Коалицијата предводена од партијата на индискиот премиер Нарендра Моди, Индиската народна партија, ќе освои мнозинство на парламентарните избори во Индија што завршуваат денеска, покажуваат излезните анкети на индискиот информативен канал NDTV.

Две излезни анкети предвидуваат дека владејачката Национална демократска алијанса (НДА) би можела да освои повеќе од 350 места во 543-члениот Долен дом на индискиот Парламент, во ој за просто мнозинство се потребни 272 пратеници, јавија британските медиуми.

На последните избори во 2019 година НДА освои 353 места во парламентот.

Анкетите предвидуваат дека опозициската коалиција – Индиската алијанса за инклузивен национален развој – предводена од Конгресната партија ќе освои повеќе од 120 места.

На парламентарните избори во Индија, кои почнаа на 19 април и се одржаа во седум фази, од кои последната се одржува денеска, право на глас имаа околу 970 милиони гласачи.

Гласовите ќе се бројат до 4 јуни, кога се очекува да бидат објавени изборните резултати.

The post Aнкетите предвидуваат победа на партијата на премиерот Моди изборите во Индија appeared first on Република.

Како што Македонија се подготвува за парламентарни и претседателски избори, видливото отсуство на податоци од анкетите од владејачкиот Социјалдемократски сојуз на Македонија (СДСМ) предизвикува љубопитност и загриженост кај гласачите, но и кај политичките набљудувачи. За разлика од нивните колеги во останатите партии-учеснички на изборите кои често ги користат анкетите како стратешки алатки за мерење на расположението на јавноста и обликување на наративите на кампањите, СДСМ загрижувачки молчи, воздржувајќи се од објавување истражувања во врска со нивното ниво на поддршка кај граѓаните. Оваа намерна затвореност на СДСМ не само што ги остава гласачите во мрак, туку предизвика и бурни реакции кај независните агенции за јавно мислење, чии наоди, како во случајот со ИПИС беа дочекани со критики од страна на функционерите јастреби на СДСМ, анализира Нетпрес.

Во анализата на порталот, одлуката на СДСМ да не објавува анкети од суштинско значење е протолкувана како паралела со историските и современите примери каде што актуелни функционери користеле слични тактики за манипулирање со јавната перцепција. Во текот на историјата, авторитарните режими честопати се обидуваат да го контролираат протокот на информации преку монополизирање на медиумските канали. Со воздржување од објавување анкети и дискредитирање на постојни агенции за јавно мислење, СДСМ ризикува да го овековечи наративот за сопствената затвореност, поткопувајќи ги демократските принципи на транспарентност и одговорност.

„Анкетите служат како клучна алатка за граѓаните да ја проценат работата на нивните избрани претставници и да донесуваат информирани одлуки на гласачките кути. Одбивањето на СДСМ да објавува анкети не само што ги лишува гласачите од вредни сознанија, туку и поставува прашања за нивната посветеност на демократските норми“, се вели во една објава на социјалните мрежи посветена на оваа тема.

Дополнително, дискредитирањето, пак, на анкети објавени од независни агенции од страна на СДСМ е причина за дополнителна загриженост во врска со нивната посветеност кон демократските принципи. Со поткопување на кредибилитетот на алтернативните извори, СДСМ не само што сака да го контролира наративот туку и го поткопува легитимитетот на самиот изборен процес. Во демократијата, различноста на мислењата и силната дебата се незаменливи компоненти на еден здрав политички систем. Обидите на СДСМ да ги потисне неистомислениците и да го монополизира протокот на информации претставуваат опасна ерозија на овие принципи.

Како заклучок, порталот ја толкува одлуката на СДСМ да ги задржи податоците од анкетите и да ги дискредитира агенциите за истражување на јавното мислење претставува вознемирувачки тренд на авторитарност во македонската политика. Со оневозможување на пристапот на граѓаните до витални информации, СДСМ ги поткопува самите темели на демократијата. Како што земјата се приближува до претстојните избори, императив е граѓаните да бараат транспарентност и одговорност од нивните избрани претставници, зачувувајќи го интегритетот на демократскиот процес за генерациите што доаѓаат.

The post Молкот на СДСМ за анкетите – прикиривање на поразот или презир кон македонската демократија? appeared first on Република.

Претседателот Стево Пендаровски и неговиот кабинет не користеле никогаш странски компании за правење на анкети, стратегии, ниту пак комуникациски услуги од домашни експерти. Така ќе биде и за време на претседателската кампања 2024, нема да се користат ниту странски, ниту домашни комуникациски експерти, ниту пак ќе се нарачуваат анкети, реагира кабинетот на Стево Пендаровски на изјавите на Александар Николоски.

Александар Николоски и ВМРО-ДПМНЕ нека се насочат кон нивните сопствени стратези и анкетари и нека си ги прочитаат анкетите во кои очигледно стои дека во вториот круг победник на претседателските избори ќе биде претседателот Пендаровски.

Александар Николоски најверојатно е последниот функционер од ДПМНЕ кој треба да разговара за платата на претседателот Пендаровски.

Нема поголема перверзија за криминал да обвинува вториот човек на партијата која со години е синоним за организиран криминал и чија сметка со години е блокирана“, се вели во реакцијата на кабинетот на претседателот на Македонија.

The post Реакција од кабинетот на Пендаровски: За изборната кампања не користиме странски експерти и компании appeared first on Република.

Виктор Панчевски, новиот директор на Данела Арсовска, наредил вработените во ЈП Водовод и канализација – Скопје, да прават анкети, на повеќе локации низ Скопје, секој вторник и четврток, од 07:30 до 15:30 часот.

Оваа акција не само што се коси со повеќе закони и кодекси, туку е класично искористување на администрацијата, за политички цели и кампањи, посебно во предизборието, во кое се наоѓа државата.

Во описот на работните места на овие вработени никаде не стои правење на анкети, а камоли истите да се спроведуваат надвор од работните места, во текот на работното време.

Ова е во спротивност со Законот за работни односи, законот за административни службеници, законот за заштита од вознемирување на работното место, како и кодексот за административни службеници.

По поплаките на вработените и укажувањата дека оваа акција бесправно се спроведува и дека ќе има тужби, Панчевски известил дека акцијата е доброволна но и понатаму правел притисоци, според кажувањето на вработените, се дерел кон нив, ги омаловажувал и им се заканил дека ако не се вклучат во акцијата, ќе има реперкусии. Исто така им било посочено, ако случајно земат денови од одмор или боледување, повторно ќе има последици.

Реагирале исто така и двата синдикати, во кои се членови вработените, со цел да ги заштитат, но до денеска, акцијата официјално и понатаму се спроведува.

Вработените се исплашени за своите работни места, ако не го послушаат директорот и се во незавидна позиција, но исто така ова се одразува и на стабилното работење на претријатието, кое е одговорно пред граѓаните на Скопје, да имаат чиста и исправна вода за пиење.

The post Новиот директор на Арсовска, бесправно и на сила, ги тера вработените во Водовод да прават анкети низ градот appeared first on Република.

СДС може да стои добро само на анкети кои ги прави нивен поранешен министер како Тевдовски со Преспа институт, велат од ВМРО-ДПМНЕ.

СДС губи и тоа го покажуваат сите меѓународни и домашни релевантни анкети. Свесни дека губат, нема со што да го залажуваат членството, па и беше потребна лажна анкета, кој би направил подобра лажна анкета од поранешен министер на СДС?

Очигледно никој не се нафатил да прави анкета во која СДС мора да има добри резултати, па таа улога му паднала на Драган Тевдовски.

На сите анкети ВМРО-ДПМНЕ има предност пред СДС во сооднос 2:1. Сите во СДС го знаат тоа, и затоа го нашле Тевдовски да им прави анкета на која би стоеле добро.

Тевдовски е министерот за финансии од СДС кој требаше да донесе живот и да ја реформира државата, по неговото владеење имаме само пустош.

Анкетата на Тевдовски е толку точна, колку што тој успеа да донесе живот и подобар економски стандард, се наведува во партиското соопштение.

The post ВМРО-ДПМНЕ: СДС може да стои добро само на анкети кои ги прави нивен поранешен министер appeared first on Република.

Секоја релевантна анкета покажува дека не само што СДС ќе изгуби на престаојните избори, туку во континуитет рејтингот и довербата кај граѓаните опаѓа. Колку подолго ја одолговлекуваат својата агонија, толку покатастрофален ќе биде нивниот пораз. Тоа е резултатот на нивната неспособност и неодговорност, но и поради криминалот и корупцијата кои царуваат со оваа власт на ДУИ и СДС, порачуваат од ВМРО-ДПМНЕ.

„Последната анкета на ИПИС, слично како и анкетите на другите агенции покажува дека ВМРО-ДПМНЕ има двојно поголем рејтинг од СДС, односно за ВМРО-ДПМНЕ би гласале 20,3 % од испитаниците, а за СДС 11,3%. Во делот на рејтингот на лидерите на партиите, Мицкоски е со поддршка од 16,5 отсто, потоа следи Али Ахмети со 6,1 отсто, а дури на трето место е премиерот и лидер на СДСМ Ковачевски со рејтинг од 5,6 проценти. Ова покажува дека Мицкоски е со тројно поголем рејтинг од Ковачевски.
Граѓаните во исто време јасно и гласно со 66,6% даваат поддршка за тоа претседателските и парламентарните избори да се одржат во ист термин со цел да се заштедат и средства и време и да не се блокира државата цела една година.

Оваа анкета само потврдува дека СДС и Ковачевски доживуваат пораз на секое поле и за секоја нивна нерационална политика. Крајот на нивното владеење се гледа, а колку побрзо си стават крај, толку подобро за Македонија. Нека не го држат во заложништво народот и државата, поразот не им бега“ – велат од партијата.

The post ВМРО-ДПМНЕ: Анкетите покажуваат дека имаме двојно поголем рејтинг пред СДС и тројно поголем рејтинг на Мицкоски пред Ковачевски appeared first on Република.

Речиси еден милион денари ќе потроши градоначалничката на Град Скопје Данела Арсовска за спроведување анкета на јавното мислење, забележа „24 инфо“. Според информациите објавени на сајтот на Бирото за јавни набавки, Град Скопје пред два дена, на 10 октомври, склучил договор со Институтот за политички истражувања Скопје вреден 987.000 денари за спроведување на седум квантитативни истражувања на јавното мислење.

Што ќе бидат темите на истражувањата и дали со нив ќе се мери рејтингот на Арсовска, во Договорот не е наведено.

The post Арсовска ќе си го мери рејтингот на анкети со милион денари од Град Скопје appeared first on Република.

Според анкетите на ИПСОС, ВМРО-ДПМНЕ како самостојна партија би имала двојно поголема поддршка од СДСМ на следните избори.

Народот јасно кажува на кого повеќе му верува!, објави на фејсбук лидерот на ВМРО ДПМНЕ Христијан Мицкоски.

The post Мицкоски за анкетите на ИПСОС: Народот јасно кажува кому повеќе му верува! appeared first on Република.

Убедливо расте рејтингот на опозициската ВМРО-ДПМНЕ, покажуваат изминатите четири анкети спроведени од релевантни истражувачки агенции.

Првата анкета на Американскиот институт ИРИ објавена на почетокот на месец март прогнозира убедлива победа на ВМРО-ДПМНЕ доколку утре се одржат предвремени парламентарни избори. Анкетирани се 1226 испитаници преку интервјуа лице во лице, во период од 27 ноември до 23 декември минатата година, а според резултатите ВМРО-ДПМНЕ има поддршка од 20 проценти од граѓаните, додека владејачката има 17 проценти поддршка.

Од албанскиот блок ДУИ има доверба од 7 проценти, Алијанса на Албанците и БЕСА на Билал Касами по 4 проценти.

Убедлива предност на ВМРО-ДПМНЕ пред СДСМ покажува и анкетата на Агенцијата ИПСОС објавена на петти април, а направена за потребите на партијата, на примерот од 1007 испитаници спроведена теренски од 2 до 6 март.

Според податоците од истражувањето, доколку утре се одржат парламентарни избори дури 18,2 проценти од граѓаните би гласале за ВМРО-ДПМНЕ, додека 9,5 проценти за СДСМ.

Во однос на прашањето на кого од политичарите најмногу му верувате граѓаните најголема доверба има токму опозицискиот лидер Христијан Мицкоски со 9 проценти, а веднаш по него е шефот на државата Стево Пендаровски со 6 отсто, додека премиерот на владата на СДСМ Димитар Ковачевски има доверба само од 4 проценти.

Според анкетата претседателот на Левица, Димитар Апасиев, има само еден процент помалку од Ковачевски 3 отсто доверба, исто колку што има и лидерот на ДУИ, Али Ахмети, додека пак лидерот на Алијанса на Албанците, Зијадин Села и поранешниот премиер и претседател на СДСМ, Зоран Заев, според оваа анкета се последни со 2 отсто доверба.

И анкетата на Институтот за политички истражувања Скопје ја потврдува убедливата поддршка и доверба на граѓаните за претседателот Мицкоски и ВМРО-ДПМНЕ. Имено, според анкетата објавена на почетокот на месец мај годинава, а спроведена на 1111 полнолетни граѓани во телефонско истражување во период од 4 до 6 мај, стои дека 21,2 проценти од испитаниците би гласале за ВМРО-ДПМНЕ доколку утре се одржат предвремени парламентарни избори. Веднаш по неа е СДСМ со 16,2 проценти, за ниту една партија нема да гласаат 17,3 отсто од испитаниците, а „не знам“ одговориле 12,8 проценти.

Последна анкета објавена на почетокот на јуни направена од Агенцијата М Проспект за потребите на Меѓународниот центар за меѓународна соработка спроведена телефонски на 1005 испитаници во период од 3 до 13 мај јасно ја потврдува релевантноста на изминатите три анкети од ИРИ, ИПИС и ИПСОС.

Имено на анкетата на МЦМС дури 20,7 проценти од испитаниците одговориле дека ќе дадат поддршка за ВМРО-ДПМНЕ доколку утре се одржат избори, а СДСМ само 14,6 проценти. ДУИ има поддршка од 7,8%, Алијанса 2,9% а БЕСА 2,3%. Поддршката на Левица е 5,2%.

Најголем дел од испитаниците или 28,9 проценти од граѓаните владата ја оцениле со 2. Средната оценка која граѓаните и ја дале на владата е 2,44. Тројка добила од 26% а единица од 25,6%.

Дури 65,1 процент од испитаниците одговориле дека Владата не ги исполнила очекувањата во првите 100 дена, а само 33 проценти велат дека ги исполнила очекувањата. Но, оваа анкета покажува дека голем процент од 63,7 проценти немаат доверба во владата, додека само 34,2 имаат доверба. Повеќе од половина граѓани сметаат дека државата се движи во погрешна насока, додека 16,8% велат дека насоката е правилна.

36,3 проценти од испитаниците сметаат дека предвремените парламентарни избори се најдобриот пат за Македонија, 30,4 проценти се на став дека е потребна целосна мобилизација за надминување на проблемите, додека само 23,3 проценти се на став дека сегашната влада има капацитет да продолжи успешно да се справи со кризата.

Воедно, овие резултатите од четири анкети од реномирани истражувачки агенции го покажуваат огромното незадоволство и револт на граѓаните кон владата на СДСМ и Димитар Ковачевски, но исто така потврдуваат дека предводник на промените е токму ВМРО-ДПМНЕ и лидерот Мицкоски, кој покажува решителност во целта за обезбедување на подобра иднина и поквалитетен живот за сите граѓани.

Имено, за денеска опозицијата има најавено голем протест насловен Протест за промени – Премногу е! На кој како што соопштија од партијата предвидено е да има отворено студио на кое збор ќе земат високи партиски функционери, а Централниот настан почнува во 20:00 часот на кој свое обраќање ќе има и претседателот на ВМРО-ДПМНЕ Мицкоски.

Како што веќе се најавува на протестот се очекува да има над 80.000 граѓани кои се незадоволни од власта и бараат промени и излегување од кризите и сиромаштијата со која се соочуваат изминатите пет години како резултат на неспособноста на владата на СДСМ.

The post Убедливо расте рејтингот на ВМРО-ДПМНЕ, покажуваат четири анкети спроведени од релевантни истражувачки агенции appeared first on Република.