Причината за нискиот опфат на вакцинација со МРП вакцина е кај антивакцерските движења, истакна денеска министерот за здравство Беким Сали, посочувајќи дека вакцинацијата е задолжителна за секое дете.  

– Нема некоја друга причина зошто некој родител кој е сам вакциниран и е сигурен, значи е здрав, како што сме сите ние тука присутни, да предизвикаме ризик кај нашите деца. Освен антивакцерството не гледам друга причина. Вакциналните пунктови се временски добро организирани, пациенти се вакцинираат во одредено време, а потоа се примаат деца за редовна имунизација, посочи Сали, одговарајќи на новинарски прашања по прес-конференцијата во пресрет на Европската недела за имунизација на која беше соопштено дека неопходно е да се зголеми опфатот со МРП вакцината, а беше и најавена и кампања на Министерството за здравство и УНИЦЕФ за да се укаже на ефикасноста на редовните вакцини за деца.

Имунизираноста, нагласи Сали, е за сите деца кои се заинтересирани за запишување во градинка.

– МРП вакцина се прима после 12-тиот месец. Меѓутоа во делот на рестриктивни мерки ние не можеме да носиме одлука за поединци, меѓутоа мораме да кажеме дека вакцинацијата е задолжителна за секое дете, обврска е, додаде Сали

The post Министерот ги обвини антиваксерите за слабата вакцинација appeared first on Република.

Професорот од Техничкиот факултет во Битола Дејан Трајковски, кој прави статистички анализи на податоците поврзани со епидемијата на ковид-19, во својата последна анализа вели дека вакцинацијата против коронавирусот во земјава спасила околу 5.700 животи.

„Ефективноста на вакцините против смртен исход сé уште е прилично висока, неделава околу 87% и не покажува знаци на влошување. Морталитетите кај вакцинираните и невакцинираните (постари од 60 години) изминатата недела изнесуваа 3,4 наспроти 26 починати на 100.000 лица дневно.

Од почетокот на бранот на делта сојот (06.08.2022) до 10.02.2022 починале 3.161 лице. Сметајќи со морталитетите кај вакцинираните и невакцинираните од недела во недела, доколку биле сите вакцинирани би починале околу 1.001, а доколку никој не бил вакциниран, би починале околу 8.922 лица.

Благодарение на вакцините се спасени околу 5.700 животи, но можеа да бидат спасени уште други 2.100 од починатите, дури и со ефективноста на две дози од постоечките вакцини. Со три дози веројатно и малку повеќе, но засега немаме доволно податоци за поточна пресметка.

Заклучуваме дека најголемиот проблем не е малиот број трети (бустер) дози, туку малиот број втори дози од вакцините.

Жалосно е да се гледа како умираат луѓе поради доведеност во заблуда и некаква ирационална упорност, но тоа е нашата реалност. Ако некој не сака, не можеш со сила да му помогнеш.

Дали антиваксерските агитатори се всушност еден вид садисти, кои уживаат гледајќи ги луѓето како умираат поради заблудата во која ги довеле? Дали за нив ова е само забава? Од друга страна, неинформираните луѓе се погоден медиум за манипулирање од страна на овие предатори.

Да повториме уште еднаш: морталитетите кај вакцинираните и невакцинираните (постари од 60 години) изминатата недела изнесуваа 3,4 наспроти 26 починати на 100.000 лица дневно. Поинаку кажано, ризикот од смртен исход кај невакцинираните е 7,6 пати поголем отколку кај вакцинираните. На паметниот му е доволно“, вели проф. Трајковски во објавата на Фејсбук.

The post Д-р Трајковски: Дали антиваксерите се еден вид садисти? appeared first on Република.

Две третини од информациите за опасностите од вакцините на социјалните мрежи ја шират само 12 лидери на онлајн јавното мислење, кои имаат голем број претплатници и следачи, покажа студија на британската невладина организација Центар за борба против дигиталната омраза (ЦЦДХ).

Извадоци од студијата објави британската телевизија Скај Њуз која информира дека, според невладината организација, овие луѓе живеат претежно во САД и тврдат дека се политичари или лекари. Организацијата не ги објави нивните имиња.

За разлика од луѓето кои се опишуваат себеси како нерешителни или скептични за придобивките од вакцинацијата, антиваксерите користат агресивни методи за да ги убедат другите да не се вакцинираат, се вели во студијата. Се наведува дека откако компаниите кои управуваат со социјалните мрежи почнале да се борат против антиваксерската пропаганда, отстранета е голема количина на материјали.

Сепак, ЦЦДХ предупредува дека некои информации продолжуваат да циркулираат на интернет и оти противниците на вакцините често се појавуваат под други имиња или на страниците на други корисници, што им овозможува да ги заобиколат забраните за објавување. Имран Ахмед, извршен директор на ЦЦДХ, ги повика социјалните мрежи побрзо да ги отстрануваат информациите што сеат страв кај јавноста дека вакцините ги направиле луѓето поранливи на инфекција со коронавирус, доведуваат до неплодност и го зголемуваат ризикот од хоспитализација.

Сите интернет платформи се грижат луѓето да поминуваат што е можно повеќе време на нив за да можат да им покажат што е можно повеќе реклами во исто време. Затоа, тие не се премногу решени да преземат акција, рече тој во телевизиско интервју.

The post Како почнуваат теориите на заговор? Само 12 лица шират две-третини од тврдењата дека вакцините се опасни appeared first on Република.

Британскиот премиер Борис Џонсон ги обвини антиваксерите дека зборуваат глупости кога се во прашање вакцините против Ковид-19.

Тој рече дека оние кои шират погрешни информации на социјалните мрежи „во потполност грешат“ и дека е време да им се посвети внимание, пренесе Би-би-си.

„Сакам да им порачам на антиваксерите, на луѓето кои пишуваат глупости на социјалните мрежи – целосно грешат. Досега не сте ме слушнале да го кажам ова, бидејќи мислам дека е важно да имаме доброволен пристап во оваа земја и тоа ќе го одржиме“, рече Џонсон, алудирајќи дека Британија нема да воведе задолжителна вакцинација.

Тој посочи дека некои негови европски колеги се одлучуваат за „принудни“ решенија.

„Антиваксерите целосно грешат и време е владата да им посвети внимание поради тоа што го прават. Апсолутно е погрешно, контрапродуктивно, сè што ставаат на социјалните мрежи е глупост“, изјави Џонсон.

Тој откри дека околу 30 до 40 проценти од 17.000 пациенти во британските болници не биле вакцинирани со ниедна доза.

„Овој број се зголемува кога станува збор за интензивна нега“, посочи Џонсон, додавајќи дека повеќето од хоспитализираните не добиле бустер доза.

The post Џонсон: Антиваксери, сега е навистина доста од глупости appeared first on Република.