Србија е единствената земја-кандидат за членство во ЕУ на Западен Балкан која не се усогласи со двете нови надворешнополитички одлуки на Советот на ЕУ донесени поради Украина и сериозно кршење на човековите права.

Како што соопшти денеска високиот претставник на ЕУ за надворешна политика и безбедност, Жозеп Борел, на 12 март 2024 година, Советот на ЕУ ја усвои Одлуката за продолжување на рестриктивни мерки против поединци и ентитети за поткопување на територијалниот интегритет и суверенитет и независност на Украина, за уште шест месеци, до 15 септември 2024 година.

Србија, исто така, како што пренесува Бета, не се согласи со одлуката на Советот донесена на 22 март 2024 година за вклучување на 33 физички и два субјекти на списокот на правни и физички лица за кои се воведени рестриктивни мерки поради масовни прекршувања и злоупотреба на човековите права.

Со двете нови одлуки на Советот на ЕУ, сите земји кандидати за членство во ЕУ од Западен Балкан, освен Србија - Македонија, Црна Гора, Албанија и Босна и Херцеговина - се усогласија, со што ќе се осигура дека нивните национални политики се во согласност со тоа, а ЕУ ја забележува оваа заложба и ја поздравува, се наведува во соопштението.

The post Го издржа притисокот: Само Србија не и воведе санкции на Русија appeared first on Република.

Економијата на еврозоната ќе падне за -0,1% во 2024 година. Во исто време, најголемите земји во Европа - Германија и Велика Британија, ќе ја завршат тековната година со уште послаби резултати: -0,2% и -0,4%. БДП на Франција, исто така, ќе падне за -0,2%, а Финска и Естонија може дури и да паднат за -1,5%, анализира британски „Оксфрод економикс“.

Истовремено, Според ММФ, руската економија оваа година би можела да достигне раст од +2,6%. И тоа, покрај тоа што е под голем притисок од западните санкции

Западот, пак, кој воведува се поголем број санкции, страда од нив повеќе отколку Русија, честопати молчејќи за лошата состојба на нејзините економии. Германија ги проценува своите загуби од санкциите за 2022-2023 година на 200 милијарди евра. Другите земји сè уште не даваат слични податоци

Економските загуби ги принудуваат европските претставници да размислуваат за тоа како меѓународната конкурентност на Европа опаѓа во споредба со Кина и САД. Исто така, и за оправданоста на натамошниот притисок на санкциите врз Русија.

The post Европа е на работ на рецесија поради антируските санкции appeared first on Република.

Чешкиот министер за индустрија и трговија, Јозеф Сикела, ја истакна итната потреба на неговата земја од руски челик, истакнувајќи ја разликата во материјалите.

Тој појаснува дека кинеската легура е јасно инфериорна во однос на руската во градежната индустрија при изградба на мостови.

Сикела, исто така, изрази уверување дека санкциите треба да им наштетат на оние против кои се насочени, а не на оние кои ги воведуваат.

Според сегашните одредби, Чешката Република може да прима испораки од руски челик до крајот на 2024 година.

The post Чешка има сериозен недостиг од руски челик и го повикува Брисел да ги олесни санкциите appeared first on Република.

Русија забрани воена соработка со 74 странски компании поради западните санкции, објави Кремљ.

На списокот има компании од различни „непријателски земји“, меѓу кои и 20 од Германија. Вклучува и компании од Бугарија, Британија, Канада, Чешка, Естонија, Литванија, Словачка, Црна Гора, Полска и САД.

По руската инвазија на Украина на 24 февруари, многу земји како и ЕУ воведоа санкции кон Русија.

Русија редовно одговара со контрамерки. Во мај забрани водење бизнис со околу 30 компании, повеќето од нив поранешни подружници на Газпром.

The post Поради западните санкции, Русија забрани воена соработка со 74 странски компании appeared first on Република.

Евентуалното воведување санкции против Русија не би го поддржале 64 отсто од граѓаните на Србија, додека 16 отсто од испитаниците се за усогласување со ЕУ по ова прашање.

Анкетата спроведена од „Фактор плус“ покажува и дека една петтина од испитаниците немаат став за тоа прашање, што, според директорот на таа агенција, Владимир Пејиќ, укажува дека противењето на санкциите „не е безусловно“.

Често се зборува дека 80 отсто од граѓаните се против воведување санкции против Русија, но мораме да бидеме прецизни. Во одговорите има нијанси. Дури 20 отсто од граѓаните не се за, но не се и против и на нивното мислење може да влијаат одредени околности - вели Пејиќ.

Истражувањето покажува и дека 30 отсто од граѓаните сметаат дека новата Влада на Србија нема да воведе санкции против Русија, 20 отсто сметаат дека таквата одлука е извесна, а 18 отсто дека е „малку веројатна“, додека речиси една третина очекуваат дека новиот владин кабинет „сериозно“ ќе размисли за воведување санкции на Русија.

The post Две третини од граѓаните на Србија се против воведување санкции кон Русија appeared first on Република.

Соединетите Американски Држави можат да воведат санкции против поединци, компании и против држави што испорачуваат муниција за Русија или ја поддржуваат руската воена индустрија, соопшти американското Министерство за финансии.

За време на состанокот со претставници на 32 држави, посветен на санкциите против Русија, заменик министерот за финансии Воли Адејемо изјави дека Министерството ќе издаде упатство со што ќе се стави до знаење дека Вашингтон е подготвен и одлучен да воведе такви мерки.

Канцеларијата на Министерството за контрола на странски средства ќе издаде упатство со што ќе се стави до знаење дека можеме и ќе ги санкционираме поединците, компаниите или државите што обезбедуваат муниција за Русија или ја поддржуваат руската воена индустрија - наведе Адејемо.

Како што додаде Адејемо, од Министерството ќе биде издадено и предупредување со што ќе се нагласи дејствувањето на САД против руската воена индустрија, како и ризиците за оние кои пружат поддршка за руската воена операција во Украина.

Можеме да го прошириме списокот со лица кои се под санкции. Можеме да ја прошириме листата со добра што ќе бидат под забрана за извоз - подвлече тој.

The post САД се заканија со санкции за сите кои воено ја поддржуваат руската воена операција во Украина appeared first on Република.

Неименуван висок претставник на Европска комисија, порача дека се очекува Србија на првиот состанок на европската политичка заедница во Прага да им објасни на лидерите на Европска Унија и на другите земји зошто не воведува санкции кон Русија иако преговара за членство во ЕУ.

Тој истакна дека не е планирана посебна дискусија за ставовите на Србија за воведување на санкциите против Русија, но потенцира оти некои земји-членки на ЕУ му придаваат значење, „иако Белград нема да биде ставен на обвинителна клупа на состанокот“.

Изворот од Брисел повтори дека ставот на Унијата е дека Европската политичка заедница нема и не може да биде замена за процесот на проширување на ЕУ, бидејќи тоа е сосема поинаква процедура.

Според неговото објаснување, практично сите земји од ЕУ вовеле санкции кон Русија, но има земји што тоа не го направиле во целост. Поголемиот број земји-членки бараат сите членки на ЕУ да воведат санкции кон Русија, вклучително и земјите кои преговараат членство во ЕУ.

The post ЕУ: Србија треба да објасни зошто не воведува санкции против Русија appeared first on Република.

Портпаролот на КРемљ, Дмитриј Песков, оцени дека западните земји меѓусебно се натпреваруваат за преземање чекори против Русија, но им снемуваат мерки за притисок врз Русија.

Песков ја коментираше и можната забрана за издавање шенген визи за Русите.

Гледаме дека земјите од ЕУ и Cеверна Америка буквално се натпреваруваат една со друга во преземањето непријателски мерки против Русија. Но, гледаме и дека им снемуваат мерки со кои очекуваат да нè притиснат и да нè принудат да го смениме ставот, иако тоа е погрешно мислење - истакна Песков.

Портпаролот на Кремљ истакна дека Москва ќе реагира многу негативно и ќе преземе мерки во случај Финска да го ограничи издавањето визи за Русите, но дополни дека Русија се надева дека таквата иницијатива нема да се спроведе.

Руската реакција ќе биде негативна. Колку што разбравме, досега оваа идеја не е имплементирана, да се надеваме дека и така ќе остане, но, се разбира, какви било такви активности во однос на руските граѓани ќе предизвикаат контрамерки и одговор - категоричен е портпаролот на Кремљ

Тој додаде дека реакцијата на Москва на таквата одлука на Финска би била „разбирлива и сосема разбирлива“.

The post Официјален Кремљ: Западот останува без идеи и мерки за притисок врз Русија appeared first on Република.

Првиот европски дипломат, Жозеп Борел, во интервју објавено во весникот „Јомиури“, вели дека зависноста на Русија од европската и американската технологија е шест пати поголема од онаа од Кина.

Борел истакнува дека поради тоа, алтернативните кинески производи не можат да ги задоволат потребите на руската економија под санкциите.

Некои можеби се прашуваат дали овие санкции навистина влијаат врз руската економија. Едноставниот одговор е „да“. Русија извезува многу суровини, но мора да увезе многу производи со висока додадена вредност што не ги произведува дома. Што се однесува до напредните технологии, Русија е 45 отсто зависна од Европа и 21 отсто од САД, додека за Кина овој удел е само 11 отсто - вели Борел.

Според него, Кина веќе и нуди на Русија ограничено количество алтернативни производи, особено високотехнолошки производи.

Кина, која многу се потпира на извозот во развиените земји, досега не и понуди на Русија помош за заобиколување на западните санкции. Кинескиот извоз во Русија падна на нивото на извозот во западните земји - вели шефот на европската дипломатија.

The post Борел: Санкциите имаат влијание, Русија е зависна од западните технологии appeared first on Република.

Портпаролот на кинеското министерство за надворешни работи, Жао Лиџијан, коментирајќи го шестиот пакет европски санкции против Русија, порача дека новите антируски санкции не ја ублажуваат ситуацијата во Украина.

Кинескиот дипломат додава дека Европа и целиот свет плаќаат висока цена поради санкциите.

Фактите докажуваат дека притисокот од санкциите не е вистинскиот начин за решавање на украинската криза. Големите и неселктивни санкции наметнати против Русија од некои земји не ја ублажија ситуацијата во Украина. Напротив, Европа и светот платија и плаќаат висока цена за нив - истакна дипломатот.

The post Кина: Санкциите не можат да ја решат украинската криза appeared first on Република.