Во врска со јавните реакции во однос на улогата на ДКСК во предметот за именувањето на директорот на Агенцијата за национална безбедност, ја информираме јавноста за следното:ДКСК постапува во рамките на своите законски овластувања и надлежности, насочени кон проверка на можни судири на интереси, интегритет и транспарентност во постапките за именувања на раководни функции.

ДКСК е независен орган со точно утврдени надлежности и во своето работење се води исклучиво од потребата за законито и транспарентно функционирање на институциите велата од Комисијата.

Информациите во јавноста за дуализам во постапувањето помеѓу ДКСК и ОЈО не соодветствуваат со реалноста, бидејќи двете институции имаат различни функции и институционална поставеност. ДКСК исто така истакнува дека нејзиното постапување во ниту еден случај не ги запира постапувањата на останатите надлежни институции од спроведување на надлежностите.

Одредени обиди за прикажување на постапувањето на ДКСК како причина за одложување или неактивност на други институции, сметаме дека не се оправдани и може да внесат погрешни перцепции кај јавноста. Укажуваме дека нашата работа не ги заменува ниту ги одложува обврските на другите надлежни органи. Напротив, ДКСК ги поттикнува сите надлежни институции, да ги извршуваат должности во согласност со законските надлежности.

ДКСК постапува во рамките на роковите утврдени со закон и тие рокови го диктираат постапувањето на ДКСК, обезбедувајќи така систематичен и транспарентен пристап во проверките.

Потребно е сите надлежни органи да ја почитуваат институционалната рамка и надлежностите на ДКСК, со што ќе се обезбеди ефективно и транспарентно завршување на процесите од интерес на јавноста. Довербата во институционалниот интегритет на системот за спречување на корупцијата и одговорноста се градат преку доследност во извршувањето на надлежностите на секој орган поединечно.

The post Се огласи Антикорупциска: Постапуваме во рамките на своите законски овластувања за именувањето на директорот на АНБ appeared first on Република.

Државната комисија за спречување на корупцијата најави  дека ќе отвори предмет за поранешната министерка за култура Бисера Костадиновска-Стојчевска. Оваа одлука следи по дојавата за можна злоупотреба на буџетски средства за време на нејзиниот мандат. ДКСК има за цел да ја утврди валидноста на овие наводи и да обезбеди одговорност.

Татјана Димитровска, претседател на Антикорупциската комисија изјави дека ДКСК ќе побара соодветна документација за унапредување на истрагата. Барањето за обезбедување на документацијата ќе го испратиме утре“, потврди Димитровска.

Објавени обвинувањата од ВМРО-ДПМНЕ

Владејачката партија ВМРО-ДПМНЕ ги истакна овие наводи на серијата прес-конференции наречени „Бисер Антоaнета“. Тие ја обвинија Костадиновска-Стојчевска за злоупотреба на јавните средства за лични трошоци при службени патувања.

Специфични тврдења и докази

На прес-конференциите, Миле Лефков, пратеник од ВМРО-ДПМНЕ, презентираше докази за поткрепа на овие тврдења. Тој покажа сметки наводно потпишани од Костадиновска-Стојчевска, меѓу кои и една од „Gift Galore London“ за 89 фунти. Наводно, оваа сметка покажува купување на плишана мечка Падингтон и фудбал топка на City football

„Бисера Антоанета отиде во Министерството за да ги правда трошоците, приложувајќи ги сметките со нејзиниот потпис. Дополнително, има и потврда од Gift Galore London за 89 фунти, која покажува дека Перл Антоанета купила мечка Падингтон и сити фудбал за себе. Антоанета Бисера „лагите имаат кратки нозе““.

Поранешната министерка пак изјави дека потписот не бил нејзин.

The post Антикорупциска ќе отвори предмет за плишаното мече, хулахопките и фудбалската топка на Бисера пазарени во Лондон appeared first on Република.

Додека некои членови на поранешниот состав на антикорупциска заедно со граѓаните и по неколку месеци чекаат да подигнат нормални пасоши, актуелните членови како приоритет во борбата против корупцијата го издигнале добивањето на дипломатски пасоши.

Претседателката и сите членови на ДКСК побарале МНР да им издаде вакви привилегирани патни исправи, а досега пасош во сина боја, добила само првата Антикорупционерка Татјана Димитровска. Таа во интервју за ТВ 24 потврди дека сите барале пасоши затоа што имаат патувања и надвор од државата.

Минатата година во рамки на скрининг процесот во ЕУ, поранешната претседателка на ДКСК Билјана Ивановска дваесетина пати била во Брисел.

На прашање на „Телма“ дали имала за таа цел дипломатски пасош, таа одговори дека никој од стариот состав не барал таква привилегија. Oд аеродром до градот Брисел патувала со јавен превоз кој чинел 9,9 евра без да бара посебни услови од мисијата на државата во ЕУ.

Повеќе на Телма

The post Новите антикорупционери побараа дипломатски пасоши, а екс-претседателката користеше јавен превоз appeared first on Република.

Како генерален заклучок од она што можев да го видам е несоодветното спроведување на целокупната легислатива. Неспособност на владата да се бори против корупцијата, селективна правда и власт која по целост потфрли во борбата против корупцијата. Фрапантни се деловите од извештајот“, истакна пратеничката од ВМРО-ДПМНЕ Марија Митева на денешната собраниска Комисија за политички систем и односи помеѓу заедниците.

Таа укажа дека уште во самото резиме на извештајот веќе на страната 4 е нотирана потврда на се она што го зборувале во минатото, а тоа е во делот на правосудството.

„Нотирано е дека оние значајни ризици произлегуваат од внатрешни и надворешни фактори меѓу кои е и низок квалитет на сите тие обвинителни акти, влијание на претседатели на суд преку годишен распоред за работа на судот. Блискост помеѓу судии и адвокати што влијае врз постапките. Недостаток на соработка помеѓу јавни обвинители“, истакна Митева.

Таа продолжи и додаде:

„Кога во еден извештај ќе бидат нотирани вакви сериозни индиции очекувам за истото институциите што поскоро да делуваат. Затоа што се додека ни се провлекуваат вакви извештаи, а за истото немаме никаква реакција или подобрување на состојбите ние нема да ја постигнеме целта, а тоа е вистински да се справиме со криминалот и корупцијата“, вели Митева.

Таа посочи дека фрапантни се бројките кои велат дека од вкупно 166 активности само 22 активности се реализирани од националната стратегија 2021-2025.

„Второ беше спомената онаа национална стратегија за спречување на корупцијата која е донесена за период од 2021-2025 и за истата подлежи и акциски план за нејзино спроведување. Фрапантни се бројките кои велат дека од вкупно 166 активности само 22 активности се реализирани и ова директно укажува на неспособноста на институциите и луѓето кои ги менаџирале институциите да се посветат на вистинско спроведување на национална стратегија која Собранието ја донела и била нешто што треба да донесе подобрување на состојбите на криминалот и корупцијата“, рече Митева.

Таа продолжи и додаде:

„Како трето според податоците кои ги има ДКСК најголем број на пријави кои биле со сомневање за незаконитости во постапките се однесува на следниве делови. Тоа е вработување кое исто како и во претходните години претставувало најгорливо прашање на граѓаните каде дискреционите овластување на одговорите лица за одлучување и избор на кандидати преовладувало над утврдениот систем за вреднување на образование, искуство и компетентност. Ова е многу јасно наведено во извештајот на ДКСК и е нешто што е нотирано и во претходните извештаи на оваа комисија а за истото не е предвидено ништо. Нотирана е и злоупотреба на балансерот за кои изминативе денови по завршување на изборите многу зборуваме и некако се отвара тема која оди во насока на несогласување за негово укинување. Нотирана е и незаконитост во постапки за унапредување на повисоки научни наставни звања од страна на факултетите. Узурпација на јавен простор и на крај сомневања за подготвени тендерски документации и тендерски спецификации кои фаворизираат одредени компании“, истакна Митева.

Таа посочи дека во извештајот се нотирани сите најклучни работи кои биле опфатени во рамки на владеењето на СДС и ДУИ.

„Во овие 5 точки од овој дел се нотирани сите можеби најклучни работи кои биле опфатени во рамки на владеењето на СДС и ДУИ како претходна влада. Најскоро нешто што може да направиме е сите овие состојби кои се детектирани во овој извештај да се преземат со сериозна одговорност од страна на институциите, за се со цел следната година ваквиот извештај да нотира што помалку состојби на криминал и корупција и да има исклучива надлежност за спречување на истата затоа што така е и самиот назив на оваа комисија, а не да има небројни извештаи за покренати постапки против именувани лица од владата“, децидна е Митева.

The post Mитева: Извештајот на ДКСК за 2023 година укажува на неспособноста на власта на СДСM и ДУИ за борба против корупцијата appeared first on Република.

Одлуката на Управниот суд потврдена со одлуката на Вишиот управен суд, која се однесува на јавниот оглас на Академијата за суди и јавни обвинители за вработување на 130 идни јавни обвинители и судии нè охрабрува и ни дава потик и понатаму посветено да се вршиме нашата работа, вели претседателката на Антикорупциската комисија Татјана Димитровска во интервју за РСЕ.

Со ова не завршува постапката пред Државната комисија за спречување на корупција, согласно нашите законски надлежности и обврски, во рокот 15 дена, од правосилност на оваа одлука, имаме обврска да покренеме иницијатива за покренување одговорност кај надлежните институции. Тече рокот за спроведување на оваа активност и во законски утврдениот рок ке ја испочитуваме.

https://republika.mk/vesti/makedonija/dksk-povtorno-odluchi-vo-korist-na-siljanovska-davkova-asjo-treba-da-ja-stavi-vo-miruvane-postapkata-za-priem-na-130-slushateli/

The post ДКСК ќе бара одговорност за случајот со Академијата на судии и обвинители appeared first on Република.

Од распишувањето на изборите Антикорупциска има формирано 45 предмети поврзани со изборна корупција. Најголем дел од нив се однесуваат на постапките поврзани со работни односи, вработувања и отпуштања, а има и случаи на злоупотреба на службени автомобили, предвремено започнување на кампањата и изградби.

Првиот човек на Комисијата за спречување на корупцијата, Татјана Димитровска во интервју за Радио Слободна Европа вели дека само половина од институциите ја исполниле законската обврска да ги презентираат службените возила на оваа институција. За останатиот дел, Антикорупциска ги известила институциите кои избираат и именуваат функционери бидејќи законот не предвидува санкции.

Од оваа бројка, 45 предмети кои се однесуваат на постоење на сомневање за сторени прекрашување во изборниот процес, офоремни се 21 предмет, односно пријава, кои се однесуваат на постапки од работен однос, сомневање за постоење на врботување, покренување на дисциплински постапки, прекин на работен однос.

Четири предмети се однесуваат за постоење, сомневање за извршени вонредни исплати од страна на државните институции. За одржување на јавни настапи, два предмети.

Во однос на изградба, односно реконструкција на објекти, еден предмет. И во однос на злоупотреба, сомневање за злоупотреба на користење на службено возило, еден предмет. Останатите 12 предмети се однесуваат на активности за предвремено започната изборна кампања, дополнително ангажирање на вработени лица од државни институции за потребите на изборната кампања.

Исто така, ДКСК по сопствена иницијатива оформи два предмети. Едниот предмет се однесува на набавката на хеликоптери за потребите на Министерство за одбрана. Едниот предмет беше оформен за набавка на медицинските возила.

The post Антикорупциска формира 45 пријави поврзани со изборите appeared first on Република.

Четврти ден ЈО и ДКСК остануваат при очи слепи, а при уши глуви и не отвораат истрага да истражат дали Муслиу и Битиќи извршиле трговија на влијание, односно ја злоупотребиле функцијата се со цел нивните сопруги да добијат грант од 620.000 евра.Со склучување на меморандум помеѓу конзорциум на невладини организации и националниот координатор за борба со тероризмот, сопругите на Муслиу и Битиќи добиле грант од 620.000 евра на тема поврзана со тероризмот, чија работата е во домен на директорот за разузнавање, Муслиу.,обвинува ВМРО-ДПМНЕ.

Дополнително, откако го добиле грантот, тие се обиделе да ги прикријат траги, односно само 5 дена по добивањето на парите, сопругата на Битиќи се брише од овластени лица на нејзината невладина организација, со промена евидентирана во Централен регистар.

И оттука се поставува прашањето, зошто сопругата на Битиќи се избришала од овластено лица само 5 дена по добиениот грант од 620.000 евра?

И Муслиу и Битиќи се носителни на јавни функции и мора да се испита која е нивната вмешаност и дали функциите ги искористиле за полесно сопругите да го добијат овој грант од над пола милион евра?

Секогаш кога се фатени живи во криминал, владините функционери се бранат со закани за тужба и клевета. Но, ниту тоа нема да им помогне, бидејќи Битиќи како вицепремиер бил на седница на влада кога е донесена одлуката.

Четврти ден и Ковачевски молчи и збор не смее да изусти за овој скандал. Со што е уценет Ковачевски за сопругите на Муслиу и Битиќи со помош на неговата влада да добијат 620.000 евра?

Владата на СДС и ДУИ секој ден го користи за криминал повеќе.

Ден повеќе за владата на СДС и ДУИ, е ден повеќе за криминал, корупција и скандали.

Никогаш не било полошо. Затоа, важно е да ги поразиме!, стои во соопштението на партијата.

The post ЈО и ДКСК при очи се прават слепи и не отвораат истрага дали сопругите на Муслиу и Битиќи земале грант од 620.000 евра? appeared first on Република.

Претседателка на Државната комисија за спречување на корупцијата (ДКСК) Билјана Ивановска информира дека  функционира софтверот за електронско поднесување на анкетните листови и во таа насока апелираше до сите носители на јавни функции електронски да достават анкетен лист.

Ивановска вечерва на Топ Тема на Телма му порача на новиот состав на  ДКСК дека е најважно да продолжат со јакнење на капацитетите на институцијата, потоа да се довршат започнатите проекти, да профункционираат тренинг центарот и аналитичкиот центар, но, нагласи, потребно е да се направи и нова систематизација согласно надлежностите.

Таа меѓу другото истакна дека со 80 проценти од институциите ДКСК имала одлична соработка, но постоеле и такви институции, што не им доставувале документи и покрај нивните барања.

- Плаќале казна, прекршочен платен налог и повторно не доставува документи. За да не заборавиме некого градиме список и на последната седница на ДКСК ќе го објавиме на нашата веб страница. Ќе биде интересно за медиумите кои се тие институции, но и носители на функции кои платиле казна и повторно не доставиле анкетен лист или документи што сме ги барале, рече претседателката на ДКСК.

Таа информираше и дека ДКСК работи на втор дел за случајот „Трансмет“, односно како што појасни, како се располагало со опремата и што се случувало со неа. - На наредната седница ќе го затвориме и тој предмет, рече Ивановска.

На последната седница, како што најави, ќе се реферира меѓу другото за  случаите „Лотарија“  и „Бехтел и Енка“.

- Случајот „Бехтел и Енка“, како што знаете е насочен кон изборот на надзор.  За „Бехтел и Енка“ почнавме да реагираме уште на почетокот со донесувањето на Законот во Собранието, реагиравме, дадовме иницијатива до Уставниот суд што ни ја отфрли, постојано имавме свој став, а последното што се случи беше изборот на надзорот, на тоа се сконцентиравме и тоа ќе го обелодениме, најави Ивановска.

Според неа, не се сфатила сериозно борбата против корупцијата. Корупцијата е тежок камен, истакна Ивановска и упати порака дека мора многу институциии да делуваат.

Во однос на законитоста на балансерот и вработувањата во администрацијата, таа истакна дека иницијативата се подготвува за поднесување пред Уставниот суд.

- Се обративме до владата со барање да ни се анализа како е спроведен законот до сега, бидејќи во законот има одредби кои што велат дека под тој закон спаѓаат оние лица кои биле вработени до 2019 година и тие имаат право да бидат да се преземаат понатаму во другите органи. Побаравме и дополнителни информации од Министерството за политички систем како одело доделувањето на вработените лица во други институции, но не добивме одговор и покрај тоа што се обративме со ургенција со преведен текст, вели Ивановска.

На прашањето како ќе помине иницијативата пред Уставен, таа направи споредба дека и за „Бехтел и Енка“ беше дадена иницијатива за која „бевме уверени дека Уставниот суд треба да ја прифати иницијативата и да го укине специјалниот закон што се донесе тогаш, но Уставниот постапи спротивно“.

- Сега имаме малку надеж бидејќи и претседателката на Уставниот суд излезе со свој став, се надевам дека Уставниот суд ќе ја одигра својата улога онака како што треба заради тоа што балансерот ни прави проблем на сите. Конкретно во нашата институција на претходен оглас имавме кандидат кој што во пет минути се почувствувал како припадник на три националности, онака како што се барале за работните места така тој се почувствувал. Тој предмет Јавното обвинителство го отфрли, рече Ивановска.

На новинарско прашање за актуелните случувања во М-НАВ, вклучувајќи ги и прашањата за вработувањата, Ивановска рече дека не би ги ставила во прашање роднинските врски, туку мерит системот- да се оцени квалитетот и компетенцијата на една личност без влијанија.  Ивановска информира дека ДКСК не може да отвори предмет за М-НАВ бидејќи се при крај на мандатот, туку сега само ги затвораат веќе отворените предмети.

The post ДКСК ќе објави список на институциии и функционери кои плаќале казна и пак не доставувале анкетни листови appeared first on Република.

Во Собранието за денеска е закажана 135 седница, на чиј дневен ред една од точките е Предлог-одлуката за избор на претседател и членови на Државната комисија за спречување на корупцијата.

За претседател на ДКСК е предложена Татјана Димитровска, дипломиран економист од Скопје и вработена во Државниот завод за ревизија (ДЗР), која од членовите на Комисијата за селекција доби 76 бода. За членови на ДКСК предложени се судијката во Основниот суд Софија Спасова Медарска со освоени 75,86, двајцата досегашни советници во ДКСК Билјана Каракашова Шулев со 74,28 и Бесник Џемаиљи со 74,14 бода, ревизорите Зоран Богоевски со 73,57, Цвета Ристовска со 70,57 и Демири Сервет со освоени 67,28 бода.

Според Законот за спречување на корупцијата и судирот на интереси, ако Собранието не избере претседател и членови на Државната комисија, постапката за избор се повторува во целост со објавување конкурс веднаш, а не подоцна од рок од десет дена.

Новата комисија треба да почне да функционира на 8 февруари.

The post Денеска ќе се гласа новиот состав на Антикорупциската комисија appeared first on Република.

Ревизорите Татјана Димитровска, Цвета Ристовска и Зоран Богоевски, вработените во антикорупциската комисија Билјана Каракашова Шулев и Бесник Џемаиљи, судијката Софија Спасова Медарска и Сервет Демири од ревизијата на претпристапната помош за ЕУ се предложени за нови членови на комисијата за борба со корупцијата.

Овие личности по тридневно јавно интервјуирање ги изгласа комисијата за избор на ДКСК. Ранг листата со нивните бодувања беше објавена пред полноќ. За да станат членови на ДКСК нив потоа треба да ги изгласаат пратениците на пленарна седница.

Претседател во следните пет години ќе биде Димитровска. Таа 19 години работи во Државниот завод за ревизија, а од пред две години е помошник на главниот ревизор, меѓу другото, како што рече и за ревизија на политички партии, ДКСК, АВМУ, ДИК и други.

За членови на антикорупциската комисија беа пријавени 41 кандидат. Од нив дел ревизори, вработени во Државната комисија за спречување корупција, во други владини и јавни установи, судии, обвинители…

Јавното интервјуирање траеше три дена. Во четвртокот, петокот и саботата кандидатите ги испрашуваше комисијата за избор, пратениците и претставници на граѓанскиот сектор. Во комисијата членуваа пратениците од СДСМ, од ВМРО-ДПМНЕ, од ДУИ, од Демократско движење, како и Јован Андоновски како претставник на Народниот правобранител и претставниците на Советот за соработката меѓу невладините организации и Владата Снежана Камиловска Трповска и Никола Додов.

Ова е втор пат комисијата да се бира на ваков начин, преку јавни интервјуа кои одложено се емитуваат на собранискиот канал.

The post Предложен новиот состав на Антикорупциската комисија appeared first on Република.

Собраниската Комисија за прашања на изборите и именувањата денеска ќе одржи седница на која треба да бидат спроведени интервјуа на пријавените кандидати за претседател и членови на Државната комисија за спречување на корупцијата (ДКСК).

Ќе се извршат интервјуа на 42 кандидати кои ги исполниле условите од огласот за нови членови на ДКСК.

Комисијата за селекција на кандидатите беше формирана на 14 ноември согласно Одлуката на Собранието за објавување јавен оглас за избор на претседател и членови на ДКСК.

Членови на Комисијата за селекција се Јован Андоновски, заменик народен правобранител номиниран од Народниот правобранител, Снежана Камилоска Трпкоска претставник на Македонски центар за меѓународна соработка Скопје, член на Советот за соработка помеѓу Владата и граѓанскиот сектор од областа на демократијата и владеењето на правото, Никола Додов претставник на Здружението за поттикнување и промоција на информатиката Асоцијација на студенти информатичари Скопје, член на Советот за соработка помеѓу Владата и граѓанскиот сектор за областа медиуми и информатичко општество и пратениците од власта Фаница Николовска и Берат Ајдари и од опозицијата Ели Панова и Кастриот Реџепи.

Според законот, Комисијата за селекција ја формира листата на кандидати и по пет дена започнуваат интервјуата. На интервјуата присуствуваат претставници на повеќе институции, како и невладини организации и можат да поставуваат прашања на идните антикорупционери, а се ова се пренесува на Собранискиот канал.

Мандатот на актуелните членови на Комисијата Билјана Ивановска, Владимир Георгиев, Софка Пејовска Дојчиновска, Катица Николовска, Нури Бајрами, Горан Трпеноски и Шемси Салаи истекува на 7 февруари следната година и тие немаат право на повторен избор. Новата комисија треба да почне да функционира на 8 февруари 2024 година.

За претседател на ДКСК може да се избере лице кое е државјанин на Македонија и кое живее во земјата, да е деловно способна личност, да има високо образование од областа на правните науки или од областа на политичките, комуниколошките или економските науки. Покрај високото образование, се бара и најмалку десетгодишно работно искуство по завршувањето на образованието. Притоа осум години од работното искуство да биде во областите на откривање или спречување на корупцијата, владеење на правото или доброто управување.

Кандидатите за членови треба да имаат шест години активност во областите поврзани со откривање корупција. И претседателот и членовите на ДКСК не треба да биле членови на Собрание, ниту во Влада, ниту пак донатори или функционери во политичка партија.

The post Почнува изборот на новите антикорупционери – интервјуа со 42 кандидати appeared first on Република.

Антикоруопциска се прогласи за ненадлежна за финансирањето на ДУИ иако констатираше прекршок. На денешната седница антикорупционерите информираа дека утврдиле дека во ДУИ пристигнувале донации над дозволениот законски максимум. Според извештајот, во Мала Речица во јули годинава констатирале дека во касата имаат повеќе пари од тоа што го дозовлува законот и парите ги вратиле. Сепак, како што констатираше Антикорупциска, парите требало да бидат вратени во рок од 15 дена а не речи си една година подоцна.

Антикорупционерите утврдија дека за овој случај, соодветна постапка пред надлежните институции треба да иницира Државниот завод за ревизија и одлучија да ја запрат постапката. Исто така, најавија дека ќе го информираат и Министерството за правда кое е надлежно да ги спроведува законот за финансирање на политичките партии. Претходно, во медиумите беше објавено дека фирмата ЕУРОВИА која само во последните година дена добила близу 10 милиони евра од државни тендери и нејзините сопственици се јавуваат како донатори на две третини од средствата кои ДУИ ги добива како донации.

The post Антикорупциска се прогласи за ненадлежна за финансирањето на ДУИ appeared first on Република.

Состојбата со борбата со корупција во земјава не е подобрена, напротив институциите само 10 проценти преземале мерки за намалување на ризиците, вели претседателката на Државната комисија за спречување на корупцијата Билјана Ивановска.

Во интервју за Радио Слободна Европа, Ивановска посочува дека е незадоволна од досега преземените мерки, како и дека нема судска завршница на предметите поврзани со коруција.

Таа забележува на нискиот степен спроведени активности предвидени во акцискиот план на Националната стратегија.

-За жал не можеме да констатираме дека имаме подобра состојба во државата односно дека сме напреднале во борбата. Како показатели како индикатори за сето ова се спроведените активности од институциите, а се предвидени во акцискиот план на Националната стратегија. Националната стратегија ја донесовме на еден инклузивен начин, беа вклучени самите институции кои сами даваа предлози како да се надминат ризиците од корупција. По донесување на Националната стратегија остана институциите да преземат мерки. Во 2021 година преземени се само 20 проценти , во 2022 година во овогодишниот извештај евидентирано е дека се преземени само 10 проценти. Ова укажува дека недостасува волја и капацитет, ама пред се волја, во самите институции да ги преземат активностите. Во вакви услови не можам да кажам дека состојбата е подобрена, напротив, вели Ивановска

The post Ивановска: За жал не сме напреднале во борбата против корупцијата appeared first on Република.

Дали во ДУИ имаат различен став за односот кон Антикорупциската комисија. Откако „главниот“ во Мала Речица Артан Груби за антикорупционерите рече дека немаат капацитет, дека не испорачале резултати, народски кажано дека не ги бива, неговиот сопрартиец Османи виде не виде реши да соработува со истите луѓе.

Па така, министерот за надворешни работи го испрати целиот материјал за фирмата Еуровиа“ на бизнисменот Елмедин Адеми кој за 1.8 милиони евра ќе го адаптира „Борис Трајковски“ за потребите на состанокот на ОБСЕ.

За Антикорупционерите тоа е сомнително па најави дека ќе отвори случај па Османи беше принуден да ги достави документите за тендерската постапка.

На Османи не му оди во прилог што Адеми е еден од најголемите донатори во ДУИ, а денеска беше објавено дека пари во партијата давала и неговата сопруга.

Османи дополнително се „закопа“ со изјавата дека не знаел оти Адеми е донатор во партијата а се појави и форографија на која комплетното партиско раководство е сликано со бизнисменот.

The post За Груби Аннтикорупциската комисија нема капацитет, Османи ги предаде документите за бизнисменот што не го знае appeared first on Република.

Комисијата реагира дека и во овој случај постапила согласно надлежноста и одлучила да покрене Иницијатива за поведување постапка за кривично гонење по предметите по кои постапува, наспроти Обвинителството кое претходно денес и’ порача да се држи до своите надлежности и да не нанесува штета на постапките во тек.

Од комисијата наведуваат дека се поставува прашањето како Јавното обвинителство ја оцени Иницијативата дека е беспредметна и неоснована и дека Комисијата при анализа на предметот немала пред себе бројни докази ниту увид во комплетната фактичка состојба, кога Иницијативата се’ уште не е доставена, а ЈО се’ уште нема сознанија кои доказни материјали сме ги обезбедиле при анализата на овој предмет.

„Во духот на заедничка и организирана борба против корупцијата и организираниот криминал целисходно е ЈО претходно да ги види сите факти и аргументи со кои располагаме, бидејќи целта на ДКСК е да придонесе при расветлувањето на овој случај, а не да ја компромитира постапката што се води во ЈО. Меморандумот за соработка помеѓу институциите е само израз на добра волја за соработка, но надлежностите се јасно дефинирани во законите. ДКСК почитувајќи ги одредбите во Меморандумот за соработка на ДКСК со ЈО, на редовна средба го извести обвинителството дека има сериозни сомнежи во врска со предметот Труст и дека ќе покрене Иницијатива за поведување постапка за кривично гонење“, велат од Државната комисија за спречување на корупцијата.

Се додава дека и понатаму ќе продолжат да постапуваат согласно своите законски надлежности и да соработуваат со сите надлежни институции за борба против корупцијата и организираниот криминал, во интерес на владеењето на правото.

https://republika.mk/vesti/makedonija/javnoto-obvinitelstvo-preku-soopshtenie-ja-prekina-sorabotkata-so-antikoruptsiskata-komisija/

The post Антикорупциската комисија тврди дека постапила во согласност со својата надлежност за предметот „Труст“ appeared first on Република.

Градоначалничката на Скопје Данела Арсовска заработи кривична пријава за злоупотреба на службената положба според член 353 од КЗ. Пријава е поради незаконско поставување на в.д директори на МКЦ и Зоолошка градина

Во рок од една година Арсовска постави тројца директори на Зоолошката градина. Прв беше Кристијан Стаменов кој беше сменет оти закла 15 коњи, па на негово место дојде Драган Илиевски, а сега трет директор е Попов.

The post Арсовска доби кривична пријава за злоупотреба на службена должност за именувањето в.д директори на МКЦ и Зоолошка appeared first on Република.

Државната комисија за спречување корупција ќе поднесе иницијатива за кривично гонење на двајца поранешни директори на Управата за водење на матичните книги заради основано сомневање за трговија со илјадници лични податоци на граѓаните на РМ.

Сомнежот произлегува по спроведената контрола на процесот на дигитализација на матичните книги на родени, венчани и починати лица. Скандалозните сознанија првично говорат дека личните податоци завршиле во една соседна држава!?
Овој скандал по своите димензии и значење можеби и го надминува незаконското прислушување на УБК за време на владеењто на ВМРО-ДПМНЕ!

Ова се случувало во периодот кога директори на Управата биле Бујар Дардишта и Блерим Азбази.

The post Антикорупциска објави нов скандал: Илјадници лични податоци на граѓаните завршиле во една соседна земја appeared first on Република.

Првиот вицепремиер Артан Груби разочаран од составот на Антикорупциската комисија. Иако вели самиот учествувал во изборот на членовите, тие не ја оправдале укажаната доверба. Во интервју на Сител Груби рече дека не им верува на капацитетите на Државната комисија за спречување на корупцијата, зашто државните антикорупционери „не ги бива“.

Деновиве ја отфрлија пријавата против мене во ДКСК на поднесокот на ВМРО-ДПМНЕ. Огромно мнозинство од случаите се или изгубени по административни постапки или отфрлени од судиите и се надевам дека следниот состав ќе биде посериозен. Па, вo нивниот мандат немаат ни еден случај кој им поминал. Државната комисија за спречување на корупција не ги бива. Немаат капацитет, рече Груби на интервју во вестите на „Сител“ на прашањето што мисли за купувањето на деловниот објект „Соравија“ од страна на внукот на лидерот на ДУИ Али Ахмети, како и за вклучувањето на струшкиот градоначалник Рамиз Мерко на „црната листа“ на САД.

Груби смета дека институцијата ДКСК има добра улога, но дека ќе почека некој друг соства, наредниот на пример, за да покаже некои резултати, оти актуелниот не покажал капацитет.

ДУИ ја прифати целата политика на санкционирање, ја почитуваме одлуката на САД и согласно тоа се донесоа одлуките за членството на Мерко, а и тој излезе во јавност со ветување дека ќе соработува со сите институции во земјата, додаде тој.

The post Груби: Не верувам во капацитетите на Антикорупциска appeared first on Република.

Комисијата за спречување корупција има доказ дека на обвинителството уште пред шест месеци му испратило иницијатива за кривично гонење на градоначалникот на Струга Рамиз Мерко – изјави Софка Пејовска Дојчиновска, член на Антикоруоциска комисија, во емисијата 24 анализа на ТВ24, како одговор на претходните реакции од Судскиот совет.

Судскиот совет претходно ги оцени како неосновани и неаргументирани тврдењата на Државната комисија за спречување на корупција за наводно непостапување, па дури и прикривање во случајот со струшкиот градоначалник Рамиз Мерко.

Во соопштението од Судскиот совет се вели дека по направените проверки во Архивата на Судскиот совет, дојдено е до сознание дека таква претставка не е воопшто заведена во електронскиот систем. „Оттаму зачудува паушалното тврдење на ДКСК дека претставката е загубена“, се вели во соопштението на Судскиот совет.

Не знам како да го искоментирам реагирањето на Судскиот совет. Зошто не сме ги прашале откако сме им ја доставиле претставката, зошто не сме ги прашале дали си ја завршиле работата? Не е точно. Имаме доказ, имаме испратница од пошта дека сме ја пратиле. На прес конференцијата што ја имавме за Мерко ја покажавме испратницата со потпис на Судскиот совет дека е примена. Сме испратиле иницијатива за кривично гонење до обвинителството која никаде ја нема во овие шест предмети, а ни одговараат дека се работи – рече Пејовска Дојчиновска.

Претседателката на ДКСК Билјана Ивановска, минатата недела на прес конференција рече дека против струшкиот градоначалник е отворен предмет уште во мај 2019, но немало никаква реакција од Обвинителството. До Судскиот совет тогаш било пријавено дека Мерко влијаел во Основниот суд Струга да му се зголеми минимумот за јавни набавки, иако немало промена на општинската сметка, односно таа и натаму била блокирана. Во 2021 година била доставена ургенција, а од Судскиот совет биле известени дека во електронската архива не бил пронајден таков предмет.

The post Антикорупциска не му попушта на Судскиот совет: Имаме доказ дека сме ви доставиле претставка за Мерко appeared first on Република.

Државната комисија за спречување на корупција излезе со признание дека пред 4 години реагирале за случај каде има основано сомнение за криминал на струшкиот градоначалник Мерко, а Судскиот Совет политички контролиран од СДС и ДУИ го згаснал, прашува ВМРО-ДПМНЕ.

Отворено се поставуваат две прашања: Зошто Антикорупциска молчела 4 години иако знаела за скандалите на Мерко, и кој од власта на СДС и ДУИ правел притисоци во судскиот совет да го згасне предметот на струшкиот градоначалник?

Очигледно дека оставките во Судскиот Совет се најмалата работа, бидејќи потребна е оставка на цела влада.

https://republika.mk/vesti/makedonija/ivanovska-dksk-nema-nadlezhnost-da-postapuva-za-vnukot-na-ahmeti-2/

Криминалот е длабоко метастазиран во сите институции на државата.

The post ВМРО-ДПМНЕ прашува: Антикорупциска молчела четири години иако знаела за скандалите на Мерко? appeared first on Република.