Последните неколку дена, особено во утринските и доцните вечерни часови, во тетовско-гостиварскиот регион има релативно ниски температури, кои ја интензивираа грејната сезона, не само во домовите, туку и во стопанските, јавните и други објекти. Поради ова, значително се зголемува можноста за пожари, пред се како резултат на човечко невнимание, застарени и дотраени електрични инсталации во зградите, неисправни печки и навреме неисчистени оџаци во куќите или станбените згради, потсетуваат од Секторот зa внатрешни работи-Тетово.

Повторно апелираме до граѓаните на максимална внимателност, поточно да не ги оставаат вклучени грејните тела кога подолго време не се дома или во работните простории, а особено не греалки, клима уреди или печки на дрва. Затоа што е потребна само мала искра за да се запали голем пожар со сериозни материјални и други последици. Ова особено се однесува на станбените згради, каде локализирањето на пожарите е многу потешко, поради недостиг на потребна опрема во многу од нив и отежнатиот пристап до зградите, главно поради градежни или други причини, велат од СВР Тетово.

На сопствениците и станарите во зградите им се препорачува да ги проверуваат и чистат оџаците најмалку двапати годишно, но и да не ги преоптоваруваат инсталациите со вклучување на неколку електрични апарати одеднаш.

Според член 288 од Кривичниот законик, предизвикување јавна опасност е кривично дело за кое е предвидена казна затвор од шест месеци до пет години, а ако е сторено од небрежност, казната е до три години. Затоа, се молат граѓаните да продолжат да ги почитуваат овие апели и упатства, да спречат евентуални пожари и да спречат посериозни последици по нивниот живот и имот, велат од СВР Тетово.

The post СВР Тетово предупредува – казните се и до пет години затвор, затоа внимавајте! appeared first on Република.

Наставничка од скопско основно училиште предупредува дека и во Македонија меѓу учениците масовно се шири опасен Тик ток предизвик. Таа за „Локално“ упати апел до родителите да внимаваат на своите дека зошто тие го пробуваат предизвикот на онесвестување, кој може да има сериозни последици.

Не знам како точно се вика предизвикот, но децата велат дека го виделе на Тик ток. Си ги стискаат дијафрагмите сè додека не се онесвестат. Некогаш тоа го прават еден на друг, некогаш сами. Но, имало случај кога дете останало онесвестено подолго време па морале да го прскаат со вода и да повикаат некој да им помогне, раскажа наставничката.

The post Наставничка од Скопје алармира: Децата си ја притискаат дијафрагмата до онесвестување поради „Тик ток“ предизвик appeared first on Република.

Прилепските локални власти, заедно со кризниот штаб, попладнето упатија апел до оние кои имаат имоти во мариовското село Крушевица за да се упатат таму, поради големата опасност од пожарот.

Сите кои што имаат имот во селото Крушевица, ве замолуваме итно да се упатите кон своите имоти опремени со соодветна облека и алат за гаснење (лопати, гребла)! Пожарот за жал се доближува до селото, апелираме сите кои што се во можност да излезат и да помогнат, стои во апелот од општина Прилеп.

Инаку големиот пожар во Мариово не стивнува и се проширува и во пониски делови. Преку 150 професионалци се на теренот и главен приоритет им е да ги спасат населените места од опасноста на огнената стихија која опфатила преку 10 000 хектари, главно ниска вегерација, а огнената линија е на преку 30 километри. За опасноста од пожарот да влезе во селото крушевица денеска алармираше и прилепскиот кризен штаб.ем/са/

The post Сите што може да излезат и да помогнат: Апел на Кризниот штаб на Прилеп до сопствениците на имоти во мариовското село Крушевица appeared first on Република.

Жителите на дебарското село Гари се загрижени за пожарот кој беснее во нивна близина, на планината Стогово. Таму гори сува трева и според извештајот на Центарот за управување со кризи (ЦУК) овој е еден од 12-те активни пожари во Македонија.

Според кажувањата на жителите, оганот од пожарот е на линијата од три километри до селото и се спушта надолу.

Апелираат што е можно поскоро да се испратат хеликоптери за гаснење на пожарот од воздух, за да не се случи најлошото, огнените јазици да се прошират и да ги зафатат куќите во селото Гари.

The post Што поскоро да се испратат хеликотери за гаснење на пожарот, апелираат жителите на Гари appeared first on Република.

Високите температури кои периодов ја зафатија територијата на нашата држава, носат зголемена опасност од настанување на пожари на отворен простор и шумски пожари, поради што ЈП Национални шуми апелира до сите граѓани на зголемена будност и мобилност.

Со цел да се спречат несакани последици апелираме да не се пали оган на отворен простор, да не се фрлаат пластични и стаклени шишиња, да не се врши палење на отпад и друг горлив материјал и да не се фрлаат отпушоци од цигари и догорчиња.

Истовремено, доколку забележите пожар, може да пријавите на отворената линија 02 155 22, односно 02 2581 080 број на централа на ЈП Национални шуми, или на тел.број 193 на Противпожарна бригада и на тел. 112 во Центарот за управување со кризи, информираат од ЈП Национални шуми.

Согласно Барањето од ЈП Национални шуми, Министерство за земјоделство, шумарство и водостопанство на Република Македонија, издаде согласност за целосна забрана за движење во шума и шумско земјиште, во временски период од 06.00 до 20.00 часот кое стапи во сила од 15. 07. 2024 год., а ќе трае се до нејзино отповикување.

The post Апел од ЈП Национални шуми: Граѓаните да имаат зголемена будност и мобилност, да не се пали оган на отворено appeared first on Република.

Министерство за земјоделство, шумарство и водостопанство ја повикува јавноста да биде посебно претпазлива се со цел спречување на пожари на ниво на предел.

МЗШВ ја потсетува широката јавност да биде внимателна во периодот кој што следи бидејќи како што се приближуваме до критичните периоди од сезоната на пожарите и зголемениот ризик од појава на пожари на ниво на предел, но и моменталната состојба со пожарите во Македонија, од суштинско значење е јавноста да ја разбере опасноста и да превземе проактивни чекори за заштита на шумските екосистеми односно животна средина и заедниците во целина.

ВАЖНО:

- Земјоделски површини - неконтролирано палење на земјоделско земјиште е строго забрането со закон и претставува казниво дело.

- Сериозни ризици - пожарите на ниво на предел директно ги загрозуваат човечките животи, имот и животната средина. - Правни последици – предизвикување на пожар на отворен простор е казниво дело.

- Брзо откривање – јавноста да алармира на 112.

Совети за безбедност:

- Избегнување на палење на било каков оган за време на периоди на силен ветер или суво време.

- Пронаоѓање на побезбедни методи за расчистување на земјиштето и отстранување на горливиот материјал.

МЗШВ ги охрабрува сите граѓани да останат информирани и да преземат превентивни мерки за да се избегне појава на пожари на пределот.

Исто така МЗШВ ја потсетува јавноста дека од 15.07.2024 е воведена целосна забрана за движење во шумите. За таа цел се повикува јавноста да ја следи и да се приклучи на Програмата за управување со пожарите на ниво на предел (lfmwb.net) во која Министерството е партнер институција и активно работи на имплементација на активности и мерки дефинирани во програмата со фокус на превенција и подготвеност во управувањето со пожарите на ниво на предел.

Работејќи заедно, можеме да го намалиме ризикот и да ја обезбедиме безбедноста на нашите домови и животната средина.

The post Апел од МЗШВ за претпазливост на јавноста со цел спречување на пожари во периодот што следи appeared first on Република.

Со енормното зголемување на температурите, во голема мерка се зголемени и потенцијалните ризици за настанување и ширење на пожарите во полошкиот регион, велат од СВР Тетово, додавајќи дека дотолку повеќе што овој регион се карактеризира со бујна вегетација, поради што е неопходна максимална претпазливост, будност и одговорно однесување на секој поединец.

Секторот за внатрешни работи Тетово апелира до граѓаните да бидат будни и максимално внимателни, доколку се движат и работат во нивните ниви или шуми, да не палат ѓубре, сено и слама во нивните ниви и да не ја фрлаат пепелта без добро изгаснат и запалени цигари. Дополнително, се предупредуваат оние кои ќе престојуваат на излетничките места за време на викендот да не палат пожари, кои во ситуации кога не се добро изгаснати, може брзо да се прошират на пошироката околина и со тоа да предизвикаат штети со неповратни последици. Се советува да не се оставаат стаклени шишиња или други материјали на отворени места, што може да предизвикаат пожар при подолг престој на сонце, велат оттаму.

Потсетуваат дека доколку настане пожар предизвикан намерно или од невнимание, за сторителите предвидени се ригорозни законски санкции, кои во краен степен опфаќаат и затворски казни од 6 месеци до 8 години, во зависност на видот на пожарот, последиците и други околности.

Секторот за внатрешни работи Тетово, велат оттаму, презема различни и координирани превентивни мерки за навремено откривање на можните причини за пожари, а планираните контролни активности во поширокиот регион ќе бидат засилени.

The post Не оставајте стаклени шишиња надвор, апелираат од СВР Тетово поради пожарите appeared first on Република.

Секој член на избирачки одбор ако не ги почитува законските одредби и го попречува гласањето ќе се казни со затвор до 3 години.

Апелираме до сите членови на избирачките органи да се држат до законските одредби. Имавме пријави од неколку општини, па затоа го упатуваме овој апел и се надеваме дека избирачките органи нема да ги повторат истите грешки. Инаку, гласањето тече како што треба, изјави на вонредната конференција за медиумите Дитмире Шеху, потпретседателка на ДИК.

Актите на ДИК мора да се почитуваат и ќе се преземаат сите соодветни мерки за непочитување на законот и подзаконските акти, рече Шеху.

The post Апел на ДИК до избирачките одбори: Почитувајте ги законските одредби! appeared first on Република.

Центарот за управување со кризи (ЦУК) изутринава апелира за внимателност поради најавените метеоролошки промени со дожд, умерен ветер и со снег на повисоките места. Кога се оди со возило на планините, препорачливо е да се има полн резервоар гориво и да се внимава на лизгавоста и проодноста на патот.

– Во реон на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, ќе се извршат во повеќе наврати минирања на теренот, информираат од ЦУК.

Изминатото деноноќие немало пожари на отворено, имало само урбани.

– ЦУК издвојува два коишто се навидум наивни, ги има секојдневно, а се потенцијална опасност за палење поткровја и околни објекти. Тоа се пожарите на оџаци. Регионалниот ЦУК – Охрид информира дека пожарникари, вчера од 13.05 до 14 часот, со тројца пожарникари и едно ПП возило гаснеле запален оџак на улицата „8-ми Септември“ број 26, а РЦУК – Велес соопштува дека вчера од осум до девет часот, петмина пожарникари и две ПП возила гаснеле запален оџак на локален дуќан за скара во градот, наведуваат од ЦУК.

Оџаците, како што пожарникарите превентивно препорачуваат, е потребно да се чистат поредовно, се нагласува во соопштението на ЦУК.

Во последното деноноќие имало вкупно 1.583 повици на единствениот повикувачки број за итни случаи 112 во ЦУК.

– „Реални“ повици биле 59,13 отсто, а 40,87 проценти биле за други потреби на граѓаните што не биле итни. Кон полиција биле упатени 61,05 проценти, кон Итната медицинска помош – 35,96 отсто. Додека, кон пожарникарите – 1,12 проценти од реалните повици кон 112 во ЦУК, пишува во соопштението.

The post ЦУК со апел до граѓаните: Имајте полн резервоар гориво – ќе врне и снег и дожд appeared first on Република.

Засега нема информација дали и кога Комисијата за заразни болести ќе заседава по најновите случаи на голема кашлица регистрирани во земјава. Од почетокот на годинава, според информациите на Институтот за јавно здравје, евидентирани се два случаја на персутис или попознати во јавноста како магарешка кашлица.

Портпаролот на Комисијата за заразни болести, Злате Мехмедовиќ во изјава за МИА истакна оти нема најава за заседавање на Комисијата за заразни болести.

Претседателот на Комисијата решава дали ќе има или не. Треба да се апелира, да се вакцинираат децата согласно редовниот календар за имунизација. Тоа е најдобрата заштита. Минатата година имаше три случаи на голема кашлица, подвлече Мехмедовиќ.

На вакцинација денеска повика и министерот за здравство Фатмир Меџити.

Повикуваме на вакцинација затоа што вакцините спасуваат животи, рече Меџити на новинарско прашање дали појавата на големата кашлица во државава се должи на тоа што не се вакцинираат децата.

Директорот на Институтот за јавно здравје, Шабан Мемети за МИА изјави дека од почетокот на годинава евидентирани се два случаја - едното дете е од Кичево, а другото е шестмесечно бебе хоспитализирано на Детската клиника „Козле“ во Скопје.

Станува збор за невакцинирани деца. Едното е во „Козле“, а другото е на домашно лекување, појасни Мемети.

Кај невакцинираните доенчиња во текот на катаралната фаза - 1-2 недели, има незначителна кашлица, зацрвенети очи и ринитис, понекогаш и умерено покачена температура. Во текот на периодот на кашлица, има напади на кашлица кои обично се јавуваат ноќе и често се придружени со повраќање на мукус. Нападите продолжуваат во регуларни интервали во текот на 1-4 недели, а потоа стануваат поретки. Може да се повторат при нова респираторна инфекција. Во текот на фазата на кашлица пациентот е афебрилен. Ц- реактивниот протеин (ЦРП) и седиментацијата обично се нормални. Температура или покачени ЦРП сугерираат на некоја друга инфекција или секундарна бактериска инфекција. Кај невакцинирани доенчиња се јавува леукоцитоза, кај некои и лимфоцитоза.

Пертусис не е секогаш болест на школските деца, може да се јави и кај возрасни. Периодот на изолација треба да е пет дена од започнување со антибиотскиот третман. Ако симптомите траат повеќе од 3 недели, изолација е непотребна.

The post Има два случаја на магарашка кашлица во Македонија appeared first on Република.

Центарот за управување со кризи (ЦУК) апелира за време на продолжениот празничен викенд да не се палат стрништа и остататоци од земјоделски култури на нивите. Да не се палат пластични и гумирани работи, отпадоци и депонии на отворено, особено во овој период кога има, како што наведуваат, загаден воздух во Скопје и во други градови во нашата држава.

Се уште има пожари на отворено. Пожарникарите, во последното деноноќие, од Скопје, Гевгелија и Струмица интервенирале на најмалку три такви пожари. Гаснеле запалена ниска вегетација, а во Скопско гаснеле и запалена депонија кај месноста „Вардариште“ во Општина Гази Баба, информира ЦУК.

Во Центарот за управување со кризи, според последниот извештај, имало вкупно 1.917 повици на Единствениот број за итни случаи 112 во последното деноноќие. Од нив „реални“ повици биле 38,18 отсто, а 61,82 отсто биле именувани како „неитни повици“.

Согласно генералната природа на настаните кон полиција биле упатени 63,57 отсто, кон Итнатата медицинска помош 30,93 отсто, а кон пожарникарите 2,41 отсто од реалните повици кон 112 во ЦУК.

Повици за итни случаи на 112, што се за комбинирано решавање кон ЦУК, имало 3,09 отсто од реалните. Тие повици, заедно со другите („неитни повици“) 36,28 отсто, вкупно 1.194 заедно, биле предмет на примање и обработка во ЦУК, преку дежурните оперативци во Секторот Е-112, во содејство со Секторот за операции и координација, со стандардните оперативни процедури во координација со институциите во Системот за управување со кризи (СУК), се наведува во соопштението.

The post ЦУК апелира да не се палат депонии на отворено за време на продолжениот празничен викенд appeared first on Република.

Најприродни се, нужни и неизбежни отпорот и жестокото противење на Македонците и сите други граѓани на Македонија, за внесување на Бугарите во македонскиот Устав. Унијата и служи на Бугарија како алатка за исполнување на нејзината шовинистичка доктрина, според која треба да се избришат Македонците како одделен народ, потенцираа денеска во својот апел група од 80 врвни македонски интелектуалци. Во обраќањето до државите – членки на ЕУ, САД и пошироката светска јавност тие ги наведуваат аргументите од кои сите можат да видат каква негаторска политика се води кон Македонија.

Обраќањето го пренесуваме во целост:

Апел од Македонија

Отворено писмо до државите – членки на ЕУ, САД и пошироката светска јавност од група интелектуалци и јавни личности

Дури и во 21 век, во време на широки човекови права и слободи, „Македонското прашање“ е сѐ уште актуелно и е во фокусот на Европската унија и САД. Доказ за тоа е утврдената преговарачка рамка за Македонија. Како членка на Унијата, и широко поддржана од Брисел, Бугарија бескрупулозно ги блокираше македонските заложби за членство. Оваа политика на Софија е прецизирана во два документи – „Бугарска национална доктрина за XXI век“, објавена во 1997 година, и во вториот нејзин дел – „Национални стратегиски програми“, објавен во 1998 година. Во нив е очигледен бугарскиот нагласен национал – шовинистички однос кон Македонија.

Во овие документи се прецизирани големобугарските аспирации и стремежи кон Република Македонија. Тоа е нивна стара доктрина, уште од 19 век. Без никакви издржани аргументи, таа се базира на непризнавање на националната посебност на Македонците, коишто се третираат како „Бугари“.

Бугарската држава го негира постоењето на македонски народ и на македонски јазик, историја, култура…. Го негира македонскиот национален идентитет. Оваа Бугарска државна стратегија е денес поактуелна од кога било. Подготвена е од бугарските квази научни кругови, предводени од БАН (Бугарската академија на науките). Најшироко е поддржана и од сите политички фактори во земјата. Спомнатата „Бугарска национална доктрина“ претставува латентен генератор на нестабилност не само на Балканот, туку и во цела Европа. Нивната неспорна цел е бугаризација на Македонците, што е невозможна мисија. Жалосно е што сите научни институции и политички структури во Бугарија, посветено работат на реализација на овие бесмислени цели.

Евидентно е дека Бугарија, којашто не успеа да ги реализира своите историски синдроми во завојувачките војни во 19-тиот и во 20-тиот век, се стреми да ги оствари преку злоупотреба на своето членство во ЕУ. Унијата и служи на Бугарија како алатка за исполнување на нејзината шовинистичка доктрина, според која треба да се избришат Македонците како одделен народ.

Овие два документи се јавно објавени во Бугарија. Тие се во сила, недостојни се за членка на ЕУ, ама и за Брисел. Толеранцијата на ЕУ и САД, претставува охрабрувачки фактор за Софија, да продолжи цо реализирање на своите нецивилизациски и антиисториски стратешки цели кон Македонија.

Покрај тоа, за Национален Ден е прогласен 3 Март. Тоа е датумот кога, во 1878 година, е прогласена Санстефанска Бугарија. Тоа беше проект на Москва, со којашто беше создадена Голема Бугарија. Замислата беше таа да биде руски сателит. Траеше само неколку месеци, до Берлинскиот Конгрес од јуни 1878, и никогаш не беше реализирана во пракса. Таквата голема Бугарија опфаќала територии коишто денес припаѓаат на пет држави.

Со одредувањето на 3 март за национален ден, Софија јасно става до знаење дека го следи континуитетот на таа експанзионистичка стратегија.

Имајќи го сето ова предвид, најприродни се, нужни и неизбежни отпорот и жестокото противење на Македонците и сите други граѓани на Македонија, за внесување на Бугарите во македонскиот Устав. Не може и е апсолутно исклучено, еден од конститутивните народи на Македонија да биде дел од бугарскиот народ којшто, како дел од фашистичката антанта ја имаше окупирано земјата во Втората светска војна. Токму во борбата против бугарските фашисти беше создадена современата македонска држава. Од тие причини, нема и не може да има место за Бугари во македонскиот Устав.

Исклучок е можен единствено доколку тоа се направи на реципрочна основа, со внесувањето на стотици илјади Македонци во уставот на Бугарија. Тие се малцинство изложено на вековен геноцид, коешто не ужива никакви општо признати универзални права. Во Македонија, пак, според последниот попис, официјално има 3.504 Бугари, коишто ги уживаат сите права. Нема држава во светот којашто во Уставот става толку малобројно малцинство.

Зачудува фактот што Европската Унија ги подржува ваквите отворени негаторски политики на една од своите членки која отворено ги загрозува основните постулати врз кои се темели Унијата. За жал, преседанот станува правило во однесувањето спрема државите кандидати за членки на Унијата.

Силно сме уверени и очекуваме дека меѓународните фактори ЕУ и САД ќе реагираат во духот на копенхашките критериуми, повелбата на ОН, почитување на човековите и малцинските права на македонското национално малцинство во Бугарија и Грција.

Следуваат потписи на универзитетски професори и други интелектуалци: Михајло Миноски, Владо Поповски, Јован Лазаров, Виолета Ачковска, Ѓорѓи Малковски, Наташа Котлар – Трајковска, Бранислав Светозаревиќ, Тодор Чепреганов, Ѓорѓи Чакарјановски, Миле Димитровски, Никола Жежов, Митко Хаџи – Пуља, Новица Велјановски, Веселника Лаброска, Илија Велев, Коста Аџиевски, Нада Јурукова…

The post Апел на македонски интелектуалци: Бугарија го злоупотребува членството во ЕУ, сака да се избришат Македонците како одделен народ appeared first on Република.

Фудбалската федерација на Македонија попладнево преку соопштение се обрати на навивачите кои ќе бидат присутни на натпреварот со Англија.

- Националата арена „Тодор Проески“ ќе биде отворена за навивачите од 18:45 часот, а поради зголемените безбедносни мерки што ќе бидат преземени за да се спречи внесување на забранети предмети и средства на стадионот, ги повикуваме навивачите да дојдат на стадионот што е можно порано (препорака час и половина) пред почетокот на натпреварот) и да седнат на своите места на стадионот. Влезовите на Националата арена „Тодор Проески“ ќе бидат отворени од 18:45 часот, а влезот ќе биде овозможен до 20:15 часот, стои во апелот на ФФМ.

Се посочува да се дојде на стадион пеш или со јавен превоз, бидејќи сообраќајот и паркирањето ќе бидат забранети на паркинг местата во потесната зона на Националната арена „Тодор Проески“ поради ограничениот број паркинг места, освен за акредитирани возила.

Од ФФМ повикуваат на фер и коректно навивање.

Ги замолуваме навивачите да ги почитуваат одредбите од Законот за спортски натпревари и Законот за јавен ред и мир, особено оние кои се однесуваат на несоодветно скандирање, консумирање алкохол и употреба на пиротехнички средства. Чадори, големи торби или ранци, шишиња, запалки, монети и други предмети не смеат да се внесуваат на стадионот. Исто така, нема да може да се внесуваат знамиња или транспаренти со несоодветна содржина. Ги повикуваме сите навивачи и посетители на фер, коректно и спортско навивање без расистички и дискриминаторски скандирања пред, за време и по натпреварот. Воедно, ја користиме приликата да укажеме дека полицијата, согласно Законот ќе врши видео и фото снимање на тесната зона и самиот простор на стадионот.

Почетокот на натпреварот е закажан за 20:45 часот.

The post Вратите на стадион за мечот со Англија вечерва се отвораат во 18,45 часот, навивачите да не носат чадори, големи торби или ранци, шишиња, запалки, монети appeared first on Република.

„O2 Иницијатива“ упати апел до уставните судии кои гласале против поведување на постапка по предметот У.бр.52/2022 за оспорување на Одлука за донесување на ДУП за Градска четврт 3 05 помеѓу бул. Илинден, бул. 8 Септемри, бул. Партизански одреди и ул. Љубљанска во Општина Карпош-Скопје од 6.11.2013, дополнително да го разгледаат случајот и да поднесат друго мислење во најбрз можен рок, за предметот повторно да се стави на гласање, со оглед дека со реализација на овој урбанистички план ќе настанат тешки неотстранливи последици.

Уставниот судија известител по овој предмет, Дарко Костадиновски, е против поведување на постапка по овој предмет, иако основата за оспорување на Одлуката за донесување на ДУП за Градска четврт 3 05 е како и во бројните предмети на кои досега работел Уставниот суд, повел постапки по истите и ги укинал оспорените детални урбанистички планови, каде и самиот судија известител гласал за вакви одлуки на Судот. Вакви предмети се У.бр.95/2017-1 од 20.6.2018, У.бр.134/2017-1 од 9.7.2018, У.бр.136/2017-1 од 9.7.2018, У.бр.135/2017-1 од 05.12.2018, У.бр.123/2018-1 од 25.9.2019, У.бр.80/2019-1 од 13.11.2019, У.бр.34/2021-1 од 9.9.2021, У.бр.35/2021-1 од 2.2.2022 и У.бр.36/2021-1 од 9.2.2022.

-Инаку, врз основа на овој ДУП, кој е изгласан во ноември 2013 год. од советниците на ГРОМ и ВМРО-ДПМНЕ со коалицијата во тогашниот мандат на Стевчо Јакимовски во општина Карпош, каде е вцртана маркичка за 28 катница, се планира изградба на споени згради од 2, 11, 18 и 19 ката, вкупно 50 ката со 419 стана. Инвеститори се ЗСФ КОМ на еден од најмоќните градежници во земјава, озлогласениот Фатмир Етеми и Делта 2015 Констракшн, која до лани беше во сопственост на Орка Холдинг на семејството на Орце Камчев, кога се продава за 5 милиони евра и недвижен имот во вредност од 8 милиони евра од новата градба, што претставува 25 отсто од објектот, на Специјал Градба во сопственост на бизнисменот Кочо Стојчески.

Во меѓувреме Уставниот суд го укина регулацискиот план за оваа четврт, со кој беше ограничена висината на градбите. Подносител на иницијативата е адвокатот Бојан Милошевски, поранешен секретар на општина Карпош во изминатиот мандат на Стевчо Јакимовски, кој во овој мандат бил ангажиран за адвокатски услуги од општина Карпош, стои во соопштението од Иницијативата.

The post „О2 Иницијатива“ со апел до уставните судии: Кој сѐ има профит од зградата позади бензиската Макпетрол во Карпош? appeared first on Република.

ТАВ апелира до патниците од 9 октомври да пристигнуваат на шалтерите три часа пред летот, бидејќи авиокомпанијата ќе врши надградба на системот за багаж.

Почнувајќи од 9-ти октомври (понеделник), до крајот на ноември 2023 година, односно во период од два месеци, на Меѓународниот Аеродром Скопје ќе се врши надградба на системот за ракување со багаж. Затоа, апелираме до сите вас коишто ќе патувате во наведениот временски период преку Меѓународниот Аеродром Скопје, да пристигнувате на аеродромот, односно на шалтерите за пријавување патници и багаж, три часа пред планираното време на полетување на вашиот лет, апелираат од компанијата.

The post Апел од ТАВ: Од 9 октомври патниците да пристигнуваат на шалтерите три часа пред летот appeared first on Република.

Драги пријатели, да ја покажеме нашата хуманост и да донираме скромно кој колку може, на наш сограѓанин - младо момче Александар Планојевиќ, на кого му е дијагностициран карцином на лимфни жлезди. Александар живее со сестра и самохрана мајка Cveta Andreeva Planojevic . Средствата се потребни за понатамошно лекување.
Да покажеме човечност во моменти кога сме потребни.
Жиро сметка
200003300834041
Цвета Планојевиќ
Стопанска Банка

The post Да покажеме хуманост: На младиот Александар Планојевиќ му е потребна нашата помош appeared first on Република.

Бојан Крстески почна успешно да се лекува во Италија од стеноза на жолчни патишта во црниот дроб.

Според информациите од неговите најблиски, досега интервенциите чинеле 65 000 евра, но ќе треба уште 3 пати да оди во болницата Гемели во Рим, а тоа се уште 40 000 евра.

Од државата добил само 11 000 евра, а од досегашни донации платил дел, ама потребни се уште барем 40 000.

„Дали ќе успее да преживее Бојан зависи од Бога, од д-р Иво и болницата Гемели, ама и од нас даги мои и од други хумани луѓе“, пишува во објавата на Фејсбук.

The post На Бојан Крстески му е потребна помош за успешно лечење во Италија appeared first on Република.

На интернет, особено на социјалната мрежа „Фејсбук“, се споделуваат лажни наградни игри. МВР апелира до граѓаните да бидат крајно внимателни со кого споделуваат лични податоци.

Апелот на МВР доаѓа откако Секторот за компјутерски криминал при Бирото за јавна безбедност во изминатиот период констатирал зголемена појава на пријави за лажни наградни игри на интернет, преку користење на социјалните мрежи, особено преку социјалната мрежа „Фејсбук“, преку отворање на лажни профили именувани по некоја позната компанија од земјата со долгогодишно постоење, со цел неовластено прибавување на лични податоци од граѓаните.

При отворањето на лажните профили се користат логото и брендот на компанијата, со објава дека поради одреден повод (наводен роденден на компанијата и слично) се организира наградна игра со разни подароци за среќните добитници, како на пример вредносни ваучери, мобилни телефони и други наводни награди. Притоа од граѓаните, за да учествуваат во овие наградни игри кои се лажни, од се бара да извршат допаѓање „like“ на страната и на конкретната објава, во коментар да напишат „учествувам“, како и да извршат нејзино споделување, со цел што повеќе да се рашири лажната наградна игра, објаснуваат од МВР.

Потоа од креаторите на овие лажни наградни игри им се испраќа порака на граѓаните дека се добитници на награда, а за нејзино подигање потребно е да ги дадат своите лични податоци, да испратат слика од нивната лична карта (од двете страни), како и фотографија од имателот на личната карта.

Оттаму, Министерството за внатрешни работи во интерес на заштита на граѓаните, на нивните лични податоци и можните злоупотреби и последици што можат да произлезат, апелира до јавноста за посебна внимателност при споделување на лични податоци на други лица, особено преку интернет.

Воедно, апелираме до граѓаните со особено внимание и одговорно да постапуваат со своите лични податоци, да не ги споделуваат и разменуваат со непознати лица, како и со лица на кои не може да им се утврди вистинскиот идентитет, апелираат од МВР.

The post Апел од МВР: На интернет се споделуваат лажни наградни игри, граѓаните да бидат внимателни со кого споделуваат лични податоци appeared first on Република.

Секторот за компјутерски криминал при Бирото за јавна безбедност на Министерството за внатрешни работи во изминатиот период констатираше зголемена појава на пријави за лажни наградни игри на интернет, преку користење на социјалните мрежи, особено преку социјалната мрежа Фејсбук, преку отворање на лажни профили именувани по некоја позната компанија од земјата со долгогодишно постоење, со цел неовластено прибавување на лични податоци од граѓаните.

При отворањето на лажните профили се користат логото и брендот на компанијата, со објава дека поради одреден повод (наводен роденден на компанијата и слично) се организира наградна игра со разни подароци за среќните добитници, како на пример вредносни ваучери, мобилни телефони и други наводни награди.

Притоа од граѓаните, за да учествуваат во овие наградни игри кои се лажни, од се бара да извршат допаѓање „like“ на страната и на конкретната објава, во коментар да напишат „учествувам“, како и да извршат нејзино споделување, со цел што повеќе да се рашири лажната наградна игра. Потоа од креаторите на овие лажни наградни игри им се испраќа порака на граѓаните дека се добитници на награда, а за нејзино подигање потребно е да ги дадат своите лични податоци, да испратат слика од нивната лична карта (од двете страни), како и фотографија од имателот на личната карта.

Оттаму, Министерството за внатрешни работи во интерес на заштита на граѓаните, на нивните лични податоци и можните злоупотреби и последици што можат да произлезат, апелира до јавноста за посебна внимателност при споделување на лични податоци на други лица, особено преку интернет.

Воедно, апелираме до граѓаните со особено внимание и одговорно да постапуваат со своите лични податоци, да не ги споделуваат и разменуваат со непознати лица, како и со лица на кои не може да им се утврди вистинскиот идентитет, велат од МВР.

The post Интернетот „врие“ од лажни наградни игри, граѓаните да бидат внимателни со кого споделуваат лични податоци, апелира МВР appeared first on Република.

Врз основа на податоците на Управата за хидрометеоролошки работи од каде се најавуваат високи температури кои деновиве достигнуваат и над 40 °C, како и податоците на ЈП Водовод и канализација – Скопје за зголемена потрошувачка на водата, апелираме до граѓаните на градот Скопје за рационално користење и употреба на водата.

Од Водовод апелираат да се избегнува непотребно трошење на водата за полевање на зеленило, бавчи и ниви, за перење автомобили, за полнење на базени, но и спречување на злоупотребата преку дивите приклучоци.

Со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје.

-Апелираме до граѓаните на град Скопје, доколку забележат див приклучок, истиот да го пријават на 023073 010, kontakt@vodovod-skopje.com.mk, www.vodovod-skopje.com.mk или преку мобилната апликација достапна за Android и iOS, и потсетуваме дека дивите приклучоци се забранети со Закон (Закон за вода за пиење и одведување урбани отпадни води, член 23) и истите се утврдуваат од страна на овластен комунален инспектор на општината и на Градот (Закон за вода за пиење и одведување урбани отпадни води, член 37), врз основа на што за сите утврдени иматели на див приклучок ќе биде поткрена прекршочна постапка за сторено кривично дело, информираат од претпријатието.

The post Водовод со апел до скопјани: Рационално користете ја водата, избегнувајте полевање на зеленило appeared first on Република.