Синдикатот на ЈСП „Скопје“ бара усогласување на платите на сите вработени со минималната плата, во спротивно наредниот месец ќе излезат на протести. Претседателот на синдикалната организација на ЈСП, Мичо Стојановски, вели дека зголемувањето кое законски им следува е 2.170 денари и бараат од мајската плата тие пари да им се исплаќаат.

 Бараме зголемување на бодовите, а не зголемување на висината на б одот. Се надевам дека ќе преовлада разумот и со мајската плата во јуни ќе биде исплатено. Доколку не се случи, ќе ги користиме сите мерки, согласно со Законот за работни односи. Има, методи, начини, мировни договори, штрајк, протест – изјави Стојановски и додава дека за зголемувањето потребни се 5 милиони денари месечно или 60 милиони денари годишно.

The post Синдикатот на ЈСП бара повисоки плати или излегуваат на протест appeared first on Република.

Протест во Струмица против ковид-мерките и барање да продолжи учебната година без протоколи за децата

Здруженијата „Од нас за нас“ и „Слобода и правда“ денеска со протестен караван со автомобили и вклучени сирени побараа учебната година да продолжи со физичко присуство и без протоколи за децата, а се и со категоричен став дека маските не треба да се носат во училиште.

-Ние како здружение излеговме со став уште на 30 август дека поддржуваме физичко присуство без никакви протоколи за децата. Се уште сме на тој став и сметам дека децата треба и е потребно да бидат во училишните клупи и заради подобро образование и заради нивната дружба, меѓутоа маските, особено маските од сите протоколи, не треба да ги носат, рече Гордана Гоџо, претседателка на Здружението „Од нас за нас“.

Од Здружението „Слобода и правда“ од Струмица велат дека со актуелните протоколи се кршат повеќе закони и голем број човекови права.

Имаме повторно поднесено барање до училишните одбори да ни кажат дали тие ги имаат усвоени протоколите, а ако не по кој закон и по која основа ги применуваат протоколите, рече Лидија Панова од Здружението „Слобода и правда“.

Граѓаните и здруженијата кои не ги поддржуваат ковид-мерките повеќе месеци повремено протестираат со организирање протестни каравани со автомобили и бараат укинување на мерките.

The post Анти-ковид протест во Струмица, демонстрантите бараат учебната година да продолжи без протоколи за учениците appeared first on Република.