Руските власти воведуваат антитерористички мерки во три региони што граничат со Украина, јавуваат руските медиуми.

Специјалниот режим ќе важи за регионот Курск, каде што руските сили се борат против украинското навлегување, како и за регионите Белгород и Брјанск.

Мерките вклучуваат евентуално раселување на жителите, ограничување на транспортот во одредени области, зголемена безбедност околу чувствителните места и прислушување телефонски и други комуникации.

Руските мерки следуваат откако пред три дена украинските сили почнаа голема офанзива во областа Курск.

Над илјада украински војници влегоа во таа област, поддржани од тенкови и други оклопни возила.

The post Русија воведе антитерористички мерки во три погранични региони со Украина appeared first on Република.