По повод 4 Ноември, Денот на ослободувањето на градот Битола од фашистичкиот окупатор, министерката за култура, Бисера Костадиновска – Стојчевска положи свежо цвеќе на споменикот на паднатите борци од НОАВМ во с. Лавци.

Исто така, заедно со градоначалникот на Битола, Тони Коњановски, и претседателот на Сојузот на борци од Битола, Стефан Бошков, положија свежо цвеќе на споменикот на НОАВМ на плоштадот “Гоце Делчев” и на споменикот на револуционерот Стеван Наумов – Стив.

,,Како министерка за култура и како внука на носител на Партизанска споменица, горда сум што оваа Влада не ги заборави и со почит ги ревитализира паметниците кои сведочат за македонскиот отпор. Еден од нив е и во херојско Лавци – Споменикот на паднатите борци. Антифашизмот во Битола и во Битолско е вечен порив и повик. Зашто: „Народ задоен со борбата за слобода никогаш не умира!“ – истакна министерката Костадиновска – Стојчевска.

Во четиригодишната народноослободителна и антифашистичка војна, околу 270 борци од Битола и Битолско ги дале своите животи за слободарска Битола. Во борбата за ослободување на Битола директно учествувал и дедото на министерката Бисера Костадиновска – Стојчевска, Пецо Гудовски, носител на Партизанска споменица 1941 година.

Традиционално секоја година во Битола свечено се доделуваат и 4-то ноемвриските награди меѓу кои и наградата за животно дело, која годинава ја добива новинарот Димче Миновски.

The post Костадиновска – Стојчевска положи цвеќе на споменикот на паднатите борци од НОАВМ: Антифашизмот е наш вечен порив appeared first on Република.

Претседателот на загребското Домовинско движење, Игор Петернел, во пресрет на концертот на бендот ТБФ на Плоштадот на жртвите на фажизмот по повод Денот на антифашистичката борба, порача дека на Загреб му е потребен плоштад посветен на жртвите на комунизмот

Петернел на градските власти им порача „Собирајте смет, а не цвеќиња за Тито“.

Се собравме на плоштадот на жртвите на фашизмот со надеж дека нема да помине многу време и дека конечно ќе го дочекаме плоштадот на жртвите на комунизмот. Мислам дека таков плоштад е клучен и неопходен. Гледаме дека прославата е организирана од градската власт и дека ќе се одбележи датум кој, впрочем, научно и историски е целосно неоснован - изјави Петернал.

The post Петернел: Во Загреб ги славиме жртвите на антифашизмот, а потребен ни е Плоштад на жртвите на комунизмот appeared first on Република.