Американскиот државен секретар Ентони Блинкен денеска одговори на критиките за настапот на претседателот Џо Бајден на предизборната дебата минатата недела, истакнувајќи дека политиката на Бајден во последните три и пол години ја зајакнала довербата во американското лидерство во светот.

Блинкен беше прашан за време на настан во Институтот „Брукингс“ што ќе си помислат пријателите и непријателите на САД за американското лидерство по слабиот настап на Бајден.

Американскиот државен секретар рече дека луѓето во светот гледаат што Бајден направил од неговото доаѓање на власт, а не само неговиот настап во вечерта на дебатите и дека ја ценат неговата политика.

Блинкен истакна дека луѓето гледаат претседател кој ги вратил позициите на Америка, ја вратил Америка на светската мапа, обновил сојузи и партнерства.

- Ако ги погледнете социолошките истражувања во светот, до степен до кој може да им се верува, ќе видите повторно и повторно дека довербата во американското лидерство значително се зголемила во последните три и пол години, истакна тој.

Тоа не се случува само по себе. Тоа е резултат на политиката што ја водиме, резултат на нашата ангажираност. Тие гледаат дека претседателот Бајден го отвора патот во сите овие различни области на начин што ги обединува луѓето и е фокусиран истовремено на предизвиците што стојат пред нас и кои се заеднички за толку многу земји, додаде Блинкен.

Поддржувачите на Бајден се надеваа дека предизборните дебати ќе ги разбијат сомнежите дека тој е премногу стар за уште еден претседателски мандат, но наместо тоа, неговиот настап дополнително ги разгоре сомнежите. Некои демократи дури повикаа Бајден да биде заменет со друг кандидат.

The post Блинкен го брани Бајден, вели дека ја вратил довербата на светот во лидерството на САД appeared first on Република.

Највисокиот дипломат на Вашингтон е меѓу лидерите кои се очекуваат на економскиот самит организиран од Саудиска Арабија, што треба да почне в недела, со силен фокус на тешката војна во Газа, рекоа организаторите.

„Американскиот државен секретар Антони Блинкен „ќе дојде директно од неговите посети во Кина и на пат за Израел“, рече Борге Бренде, претседател на Светскиот економски форум на прес-конференција денеска во Ријад.

Други учесници на дводневниот специјален состанок се палестинскиот претседател Махмуд Абас и министрите за надворешни работи и премиерите од целиот Блиски Исток и од Европа.

Тие вклучуваат министри за надворешни работи од Франција, Германија, Обединетото Кралство и ЕУ и премиери од Катар, Јордан, Египет и Ирак, се вели во соопштението на СЕФ.

„Вкупно 12 шефови на држави и влади се појавуваат меѓу повеќе од 1.000 учесници“, рече Бренде.

The post Блинкен се очекува во Саудиска Арабија на самит за глобална економија и за Газа appeared first on Република.

Американскиот државен секретар, Антони Блинкен му ја честита 16-годишнината од независноста на Косово, со порака дека „САД го ценат стабилното партнерство и пријателството меѓу двата народи“, јави дописникот на МИА од Приштина.

Блинкен ја повтори пораката на претседателот Џо Бајден за Косово од претходниот ден, дека САД го поддржуваат мултиетничко Косово и очекуваат да ги исполни претходно постигнатите договори.

- Додека продолжувате да постигнувате напредок во јакнењето на демократските институции и промовирањето на владеењето на правото, ние ќе продолжиме да го поддржуваме мултиетничко Косово кое напредува во побезбеден и попросперитетен регион. САД го охрабруваат Косово да ги спроведе своите обврски и да чекори напред преку дијалог олеснет од ЕУ, со цел да се постигне сеопфатен договор за нормализација со Србија, на патот кон взаемно признавање на крајот, напиша Блинкен.

Тој нагласи дека САД веруваат оти иднината на Косово е во евроатлантските институции и ги поддржуваат аспирациите дефинирани според Декларацијата за независност и Уставот на Косово „да придонесе за стабилноста на регионот и Европа преку создавање добрососедски односи“.

- На нашиот пријател, партнер и сојузник му ја честитаме годишнината од Независноста, се вели на крајот од честитката на Блинкен.

The post Блинкен ја честиташе годишнината од независноста на Косово: Го охрабруваме спроведувањето на обврските appeared first on Република.

„Кога почнав да работам во Стејт департментот, предизвик беше Балканот, Босна и Херцеговина, а потоа и Косово. Ние сме навистина луѓе кои имаат идеја дека не можеме да се вратиме во минатото. Поради оваа причина, ги поддржуваме сите напори за подобрување на меѓусебните односи и европската интеграција“, рече Блинкен на заедничката прес-конференција со албанскиот премиер Еди Рама.

Блинкен ѝ честиташе на Албанија за, како што рече, улогата на земјата во регионалната стабилност и интеграција, пренесува Танјуг, повикувајќи се на Албаниан пост.

Албанскиот премиер Еди Рама изјави дека Косово во иднина не треба да презема никакви чекори во дијалогот меѓу Косово и Србија без претходна консултација со САД.

„Ниту еден чекор напред во дијалогот не треба да се прави без консултации и координација со американските партнери. Некои гласови може да се добијат со одлуки кои не биле консултирани со Американците, но иднината, никако“, рече Рама.

Тој додаде дека „без САД и нивните партнери, Косово немаше да биде независно“.

„Добро е Албанците да не забораваат дека без САД немаше да има независна држава Косово и дека интересот на САД во овој регион, особено интересот за непречено одвивање на работите во Албанија и Косово не е интерес на некој друг“, рече Рама.

Рама рече дека за време на посетата на Блинкен разговарале за тензиите меѓу Косово и Србија.

Преговорите под покровителство на ЕУ за нормализирање на нивните односи напредуваат бавно, а повремените насилни инциденти ги подгреваат стравувањата од нестабилност. САД и ЕУ изразија загриженост поради неодамнешната забрана на Косово за користење на динарот во општините со мнозинско српско население.

„Дијалогот под покровителство на ЕУ е правилен, а всушност мислам и единствениот пат напред и ние сме посветени да направиме сè што можеме за да ги поддржиме двете земји на тој пат“, рече Блинкен.

Блинкен вчера за прв пат во кариерата ја посети Тирана.

Тој во главниот град на Албанија пристигна во попладневните часови.

По Тирана, Блинкен ќе отпатува за Минхен каде заедно со американската потпретседателка Камала Харис ќе учествува на Минхенската безбедносна конференција.

Извор: МКД.мк

The post Блинкен: Дијалогот со посредство на ЕУ е единствениот правилен пат за Косово и Србија appeared first on Република.

Премиерот Еди Рама изрази благодарност за доаѓањето на американскиот државен секретар Антони Блинкен, кој, како што рече, ја посетил Тирана во тежок период.

-Ова е посета од особено значење за нашите односи. Овојпат имаме посебна благодарност за оваа посета, бидејќи сме свесни за турбулентните времиња, не само на границите на Европа, туку и во други области од стратешко значење. Фактот што најдовте време и потреба да застанете во Тирана за нас е многу важен знак на пријателство, но и на благодарноста што ја давате на ова пријателство, ова партнерство и овој регион, рече тој на заедничката прес-конференција со Блинкен.

Тој изрази благодарност до САД за реформите во правдата, со кои, како што рече го скршивме митот за неказнивост, вклучувајќи и лица од власта.

-Ви благодариме што за топлината на пречекот и за нашиот разговор. Не можам доволно да ја изразам почитта кон вашата земја како извонредниот партнер на САД. Ова партнерство е посилно од кога било. Ова е двонасочна улица, правиме работи во корист на албанскиот народ и на САД. По иранските сајбернапади, САД помогнаа да се подобри опремата. Му благодарам на премиерот за неговата извонредна великодушност во гостопримството на Авганистанците. Некои од нив ги запознав, тие се во процес на добивање виза, ќе дојдат во САД. Албанија беше првата што ја крена раката за да и помогне на Украина и е една од 10-те најдобри придонесувачи за помош по глава на жител, рече Блинкен.

Тој упати позитивни оценки за реформите во правосудството.

-Припадниците на организираниот криминал завршуваат во судска постапка. Ќе продолжиме да ја поддржуваме Албанија. Нашите демократии се соочуваат со дезинформации. За ова потпишавме меморандум за соработка. Има сајбер војна. Важно е да ги имате потребните алатки, нагласил Блинкен.

Најави дека идниот месец ќе биде отворена воената воздухопловна база на НАТО во албанскиот град Кучово.

На прашањето дали има закани од Русија рече дека „многу набрзо ќе зборуваат за ова, додавајќи дека фокусот на претседателот Бајден е безбедноста на САД и нивниот народ“.

-Што се однесува до заложниците во Газа, како што е познато дадовме предлог што го сумира она што го предложи Катар-Египет-Израел. Рработиме напорно за да најдеме договор и верувам дека тоа е можно. Но, има некои многу тешки прашања кои треба да се решат. Ние сме посветени на постигнување договор, одговорил Блинкен.

На забелешката што не се сретнал со претставници на опозицијата одговори дека „ќе се сретне во некоја друга прилика“.

-Рама е извонреден лидер и многу добар премиер. Во секоја тешкотија што ја имавме во последните 4 години, тој беше покрај нас и заедно се соочивме со нив, посочи Блинкен.

Сепак, Рама, во негов познат стил, му стави забелешка за одлуката на Блинкен за тоа каде избрал да вечера.

-Не можам да не го споделам жалењето што помеѓу вечерата во Тирана и онаа во Минхен, ја избравте не толку обемната германска храна, но ние нашето го направивме, вечера подготвивме, му рече Рама на Блинкен.

Од Тирана во 20 часот тој ќе отпатува за  Минхен, Германија каде ќе учествува на Минхенската безбедносна конференција, како дел од делегацијата на САД предводена од потпретседателката Камала Харис.

The post Рама: Посебна благодарност за посетата на Блинкен бидејќи се случува во турбулентни времиња appeared first on Република.

Соочени со големиот политички отпор за понатамошна помош за Украина, американската влада сега користи економски аргументи за кампања за понатамошна поддршка за Киев, јавува денеска германската новинска агенција ДПА.

По вчерашниот состанок со неговиот британски колега Дејвид Камерон во Вашингтон во американскиот државен секретар Антони Блинкен рече:

Ако ги погледнете инвестициите што ги направивме во одбраната на Украина за да се справиме со оваа агресија, 90 отсто од безбедносната помош што ја обезбедивме всушност е потрошена овде, во САД, со нашите производители.

Блинкен нагласи дека ова „создаде повеќе американски работни места, поголем раст во нашата сопствена економија“.

– Ова е во прилог на важноста на поддршката за Киев за глобалната политика и националната безбедност на САД, додаде Блинкен.

The post Блинкен: Воената помош за Украина ќе создава раст и работни места во САД appeared first on Република.

Американскиот државен секретар Антони Блинкен во четвртокот побара од Израел да ги заштити цивилите во јужниот дел на Газа доколку прекинот на огнот заврши и воените операции продолжат, повторувајќи го правото на Израел да се брани од терористичко насилство.

Во разговор со премиерот Бенјамин Нетанјаху, Бликен истакна дека „пред да повторно да започнат воените операции, важно е да се земат предвид хуманитарните потреби и заштитата на цивилите во јужниот дел на Газа“, објави Стејт департментот.

Блинкен ја потврдил американската поддршка за „правото на Израел да се брани од тероризмот според меѓународното право“ и го повикал Израел да направи сѐ што е можно за да ги поштеди цивилите.

Во соопштението се нагласува дека САД се „непоколеблив сојузник на Израел кој го поддржува неговиот одговор на Хамас“, но се изразува стравување дека продолжувањето на борбите на југот на Појасот Газа може да доведе во стапица стотици илјади цивили кои веќе се раселени таму.

Шефот на американската дипломатија побарал од израелското правосудство да ги уапси „екстремните доселеници кои извршиле злосторства на Западниот брег“.

По разговорот со Нетанјаху, Блинкен со оклопен конвој возила заминал во Рамала на средба со претседателот на Палестинската самоуправа Махмуд Абас.

Ова е трета посета на Блинкен на Блискиот исток од почетокот на војната која започна на 7-ми октомври кога Хамас изведен невидено досега координиран, масивен и брутален напад во воени бази и кибуци и градови во јужен Израел.

The post Блинкен го повика Израел да ги заштити цивилите во јужна Газа ако заврши прекинот на огнот appeared first on Република.

Денеска се реализира генералната проба за одвивањето на посебниот сообраќаен режим што ќе се воведе утре и задутре заради одржувањето на Министерскиот совет на ОБСЕ во Скопје. Последната дилема - дали на состанокот ќе учествува шефот на руската дипломатија, Сергеј Лавров, е разрешена вчера, откако официјална Софија даде дозвола за прелет на Специјалната воздухопловна единица „Русија“ преку нејзиниот воздушен простор.

Врз основа на добиено барање од Министерството за надворешни работи на Република Македонија, во својство на претседавач на ОБСЕ за 2023 година и организатор на 30-тиот состанок на Министерскиот совет на ОБСЕ во Скопје на 29 ноември - 1 декември 2023 година, за обезбедување дозвола за прелетување на делегациите за учество на претстојниот Совет на министри на ОБСЕ, МНР на Република Бугарија даде дозвола за реализирање на лет на Специјалната водухопловна единица ‘Русија’ преку воздушниот простор на Република Бугарија за спроведување на лет за транспорт на делегација за учество на меѓународниот форум“, соопшти бугарското МНР.

Во одговорот се наведува дека дипломатското овластување за прелет е од привремен карактер и е валидно 3 часа пред и 72 часа по назначениот датум и време на прелетување. Детали за датумите од временската рамка не се објавени.

Дадената дозвола е дадена за учество на состанокот на Советот на министри на ОБСЕ во Скопје на министерот за надворешни работи на Руската Федерација Сергеј Лавров и спаѓа во исклучоците од примената на режимот на санкции на ЕУ против него. Дадената дозвола не се однесува на членовите на неговата делегација, кои исто така се санкционирани лица, според важечкото право на ЕУ, што е изрично наведено во нотата-одговор на бугарската страна, се вели во соопштението на бугарското МНР.

Инаку помошникот државен секретар за европски и евроазиски прашања Џејмс О’Брајан вчера потврди дека американскиот државен секретар Ентони Блинкен ќе ги претставува САД на состанокот на ОБСЕ во Скопје. Министерот за надворешни работи Бујар Османи уште минатата недела најави дека Блинкен ќе присуствува на неформалната вечера на Министерскиот совет на ОБСЕ во Скопје, која на 29-ти ноември ќе биде приредена во скопски хотел. Но, со оглед на тогашните неизвесности, не можеше да каже дали на истата ќе присуствуваат и рускиот и украинскиот министер, односно дали ќе им се поклопат термините на престој, што зависи од нивните агенди.

Лавров, кој пред неколку дена во контекст на можно доаѓање во Скопје изјави дека „имале неколку барања за состаноци, вклучително и од западни претставници“, без да прецизира од кои, најверојатно нема да се сретне со Блинкен во Скопје. Ова, според регионални медиуми кои се повикуваат на руската новинска агенција Тас, го изјавил рускиот заменик министер за надворешни работи, Сергеј Рјабков, кој нагласил дека Вашингтон не побарал состанок, „нема да го побара и нема да има состанок“.

The post Три пред и 72 часа по назначениот датум и време на прелетување е дозволата која Софија ја даде на Лавров, средба со Блинкен нема да има appeared first on Република.

Државниот секретар на САД Ентони Блинкен ќе учествува на Министерскиот самит на ОБСЕ во Скопје каде ќе зборува за главната улога на Организацијата во промоција на продлабочената безбедност во регионот и ќе се заблагодари на Македонија за нејзината лидерска улога, соопшти синоќа Стејт департментот.

Блинкен денеска учествува на министерскиот состанок на НАТО во Брисел, а во посета на Македонија доаѓа утре каде на 29 и 30 ноември се одржува состанокот на министрите на ОБСЕ, изјави портпаролот Метју Милер.

Oткако е веќе јасно дека министерот за надворешни работи на Русија ќе дојде во Скопје се уште не е потврдено дали ќе има средба Блинкен-Лавров.

The post Засега не е потврдена: Ќе има ли во Скопје средба Лавров-Блинкен? appeared first on Република.

Американскиот државен секретар Ентони Блинкен и вети на Украина дека американската поддршка ќе продолжи и зимава. Блинкен имаше средба со Андриј Јермак, шефот на кабинетот на украинскиот претседател Володимир Зеленски.

„Во сите наши разговори со украинската влада нагласивме дека ќе продолжиме да стоиме на нивна страна“, изјави портпаролот на Стејт департментот Метју Милер.

Блинкен разговараше со Јермак за мерките што може да се преземат заедно со Украина за зајакнување на нејзината инфраструктура во пресрет на зимата. Се разбира, минатата зима дознавме дека Русија се обидува да уништи енергетски локации во Украина. Тие би можеле да се обидат да го сторат тоа повторно“, рече Милер.

На социјалната мрежа X, Јермак напиша дека му се заблагодарува на Блинкен за американската поддршка

The post САД нема да заборават на Украина, вети Блинен appeared first on Република.

Државниот секретар на САД Ентони Бајден ги повика сите земји од ОН да побараат од Москва да запре да ги користи како уцена проблемите со експортот на жито од украинските пристаништа.

-Секоја земја членка на ОН треба да каже на Москва: Доста е, изјави Блинкен кој денеска претседателствуваше со заседание на Советот за безбедност на ОН посветено на гладот и отсуството на безбедност во снабдувањето со храна како резултат на конфликти.

-Доста е со користењето на Црното Море со цел уцена. Доста е со користење на најранливиот слој на населението како полуга за притисок. Доста за таа неправедна, бесмислена војна, изјави Блинкен во обраќање до членовите на СБ на ОН.

Тој кажа дека околу 90 земји го подржале краткото коминике на САД во кое тие се обврзуваат „да преземат мерки за да се стави крај на користењето на храната како оружје на војната и  гладот на граѓанските лица како тактика за водење војна“.

По излегувањето од Црноморскиот договор за жито Русија започна со напади на украинските пристаништа и житната инфраструктура во Црнто Море и на реката Дунав, што приднесе кон нагло зголемување на цените на житото.

Русија тврди дека ограничените начини на исплата, логистиката и осигурувањето се пречки за нејзиниот земјоделски извоз.

-Всушност испораките на прехранбени производи и ѓубриво не се санкционирани. И додека Русија се откажа од таа иницијатива, експортираше големи количини жито по цени многу повисоки од кога и да било, изјави Блинкен.

The post Блинкен: Секоја земја членка на ОН треба да каже на Москва: Доста е appeared first on Република.

Американскиот државен секретар Ентони Блинкен денеска одржа телефонски разговор со министрите за надворешни работи на Канада, Франција, Германија, Италија, Јапонија и Обединетото Кралство, како и со високиот претставник за надворешна политика на ЕУ, а за тековната ситуација во Русија, соопштија денеска од Стејт департментот.

-Секретарот Блинкен повторно истакна дека нема промени во подршката на Соединетите Држави за Украина. Соединетите Држави остануваат во тесна координација со сојузниците и партнерите додека ситуацијата продолжува да се развива, изјави портпаролот Метју Милер.

The post Блинкен: САД се во тесна координација со сојузниците и партнерите додека ситуацијата во Русија продолжува да се развива appeared first on Република.

Нема индиции дека Русија се подготвува да употреби нуклеарно оружје и САД не гледаат причина да ја променат готовноста на своите нуклеарни сили, изјави американскиот државен секретар Ентони Блинкен.

Претходно денеска рускиот претседател Владимир Путин изјави дека „теоретски“ Русија може да употреби нуклеарно оружје во случај на закана за нејзиниот територијален интегритет или постоење, но дека тоа не е неопходно.

Блинкен, исто така, ги демантираше информациите дека имало договор меѓу САД и Иран за иранската нуклеарна програма. Тој увери дека нема таков договор, откако во медиумите се појавија информации во оваа насока.

The post Блинкен: Нема индиции дека Русија се подготвува да употреби нуклеарно оружје appeared first on Република.

Републикански конгресмени испратија писмо до американскиот државен секретар Ентони Блинкен во кое бараат информации за можни финансиски врски меѓу Демократската партија и владата на Украина.

Неодамна, имаше теории дека демократите и владата во Киев се поврзани преку банкротираната крипто берза FTX.

Писмото, во кое Спутник имал увид, го потпишале конгресмените Трој Нелсон, Луи Гомерт, Мери Милер и Бирдон Доналдс.

Дознавме дека милијарди долари од даночните обврзници, кои беа испратени во Украина како воена помош, потенцијално може да се инвестираат во берзата за криптовалути FTX, која подоцна донира огромни средства на американските демократи за време на конгресните избори во 2022 година, се вели во писмото, во кое Спутник имаше пристап до копија.

Во писмото се тврди дека во март оваа година, владата на Украина, заедно со FTX, отворила страница за собирање донации. Конгресмените тврдат дека тоа се случило само неколку дена откако американскиот претседател Џо Бајден ветил дека ќе одвои милијарди долари за помош на Украина.

Републиканците стравуваат дека украинската влада можела да инвестира дел од средствата доделени на Киев во берзата FTX, а потоа да ги искористи за да им помогне на демократите да останат на власт во САД.

Во врска со ова, конгресмените побараа од Блинкен извештај за тоа дали Стејт департментот спроведува истрага за можните инвестиции на Украина во крипто берзата и дали администрацијата на Бајден има намера да спроведе ревизија на помошта доделена на Украина.

По минатонеделните среднорочни конгресни избори, републиканците освоија мнозинство во Претставничкиот дом, додека демократите го задржаа мнозинството во Сенатот.

Претходно, членовите на Републиканската партија постојано ја критикуваа политиката на актуелната американска влада во однос на финансиската поддршка за Киев, заканувајќи се дека во случај на победа на изборите ќе ја заострат контролата по ова прашање.

The post Републикански конгресмени му испратија писмо на Блинкен: Дали перете пари со Киев? appeared first on Република.

Американскиот државен секретар Ентони Блинкен денеска ги осуди кинеските воени вежби во близина на Тајван, оценувајќи ги како „провокација“ и „значителна ескалација“ на тензиите.

– Овие провокации претставуваат значителна ескалација. Можете да видите како Пекинг неодамна се обиде да го промени статус квото околу Тајван … Сега спроведува опасни акции на ново ниво, посочи Блинкен во Пном Пен, каде што присуствува на Самитот на Асоцијацијата на нациите од Југоисточна Азија (АСЕАН).

Тој истакна дека не постои никаков изговор Пекинг да почне воена вежба во Тајванскиот Теснец.

– Нема оправдување за овој екстремен воен одговор, штој е непропорционален и поттикнува ескалација, наведе Блинкен.

Кина вчера почна големи воени вежби со авијација, морнарица и балистички ракети во шест поморски сектори околу Тајван, како одговор на овонеделната посета на Островот на претседателката на Претставничкиот дом на САД, Ненси Пелоси.

The post Блинкен: Кинеската воена вежба во близина на Тајван е провокација appeared first on Република.

Американскиот државен секретар Антони Блинкен ја обвини Русија дека извршила воени злосторства со нападите врз цивили во Украина.

– Намерното таргетирање цивили е воено злосторство. По целото уништување во изминатите неколку недели, тешко ми е да заклучам дека Русите спротивно постапуваат – наведе Блинкен.

Тој најави дека американскиот претседател Џо Бајден на утрешната средба со кинескиот колега Си Џинпинг ќе го предупреди Пекинг да не ѝ дава воена помош на Русија за нејзината војна во Украина.

– Претседателот Бајден утре ќе разговара со претседателот Си и јасно ќе стави до знаење дека Кина ќе сноси одговорност за какви било активности што ќе ги преземе за поддршка на руската агресија. И ние нема да се двоумиме да наметнеме трошоци – нагласи Блинкен.

Блинкен додаде дека Русија не вложува сериозни напори во преговорите со Украина за ставање крај на тринеделната војна.

– Од една страна, ја пофалуваме Украина што е на маса и покрај тоа што е под бомбардирање секоја минута од денот. Во исто време, не видов никакви значајни напори од страна на Русија – истакна Блинкен.

The post Блинкен: Руските напади врз цивили се воено злосторство appeared first on Република.