Одбранбениот фудбалер на Реал Мадрид, Антонио Рудигер верува дека може да стане лидер на тимот по заминувањето на Лука Модриќ и Тони Крос.

-Крос е уникатен и незаменлив играч. Модриќ е уште млад (се смее). Добро настапува и игра со енергија. Дали ќе можам да станам лидер откако ќе заминат? Мислам дека можам да го направам тоа, изјави Рудигер за „Ел Мундо“.

Заедно со Реал Мадрид, Крос четири пати ја освои Лигата на шампионите, четири пати Ла Лига, Суперкупот на Шпанија и Суперкупот на УЕФА. Претходно играше и за Баерн Минхен и Баер Леверкузен. Тој најави дека ќе се пензионира по завршување на сезоната.

Договорот на Модриќ со Реал Мадрид истекува ова лето

The post Дали Рудигер може да биде лидер на тимот следната сезона? appeared first on Република.

Играчот од средниот ред на Барселона, Илкај Гундоган и дефанзивецот на Реал Мадрид, Антонио Рудигер, се следните две имиња во германската репрезентација за Европското фудбалско првенство што се игра летово.

Германскиот фудбалски сојуз избра неконвенционален начин да го објави составот преку традиционални и социјални медиуми, инфлуенсери, ТВ познати личности, уметничка галерија, националните превозници Луфтханза, па дури и сопственик на продавница за крофни пред официјалното претставување на тренерот Јулијан Нагелсман, закажан за четврток.

До среда попладне беа објавени вкупно 16 играчи. Конечниот список, кој мора да биде откриен до 7 јуни, не може да има повеќе од 26 играчи, но Нагелсман би можел да избере повеќе играчи на својот прелиминарен список во четврток.

Се работи за создавање многу емотивни моменти за оваа земја, за навивачите, за децата, за луѓето кои се на стадионот, кои се пред телевизорот, кои се надвор и на улиците, изјави неодамна Нагелсман за „Магента ТВ“ во однос на Евро 2024.

Рудигер, беше објавен од сопственикот на продавницата за крофни во Берлин во која играчот одел како ученик.

Здраво Антонио, добар човеку. Сакав да те известам дека си во тимот за Европското првенство. Бидејќи и ти беше мој клиент како ученик, првите 50 ученици ќе добијат бесплатна крофна денеска, рече тој во видео на Инстаграм.

Рудигер одговори во делот за коментари:

Хишар ќебап = најдобриот ќебап. Со нетрпение го очекуваме турнирот“.

Гундоган беше претставен и во главниот град, каде на 14 јули ќе се одржи финалето на еврото, преку билборд на Александарплац.

Гундоган, кој има 77 натпревари, беше именуван за капитен минатата година кога Мануел Нојер беше надвор од теренот поради скршеница на ногата, а тренерот Јулијан Нагелсман рече дека ќе остане капитен иако сега се врати голманот Нојер.

The post Рудигер и Гундоган потврдени во составот на Германија за Еуро 2024 година appeared first on Република.

Фудбалерот на Реал Мадрид, Антонио Рудигер, се здоби со голема рана по судир со голманот на Шахтјор на синоќешниот дуел од 4.коло во Лигата на шампионите.

Дефанзивецот на Реал Мадрид, во петтата минута од судиското надополнување, постигна гол со глава, при што, се судри со голманот на украинскиот тим, Анатолиј Трубин. Челото на Рудигер беше целото во крв, а тој добил 20 конци, објави шпанскиот новинар Хозе Луис Санчез.

Во текот на денешниот ден, врз Рудигер ќе бидат извршени медицински прегледи и ќе се знае детално за природата и времето потребно за санирање на повредата.

Голот на Рудигер беше клучен Реал Мадрид , со оглед на тоа што беше израмнувачки на дуелот со Шахтјор, а истовремено со тој гол, Реал Мадрид обезбеди пласман во осминафиналето на Лигата на шампионите.

The post Крваво заслужен гол: Рудигер доби 20 конци на главата appeared first on Република.

Антонио Рудигер ќе се пресели од Челзи во Реал Мадрид. Според новинарот Фабрицио Романо, мадридскиот клуб и 29-годишниот дефанзивец се договориле за договор до јуни 2026 година.

Пред да бидат потпишани сите потребни документи, останува да се средат некои детали. Дури и ако Тони потпише за Реал Мадрид во мај, трансферот ќе биде објавен дури на крајот на сезоната.

Претходно, менаџерот на Челзи, Томас Тухел, потврди дека Рудигер ќе го напушти клубот на лето: „Рацете ни се врзани поради санкциите. На Челзи ќе му недостига“.

Фудбалерот има 47 настапи за Челзи оваа сезона, постигнувајќи пет гола и две асистенции

The post Доаѓа Рудигер: Реал прави страшен тим за следната сезона appeared first on Република.