Припадниците на косовската царина, потпомогнати од припадници на полицијата, денеска извршија претрес во две аптеки, едната во Звечан, а другата во Северна Митровица.
Заменик-командантот на косовската полиција за северниот регион, Ветон Ељшани, за Косово онлајн потврди дека биле претресени две аптеки.

„Царината побара наша помош за преглед на две аптеки во Звечан и Митровица. Претресот во Звечан е завршен, во Митровица се уште трае“, рече Ељшани.

The post Полицијата на Курти влезе во две аптеки на Северот на Косово appeared first on Република.

Германскиот синџир на аптеки Росман планира да ја прошири својата малопродажна мрежа на Балканот со навлегување на пазарите во Црна Гора и  Македонија, пишува германскиот Wirtschaftsforum.

Компанијата Росман неодамна објави рекорден раст на продажбата од 12,15 милијарди евра минатата година. Најавуваат и дека нивниот асортиман наскоро ќе биде достапен во Австрија, Унгарија, Словенија, Хрватска и северниот дел на Италија. Преку партнерство и франшиза, тие од неодамна се присутни и во Азербејџан.

Росман е најстариот синџир на аптеки во Европа. Првата фабрика е отворена во Германија во 1972 година, а денес работат на повеќе од 4.500 локации низ Европа и вработуваат 60.000 работници. Компанијата Росман пред неколку недели објави дека на данскиот пазар влегува без продавници за малопродажба. Росман ќе го води целиот свој бизнис преку онлајн тргување.

The post Германскиот синџир на аптеки Росман влегува во Македонија и Црна Гора appeared first on Република.

Германските аптеки се соочуваат со недостиг на одредени видови лекови, чие производство зависи од увозот на суровини од Азија, соопшти Здружението на фармацевти на Северна Рајна Вестфалија.

Ситуацијата е лоша, а следната година недостигот може да се влоши, изјави Томас Преис, претседател на Здружението на фармацевти на Северна Рајна-Вестфалија.

Сојузното здружение на германски фармацевти (АБДА) соопшти дека е „голем предизвик” кога станува збор за непречено снабдување со лекови. АНДА го наведува „огромниот финансиски притисок врз здравствениот систем” како причина за недостигот на лекови.

Со цел да се заштеди што е можно повеќе, локалните фармацевтски компании сè повеќе го преместуваат производството во Азија. Кога таму ќе пропадне една испорака или има прекин во транспортот на контејнери, тоа веднаш се чувствува во аптеките во Германија, соопшти АБДА.

Сојузниот институт за лекови и медицински производи соопшти дека во моментов добиле околу 300 пријави за лекови кои доцнеле во испораката. Воедно објавено е дека тоа е мала бројка со оглед на фактот дека на германскиот пазар се одобрени над 100.000 лекови.

Се додава дека доцнењето на испораката не значи автоматски недостиг на лекови. Проблемите со испораката првенствено се однесуваат на некои детски сирупи за температура, лекови за кашлица и лекови за намалување на крвниот притисок.

The post Во аптеките во Германија недостигаат лекови appeared first on Република.

На ул.„Ѓорче Петров“ во Скопје, вчера во 13.15 часот полициски службеници од Единицата за интервентна полиција при СВР Скопје го лишиле од слобода С.П.(36) од Скопје.

Тој се сомничи дека во текот на септември и октомври годинава извршил повеќе кривични дела „разбојништво“ во аптеки во Скопје и една „тешка кражба“ во обид во стан.

Од МВР информираа дека лицето било задржано во полициска станица и по преземени мерки, во координација со Јавен обвинител, биле расчистени разбојништва што ги сторил во три аптеки, а се преземаат мерки за расчистување и на останатите кривични дела.

По целосно расчистување и документирање на случаите против него ќе бидат поднесени соодветни пријави.

The post Фатен крадец кој „оперирал“ низ скопски аптеки appeared first on Република.