Сметам дека големата излезеност на гласачите најавуваше убедлива победа. Она што претходно беше најавувано како изедначена трка можеби беше претпазливост на некои анкетарски куќи, или од нивна страна некои сакаа да бидат и политички коректни , истакна пратеникот од ВМРО-ДПМНЕ, Антонио Милошоски на вечерашното гостување на МТВ каде имаше дебата за актуелната тема изборите во САД и победата на Доналд Трамп.

Исто така Милошоски додаде дека Трамп добил апсолутна победа, огромна доверба од граѓаните и дека има сериозна задача и одговорност кон граѓаните во САД.

Гледам дека самата разлика не само по број на електорски гласови туку и по гласовите добиени од граѓаните, господинот Доналд Трамп како нов претседател доби сериозно мнозинство.Истото се повторува и во Конгресот и во Сенатот и ќе има една сериозна власт и одговорност - изјави Милошоски.

Милошоски напомена дека актуелната македонска Влада е во блиски релации со членови од тимот на Трамп, така што партнерството со САД е од важен национален интерес.

Сметам дека актуелната Влада во Македонија има една предност. Предноста е што постојат и лични познанства пред да се стапи на било каква должност. Во тимот на Трамп и премиерот Мицкоски и министерот за надворешни работи Муцунски и други нивни сооработници имаат лични познанства со добар дел од луѓето кои што се блиски во кругот на опкружувањето на Трамп - дециден е Милошоски.

Милошоски дополнително додаде дека од средбите кои што ги воспоставил премиерот Мицкоски со Лутник и останатите соработници се разговарало за проекти. Тој нагласи и дека проектите се од стратешки интерес и ќе овозможат дополнителен развој на нашата економија и зголемување на животниот стандард на граѓаните.

Сметам дека од она што го имаме добиено како брифинг е добро што за време на посетата на Лутник и други соработници кои имаа средба со премиерот Мицкоски веќе разговарале за можни проекти, кои што би биле од заеднички стратешки интерес, во областа на економијата, енергетиката, дигитализацијата и други можни взаемни билатерални проекти кои што би биле корисни за Македонија, корисни за регионот, би имале поддршка и би биле корисни за САД - заклучи Милошоски.

The post Милошоски: ВМРО-ДПМНЕ гради силна релација со САД, партнерството е од важен национален интерес appeared first on Република.

Потпретседателот на Собранието и член на ИК на ВМРО-ДПМНЕ, Антонијо Милошоски, во гостување во централниот Дневник на Сител ТВ во „Тема на денот“, изјави дека би било добро во Софија да има стабилна влада за да може да се разговара на еден рамноправен начин.

Предолго трае оваа политичка драма во Бугарија и на овие избори нема убедлив победник, туку дополнителна фрагментација. Оваа ситуација ќе биде уште покомплицирана, бидејќи во составот на новото Собрание во Бугарија влегуваат три политички партии кои се радикална десница односно антиевропски настроени, истакна Милошоски.

Тој потенцира дека на Македонија, за понатамошни преговори со Бугарија и одговара стабилна влада со две партии.

Пречките со напредокот на Македонија би ги поврзал со директна фрагментираност во Бугарија. Проблемот во Македонија настана во моментот кога во Бугарија имаше стабилни влади но за жал, претходната Влада во Македонија прифати услови со кои создаде пречка за сите идни влади во Македонија. Затоа сметам дека потпишувањето на тој фамозен втор протокол од страна на поранешниот министер Бујар Османи заедно советуван со Ковачевски, Маричиќ и другата група раководители на надворешната политика кога го направија најголемиот проблем кога дозволија Македонија да влезе во лавиринтот на билатерализација на историски прашања како пречка на патот кон ЕУ, рече Милошоски.

Тој истакна дека македонскиот план звучи логичен и наидува на разбирање кај голем дел од соговорниците во ЕУ.

Според мене она што беше добиено како порака од посетите на владината делегација во Берлин е дека сепак македонскиот план звучи логично, има аргумент и истиот наидува на разбирање кај поголем дел од соговорниците во рамки на ЕУ, но мора да се напомене дека за истото треба да даде согласност и официјална Софија, затоа би било добро во Софија да има стабилна влада за да може да се разговара на еден рамноправен начин, посочи Милошоски.

Зборувајќи за ДУИ, пратеникот рече дека Владата предводена од ВМРО-ДПМНЕ се справува со последиците оставени од владеењето на СДСМ и ДУИ меѓу кои и огромен буџетски дефицит и падната доверба на граѓаните во институциите на системот.

Но, од друга страна пак, Милошоски вели дека ДУИ тешко се справува со позицијата во опозиција и смета дека нивниот претседател, очигледно, во обидот да привлече внимание и кај актуелната влада и кај меѓународната заедница манипулативно отвара теми кои не соодвестуваат со реалноста.

Во однос на писмото што денеска лидерот на ДУИ Али Ахмети го испрати до претседателот на Владата, Христијан Мицкоски, Милошоски вели дека самиот се побива бидејќи тој лично пред неколку години потврди дека Охридскиот договор е завршена работа и партијата ја ребрендираше во зелена.

Прво, самиот Али Ахмети се побива себе си со ова напишано писмо, бидејќи тој лично како претседател на ДУИ во 2021 година тука во Скопје промовираше на роденденот на ДУИ дека Охридскиот договор е завршена работа, националните теми се затворени и затоа ДУИ се трансформира во зелена партија со агенда за животната средина. И сега одеднаш кога падна ДУИ во опозиција ја нема животната средина ја нема зелената агенда, не е приоритет, сега повторно се оди на етнизирање на одредени теми како балансерот или слични други алатки кои ДУИ кога била на власт се согласила да бидат избришани, рече Милошоски.

Тој смета дека ваквото писмо ба Ахмети е патетично и е еден очаен обид за да се привлече внимание врз себе како одреден фактор од кој што зависи стабилноста или нестабилноста на државата.

Но тие времиња поминаа и најдобро е ДУИ да си посвети внимание на сопствените внатрепартиски реформи, рече Милошоски.

Тој додаде дека Али Ахмети има обврска да си ја реформира партијата од високата корупција.

The post Милошоски: Добро би било во Софија да има стабилна влада за да може да се разговара на рамноправен начин appeared first on Република.

Во вечерашната емисија „Само Вистина“ на Канал 5 Телевизија гостуваше пратеникот и член на ИК на ВМРО-ДПМНЕ, Антонијо Милошоски каде што истакна дека Венко Филипче нема авторитет ниту кај своите сопартијци и поради тоа одбира да критикува се што е добро.

Според мене мислам дека Венко Филипче како нов претседател на СДС се обидува да се докаже не толку пред целокупната јавност туку се обидува да се докаже пред јавноста која е поблиску до СДСМ мислам дека го нема авторитетот на неговите претходници, мислам на Зоран Заев, Црвенковски, Радмила Шеќеринска и други претседатели кои што биле на чело на СДС и обидувајќи се да го изгради тој авторитет одбира да критикува се, кажа Милошоски.

Милошоски ја посочи лошата состојба која што наследи новата влада во однос на институциите и празниот буџет.

Поминаа 100 медени дена но јас не би рекол така, за прв пат Македонија од кога е независна држава немавме 100 дена на владата да и се даде можност да се адаптира на новите услови а новите услови не беа ни малку лесни затоа што буџетот беше во многу лоша состојба, довербата во институциите на катастрофално ниско ниво и затоа сметам дека настапот на Венко Филипче да критикува се не соодветствува со реалноста со работата на Владата, вели пратеникот и член на ИК на ВМРО-ДПМНЕ, Антонио Милошоски.

Милошоски во однос на кредитот од Унгарија истакна дека досега немало потранспарентна најава, дека е најавен точно уште во предизборието, со многу ниска поволна камата ,со средства кои се прилично добри и за ликвидноста на македонското стопанство но и за општините бидејќи голем дел од средствата би биле наменети за сите општини за нивните инфраструктурни проекти“ нагласи Милошоски.

Милошоски се осврна и на евроинтеграциите каде што потенцираше дека претходната власт на ДУИ и СДС направила огромни грешки особено со потпишувањето на договорот во 2022 година кога власта на СДС и ДУИ им подари инструмент на Бугарија за легално блокирање на ЕУ интеграциите.

Сметам дека владата на СДС и ДУИ направија голема грешка, суштинска грешка кога прифатија билатеризација а евроинтеграциите. Со потпишувањето на вториот протокол кој што Бујар Османи и неговата колешка во Софија го потпишаа во 2022 година сметам дека се направи голема грешка. Тогаш на Бугарија владата на СДС и ДУИ и подари инструмент за легално блокирање на ЕУ интеграциите. Кој што гледаме дека сега резултираше со поволна одлука за Албанија и неповолна одлука за Македонија, потенцира Милошоски.

The post Милошоски: СДС и ДУИ им подарија инструмент во рацете на Бугарија за блокада на патот кон ЕУ appeared first on Република.

Во вечерашната емисија „За или Против’’  на Алфа ТВ  гостуваше потпретседателот на Собранието на Република Македонија, Антонијо Милошоски кој што истакна дека штетата од потпишувањето на договорот за добрососедство со Бугарија од страна на СДС и ДУИ е огромна и ги гледаме последиците.

„Генерално ситуацијата не е поволна, но ситуацијата која што ја имаме денес влече корени од потпишувањето на договорот за добрососедство помеѓу Македонија и Бугарија 2017 година од страна на тогашните премиери Заев и Бојко Борисов. Навреме предупредувавме дека потпишувањето на тој договор кој што носеше одличен наслов за добрососедство, но напротив, ќе предизвика многу повеќе проблеми за Македонија отколку што ќе понуди решенија и некоја корист. Од денешна гледна точка се потврдува дека сме биле во право но за жал нашите укажувања во изминатите 7-8 години не ја предомислија владата на СДС и ДУИ да потпише низа други поврзани со овој договор штетни протоколи, кој што ја носат оваа последица, Албанија да продолжи и да ги отвори преговорите за членство со ЕУ а Македонија да биде повторно блокирана од Бугарија затоа што претходната влада и даде на тацна инструменти за неоправдана блокада“ кажа Милошоски и додаде: 

„Клучниот проблем е што Заев, Бојан Маричиќ, Османи, Груби  и другите што ја креираа македонската надворешна политика во претходните 7 години прифатиле услов кој што не можат ниту самите да го исполнат. Тоа е услов за менување на Уставот и вметнување на Бугарите во Уставот. Во моментот кога го прифаќале овој услов немале двотретинско мнозинство и не говореле во име на сите граѓани. Вториот проблем и грешка е што прифатиле услов што не е поврзан со конечното членство на Македонија во ЕУ, туку е поврзан само со почетокот на преговорите што дури и да се случи ќе не внесе во една нова фаза на неизвесност да зависиме од доброто или лошо расположение на сегашната или идната влада на Бугарија“ истакна Милошоски.

Милошоски ја потенцира штетата од потпишувањето на договорот за добрососедство со Бугарија од страна на СДС и ДУИ.

„Ваквите штетни договори за жал имаат долгорочни последици СДС и ДУИ ги потпишувале со надеж дека тоа ќе им даде уште година две или три владеење како гарнитура во Македонија но цената на потпишувањето на ваквите штетни договори е долготрајна и огромна“ истакна Милошоски.

The post Милошоски: Владата на СДСМ и ДУИ ѝ даде на тацна на Бугарија инструменти за неоправдана блокада appeared first on Република.

📌 РЕК Битола - душманско крадење преку "РУД Коп дооел", "Марковски Компани" и "Дигер доо"- Битола, пишува на Фејсбук, Антонио Милошоски.
✒️ Држ.завод за ревизија на 11 јули 2024 објави Ревизорски извештај - Процесот на доделување на договорите за јавните набавки, кој открива големи неправилности и индиции за незаконско работење во "РЕК Битола", со местење на тендери за фирми блиски до СДСМ.
📍 Ревизорите констатирале декa во РЕК Битола биле спроведувани постапки со преговарање во “четири очи” без јасно дефинирани критериуми, нееднаков третман на компаниите и расипничко користење на јавните средства. Од податоците во ревизорскиот извештај и од јавно достапните податоци за јавните набавки, се откриваат компаниите миленици кои биле дел од пљачката во РЕК Битола: "РУД Коп дооел", "Марковски Компани" и "Дигер доо", сите од Битола.
1️⃣ Пример бр1.: Набавка Ископ на инвестициска откривка во Рудник Брод Гнеотино во РЕК Битола во 2022г кога директор бил хармоникашот Пеце Матевски, а генерален директор на ЕСМ Васко Ковачевски. АД Гранит ги исполнувала сите услови од тендерската документација и имала најефтина понуда од единечна цена од 2.040 ден/м3, но била отфрлена како несоодветна понуда и бил склучен договор со една од омилените фирми на директорот, "РУД КОП дооел" по единечна цена од 2.595 ден/м3 односно во вкупна вредност од 11,5 милиони€ и дополнителен склучен анекс од 2М евра.
2️⃣ Пример2: Проширување и изработка на усек за раздвојување во ПК ПЈС во РЕК Битола, во оваа постапка се глумела “конкуренција” a всушност се преговорало во “четири очи” со рекордерот по склучени договори "Маркоски компани ДООЕЛ Битола", чиј сопственик е конзул на Белорусија во Македонија. Во набавката про-форма учествувале компании кои не исполнувале услови, со задача да “глумат конкуренција”, со цел да остане висока цената на омилениот тендераш "Маркоски компани". Во оваа постапка, било утврдено дека наместо условите за исполнување на техничка и кадровска екипираност да бидат утврдени од РЕК Битола како договорен орган, тоа било оставено да го направи компанијата кога “преговарала", во случајов Маркоски компани".
3️⃣ Пример3: И во постапката за Ангажирање на услуги за помошна механизација за потребите на рударската оператива во РЕК Битола од 2022, утврдено е неосновано отфрлање на понудата на компанијата "Рубитон Битола" и бил склучен договор со "ДИГЕР ДОО Битола" за ангажирање на механизација во вредност од 1,4М€ и скучен анекс од 244.000€. На овој начин се анулирала конкуренцијата за да нема поповолни цени. Рубитон е истата фирма која во 2020 година го пријави тогашниот директор на АД ЕСМ Васко Ковачевски во МВР дека и вршел вршел притисок да отстапат дел од договорот што го склучиле за ископ во РЕК Битола или во спротивно да му платат 250.000€ во готово.
📌 Сите наоди ја потврдија јавната тајна истражена од многу новинари, дека во РЕК Битола се местеле тендери со цел душмански да се црпат милиони евра пари на граѓаните кои можеле да се употребат за набавка на противпожарни возила, обнова на болници или училишта. Останува да видиме дали овие ревизорски извештаи ќе ги прочита државниот јавен обвинител⁉️

The post РЕК Битола – душманско крадење преку “РУД Коп дооел”, “Марковски Компани” и “Дигер доо”- Битола appeared first on Република.

Дали Директорката на Академијата за судии Габер учествувала во фалсификување на службена исправа (записник), прашува Анотнио Милошоски, пратеник на ВМРО ДПМНЕ и потпретседател на Собранието.

Во статусот објавен на Фејсбук Милошоски пишува:

На 12-ти јули директорката на Академијата за судии и јавни обвинители (АСЈО), Наташа Габер поднесе оставка од функцијата, а како причини ги наведе „нестручната" одлука на Антикорупциската комисија и „неисправната" одлука на Управниот суд, поврзани со прекршувањето на изборниот законик од страна на раководството на АСЈО. Но, позади овој навидум етички чин, веројатно се крие загриженоста на директорката Габер дека неколку членови на Управниот одбор на Академијата веќе имаат сериозни индиции дека е фалсификуван записник од нивната седницата одржана на 15-ти март 2024 година.

Имено, по контроверзните измени на Законот за Академија за судии кои во Собранието беа протуркани со злоупотреба на европското знаменце, Управниот одбор на АСЈО заседавал, но НЕ ДОНЕЛ одлука за временската рамка за полагањето на квалификацискиот тест во писмена форма.

Сепак, три дена подоцна, претставничка на Академијата ги убедувала членовите на Приемната комисија дека Управниот одбор ДОНЕЛ одлука за полагање на тестот, иако Наташа Поп Трајкова, член на Приемната комисија, забележала дека во материјалите кои им се пратени нема таква одлука на УО. Испаѓа дека претставничката на Академијата пред Приемната комисија лажно тврдела дека Управниот одбор ја донел на записник спорната одлука.

Според Статутот на АСЈО токму директорката Габер е одговорна да ги извести органите на Академијата дали се исполнети законските услови за носење на таква одлука, и без нејзино знаење тешко би можело да се замисли некој да фалсификува записник од седницата на Управниот одбор.

После пресудите на Управниот суд дека АСЈО го прекршила законот, Антикорупциската комисија побара одговорност и оставки од членовите на Управниот одбор на Академијата. Ваквиот тек на настаните мотивирал неколку членови на УО на АСЈО да го побараат записникот од седницата на Приемната комисија (види прилог 👇, стр.2; 18.03.2024) и така ги забележале лажните тврдења на нивна штет, односно дека УО ја донел спорната одлука. Сепак, одговорот кој сторил фалсификување на службена исправа и по чиј налог најдобро го знае директорката Наташа Габер, која за овие дилеми ќе треба да одговара пред Управниот одбор, како и пред министерството за правда како институција која е надлежна да врши надзор. Нејзината закаснета оставка сепак не ја штити од одговорноста за ваквите силни индиции за незаконито фалсификување на записници, пишува Милошоски.

The post Милошоски: Дали директорката на Академијата за судии Габер учествувала во фалсификување на записник? appeared first on Република.

Пратеникот Антонио Милошоски на сите кои тврдат дека се залагаат за индивидуална одговорност во правосудството им порача да побараат оставка од Тања Чачорова Илевска, член на Судскиот совет на Македонија и поранешен советник за правда на бившиот премиер Заев, како и поранешен раководител на партиската комисија на СДСМ.

https://www.youtube.com/watch?si=BXx16-V6oG4udKtz&fbclid=IwZXh0bgNhZW0CMTAAAR0pxKaDx8BsDK9alLrwKC2EQj76WRYkpXL0OJ8Jnr0oY1z8HI5nhWiaU1k_aem_TYjuwou-yO5lGuDblYM3rA&v=-09FmtCJsO0&feature=youtu.be

 Чачорова беше известител во РСС која предложи отфрлање на иницијативата на ДКСК за утврдување на одговорноста на судиите кои се членови на управниот одбор на Академијата за судии, а во врска со пресудата на Вишиот управен суд кој со пресуда потврди дека АСЈО го прекршила членот 8-а од изборниот законик. РСС ја отфрли оваа иницијатива заради ненавремено поднесување на истата, но од ДКСК со соопштение реплицираа дека поднесокот е навремен бидејќи истиот е пратен во рокот од 15 дена од приемот на пресудата на Вишиот управен суд , со која се потврдена повредата на изборниот законик од страна на АСЈО.

The post Милошоски: Ако се залагате за одговорност побарајте оставка од Чачорова-Илиевска член на Судскиот совет и екс советник на Заев appeared first on Република.

Се наследува презадолжена држава во која претходните влади ја етаблирале корупцијата, како правило, а владеењето на правото станало селективен исклучок. од граѓаните со полно право ќе има очекувања за подобар животен стандард, а во буџетот има огромна финансиска дупка и презадолженост, изјави пратеникот  Антонијо Милошоски на собраниската седница за нова влада.

Милошоски истакна дека се наследува хаос во сите институции и претпријатија како ЕЛЕМ, Царина, во образование и здравство, Македонски шуми,  Железници, Агенција за водостопанство, Пошта, ФЗО, Судска администрација, се ова е резултат на неуспехот на СДСМ и ДУИ.

Ќе требаат вонредни напори и поддршка од јавноста за државата да се врати во нормален колосек. Мицкоски ќе има тешка задача.  Имаме држава во која доминираат корупција и инфлација, а државата ќе треба да се преобрази во нова, нормална со економска но и правна сигурност, рече Милошоски.

Милошоски додаде дека кога сме кај правосудниот систем видовме до кое ниво на деградација беа турнати  Судскиот совет и советот на јавни обвинители, а  реформите не се само политичка задача туку нужност, доколку сакаме довербата да биде подобрена.

Во надворешната политика, да се продолжи со стратешкото партнерство со САД, ова е начинот преку кој Македонија може да се избори за своите интереси на глобално нив. Министерот во МНР наследува голем неред во институцијата, естрадна дипломатка Бесмира Ејупи стана попопуларна од министерот Османи Треба сериозен тим и луѓе кои ќе знаат на најсоодветен начин да ги пратат пораките до меѓународната јавност, и да се добиваат најдобрите и квалитетни информации од меѓународните центри, а тоа не може да се добие од Љубомир Фрчковски и Весел Мемеди, нагласи Милошоски.

Милошоски потенцираше дека ќе има тешки битки во меѓународната политика имајќи го пристапот кои Грција и Бугарија го имаат кон Македонија.

– Ако забележите во последниве неколку дена има координирани напади едниот од внатре од СДСМ, а вториот од Мицотакис  од Атина по  однос на Преспанскиот договор и тоа да биде биполарноста поизразена, во Македонија нападите доаѓаат од оние кои го потпишаа овој договор. Во однос на Бугарија преговарачката рамка дополнително и непотребно беше оптоварена со Вториот Протокол со кој Османи се согласи историјата да биде критериум и ова ќе биде предизвик со кој ќе треба да се бориме, изјави Милошоски.

The post Милошоски: СДСМ кои го потпишаа Преспанскиот договор периодов координирано напаѓаат заедно со грчката страна appeared first on Република.

Државата е навистина доведена во незавидна ситуација каде нема луксуз да се делиме, поларизираме, пребројуваме на ваши, наши, нивни, треба сите можни ресурси да се ангажираат за да може да постигнеме одредени цели и затоа е таа подадена рака и кон тие кои се претставници и симпатизери на СДСМ.

Но тоа не значи дека некој што се огрешил пред законот ќе биде заштитен од одговорност. Ако некој бил директор, министер, функционер од СДСМ и ДУИ и според материјални докази се докаже дека го прекршил законот ќе си одговара согласно законските одредби, истакна пратеникот и член на ИК на ВМРО-ДПМНЕ Антонијо Милошоски во гостување во емисијата „Заспиј ако можеш“ на ТВ Алфа.

Милошоски продолжи и додаде:

„Ќе треба да се направи силна динамика на работа на извршната власт и Собранието заеднички бидејќи тоа што најмногу загрижува од податоците кои ги добивме од техничката влада од министерството за финансии преку претставникот на ВМРО-ДПМНЕ, заменичкиот министер за финансии дека државниот буџет и приходите во државниот буџет се на критично ниско ниво. Во најголемиот дел од министерствата и институциите доведено е сервисирањето на основните услуги кои овие институции ги даваат. Тоа ќе биде најголемиот предизвик на новата влада како да се покрие финансиската штета која беше направена од СДСМ и ДУИ за да може буџетот да се врати во кондиција“, рече Милошоски.

Тој потенцираше дека секој министер и директор на поголемо државно претпријатие откако ќе влезе во институцијата треба да си направи основна ревизија на буџетската состојба на институцијата што ќе ја раководи и актуелната финансиска состојба без разлика колку таа да е лоша да ја сподели со јавноста.

„На сите овие номинирани кандидати за министерски позиции треба да им се честита за тоа што прифатиле ваков предизвик секој еден од нив е свесен дека влегува во тешка ситуација во сите министерства. Токму тоа е предизвикот полошо од ова не може да биде мора да направиме Македонија да ја искористи оваа шанса да ги врати министерствата во вистински колосек да ја подобри ситуацијата и стандардот во државата“, вели Милошоски.

Милошоски укажа на тоа дека Владата на ВМРО-ДПМНЕ предвидува да одвои добар дел од буџетот кон општините со однапред подготвена проектна документација.

The post Милошоски: Државата e доведена во незавидна ситуација, немаме луксуз да се делиме, пребројуваме на ваши, наши, нивни appeared first on Република.

По однос на писмата на министерот за правда во заминување господинот Кренар Лога, од негова страна има право да се жали доколку сака да пишува такви писма, но се надевам дека писмата нема да ги испрати преку Македонска пошта, јавното претпријатие кое што 20 години го управува ДУИ и е нефункционално. Бидејќи ако ги испрати преку Македонска пошта може да не стигнат до адресите на кои што сака да се пожали министерот Лога, вели пратеникот на ВМРО-ДПМНЕ и член на Извршниот комитет, Антонијо Милошоски во денешното гостување во Дејли Клик на телевизија ТВ 21 во однос на писмата кои што утрово ги објави министерот за правда тврдејќи дека ќе ги испрати до амбасадите во Македонија на меѓународната заедници за да се пожали за претстојните реформи во правосудните органи како што се Судски совет и Републичкиот совет на јавни обвинители.

„Но, по однос на темата Републички судски совет и Совет за јавни обвинители, токму заради најнеспособниот тандем до сега во Министерството за правда, министерот Лога и заменичката министерка Аврамовска Мадиќ, мислам дека падна довербата во правосудство и во овие две институции на рекордно ниски два проценти“, рече Милошоски додавајќи дека реформи се неопходни и во двете овие институции.

Милошоски посочи дека смета дека ВМРО-ДПМНЕ и коалицијата имаат обврска како ветен проект пред граѓаните за кои што добивме голема поддршка, да направиме реформи во овие две институции.

„Законските интервенции кои што ќе се однесуваат на Судскиот совет и на Советот на јавни обвинители ќе бидат сублимат на експертски мислења и препораки на домашната стручна јавност како може да се зголеми автономијата и ефикасноста на овие две институции“, истакна Милошоски.

Милошоски кажа дека никој од СДС и од ДУИ нема да може да се сокрие зад партијата, и дека секој кој згрешил или го прекршил законот, ќе одговара.

„Некои од челниците на СДС ја користат партијата како акционерско друштво. Некако зад партијата сакаат да го сокријат сето она кое го правеа во изминатите години. Јас им порачувам и на оние кои ја водеа државата во изминатите седум години и од СДС и од ДУИ, времето за одговорност допрва доаѓа“, рече Милошоски.

The post Милошоски: Нека се жали каде сака, поради најнеспособниот тандем Лога и Аврамовска Мадиќ, довербата на судството е 2 проценти appeared first on Република.

Антонијо Милошоски од ВМРО-ДПМНЕ, во „Дејли Клик“ на ТВ21 го коментираше односот на ДУИ, кој потпиша Декларација која најави дека ќе ја испрати до сите меѓународни институции, со цел, како што велат, со коалицијата ВМРО-ДПМНЕ – ВЛЕН „не е испочитувана волјата на Албанците“.

Сметам дека ДУИ не се грижи толку Албанците и за нивниот стандард и за нивниот начин на живот, колку што се грижи за удобноста на функционерските фотељи во кои ДУИ беа заседнати во изминатите 20 години. И реакциите кои ги произведува се реакции каде се препознава загриженоста на ДУИ од статусот на опозиција. Тоа е проблем на ДУИ, и тоа е дел од демократската игра. Уставот вели дека секој кој има мнозинство од 61 пратеник, има уставно право да формира влада. Ние ќе имаме широка влада поддржана од најмалку 78 пратеници со коалиција со ВЛЕН и ЗНАМ. ДУИ да го прифати ова како политичка реалност, и да престане да ги користи Албанците и да ги омаловажува. Во 2016 година ДУИ тврдеше дека 61 пратеник е уставниот минимум за формирање на влада и ништо друго не е потребно, и треба да си ги видат своите изјави пред 4 и 8 години и дека немаат право да се жалат, рече Милошоски.

Милошоски рече дека кога нивниот градочалник Рамиз Мерко бил ставен на црна листа, тогаш не реагирале, туку сега кога се во опасност да одат во опозиција, тогаш да испраќаат писма.

Талат Џафери сака да се вози и со владиниот мерцедес и да биде премиер, и да биде пратеник. Тоа не може така. Му порачувам да ги почитува законите, и уставот, и да си поднесе оставка од едната функција, рече Милошоски.

Тој кажа дека сите министри од СДСМ веќе си поднесоа оставки, додека министрите од ДУИ и натаму сакаат да седат на две фотељи, и да бидат министри и да бидат пратеници.

The post Џафери сака и да се вози и со владиниот „мерцедес“ и да биде пратеник, само ги омаложуваат Албанците appeared first on Република.

Антонијо Милошоски од ВМРО-ДПМНЕ ги коментираше уставините измени. Тој во „Дејли Клик“ на ТВ21 кажа дека Македонија веќе имала лошо искуство со промена на името, кога и било ветено дека ќе влезе во ЕУ, но тоа не се случи.

Сметам дека ние треба да одиме по моделот на Хрватска и Словенија. И тие имаа спор, па го решија со компромис. Мораме да бидеме многу внимателни, затоа што ние сменивме име, па не ни беше исполнето ветувањето да влеземе во ЕУ. Мораме да бидеме воздржани во однос на ЕУ, затоа што веќе имаме лошо искуство со промена на името и потоа следуваа блокади најпрво од Франција, па од Бугарија, изјави Милошоски.

https://www.youtube.com/live/4E7C_ZmxGMA?si=u6j5nXEAXx3vZh_U

The post Милошоски: Треба да одиме по моделот на Хрватска и Словенија, а да сме воздржани за уставните измени appeared first on Република.

Новата влада на ВМРО-ДПМНЕ најави реформи во Судскиот совет и Советот за јавни обвинители. Токму на оваа тема зборуваше Антонијо Милошоски во изданието на „Дејли Клик“ на ТВ21.

Го коментираше тоа што актуелниот министер за правда Кренар Лога со писма ги информираше странските амбасади за најавените идни потези од страна на новата власт.

Би кажал дека министерот во заминување Кренар Лога има право да се жали и да пишува такви писма, но се надевам дека писмата нема да ги испрати од Македонска Пошта, затоа што тоа е водено од ДУИ и е нефукционално, и може да не стигнат писмата. Во однос на темата, току поради еден од најспособните министри Лога и неговата заменичка Мадиќ, падна довербата во правосудството на рекордни 2%. Реформи се неопходни и сметам дека ВМРО-ДПМНЕ имаат обврска како ветен проект пред граѓаните, да направиме реформи во овие две институции - изјави Милошоски.

The post Милошоски: Лога може да се жали каде сака, но поради него и неговата заменичка довербата во судството падна на рекордни 2% appeared first on Република.

Дали Курто, Селим, Мерко и Иџет ќе ја потпишат петицијата на ДУИ до Брисел?

Очигледно е дека ДУИ се уште не може да се помири со политичката реалност дека ќе оди во опозиција. Дел од владините функционери од ДУИ, плашејќи се од одговорност пред законите, не сакаат да прифатат дека во Македонија и без нив може да се формира влада поддржана од стабилно мнозинство од најмалку 78 пратеници и со легитимитет добиен од над 600.000 гласачи. И во знак на протест сега ќе потпишуваат петиција до ЕУ во која веројатно ќе доминираат фразите за тоа дека сите други политички чинители се лоши, а само ДУИ се оние најдобрите кои се залагаат за демократскиот легитимитет, за владеењето на правото, евро-атланските партнерства и стабилноста на државата - напиша утрово Антонио Милошоски, пратеник и претставник на политичката партија ВМРО - ДПМНЕ.

Тој нагласува дека „ДУИ има право да се лути, да кодоши и да пишува писма“, но исто така вели дека ќе биде навистина интересно да се види дали меѓу функционерите потписници на тоа писмо ќе бидат и:

- Курто Дудуш, и дали во писмото ќе има дел за информациите што обвинителот Ислам Абази ги знае за (не)законските постапки од областа на урбанизмот во општината Шуто Оризари.

- Селим Адеми, и дали до неговиот потпис ќе стои упатство за уникатната примена на правото во Републичкиот судски совет за незаконито менување на претседател.

- Рамиз Мерко, со потпис и објаснување за процесот на ветинг во корелација со црните листи на стратешките партнери и

- Иџет Мемети, со потпис и експликација колку стабилна и приходна може да биде меѓуетничката соработка во правосудството на еден "про-европски" тандем, особено ако едниот е обвинител, а другиот Врховен судија.

И сигурно нема да се пропушти на оваа петиција да И се закачи "европското знаменце" што ДУИ 100 пати го злоупотреби во Собранието, за да може истото да биде разгледано по скратена постапка во Брисел, Анкара, Софија, Вашингтон и Лондон - потенцира Милошоски.

The post Милошоски распали за „писмото на опозиционерите“: Дали Курто, Селим, Мерко и Иџет ќе ја потпишат петицијата на ДУИ до Брисел? appeared first on Република.

„СДСМ со вакво однесување е прашање дали го слушнала гласот на граѓаните на многу теми. Но, добро секоја партија си прави своја проценка“, истакна Антонијо Милошоски, член на ИК на ВМРО-ДПМНЕ во емисијата „Топ Тема“ на телевизија Телма.

Милошоски укажа дека СДСМ со својата политика купи ден – помини и нанесе енормна штета на граѓаните и на Македонија.

„Кога имате една политика која што е купи ден – помини, вие правите сериозни отстапки и концесии, за кои што внатре домашната јавност, политичка и медиумска ќе се расправа. А, соседите тие кој што немаат добри намери ќе се ситат. А, целта нема да си ја постигнете таа што ви е стратешки зацртана, ја појасни Милошоски политиката на СДСМ каква што беше додека тие беа на власт.

Тој посочи дека Македонија ако напредува во владеење на правото, тогаш односот на земјите членки на ЕУ кон Македонија ќе биде поповолен.

Ако во Македонија има сериозни реформи и напредок особено во областа што е најкритична да кажам за земјите кандидати во рамките на ЕУ, а тоа е владеењето на правото, и ако тука покажеме добар резултат сметам дека и односот на земјите членки на ЕУ кон Македонија ќе биде поповолен, нагласи Милошоски.

„Ние треба да си ја завршиме домашната работа и тоа што зависи од нас“, укажа тој.

Милошоски додаде дека главните теми во Владата ќе бидат повеќе инвестиции, поголем приоритет на владеење на правото и реформите во тој сектор, бидејќи се бележеше голем пад во правосудството, и третото ќе биде евроинтеграциите според Копенхагешки критериуми.

The post Милошоски: Македонија ако напредува во владеење на правото, тогаш односот на земјите членки на ЕУ кон државата ќе биде поповолен, СДСМ само нанесе штета досега appeared first on Република.

Шест членови на Влада би припаднале на Коалицијата ВРЕДИ, двајца членови би припаднале на политичката партија ЗНАМ. Останатите членови на Влада би припаднале на ВМРО-ДПМНЕ и Коалицијата, истакна Антонијо Милошоски, член на ИК на ВМРО-ДПМНЕ во емисијата „Топ Тема“ на Телма.

Принципиелно е да не се лиферуваат имиња до моментот додека не бидат потврдени со нив лично и со партиските органи, Извршниот комитет и Централниот комитет, појасни Милошоски образложувајќи дека ВМРО-ДПМНЕ не ги таи кои позициите би припаднале на ВМРО-ДПМНЕ и Коалицијата.

Милошоски додаде дека тој нема да биде дел од извршната власт. За него законодавниот дом е сосема доволен политички ангажман.

Во текот на гостувањето во емисијата Милошоски се осврна и на темата за користење на името на Македонија од страна на Сиљановска Давкова при што тој потсети дека таа во еден од ТВ дуелите се изјасни дека во вербална комуникација ќе го користи името Македонија.

Претседателката Сиљановска Давкова и идниот мандатар и премиер, Христијан Мицкоски за време на цела изборна кампања беа прилично јасни во тој дел. Во тој дел имаше и една изјава на една од телевизиските дуели на двајцата кандидати за претседатели каде што сегашната претседателка соопшти дека таа е легалист и се она што произлегува од потпишување на укази, објавување во Службен весник и се што е друго формална комуникација ќе се придржува кон новата реалност создадена во времето на склучувањето на Преспанскиот договор од страна на Димитров и Заев, но истовремено во нејзината вербална комуникација и односи со јавноста ќе го користи името Македонија. И сметам дека таа остана доследна на она што го изјави“, рече тој.

Тој посочи дека од друга страна се забележа дека има друга недоследност, а тоа е дека токму тие што го промовираа новото уставно име на државата и некогаш дури и пречесто го повторуваа во Собранието, на дебатните емисии и сл., и се забележа дека во изборната кампања дури претходниот претседател Пендаровски, претходниот премиер Ковачевски, па и други се почесто знаеја колоквијално да го користат само името Македонија. Не беше конзистентно според она што тие го имаа најавено и промовирано.

The post Милошоски: Бројката на членовите во Влада се познати, но принципиелно е да не се лиферува со имињата додека не се потврдат appeared first on Република.

Пратеникот од редовите на ВМРО-ДПМНЕ, Антонијо Милошски по вчерашното прегласување, на социјалните мрежи го објави официјалниот распоред во македонското собрание, како и коалицијата која веројатно ќе се формира за поддршката на владата.

Новата влада се очекува да се формира до 20 јуни, а во неа веројатно ќе учествуваат ВМРО ДПМНЕ, ВРЕДИ и ЗНАМ, напиша Милошоски на „Твитер“.

#Macedonia 120-seat Parliament election 🇲🇰 :

VMRO DPMNE+-EPP: 58
DUI~S&D|EPP|NI: 18
SDSM+-S&D|RE|G/ECR: 18
VREDI~NI: 14
Levica~LEFT: 6
ZNAM-*: 6 MPs
...
The new government is expected until 20.June, most probably VMRO +VLEN +ZNAMhttps://t.co/Wz7ygeAWwG #Избори2024 #IzboriMK pic.twitter.com/QKxvor6FrI

— Antonio Macedonian (@AMiloshoski) May 22, 2024

Според последните информации коалицијата предводена од ВМРО ДПМНЕ освои 58 пратенички места, коалицијата предводена од ДУИ 18 пратенички места, коалицијата предводена од СДСМ 18 пратенички места, ВРЕДИ освои 14 пратенички места и помалите политички партии од македонскиот блок, ЗНАМ и Левица освоија по 6 пратенички места.

https://republika.mk/vesti/makedonija/rezultati-od-preglasuvaneto-dui-zagubi-eden-pratenik-vo-shestkata-vredi-dobi/

The post Милошоски: Новата влада се очекува до 20 јуни, во неа веројатно ќе бидат ВМРО-ДПМНЕ, ВРЕДИ и ЗНАМ appeared first on Република.

Време е ДУИ да оди во опозиција, порача Антонијо Милошоски член на ИК на ВМРО-ДПМНЕ во вечерашното гостување во емисијата „За или против“ на ТВ Алфа.

Милошоски ги искоментира изјавите на лидерот на ДУИ Али Ахмети дека со прегласување на одредени избирачки места се врши изборен инжинеринг потенцирајќи дека ДУИ вршеше изборен инжинеринг со обидот за бојкот на претседателските избори во вториот круг.

Да говори за изборен инжинеринг човек кој што на вториот круг на гласање за претседателските избори денот го започнаа како структура во ДУИ со организиран бојкот за да се наруши цензусот тоа е веќе изборен инжињеринг. Се гледа дека ДУИ веќе го изгуби компасот и очигледно е дека Ахмети веројатно во последните неколку години е повеќе под влијание на Артан Груби, Бујар Осамни и на некои други луѓе од тоа бизнис крило, отколку што е под влијание на порационалните луѓе во ДУИ кои што спроведуваат конвенционална политика, истакна тој.

Според Милошоски, ДУИ го прекршил правилото коалицирање победник со победник, укажувајќи дека ДУИ и Ахмети треба да се спремаат за една мирна и цивилизирана транзиција како во секоја европска држава.

Самите принципи кои ги наметна ДУИ во 2016тата година односно самите принципи кои ги прекрши сега нема право ДУИ да се повикува на било што, и затоа сметам дека е добро да се спремаат за една мирна, цивилизирана транзиција како во секоја европска држава, изјави тој.

На прашањето дека претседателот на ВМРО-ДПМНЕ Христијан Мицкоски објавил дека ВМРО-ДПМНЕ има 61 пратеник, Милошоски нагласи дека во моментот партијата има 61 пратеник, но со прегласувањето во изборната единица 5 очекуваат да имаат 11 пратеници, со што бројката ќе изнесува 62 пратеници.

Да точна е изјавата на претседателот Мицкоски дека во овој момент ВМРО-ДПМНЕ има консолидирано 61 пратеник. Со прегласувањето во среда и реалната шанса во 5тата изборна единица да го добиеме 11тиот пратеник, ВМРО-ДПМНЕ веќе ќе има консолидирано 62 пратеници. Потоа продолжуваат преговорите со коалицијата ВРЕДИ, која има 13 пратеници, можно е да го освојат и 14тиот. И кога ќе завршат тие преговори, сметам дека ќе се отвори можноста и за разговори со политичката партија ЗНАМ, вели Милошоски.

The post Милошоски: Со прегласувањето очекуваме вкупно 62 пратеници appeared first on Република.

Пратеникот Антонио Милошоски коментира дека две-три години првите луѓе на СДСМ ги залажуваа своите симпатизери дека ВМРО-ДПМНЕ, дури и да победи, нема коалициски капацитет за да формира влада.

Милошоски додава дека „истата мантра, како верна паушал-клиентела, ја повторуваа и 6-7 провладини 'аналитичари'“.

Но, изборите ја демантираа власта во заминување и денес токму владините партии ДУИ и СДСМ се оние кои немаат коалициски капацитет. И СДСМ и ДУИ имаа силно изразена ароганција како власт и гледаа со големо потценување на секој неистомисленик. Периодот во опозиција е шанса и за двете партии да се реформираат, да покажат дека го почитуваат мислењето на народот, а ароганцијата да си ја остават само за домашна употреба, вели Милошоски.

The post Милошоски: И СДСМ и ДУИ имаа силно изразена ароганција како власт, периодот во опозиција е шанса да покажат дека го почитуваат мислењето на народот appeared first on Република.

Пратеникот Антонио Милошоски тврди дека грчката амбасадорка Филипуду ја напуштила ложата откако претседателката Силјановска-Давкова го употреби зборот Македонија без додавката „Северна“.

https://republika.mk/vesti/makedonija/nema-severna-pretsedatelkata-se-zakolna-vo-makedonija/

📍 Грчката амбасадорка Филипиду 🇬🇷 демонстративно ја напушти собраниската ложа, заради употребата на терминот Македонија при положувањето на заклетвата од новата Претседателката Силјаноска Давкова @gogamkd 🇲🇰 pic.twitter.com/iRlNqYbWCh

— Antonio Macedonian (@AMiloshoski) May 12, 2024

The post Милошоски: Грчката амбасадорка ја напушти собраниската ложа поради зборот „Македонија“ appeared first on Република.