Билјана Ивановска, претседателката на Државната комисија за спречување на корупција, во денешното интервју за Гласот на Америка открива дека работната група која ги изготвувала шокантните измени на кривичниот законик не го дочекала мислењето за содржината од Антикорупциска, пред да бидат изгласани набрзина во Собранието.

За Ивановска најчудно е тоа што во испратената содржина за која се барало мислење од ДКСК воопшто ги немало спорните членови со кои се намалуваат казните за функционерите и службените лица.

„Ние веднаш реагиравме на донесувањето на тој закон. Од повеќе причини беше предизвикана нашата реакција, пред се порани начинот на носење. Се донесе по скратена постапка, со европско знаменце, односно се донесе на начин кој не овозможува јавна расправа и не овозможува мислењето на експертите да дојде до израз и уште повеќе да се направи проценка на штетите кои би ги направиле тие законски решенија. Тоа за нас беше клучно зошто сметавме дека таквиот начин на донесување без сите овие пропратни елементи само ја подгрева корупцијата во државата и придонесува за партиски пазарења и за трговија со влијанија, едни од клучните фактори, кои ја зголемуваат корупцијата.

Од министерството за правда имавме добиено нацрт верзија на 30 август за кое требаше да дадеме наше мислење до 20-ти септември, а во таа нацрт верзија не беа содржани овие спорни членови. Ние го пишувавме мислењето за таа верзија и наеднаш се случува нешто друго и во Собранието се изгласуваат измени на кривичниот законик, што беше многу изненадувачки за нас. Во исто време се изјасни и Врховниот суд, Советот на обвинители.

Значи има и други институции од каде е побарано мислење, тие не стасале да го дадат мислењето, а законот е веќе донесен со други членови. И што е најголем парадокс не знаела ниту работната група, што две години го пишува кривичниот законик. Сите овие околности фрлаат една грда слика за нашето општество, бидејќи го поткопуваат правниот систем и создаваат правна несигурност кај граѓаните. Да се менуваат казните тоа е цела наука. Треба статистички податоци колку често се појавува такво дело, кај кој вид на популација, да се направи една целосна анализа, па потоа да се каже ова често ни се случува треба да ставиме повисока казна, или не ни се случува често, треба да ставиме пониска казна, а не вака набрзина и преку ноќ“, открива Ивановска на едно од прашањата во интервјуто.

The post Власта „заборавила“ да ја праша Антикорупциска за измените на Кривичниот законик appeared first on Република.

Антикорупциската комисија е немоќна да отвори постапка за случајот со автомобилот на вицепремиерот. Првиот човек на Комисија Билјана Ивановска, во интервју за „Република“ објасни зошто не можат да отворат постапка за Груби.

https://www.youtube.com/watch?v=4w9u8XgYzlI&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

Го објасни и случајот со запаленото возило на Груби и зошто не можат да отворат постапка.

За возилото не можеме да отвориме постапка бидејќи е регистрирано на друго лице и не е во сопственост на избрано и именувано лице Артан Груби. Зошто го користел, како го користел, зошто возилото користело флешери, тоа се прашања на кои треба да даде одговор некој друг односно вицепремиерката за добро владеење. Владата усвои етички кодекс за однесување на министрите, се пофали со тоа, но тој кодекс треба и да се применува. Вицепремиерката издаде опомена и не се реагираше и се поставува прашањето дали се доволни тие опомени. Сега истото тоа лице управува нешто што не е негово. Од друга страна можеби тој вложил сопствени средства за купување на возилото, и тоа не е чудно. Такви ризици имаме утврдено одамна и укажуваме на потребата на донесување на закон за потекло на имот кој што ќе им наметне обврска на граѓаните не само да ги пријават имотите туку да кажат како ги стекнале, односно со кои средства. Тоа е клучната контрола која може многу да помогне во борбата против корупцијата.

Во овој случај се поставуваат многу прашања како тоа од кој датум Артан Груби има одобрение за управување на туѓо моторно возило во земјава и во странство?

Симптоматично е и тоа што сопственикот на колата на хартија е 35 годишен бизнисмен со фирма Еуроком Лајтинг што го купува хотелот на Попова Шапка од Гранит за 55.000 евра.

На овие прашања треба да одговори првиот вицепремиер како што сака да му се обраќаат?

The post Антикорупциска е немоќна да постапи за автомобилот на Груби бидејќи возилото било регистрирано на друго лице! appeared first on Република.

https://www.youtube.com/watch?v=4w9u8XgYzlI

Во последно време се чуствувам како главниот лик од драмата „државен непријател“, вели првиот човек на Антикорупциската комисија Билјана Ивановска  за нападите кои од сите страни доаѓаат до неа лично и до Комисијата.

Таа во интервјуто за „Република“ вели дека работат професионално , непристрасно, независно и почитувајќи го начелото за интегритет. Ивановска вели дека тие цело време работат исто а тоа што  дошле на ред некои покрупни предмети за кои требало подолг период за истражување се поклопил со периодот кога се цел на критика.

Таа вели дека сѐ што досега објавиле може само да му биде од корист на Обвинителството.

Ивановска го објаснува случајот „Труст“ и тоа како е можно „ Пуцко Петрол“ на конфискуван имот да дојде до имот кој му припаѓал на „Трансмет“ иако Обвинителстовото тврди дека му е одземен.

Прво е прашањето е како е определена мерка притвор и како во тој момент се настанати сите промени во имотот. Тој период „Трансмет“ го искористил за да префрли дел од имотот на ТВ НОВА. Во периодот од првостепена одлука на кривичниот суд до одлуката на Апелација мерката за замрзннување не важи.Таа важи до донесување на првостепена одлука. Во тој период „Пуцко Петрол“  ја склучува спогодбата со хипотека на недвижниот имот на Сеат Кочан. Значи тој момент е искористен.Мислам дека требало малку да бидат со повеќе отворени очи сите учесници во оваа постапка. Можело да се дојде до замрзнување на имотот. Симптоматичен е моментот како Кривичниот суд за еден ист имот донесува различни одлуки. Еднаш вели дека е стекнат како кривично дело а вторпат го прифаќа како залог за да може обвинетиот да се брани од слобода. Имаше многу нелогичности и пикантерии кои кај нас внесоа сомнеж-објаснува Ивановска за „Република“.

Првиот антикорупцинер одговара на тоа дали односот кој го имаат државните институции кон Комисијата наликува на односот кој го имаа кон некогашното СЈО.

Станува збор за целосно различни институции. Држаната комисија е основана 2002 година согласно конвенцијата на Обединетите нации која вели дека мора да има такво тело кое ќе служи за превенција. Главната работа на ова тело е да превенира а не да гони.Ние никого не гониме. Јавноста од нас очекува да имаме завршница. Тоа беа и зборовите на вицепремиерот Груби беа дека ниту еден предмет не дошол до крај. И не може да дојде до крај затоа што нашата улога е до тука.

Ивановска не знае што има Артан Груби толку против неа и Комисијата.

Неговите зборови беа дека не нѐ бивало, дека не сме изнеле ниту еден случај до крај иако редовно доставуваме годишни извештаји  за обработени предмети. Нашата работа е целосно транспарентна. Силите на институциите и на државата се толку, го извлековме максимумот што може од интитуцијата.

Го објасни и случајот со запаленото возило на Груби и зошто не можат да отворат постапка.

За возилото не можеме да отвориме постапка бидејќи е регистрирано на друго лице и не е во сопственост на избрано и именувано лице Артан Груби. Зошто го користел, како го користел, зошто возилото користело флешери, тоа се прашања на кои треба да даде одговор некој друг односно вицепремиерката за добро владеење. Владата усвои етички кодекс за однесување на министрите, се пофали со тоа, но тој кодекс треба и да се применува. Вицепремиерката издаде опомена и не се реагираше и се поставува прашањето дали се доволни тие опомени. Сега истото тоа лице управува нешто што не е негово. Од друга страна можеби тој вложил сопствени средства за купување на возилото, и тоа не е чудно. Такви ризици имаме утврдено одамна и укажуваме на потребата на донесување на закон за потекло на имот кој што ќе им наметне обврска на граѓаните не само да ги пријават имотите туку да кажат како ги стекнале, односно со кои средства. Тоа е клучната контрола која може многу да помогне во борбата против корупцијата.

Ивановска има и коментар на изјавата на Груби дека сопственикот на возилото 30 години е бизнисмен а лицето има 35 години.

Потценување на сопстениот народ е нешто најниско што може да биде-кратко коментира антикорупционерката.

Ивановска ги објаснува и последиците од друг голем скандал а тоа е со личните податоци на граѓаните во Управата за водење матични книги.

Имајќи го фактот дека воопшто не се водело сметка за контролата на прибирањето на личните податоци за што постои посебна законска регулатива во текот на обработката на предметот ние побаравме Агенцијата за заштита на личните податоци да направи вонредна супервизија во Управата за матични книги и таа дојде до сериозни наоди дека не се водело таква сметка,дека нема логови , дека податоците се чувале на сервери, не се знае кој имал пристап,  просторијата каде што се вршело скенирање не била обезбедена ниту пак лицата што вршеле скенирање немале придружба од овластено лице од Управата за матични книги. Тоа создава сомнеж дека се работело незаконски, што е факт, не се почитувале законите за заштита на лични податоци ниту пак совесно од страна на раководството и службите во Управата за матични книги за што ние покренавме иницијатива за кривично гонење.

Ивановска вели дека станува збор за неколку милиони документи.

Па да, тие што биле предмет на обработка.Точната бројка не можам да ја кажам, но се работи за милиони затоа што предмет на набавката било обработка на личните податоци, скенирање за да може тие да се дигитализираат.За оваа операција направени се две јавни набавки. Првата набавка била оспорена од финансиската полиција дека има некакви фаворизирачки елементи во тендерот и дала кривична пријава во јавното обвинителство кое неодамна ја отфрли.

Ивановска ги коментира зборовите на министерот Спасовски дека немало масовна злоупотреба.

Злоупотреба е злоупотреба.Никој не може да докаже во какви размери е злоупотребата поради тоа што нема заштита. Ако немало заштита можело да отиде и едно и стоиедно. Никој не може да каже за колкав број на податоци станува збор ниту каде завршиле, освен кои лица работеле.Фирмата што била избрана во првиот тендер се тргнала и втора фирмата фирма ги користела истите експерит и стручни лица од првата фирма да работат кај неа. Фирмата е домашна но има некое здружение и сопственикот се јавува како основач, како управувач, соптвеник на повеќе трговски друштва низ регионот-отркива Ивановска за „Република“.

Ивановска посочува дека голем проблем е назначувањето на в.д директори што се виде со примерот на градоначалничката на Скопје Арсовска со директорите на Зоолошка и  МКЦ.

Овој проблем сме го истакнале многу пати. Не се почитуваат материјалните закони за избор на директори и се кочи донесувањето на законот за високо раководна структура. Во конкретните два случаи не е испочитуван материјалниот закон и дека лицето што е назначено за в.д директор не било претходно во работен однос во МКЦ, како и со директорот на Зоолошка.За оние што прифатиле да бидат директори иако знаат дека тоа не е во согласност со закон покренавме иницијатива за несовесно работење-објаснува Ивановска.

The post Ивановска: Не се знае каде завршиле милиони лични податоци на граѓаните appeared first on Република.

Договорот со американско-турскиот конзорциум „Бехтел и Енка“ го добивме и сме во фаза на негова анализа. Поброен тим ќе работиме на овој предмет, а веќе им се поделени задачите на советниците, изјави денеска претседателката на Антикорупциската комисија Билјана Ивановска.

Таа повтори дека имаат неколку советници од кои дел се вклучени во делот за јавни набавки, за работни односи, некој е вклучен како истражител, а некој прави анализа на законите што треба да се донесат.

-Се е опфатено што е поврзано со овој предмет, верувајте бара малку повеќе работа и анализа, и ние сакаме што побрзо да завршиме и да си кажеме. Не можам да кажам точно датум кога ќе биде заради тоа што е неблагодарно да се кажува, ќе речете кажавте, а не сте завршиле, работиме на тоа со полна пареа. Веднаш штом биде се готово ќе излеземе и ќе кажеме, рече Ивановска, која учествуваше на предавање во рамки на промотивната кампања за борба против корупцијата „Бидете херои на чесноста“ на ДКСК во основното училиште „Братство” во Скопје.

ДКСК отвори предмет за  проектот за изградбата на автопатите на коридорите 8 и 10д за којшто е потпишан Договор со „Бехтел и Енка“ по објавите во медиумите околу постапката на изборот на фирмите за надзор, а предмет по допрен глас отвори и Јавното обвинителство.

По официјализирањето на примената на Договорот, во тек се подготвотелни активности за претстојните градежни работи на терен. За реализацијата на Договорот во собраниска процедура се измени на пет закони по скратена постапка, а нивното означување со европско знаменце е предмет на дебата и критики од опозицијата.

The post Антикорупциска детално го чешла Договорот со „Бектел и Енка“ appeared first on Република.

ДКСК да се охрабри, и дезертерот Ковачевски призна дека е исплаќана државна помош на фирма основана од него додека бил на функција, само тие не смеат да отворат истрага.Над 300.000 евра се префрлени од владата или од ФИТР кон Пиксел груп додека Ковачевски бил заменик министер или мандатар за состав на нова влада, бара ВМРО-ДПМНЕ.

Ковачевски самиот призна дека се вршени исплати од државата кон Пиксел груп.Истата таа Пиксел груп е фирмата која за само една година од основањето гради фабрика за производство на фотоволтаични панели.

Пиксел груп е фирмата во средината на соларниот картел на аферата Броило, заедно со КМГ ЕОЛ Квазар формирана од кумот на Ковачевски, која се јавува на државни тендери, и склучила договори во висина од 2 милиони евра, со разни државни институции откако е СДС на власт. Но и договор со ЕВН во вредност од над 2 милиони евра.

КМГ ЕОЛ Квазар добива, а Пиксел груп произведува. Парите завршуваат кај фирмата основана од Ковачевски.

И истата таа Пиксел груп 8 месеци откако Ковачевски станува премиер почнува со инвестиција на фабрика во ТИРЗ Тетово со бугарски партнер во висина од 54 милиони евра.

ДКСК да не чека. Фактите за судир на интереси се насекаде. Да е отвори постапка веднаш. Одговорност мора да има.

The post Антикорупциска да се охрабри и да ја истражи аферата „Броило“ appeared first on Република.

Државната Комисија за спречување на корупција (ДКСК) ја презеде улогата да биде адвокатот на Ковачевски. Тие побрзаа предвреме да го амнестираат дезертерот Ковачевски од аферата „Броило“ тешка 26 милиони евра, велат од ВМРО-ДПМНЕ.

Од партијата додаваат дека ни постапка, ни аргументи ни факти не посочија, туку само посочија дека Ковачевски според нив не бил виновен.

Ова отвора сомнеж дека ДКСК позната како антикорупциска комисија е само продолжена рака која го штити криминалот и ја амнестира корупцијата. После да не се чудат институциите за борба против корупција зошто огромно мнозинство од граѓаните не им верува. Но Ковачевски ги пушти низ вода и ДКСК и сите негови заштитници со признанието дека во време кога тој бил на функција исплаќана била финансиска помош на фирмата која тој ја основал, а која сега е во целосна сопственост на неговиот кум. Со ова тој практично ги потврди сите пресови на ВМРО-ДПМНЕ во кои зборувавме дека додека тој е на функција фирмата „Пиксел“ добивала пари од државата и вносни бизниси. Ако ова не е доволен сомнеж за судир на интереси и трговија со влијание за ДКСК, тогаш навистина Македонија е во ќор сокак со борбата против корупцијата, се наведува во соопштението на партијата.

Овој скандал тежок 26 милиони евра кој го открива аферата „Броило“, а во кој се наоѓа Ковачевски и соларниот картел кој го создал, почнува да наликува на злосторничко здружение пред кое институциите замижуваат. Ковачевски треба да одговара за здружувањето кое го направил и на кое му овозможил милионски бизниси и богатење.

The post Антикорупциска комисија го штити криминалот, Ковачевски треба да одговара за злосторничко здружување? appeared first on Република.

Државната комисија за спречување на корупција утврдила неколку слабости при спроведувањето на постапката за јавна набавка на возила преку изнајмување по пат на оперативен лизинг на јавните институции. Членот на Државната комисија за спречување на корупција, Шемши Салаи на денешната 70-та седница на ДКСК реферирајќи за предмет за набавката на поголем број на возила од страна на Службата за општи и заеднички работи на Владата на Република Македонија во 2021 година, истакна дека видни се недостатоци во процесот на планирање на примената на ваквата опција, пред сè отсуство на опсежна анализа на аспектите на нејзината економска оправданост. Од овие причини ДКСК одлучи материјалните од извршените анализи да ги достави до заменикот на претседателот на Владата задолжен за политики за добро владеење, со цел да се регулираат и отстранат слабостите утврдени со анализата.

– Потенцијалниот ефект на ваквиот недостиг е уште поголем доколку се земе предвид обемот на примена на оперативен лизинг од страна на институциите – врз основа на јавно достапни податоци, ДКСК утврди широко распространета пракса на склучување на договори за изнајмување на возила преку оперативен лизинг од страна на други државни органи, јавни институции и единици на локалната самоуправа, рече Салаи.

Според податоците објавени на електронскиот систем за јавни набавки заклучно со март 2022 година, во периодот од 2018 до 2021 година, како што наведе Салаи, биле склучени договори во вкупна вредност од најмалку 307750153 денари (5004068 евра). Договорите се склучени со различни оператори, при што учеството на Порше Лизинг ДООЕЛ Скопје е најголемо – 89 отсто од вкупната вредност на договорите склучени во посочениот период.

Следна слабоста која е идентификувана во ова анализа на ДКСК, е отсуството на процедури или соодветни подзаконски акти со кои се регулира обврската за соодветно планирање на потребата од возила со конкретни карактеристики и прецизна намена од страна на службата која планирањето треба да го спроведува со детален осврт кон сите финансиски, безбедности, еколошки и други аспекти, вклучително и условите за користење на возила со такви карактеристики (распоред, приоритет, околности, време на користење, часови на користење итн.).

– Конкретно, двете последователни постапки на СОЗР се за еднаков број на возила, што наметнува сомнеж за тоа дали воопшто службата ја следи потребата од возила и дали набавката произлегува од прецизно утврдена потреба, изјави Салаи и посочи дека како друга слабост е детектирана и нерегулираноста на постапката за подготовка на техничка спецификација и на дејноста на издавање на мислење за техничка спецификација, кои претходат на започнувањето на постапката за јавна набавка.

Воедно, реферирајќи за предмет оформен по сопствена иницијатива членот на ДКСК, Салаи, посочи дека од добиените информации не произлегува дека се сторени повреди на законски одредби при спроведувањето на постапката за јавна набавка на возила преку изнајмување по пат на оперативен лизинг, ниту при активностите кои претходеле на спроведувањето на истата.

Во текот на постапувањето по предметот  од ДКСК посочија дека се стекна со сознанија дека праксата на користење на возила од страна на СОЗР по пат на оперативен лизинг постои уште од 2012 година. Од извршениот увид во доставената документација произлегува дека во 2012, 2015, 2018 и 2021 година, по спроведени 5 постапки за јавни набавки биле склучени 5 договора за користење на возила по пат на оперативен лизинг. Сите договори се за набавка на поголем број на возила – сите за потребите на СОЗР и за период од по 36 месеци. Вкупната договорна вредност на истите, со вклучен ДДВ, изнесува 387382967 денари (6298910 евра).

Претседателката на ДКСК, Билјана Ивановска, на ова седница меѓу другото извести дека од утре почнува да се применува Законот за лобирање  со тоа што запишувањето на лобист или лоби организација се врши преку поднесување на пријава до ДКСК, која цени дали се исполнети законските услови за запишување.

The post Aнтикорупциска идентификуваше слабости во јавните набавки на возила од јавните институции appeared first on Република.

Има сомнежи дека градоначалникот на Шуто Оризари, како и за претседателот на Советот на општината, користеле службено возило за лични и приватни потреби, односно за потребите за предизборната кампања за Локалните избори 2021 година, беше констатирано на денешната седница на Државната комисија за спречување на корупцијата (ДКСК).

Горан Трпеноски, член на ДКСК, кој го образложи овој предмет меѓу другото наведе дека од патните налози се гледа дека не се уредно потполнети, не се правилно архивирани и не може да се утврди целта на дневните патувања. Имало и ситуации кога во сите патни налози е наведена само една релација од Општина Шуто Оризари до Град Скопје, без да се наведе за какви службени дејствија е користено возилото.

Трпеноски предложи предметот да се затвори затоа што, како што рече, не гледа што друго ДКСК може да направи освен да даде јавна осуда.

Билјана Ивановска, претседалка на ДКСК се надоврза и рече дека ова е и причина плус Антикорупција да бара Изборниот законик да се „среди“. Таа информира дека има и други моменти во законот каде нема санкции и оцени дека е краен моментот за носење нов Изборен законик.

Владимир Георгиев, член на ДКСК, во образложението на предмет во кој во сообраќајна несреќа има една жртва пешак, истакна дека немањето функционален, ефективен и ефикасен систем за оценка на стручноста на изработените вештачења и експертизи може да фрли сенка врз кредибилитетот на донесената судска одлука, а понатаму и поткопување на целосната доверба во правосудниот систем. Тој наведе дека ДКСК нема законска надлежност да испитува донесени првостепени судски одлуки, а во конкретниот случај е во жалбена постапка пред Апелација во Скопје.

Што се однесува до правната празнина поради непостоењето на воспоставен и функционален правен механизам што треба да осигура стручност на изготвените судски вештачења и супер вештачења, тој предложи ДКСК до Министерството за правда да иницира постапка за измени и дополнувања на Законот за вештачење за да постои воспоставен механизам во кој ќе може да се оценува работењето на вештаците.

– Парадоксално е за ист случај, со иста фактичка ситуација да имаме, особено при првичното вештачење, дијаметрално спротивставени вештачења. Испаѓа дека вештакот изготвува вештачење во корист на страната што ангажира, што е навистина нелогично, рече Георгиев

The post Градоначалникот на Шуто Оризари користел службено возило за релација Шутка-Град Скопје? appeared first on Република.