Грција денеска ја зафатија поројни дождови, а туристите пак се соочија со поплавени апартмани. Голем дел од гостите се жалат дека им врне во апартманите, а сопствениците се прават наудрени велејќи дека очекувале подобри временски услови.

-Сместени сме во Вила Константин во Пефкохори. Со нас имаме тримесечно бебе. Денеска почна да врне и буквално вода почна да тече по ѕидот. Во мазонетата до нас тече од вентилација. Се обратив до сопствениците, од каде ми рекоа дека се надевале на подобри услови, не можеле да предвидат дали ќе врне или не. Ми вели кој се надевал дека ќе тече, а турисити кои се тука неколку дена пред нас кажуваат дека со истиот проблем се соочиле и луѓето кои биле сместени пред нас. Но сопствениците упорно лажат дека не течело претходно, дека првпат сега протекува. Побарав решение на проблемот, ми понудија да дојдат чистачки да исчистат, а утре ќе не преместат во друг апартман. Кога им посочив дека сум со бебе кое има само 3 месеци и тоа бебе не може да ја диши влагата безобразно ми одговори дека е исто дали ќе ја дише влага од морето или влага од мокрите ѕидови во апартманот, секако ќе дишело влага - вели гостинка во Вила Константин, која се обрати до нашата редакција.

Кога не ја прифатиле понудата да ги преместат утре и барале уште денеска да добијат нов, сув апартман им рекле да се спакуваат и да си одат, дека ќе им ги вратат парите за преостанатите денови.

Дојдени сме фамилијарно во две мазонети, на една резервација. Кога прашав дали ќе ги вратат парите и за другата соба, со оглед дека сме заедно и дека и кај нив тече од вентилацијата ми рече: Што ми е гајле за вашите дружења, тие нека останат вие одете си. Дури ми пишаа дека сме влегле во апартман во најдобар ред и доколку течело во апартманот ќе течело уште од прв ден, а не сме кажале ниту збор а не дури сега. Кога прашав од што да тече кога не врнеше ми рече нема разбирачка, спакувајте се. Реков дека не треба да го издаваат апартманот ако тече, а не да се надеваат на подобри услови, ми одговорија ти ли ќе ни држиш лекции што да издавам - коментира револтираната гостинка која не исконтактира.

На фејсбук страниците каде што се пренесуваат искуства од Грција, се повеќе граѓани се жалат дека на фотографиите има едно, затекнуваат сосема друго. Велат односот и на агенциите и на сопствениците е безобразен и арогантен.

The post Врне во македонски апартмани во Грција, сопствениците се надевале на подобри услови за да не протече appeared first on Република.

Летувањето наместо одмор од соништата лесно може да се претвори во пекол, меѓу другото, доколку не внимавате кога резервирате сместување. Измамници има насекаде, особено на „Фејсбук“, предупредувааат од големата група со информации „Грчкаинфо“, во која се споделуваат искуства околу летувањето во Грција од корисници од целиот Балкан.

Таму, еден оштетен корисник се пожали на газда на апартмани во Грција:

Би сакал да предупредам за Е.М. која нуди станови во Неа Каликратија. Апартманите се многу валкани, пола работи не функционираат, затнати одводи во бањата, постелнини со флеки. Тој е од Србија. Платив однапред. Сместувањето го добив, тоа не е спорно. Но, ужасно е валкано и нефункционално. Ви испраќам фотографии да ги видите, напиша оштетениот А.Ѓ..

Затоа администраторите на групата испратија важно предупредување.

Не можам да разберам зошто сè уште резервирате одмори во Грција преку фејсбук-групи, огласи за сè и сешто и слични непроверени места кои се жаришта на измамници. Ова е трет или четврти пат во последните два месеци корисници да нè информираат дека добиле сместување кое не е употребливо за престој. За среќа, речиси никој не пријави дека повторно бил измамен за пари, како што имаше случаи лани. 

Напоменуваат дека сега повеќе лица им се пожалиле на едно исто сместување.

Имам име и презиме, го знам градот во кој живее во Србија и имам фотографии од тоа негово запуштено и валкано место што им го издава на наши луѓе во друга група. Но, мислам дека е сосема доволно, наместо да ги објавам тие информации, повторно да ве предупредам сите да не резервирате одмор во Грција од личност која не ја познавате, која никој не ви ја препорачува, која не сака да ве покаже договорот дека тој е  сопственик на местото за издавање и избегнува видео повик од вас, пишува администраторот на „Грчкаинфо“.

Администраторите повторно апелираа и строго да внимавате кому праќате пари.

Проверете сè што можете, побарајте договор, побарајте пасош за проверка (и сопствениците ви бараат вас, па можете и вие нив како физички лица), побарајте да се чуете преку видео повик... 

The post Непријатни измами со aпартманите во Грција, на кои паѓаат многу наши туристи appeared first on Република.