Кина во петокот соопшти дека за првпат ќе воведе употреба на брзи антигенски тестови, бидејќи случаите на Ковид-19 ширум земјата се искачија на највисоко ниво во последните две години, со ширењето на сојот омикрон.

Националната здравствена комисија соопшти дека комплетите за само-тестирање сега ќе бидат достапни за клиниките и обичните граѓани да ги купуваат преку „аптеки на мало, платформи за онлајн продажба и други канали“, откако властите заклучија град од девет милиони во северниот дел на земјата и затворија училишта во Шангај за ги намали инфекциите.

The post Првпат во Кина се воведуваат брзи антигенски тестови appeared first on Република.

Во три скопски поликлиники веќе матичните лекари ќе имаат можност на нивните пациенти да им закажуваат тестирања за ковид-19 со брзи антигенски тестови. Со цел да се расчистат гужвите, на три пункта, односно во поликлиниките Ѓорче Петров, Идадија и Битпазар од вчера почнаа да се прават тестирања за Ковид-19 со брзи антигенски тестови.

Здравствените власти се одлучија на ваков чекор по силните реакции на граѓаните кои уште пред новогодишните празници, поради немање термини за ПЦР-тестирања во центрите за јавно здравје мораа тестовите да ги плаќаат по многу повисоки цени во приватните лаборатории или можеа да се одлучат за брз антигенски тест чија цена е околу 900 денари.

Инаку, одлуката за брзите антигенски тестови ја соопшти вчера претседателот на Комисијата за заразни болести, Александар Петличковски кој истовремено најави дека се планира и отворање на пунктови и во центрите за јавно здравје.

The post Матичните може да закажуват тестирање за брзи антигенски тестови за ковид-19 и во поликлиниките во Ѓорче Петров, Идадија и Битпазар appeared first on Република.