Во ледените пространства на Антарктикот се крие вулкан кој буквално исфрла парчиња злато. Откритието било објавено во 1991 година од страна на американски геолози.

Тогаш геолозите пронашле честички злато во вулканските гасови и во снегот во близина на вулканот, а „ИФЛ Сајенс“ наведува дека честички од благородниот метал се откриени и на 1000 километри оддалеченост.

Вулканот е сè уште активен и денес, а Филип Кајл од Институтот за рударство и технологија во Сокоро објаснува дека златните наслаги може да се појават во вулканските карпи, па кога лавата од планината емитира жешки гасови, тоа пренесува дел од честичките злато во воздухот.

Планината Еребус дневно исфрла злато во вредност од околу 6000 долари, пишува „Аку Ведер“.

https://www.youtube.com/watch?v=owxtROejMB0&embeds_referring_euri=https%3A%2F%2Fstrana.mk%2F&source_ve_path=MjM4NTE&feature=emb_title

Бројни туристи ја посетуваат планината Еребус, која е исто така позната и по голема трагедија.

Имено, на 28 ноември 1979 година, авионот „Ер Нов Зеланд“ 901 удрил во едната страна на овој масив. Тој летал над островот Рос каде што се наоѓа планината Еребус како дел од своите редовни антарктички панорамски летови кои се одржувале од 1977 година. Во несреќата загинале сите 237 патници и 20 членови на екипажот, а од тој ден „Ер Нов Зеланд“ ги прекина сите летови над Антарктикот.

The post Еден од најактивните вулкани на светот секојдневно исфрла злато во вредност од 6.000 долари appeared first on Република.

Нов Зеланд потпиша меморандум за разбирање со германскиот институт „Алфред Вегенер“ за да се поттикне соработката на Антарктикот, соопшти министерот за надворешни работи Винстон Петерс.

Како што јави ДПА, Питерс имал средба со неговата германска колешка Аналена Бербок во најголемиот град во Нов Зеланд, Оукланд, каде што присуствувале на потпишување на договор меѓу „Антарктик Нов Зеланд“ и Институтот „Алфред Вегенер“.

„Антарктик Нов Зеланд“ е владина агенција одговорна за спроведување на активностите на Нов Зеланд на Антарктикот, со поддршка на водечката светска наука и заштита на животната средина.

Антарктикот е од голем геостратешки и научен интерес и овој аранжман ќе ги прошири врските меѓу нашите институти за морска и поларна наука, изјави Петерс.

Двајцата дипломати разговарале и за потребата од итен прекин на огнот во Газа и за зајакната соработка во Пацификот.

Нов Зеланд и Германија уживаат заеднички интереси и вредности, вклучувајќи владеење на правото, демократија, почитување на меѓународниот систем и човековите права. Германија е нашиот најголем извозен пазар во Европа. Таа е исто така најважниот научен и иновативен партнер на Нов Зеланд и најголемиот образовен пазар во Европа и извор на значителен број туристи и млади луѓе на работните празници, нагласи Петерс.

Бербок се сретнала и со министрите Сајмон Вотс и Џудит Колинс, со кои разговарала за соработката за вселената, науката и климатските промени.

Таа пристигна во Нов Зеланд од Австралија, каде што се сретна со австралиската министерка за надворешни работи Пени Вонг и посети центар за кибер безбедност и позиција на австралиската морнарица во Аделаида.

Утре Бербок ќе биде првата германска министерка за надворешни работи што ја посетила островската држава Фиџи во јужниот дел на Пацификот.

The post Нов Зеланд и Германија ќе соработуваат на Антарктикот appeared first on Република.

Најголемата санта мраз во светот А23а се оддалечува од Антарктикот и полека се топи. Таа веројатно ги брои последните месеци од своето постоење поради ерозијата, пишува „Би-Би-Си“.

Брод со кој управува компанијата „Eyos Expeditions“ во неделата пристигна до ледениот гигант A23a за да ги истражи огромните пештери и сводови врежани во ледените ѕидови.

А23а плови по водите додека полека се оддалечува од „Белиот континент“ и на крајот ќе се стопи и ќе исчезне.

Видовме бранови високи три или четири метри, како се кршат на сантата мраз. Тоа води кон постојана ерозија, за „Би-Би-Си“ вели Иан Стрехан, водач на експедицијата.

Најголемата санта мраз во светот се помести по повеќе од три децении. А23а се одвои од брегот на Антарктикот уште во 1986 година, но само неодамна го почна своето големо патување.

Повеќе од 30 години, тој беше цврсто заглавен на дното на Веделското Море, како статичен „леден остров“ со површина од околу 4.000 квадратни километри, што е двојно поголема од областа на Лондон.

Ледениот џин моментално плута во Антарктичката струја, голем бран на вода што го обиколува континентот во насока на стрелките на часовникот.

Оваа струја, заедно со западната струја, го турка А23а во правец на Јужните Оркнејски острови, околу 600 километри североисточно од врвот на Антарктичкиот Полуостров.

Тоа е на патот на она што научниците го нарекуваат „ледена уличка“, главниот пат за мразот да го напушти континентот.

Интеракцијата на ветровите, океанските фронтови и витли ќе го одреди нејзиниот прецизен пат во наредните недели, но многу од овие џиновски рамни санти мраз на крајот ја минуваат британската прекуморска територија на Јужна Џорџија.

Нивната судбина е да се распаднат и исчезнат во океанот во кој внесуваат минерални хранливи материи, од планктони до големи китови, сите имаат корист од топењето на големиот песок и ефектот на оплодување.

Во неделата, тимот на „Eyos“ се приближи доволно до А23а за да постави дрон, карпата санта мраз висока 30 метри беше во густа магла.

Беше драматично и убаво да се фотографира. Тоа е неверојатно голем Дедо Мраз“. Всушност, мислам дека не можеме да сфатиме колку е голема. Преголем е за фотографирање. Се протега колку што можете да видите во двете насоки, изјави кинематограферот на бродот, Ричард Сајди.

Сателитите можат да ја следат оваа област и да ја измерат дебелината на сантата мраз, која на некои места е повеќе од 300 метри.

Во однос на масата не е далеку од трилион тони, иако од ден на ден ќе се намалува.

Големото прашање сега е: Колку долго A23a ќе може да преживее додека се оддалечува од постудената клима на Антарктикот?

Поблагите температури на воздухот ќе создадат површински бари кои ќе предизвикаат зголемување на пукнатините и кршење на песокот.

Ова создава спектакуларни површински катакомби и сводови кои ќе се урнат за миг.

Но, уште еден голем блок мраз пред A23a може да биде поучен за разбирање на нивната долговечност.

Ледениот брег Д28, познат и како „Молар Берг“, сега се движи кон јужниот дел на Атлантикот, на околу 200 километри северно од Јужна Џорџија.

Иако изгуби околу една третина од својата површина откако се распадна ледениот гребен Амери на Антарктикот во 2019 година, Д28 успеа да ја задржи својата основна, компактна форма.

Дали A23a, со овие димензии, може да биде слично долговечен?

The post Полека исчезнува „Ледениот џин“ – огромната санта мраз, двојно поголема од Лондон appeared first on Република.

Кина гради база на Антарктикот која може да се користи не само за научни, туку и за воени цели, предупредуваат група експерти од Центарот за стратешки и меѓународни студии (ЦСИС) во Вашингтон.

Официјален Пекинг се обидува да развие нови бродски рути кон Арктикот и да ги прошири истражувањата на Антарктикот, но западните влади се загрижени дека нејзиното растечко присуство во поларните региони може да ѝ овозможи на кинеската војска подобри способности за надзор.

Во извештајот на ЦСИС се вели дека новата станица, на островот Инекспресибл во близина на Росовото Море, се очекува да вклучува опсерваторија со сателитска копнена станица, која треба да ѝ помогне на Кина да ја пополни големата празнина во нејзината моќ за пристап до континентот.

Група експерти користеле сателитски снимки направени во јануари за да идентификуваат нови објекти за поддршка, привремени згради, хелиодром и темели за поголема главна зграда на станицата од 5.000 квадратни метри. Се проценува дека изградбата би можела да биде завршена до 2024 година.

Иако станицата може да обезбеди следење и комуникации за растечката низа научни сателити во Кина кои ги набљудуваат поларните региони, нејзината опрема може истовремено да се користи за пресретнување на сателитски комуникации од други земји“, соопштија од ЦСИС.

Станицата е добро позиционирана да собира разузнавачки сигнали над Австралија и Нов Зеланд и телеметриски податоци за ракети лансирани од новиот австралиски вселенски центар Арнем.

Кога ќе биде завршена, се очекува да вклучува пристаниште за кинескиот мразокршач Суелонг.

Од ЦСИС за „Ројтерс“ изјавиле дека додека САД сè уште одржуваат големо истражувачко присуство на Антарктикот, вклучувајќи го и најголемиот објект во нивната станица МекМурдо, присуството на Кина во областа рапидно расте. Новата кинеска база ќе биде на 320 километри од станицата МекМурдо.

Според Антарктичкиот договор од 1959 година, чиј потписник е и Кина, активностите на поларниот континент се ограничени на мирољубиви цели. На воениот персонал му е дозволено да спроведува научни истражувања, но му е забрането да поставува бази, да спроведува маневри или да тестира оружје.

Во извештајот на Пентагон од 2022 година се вели дека новата кинеска инфраструктура на Антарктикот најверојатно е делумно наменета да ги зајакне нејзините идни претензии за природни ресурси и пристап до поморските коридори и да ги подобри способностите на кинеската војска. Кина ги отфрла тврдењата дека таквите станици ќе се користат за шпионажа.

The post Кина гради нова база на Антарктикот, Американците стравуваат дека ќе биде за шпионирање appeared first on Република.

Санта мраз голема колку Лондон се одвои од Антарктикот, соопшти на својата интернет-страница Британското антарктичко истражување (БАС).

„Огромна санта мраз (1.550 квадратни километри), голема речиси колку Лондон се откина од ледениот појас Брант со дебелина од 150 метри. Ледениот брег се откина откако пукнатините што се појавија природно во текот на изминатите неколку години се проширија низ ледениот појас, што доведе до отцепување на сантата“, се наведува во соопштението.

Ледениот брег се откинал минатата недела, а тоа е второ поголемо парче мраз одвоено од антарктичкиот глечер последните две години.

На глечерот од кој се откина сантата има истражувачка станица, но тамошните научници соопштија дека областа каде се наоѓаат не е загрозена.

Тие посочуваат дека самиот глечер има сложена структура, а последиците од отцепувањето не можат да се предвидат.

Сите промени на глечерот редовно се следат преку посебен автоматизиран систем.

Глациологот од БАН, Доминик Хоџсон, изјави дека настанот не е поврзан со климатските промени.

The post Санта мраз голема колку Лондон се одвои од Антарктикот appeared first on Република.