнале, па осомничениот излегол од автомобилот со нож во раката и на двајцата им нанел по четири убодни рани, предизвикувајќи им повеќе тешки телесни повреди.

Во тој момент се собрала поголема група граѓани кои почнале да викаат и му се спротивставиле на осомничениот со што го спречиле да го доврши кривичното дело, па тој се вратил во неговото возило и веднаш го напуштил местото.

Јавниот обвинител до судијата на претходна постапка од Основниот кривичен суд Скопје доставило предлог за определување мерка притвор за осомничениот, бидејќи постојат околности што укажуваат на опасност од бегство, можност да ја попречува кривичната постапка со влијание врз сведоците и особени околности кои го оправдуваат стравот дека ќе го доврши обиденото кривичното дело.

The post Бесен арачиновец избодел две лица откако тргнал да ги гази, оти се побуниле што со џипот вози на плочникот кај „Бисер“ appeared first on Република.

Вчера во 18.30 часот во СВР Скопје било пријавено дека на крстосница од ул.„Перо Наков“ и ул.„Боривое Милошевиќ“ во Скопје се случила сообраќајна несреќа помеѓу патничко возило „цитроен“, управувано од Ѓ.И.(28) од Скопје и мотоцикл „сузуки“, управуван од А.С.(45) од с.Арачиново, скопско, двете со скопски регистарски ознаки.

Во несреќата мотоциклистот се здобил со тешки телесни повреди, констатирани во Градската општа болница „Св.Наум Охридски“.

Увид на местото извршила екипа на СВР Скопје.

The post Тешко повреден Арачиновец appeared first on Република.

Вчера во 16.20 часот во СВР Скопје било пријавено дека на крстосницата од ул.„Архиепископ Доситеј“ и ул.„Струмичка“, патничко возило „бмв“ со скопски регистарски ознаки, управувано од З.К.(29) од с.Арачиново, скопско, удрило во тротинет, управуван од малолетник од Скопје.

Во несреќата со тешки телесни повреди се здобил малолетникот, а со телесни повреди се здобил малолетен сопатник на тротинетот, констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Арачиновец со „бмв“ покосил две деца на електричен тротинет appeared first on Република.

Вчеравечер во 22.40 часот во СВР Скопје било пријавено дека на ул.„Ќемал Сејфула“ (Чаир) во Скопје, патничко возило „пежо“ со скопски регистарски ознаки, управувано од С.И.(58) од с.Арачиново, скопско, удрило во пешакот К.К.(37) од Скопје.

Во несреќата со тешки телесни повреди се здобила К.К., констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Арачиновец прегази жена во Скопје appeared first on Република.

Вчера попладне во 16.10 часот било пријавено дека на патот за село Арачиново, скопско, во патничко возило „цитроен“ со скопски регистарски ознаки бил пронајден починат 50-годишниот А.И. од село Сарај, скопско, извести МВР.

Од страна на лекар од Итната медицинска помош била констатирана смрт без видливи траги на насилство, додаваат од Министерството за внатрешни работи.

Извршен бил увид од увидна екипа од СВР Скопје, а телото на починатиот е предадено на семејството.

The post Починат маж пронајден во „цитроен“ на патот за Арачиново appeared first on Република.

Единицата за економски и компјутерски криминал при СВР Скопје поднесе кривична пријава против И.И.(63) од село Арачиново, скопско, поради постоење основи на сомнение за сторено кривично дело „даночно затајување“.

Пријавениот, во текот на 2020 година преку сопствената банкарска трансакциска сметка во вкупно 18 наврати реализирал прилив на парични средства во вкупен износ од 4.837.240 денари, за кои до Управата за јавни приходи не пријавил и не платил данок на личен доход во износ од 10% или 483.724 денари и за тој износ го оштетил Буџетот, се наведува во соопштението од МВР.

The post Арачиновец пријавен за даночно затајување appeared first on Република.

Н.А. (46) од с.Арачиново е застрелан утрово во казино лоцирано на булевар „М.Т.Гологанов“ од страна на лице со кого претходно играле на апаратите во казиното, по што Н.А. им подлегнал на повредите.

Како што соопшти МВР, иницидентот е пријавен во 08.05 часот во СВР Скопје.

Известен е јавен обвинител и се преземаат мерки за расчистување на случајот.

The post Застреланиот во казиното кај Млечен е 46-годишен арачиновец, со убиецот претходно заедно играле на апарати appeared first on Република.

Вчера во 11.00 часот, полициски службеници од СВР Куманово го лишиле од слобода А.Б.(43) од село Арачиново, скопско, затоа што при контрола во возилото „мерцедес“ со скопски регистарски ознаки, кое го управувал, биле пронајдени околу 200 килограми прехранбени артикли со изминат рок на траење.

Исто така, подоцна била извршена контрола и во магацин на ул.„Индустриска“ во Куманово, сопственост на Б.М.(45) од с.Романовце, кумановско, од каде ја зел стоката, при што сопственикот признал дека е негова. Во магацинот биле пронајдени дополнителни околу 600 килограми прехранбени артикли со изминат рок на траење и празна амбалажа за пакување на производите.

Пронајдената стока, од Агенцијата за храна и ветеринарство е прогласена за небезбеден производ.

Со сопственикот на магацинот бил извршен службен разговор во полициска станица, а по целосно расчистување на случајот, ќе биде поднесена соодветна пријава.

The post Арачиновец фатен со 200кг храна со поминат рок, во магацин пронајдени нови абалажи за да ја пакува appeared first on Република.

Основното јавно обвинителство Куманово донесе наредба за спроведување истражна постапка против 33-годишен жител на селото Орланци, општина Арачиново за кого постои основано сомнение дека во соизвршителство со друго за сега непознато лице сторил кривично дело „грабнување“.

Како што соопшти Јавното обвинителство, на 7 декември 2022 година од семејна куќа во селото Отља, општина Липково тие насилно ја грабнале оштетената сопруга на осомничениот, со кој била во бракоразводна постапка.

На присутните домашни им се заканиле со пиштол и автоматска пушка со намера да ја присилат оштетената да остане во брачна заедница со осомничениот. На главата и ставиле навлака за перница, па така ја влечеле кон задниот излез од дворот на куќата.

Ценејќи дека се исполнети законските основи, јавниот обвинител до судијата на претходна постапка достави предлог за определување мерка притвор за осомничениот, се вели во соопштението од Јавното обвинителство.

The post Арачиновец со навлака за перница и автоматска пушка ја грабнал сопругата, ја терал да останат во брак appeared first on Република.

Полициски службеници од Одделение за насилен криминал, Единица за насилен криминал при СВР Скопје во Полициската станица Кисела Вода во Скопје синоќа го лишиле од слобода Ш.М.(31) од селото Арачиново, скопско.

Како што информираат од МВР, тој се сомничи дека на 1-ви декември по електронски пат испратил порака со заканувачка содржина кон вработени во новинска агенција – интернет портал, поради претходно објавен текст.

Во службен разговор во полициска станица, тој го признал делото. Во координација со Јавен обвинител, по целосно документирање на случајот против него ќе биде поднесена соодветна пријава.

The post Полицијата приведе арачиновец кој упатил закани кон вработени во интернет портал appeared first on Република.

На 01.12.2022 во 21.40 часот пред угостителски објект на подрачјето на Бутел, на ул.„Александар Урдаревски“, полициски службеници го лишиле од слобода А.С. (28) од с. Арачиново, скопско, затоа што физички нападнал полициски службеник кој извршувал службено дејствие. Другите две лица Д.Ш. (24) и М.С. (22), двајцата од Скопје, што биле со него, исто така биле приведени во полициска станица затоа што одбиле да се легитимираат. По целосно документирање на случајот ќе следи соодветен поднесок.

The post Уапсен арачиновец кој нападнал полицаец во кафуле во Бутел appeared first on Република.

Полициски службеници од Бирото за јавна безбедност – Оддел за криминалистичка полиција, Секторот за недозволена трговија со дрога, оружје и опасни материи и Единицата за недозволена трговија со дрога во координација со полициски службеници од СВР Куманово, во кумановското село Никуштак го лишија од слобода С.И. (40) од Арачиново.

Како што информираат од МВР, тој е лишен од слобода како резултат на спроведена истрага на јавен обвинител од Основно јавно обвинителство за гонење на организиран криминал и корупција за случај на заплена на 100 килограми наркотична дрога марихуана на 31 март 2022 во Штип.

– Во рамките на истрагата обезбедени се материјални докази за инволвираноста на наведеното лице во случајот. Во координација со СВР Скопје, ЕНТДО и интервентна полиција, по претходна издадена наредба од Судија на претходна постапка од Основен кривичен суд – Скопје бил извршен претрес во неговиот дом во село Арачиново, при што биле пронајдени мобилни телефони и сим картички, е наведено во соопштението од Министерството.

На лицето С.И. му е изречена мерка притвор во траење од 30 дена и истиот е спроведен во истражен затвор Скопје.

The post Арачиновец шверцувал 100 килограми марихуана appeared first on Република.

Полициски службеници од Единицата за интервентна полиција при СВР Скопје денеска го лишиле од слобода А.Б.(34) од скопското село Арачиново.

Министерството за внатрешни работи информира дека тој бил баран заради бегство од Казнено-поправната установа Затвор Идризово.

Лицето ќе биде спроведено во установата за издржување на казната, соопшти МВР.

The post Уапсен арачиновец кој избегал од затворот Идризово appeared first on Република.