Претседателот на Полска, Анджеј Дуда денеска ги повика другите членки на НАТО алијансата да ги зголемат своите национални одбранбени распределби од сегашните два до три проценти од бруто домашниот производ (БДП), бидејќи Русија се префрли на „воена економија“ и продолжува да води војна против Украина.

Дуда тоа го изјави во Варшава и напиша во напис во „Вашингтон пост“ во пресрет на утрешната посета на Белата куќа, каде заедно со полскиот премиер Доналд Туск треба да се сретнат со американскиот претседател Џозеф Бајден.

„Руските империјалистички амбиции и агресивниот ревизионизам ја туркаат Москва кон директен конфликт со НАТО, со Западот и пред се, со целиот слободен свет“, напиша Дуда во „Вашингтон пост“.

Во 2014 година, членките на НАТО се согласија да ги зголемат трошоците за одбрана на два отсто од БДП.

The post Претседателот на Полска ги повика сите членки на НАТО да одвојат три посто од БДП за одбрана appeared first on Република.

Полскиот претседател Анджеј Дуда изјави дека политиката на Унгарија кон Русија „скапо ќе ја чини“ Будимпешта.

Тој посочи дека не го разбира ставот на премиерот Виктор Орбан во однос на актуелната ситуација во Украина, пренесе РИА Новости. Полскиот лидер смета дека Орбан се нашол во тешка позиција поради енергетската зависност на Будимпешта од Москва.

Дуда заклучил дека со тоа се соочиле и другите европски земји, но тоа не ги спречило да префрлат оружје во Киев.

Претходно, унгарскиот министер за надворешни работи Петер Сијарто изјави дека Будимпешта нема да дозволи испорака на оружје за Украина преку нејзина територија и покрај барањата на претседателот Володимир Зеленски, бидејќи тоа ќе ги загрози животот и безбедноста на Унгарците.

The post Дуда не го разбира Орбан за ставот кон Русија appeared first on Република.

Авионот во кој беше полскиот претседател Анджеј Дуда, кој леташе кон градот Жешов, каде што требаше да се сретне со американскиот колега Џо Бајден, принудно се вратил во Варшава.

Авионот принудно слета, но полскиот претседател Дуда не е во опасност. Состанокот со американскиот претседател ќе доцни малку - соопштија од кабинетот на Дуда.

Бајден веќе слета во Жешов, град што се наоѓа на околу 70 километри од границата со Украина.

https://twitter.com/BBCParham/status/1507347156285407238?ref_src=twsrc%5Etfw%7Ctwcamp%5Etweetembed%7Ctwterm%5E1507347156285407238%7Ctwgr%5E%7Ctwcon%5Es1_&ref_url=https%3A%2F%2Fa1on.mk%2Fworld%2Fvideo-prinudno-sleta-avionot-so-polskiot-pretsedatel%2F

https://republika.mk/vesti/svet/bajden-vo-poseta-na-amerikanskite-vojnici-vo-polska-vi-se-borite-za-demokratijata-protiv-oligarsite/

The post Принудно слетал авионот на полскиот претседател appeared first on Република.

Американскaтa потпретседателка, Камала Херис, по разговорите со највисоките полски претставници во Варшава, изјави дека е таму за да повтори дека НАТО е подготвен да ја брани секоја педа од територијата на своите членки

Херис додаде дека нејзината посета на Полска има за цел да се договори понатамошно зајакнување на источното крило на НАТО и да испрати сигнал до Русија дека ќе се соочи со сериозни последици и трошоци поради војната во Украина.

Разговаравме за ефикасноста на санкциите. Треба да испратиме јасен сигнал. Рековме дека последиците и трошоците од руската агресија врз Украина ќе бидат исклучително сериозни. Гледаме дека рубљата паѓа така што во Русија е на ниво на „ѓубре“ само затоа што Путин предизвика војна - изјави Херис на заедничката прес-конференција со полскиот претседател Анджеј Дуда.

Потпретседателката на САД порача дека дошла во Варшава за да повтори колку сериозно САД го сфаќаат членот пет од договорот на НАТО за колективна одбрана.

САД имаат обврска според членот пет, ќе ја браниме секоја педа од територијата на НАТО. Тука сме да ја повториме таа обврска и да видиме што можеме да направиме за источното крило. Префрливме 4,7 илјади американски војници во Полска со претходна ротација од 5.000 војници. Можам да кажам дека две батерии од противракетниот систем „Патриот“ се веќе во Полска - изјави Херис.

На новинарско прашање дали САД сега се подготвени да одлучат за постојано присуство на свои војници во Полска, претседателот Анджеј Дуда одговори дека војниците се менуваат, но тие се секогаш таму.

На прашањето дали Украина сè уште може да очекува помош од авиони од руско производство, пред сè МиГ-29 што се во сопственост на Полска, и потпретседателката на САД и полскиот претседател порачаа дека и помагаат на Украина со испораки на оружје, дека ситуацијата е динамична и дека членките на НАТО мора да се грижат за безбедноста на целата Алијанса.

Прифаќаме дека Украинците имаат право да бараат помош од НАТО. Одредени очекувања беа насочени и кон Полска, но ние сме членка на НАТО и мора да гледаме на прашањето за безбедноста низ призмата не само на безбедноста на Полска, туку и на целата Алијанса. Затоа одлучивме да дадеме авиони на располагање на НАТО и сакаме цело НАТО заедно да донесе одлука - изјави Дуда.

Херис и Дуда ја обвинија Русија за воени злосторства, вклучително и гранатирање на детска болница и породилиште во Мариупол. И двајцата истакнаа дека мора да почне меѓународна истрага за евентуални злосторства.

Кога станува збор за злосторства и кршење на меѓународното право, ние јасно кажуваме дека ќе се направи проценка и преглед. Телевизиите цело време покажуваат што се случува таму. Земја која сака да заземе друга земја без никаква цел мора да биде под истрага, без сомнение - изјави Херис.

Полскиот претседател изјави дека група обвинители од Меѓународниот кривичен суд веќе се во Полска за да соберат докази и сведоштва од украинските бегалци кои пристигнуваат во земјата.

Русите вршат воени злосторства во Украина. Се надевам дека во иднина судот ќе одлучи кој е одговорен за тоа. Кај нас постојано доаѓаат луѓе кои биле сведоци на бомбардирање на населени места, гранатирање болници. Има докази, сведочења, снимки во нивните телефони од кои се згрозува. Тоа се сцени, а сторителите се Руси - изјави Дуда.

Потпретседателката на САД им вети на Полска и на другите земји во кои масовно доаѓаат бегалци од Украина, прво 50 милијарди долари хуманитарна помош за самата Украина, а дополнително американскиот Конгрес се обврзал да помогне 13,5 милијарди долари за бегалците и земјите од Централна Европа кои примија бегалци.

Камала Херис разговараше и со полскиот премиер Матеуш Моравјецки, а на дневен ред е и средба со канадскиот премиер Џастин Трудо, кој исто така престојува во Варшава. Таа утре ќе ги посети американските и полските војници, а потоа ќе продолжи во Романија.

The post Камала Хeрис од Варшава: САД имаат обврска според членот 5, ќе ја браниме секоја педа од територијата на НАТО appeared first on Република.