Потпретседателката на САД и демократска кандидатка на претседателските избори, Камала Харис, има мала предност пред републиканскиот противкандидат Доналд Трамп во Мичиген и Висконсин, додека двајцата кандидати се изедначени во Пенсилванија, покажува новата анкета на Си-Ен-Ен, објавена синоќа.

Помалку од една недела пред изборите на 5 ноември, демократката Харис води со 48 наспроти 43 проценти меѓу веројатните гласачи во Мичиген и со 51 наспроти 45 проценти во Висконсин – две од трите неопределени држави кои го добија прекарот „плав ѕид“ поради нивната клучна улога во победата на претседателот Џо Бајден над Трамп во 2020 година.

Во третата држава од „плавиот ѕид“, Пенсилванија, анкетата на Си-Ен-Е покажа дека Харис и Трамп се изедначени со 48 проценти. Со деветнаесет електорски гласови, Пенсилванија е една од најпосакуваните награди во борбата за Белата куќа.

Интервјуата се спроведени од 23 до 28 октомври преку интернет и телефон со 726 веројатни гласачи во Мичиген, 819 во Пенсилванија и 736 во Висконсин, објави Си-Ен-Ен. Маргината на грешка изнесува плус или минус 5 процентни поени

The post На пет дена пред изборите Камала со мала предност пред Трамп appeared first on Република.

Најновото истражување на компанијата Валикон, спроведено во четири земји од Западен Балкан, покажува дека ставовите на граѓаните за потенцијалниот победник на претстојните претседателски избори во САД се поделени, објави Ал Џезира.

Разлики има и во перцепцијата за влијанието на тие избори врз меѓународните односи, особено кон ЕУ.

Претседателските избори во САД се закажани за 5 ноември, а кандидати се Доналд Трамп од Републиканската партија и Камала Харис од Демократската партија.

Овој изборен циклус го привлекува глобалното внимание поради можните последици за внатрешната и надворешната политика на Соединетите Американски Држави.

Во Хрватска, Камала Харис ужива најголема поддршка, со 56 отсто од граѓаните кои би сакале да ја видат како претседателка. Во Словенија, 46 отсто од испитаниците ја претпочитаат Харис пред Трамп, чија поддршка е околу 30 отсто.

Босна и Херцеговина покажува избалансирани ставови, додека во Србија значителна поддршка има Трамп, со речиси половина од граѓаните кои повеќе би сакале да го видат на чело на Америка. Харис, од друга страна, ужива најмала доверба во оваа земја, со поддршка од само 13 проценти.

Истражувањето се однесува и на перцепциите за тоа како победата на еден од кандидатите би можела да влијае на американската политика кон ЕУ. Поголемиот дел од граѓаните во регионот сметаат дека политиката на САД кон ЕУ ќе остане непроменета доколку победи Камала Харис, што делумно е очекувано со оглед на периодот на владеење на Демократската партија во последните четири години.

Спротивно на тоа, победата на Доналд Трамп би можела значително да ја промени американската надворешна политика. Повеќе од половина од Хрватите веруваат дека победата на Трамп ќе има негативно влијание врз односите на САД со ЕУ, а Словенците делат слично мислење.

Во Србија околу 20 отсто од граѓаните сметаат дека би можело да дојде до промена на политиката, но не прецизираат дали тоа ќе биде на добро или на лошо, се наведува во истражувањето на Валикон.

The post Хрватите и Словенците сакаат победа на Харис, Србите на Трамп appeared first on Република.

Грчката владејачка партија Нова демократија со 25 отсто е стабилна на првата позиција, ПАСОК е втора со 9,7 проценти помалку, потоа следат десничарско-националистичката Грчко решение и Комунистичката партија, а СИРИЗА е петта политичка сила во земјата, покажуваат резултатите од истражувањето на јавното мислење во Грција спроведено од агенцијата „Алко“ за грчката телевизија „Алфа“, јави дописничката на МИА од Атина.

Во однос на тоа дали граѓаните се оптимисти дека ситуацијата за нив и нивното семејство во иднина ќе се подобри, 44 отсто сметаат дека состојбата ќе биде полоша, а исто толку дека ќе остане иста, додека пак за резултатите на владината политика, 53 проценти велат дека не се воопшто задоволни.

На прашањето која од опозициските партии може да понуди кредибилна владина алтернатива, речиси половина од анкетираните (49 проценти) одговориле „никоја“, а 21 отсто ја избрале ПАСОК.

Истражувањето на јавното мислење од агенцијата „Алко“ за грчката телевизија „Алфа“ било спроведено од 15 до 19 октомври со анкетирани 1.003 лица.

The post Анкета во Грција: СИРИЗА на петтото место appeared first on Република.

Граѓаните го препознаа ангажманот во првите сто дена од новата влада па затоа поддршката се зголемува. Ако се одржат избори 27,2 посто од граѓаните ќе гласаат за ВМРО-ДПМНЕ а нецели десет отсто за СДСМ, покажа  анкетата на Институтот за политички истражувања Скопје.

Повеќе од половина од анкетираните имаат позитивни впечатоци за работата на премиерот во првите сто дена додека нешто под една третина негативни.

Интересно е дека се намалува разликата меѓу СДСМ и ДУИ и партијата на Али Амхети сега има поддршка од  8,5 посто, а пак коалицијата  Вреди 7,8 проценти.  Левица е со 4,8 посто и ЗНАМ со 4.

СДСМ и ДУИ се партии кои ја блокираа Македонија на патот кон Европската унија ветувајќи нешто што немаа поима како ќе го исполнат. Тие ветуваа и потпишуваа договори со кои наместо да ги решаваат отворените прашања со соседите, тие ги комплицираа дополнително-реагираше денеска ВМРО-ДПМНЕ.

Разбирливо, Христијан Мицкоски е најпопуларен политичар. Во него најголема доверба имаат 27,8% од граѓаните. Следен е Ахмети во кого веруваат 8,посто. Во новиот лидер на СДСМ   Филипче доверба само 5,5 посто од анкетираните.

The post Aко утре има избори, за СДСМ не би гласале ни десет отсто од граѓаните appeared first on Република.

Доколку следната недела се одржат избори 27,2% од граѓаните ќе гласаат за ВМРО-ДПМНЕ а 9,6% за СДСМ, покажува последната анкета на Институтот за политички истражувања Скопје.

Според неа, коалицијата на ФУИ има поддршка од 8,5% а на Вреди 7,8%. Следи Левица со 4,8% и Движењето ЗНАМ со 4%.

15,5% од граѓаните рекле дека нема да гласаат за ниту една партија, 11,6% одбиле да одговорат а 10,6% рекле дека не знаат.

Премиерот Христијан Мицкоски е најпопуларен политичар. Во него најголема доверба имаат 27,8% од граѓаните. Следен е Ахмети во кого веруваат 8,6% по што следи Филипче со 5,5%.

Повеќе од половина од анкетираните имаат позитивни впечатоци за работата на премиерот во првите 100% дена додека нешто под една третина негативни.

Над 55% од граѓаните имаат позитивно мислење за првите 100 дена на владата додека 31% негативно.

Анкетата на ИПИС е спроведена телефонски во периодот од 10 до 13 октомври врз репрезентативен примерок од 134 испитаници.

The post ИПИС: ВМРО-ДПМНЕ со тројна предност пред СДСМ appeared first on Република.

Над 45% од македонските гласачи би заокружиле за ВМРО-ДПМНЕ ако денеска има избори, покажува анкета на „Europe Elects“. Испитувањето е спроведено на 1.200 испитаници во периодот од 16 до 24 септември.

Според анкетата, следуваат ДУИ и Вреди како втора и трета партија, додека СДСМ со четири пати помал рејтинг од ВМРО-ДПМНЕ останува на четвртото место, едвај престигнувајќи ја Левица.

The post 45% денеска би гласале за ВМРО-ДПМНЕ, за СДСМ четири пати помалку appeared first on Република.

Најголем дел од граѓаните се согласуваат дека најважен проблем во државата се криминалот и корупцијата, додека втор најважен проблем се инфлацијата, растoт на цените и трошоците за живот. Oва се дел од резултатите на истражувањето на јавното мислење кое за МКД.мк го спроведе агенцијата Маркет вижн од 16 до 25 септември на 1.200 испитаници. Анкетата покажа дека ВМРО-ДПМНЕ и натаму е партијата со најголема доверба кај граѓаните.

Граѓаните на Македонија сметаат дека најголем проблем во државата се криминалот и корупцијата. Следува инфлацијата, растот на цените и трошоците за живот. Испитаниците одговорија дека за нив проблем се и невработеноста, ниските пензии и плати, проблемите во здравството, емиграцијата, образованието…

Споредено со резултатите од истражувањето спроведено во март 2024, перцепцијата на јавноста за корупцијата и криминалот како најважен проблем во земјата се намалува, додека во фокус останува инфлацијата, растот на цените и трошоците за живот.

На прашањето за предложената мерка од премиерот за распуштање на Судскиот совет за подобрување на правосудниот систем, позитивно одговориле 43,2 отсто од граѓаните, а за 33,4 отсто од испитаниците тоа е негативна мерка.

Најголем дел од граѓаните знаат кој е новиот лидер на СДСМ, додека 28,8% е изјасниле дека не знаат. Процентот на оние што не знаат е поголем кај испитаниците од албанска националност.

На прашањето за која партија би гласале на парламентарни избори, доколку истите би се одржале утре, најголем дел од одговорите на оние кои рекле дека ќе гласаат, речиси половина, се однесуваат на партијата ВМРО ДПМНЕ. Коалицијата Вреди исто така е во пораст споредено со парламентарните избори, ДУИ стагнира, а СДСМ е со голем пад.

Анкетирањето беше спроведено од 16 до 25 септември 2024 година со употреба на CAТI метода – телефонско анкетирање со помош на компјутер на примерок од 1.200 испитаници, односно со интервал на доверба од 95% и маргина на грешка +-3%.

Примерокот е репрезентативен на ниво на Македонија според: регион, пол, возраст и етничка припадност согласно податоците за резидентното население од пописот 2021 година.

Извор: МКД.мк

The post Расте довербата во ВМРО-ДПМНЕ, споредено со парламентарните избори, 29 отсто не знаат кој е лидер на СДСМ appeared first on Република.

Според најновото истражување на агенцијата Фактор плус, граѓаните најмногу и веруваат на институцијата претседател на Република Србија, а најмалку на Републичкиот геодетски завод, јавија белградските медиуми.

Доверба во претседателот на Србија имаат 55 отсто анкетирани, Владата на Република Србија 29%, армијата 31%, полицијата 32’, Собранието на Република Србија 22’, Народната банка на Србија 38%, здравствениот систем 30%... додека најмал број граѓани имаат доверба во Републичкиот катастар, само 18 отсто.

Истражувањето е спроведено врз примерок од 2.000 испитаници, а покрај истражувањето на ставовите за довербата на граѓаните во институциите, истражувањето ги носи и најновите податоци за рејтингот на партиите, каде СНС е на прво место со рејтинг од 46,8 отсто.

The post Србија/Анкета: Граѓаните со најголема доверба во претседателот, најмала во Катастарот appeared first on Република.

Со спроведување на анкета помеѓу наставниците и учениците од трета и четврта година во средните гимназиски училишта, Министерството за образование и наука и Бирото за развој на образованието го започнуваат процесот на унапредување на квалитетот на гимназиското образование и негово усогласување со европските образовни стандарди.

Повеќе од 20 години гимназиското образование е непроменето и неопходна е потребата од прилагодување на глобалните трендови и стандардни, како и на општествените текови. Во таа насока, преку анкетни прашалници за наставниот кадар и учениците во гимназиите, МОН и БРО ќе ги идентификуваат актуелните предизвици, но и силните страни на постојниот систем на гимназиско образование.

Со спроведување на реформа на гимназиското образование, се отвораат бројни можности за подобрување на квалитетот на наставата и учењето, како за учениците, така и за наставниците.

Придобивките ќе вклучуваат поуспешно усогласување на наставните програми со потребите на современото општество и пазарот на трудот, подобрување на критичкото размислување и практичните вештини на учениците, како и нивна подобра подготовка за понатамошно образование или работен ангажман. За наставниците, промените ќе обезбедат подобра поддршка за професионален и кариерен развој, воведување на современи наставни методологии и алатки, како и креирање на поинтерактивна и мотивирачка училишна средина.

Анкетирањето ќе се спроведе во периодот од 30 септември до 4 октомври, од страна на советници од Бирото за развој на образованието, а во анкетата во секоја гимназија е потребно да учествуваат најмалку 80% од наставниците и сите ученици од трета и четврта година.

The post МОН и БРО ќе спроведат анкета меѓу учниците и професорите во трета и четврта година за унапредување на гимназиското образование appeared first on Република.

Демократскиот кандидат Камала Харис води пред републиканецот Доналд Трамп со 45 отсто наспроти 41 отсто во анкетата на Ројтерс/Ипсос, која покажа дека актуелниот американски потпретседател предизвикал нов ентузијазам кај гласачите и ја обновил трката пред изборите на 5 ноември.

Предноста од четири процентни поени меѓу регистрираните гласачи е поголема од предноста од еден поен на Харис пред поранешниот претседател во анкетата на Ројтерс/Ипсос кон крајот на јули. Новата анкета – која беше спроведена во текот на осумте дена до средата и има маргина на грешка од два процентни поени – покажа дека Харис добива поголема поддршка меѓу жените и Американците со шпанско потекло.

Харис води пред Трамп со 49 проценти наспроти 36 проценти – или 13 процентни поени – и кај жените и кај Хиспано-американските гласачи. Во четири анкети на Ројтерс/Ипсос спроведени во јули, Харис имаше девет поени предност кај жените и шест поени предност кај Хиспано-американците.

Трамп води меѓу белите гласачи и мажите, и во двата случаи со слични маргини како во јули, иако неговата предност меѓу гласачите без диплома се намали на седум поени во последното истражување, помалку од 14 поени во јули.

Резултатите покажуваат како се промени трката за претседател на САД во текот на летото. Претседателот Џо Бајден (81) ја напушти својата кампања на 21 јули по катастрофалната дебата против Трамп што предизвика повици од неговите колеги демократи да се откажат од неговата кандидатура за реизбор.

Оттогаш, Харис доби предност против Трамп во националните анкети, но и во некои од критичните држави.

„Очигледно е дека трката против Харис е поголем предизвик за Трамп бидејќи овие бројки се менуваат, но сигурно не е несовладлива“, рече Мет Волкинг, републикански стратег за кампањата кој работеше на кампањата на Трамп во 2020 година, како одговор на резултатите од анкетата на Ројтерс/Ипсос.

Тој рече дека Трамп треба да остане максимално фокусиран во неговата кампања „за да не ги исплаши“ гласачите кои се наклонети кон него бидејќи не им се допаѓал Бајден.

The post Харис ја зголеми предноста пред Трамп appeared first on Република.

Поранешната претседателка на Претставничкиот дом на американскиот Конгрес, демократката Ненси Пелоси, неодамна му рече на претседателот Џозеф Бајден дека анкетите покажуваат дека тој не може да го победи републиканскиот ривал Доналд Трамп.

Таа, исто така, посочи дека Бајден би можел да ги уништи шансите на демократите да го освојат Претставничкиот дом, ако продолжи со кампањата за втор мандат, потврдија четири извори запознаени со овој разговор, според Си-Ен-Ен.

Според еден извор, американскиот претседател се спротивставил на овој став, велејќи и на Пелоси дека видел анкети кои покажуваат дека може да победи, а друг извор го опиша Бајден како „дефанзивен“ во однос на анкетите. Се наведува дека во еден момент Пелоси го замолила Мајк Донилон, долгогодишен советник на Бајден, да се вклучи во разговорот за податоците од анкетите.

Ниту еден извор не потврди дека Пелоси му кажала на Бајден во разговорот дека верува дека претседателот треба да се откаже од трката во 2024 година. „На претседателот е да одлучи дали ќе се кандидира. Сите го охрабруваме да ја донесе таа одлука бидејќи времето истекува“, рече Пелоси минатата недела

The post Анкетите покажуваат дека Бајден не може да го победи Трамп appeared first on Република.

Над две третини од граѓаните сметаат дека земјава има неквалитетно образование, покажува последното истражување на јавното мислење што за „Детектор“ го спроведе Институтот за политички истражувања Скопје.

Според истражувањето, 69,7 проценти сметаат дека образованието е неквалитетно додека 26,8 проценти сметаат спротивно.

Споредбата со анкетите што „Детектор“ ги спроведуваше во последните пет години покажува дека годинава перцепцијата е дека има најлош квалитет на образованието. Ако во 2019 година 47,4 проценти сметале дека имаме неквалитетно образование, во 2023 година тој процент изнесува 57,3 проценти, за сега да достигне 69,7 проценти.

Педесет и еден процент од анкетираните сметаат дека земјава има полошо образование во однос на земјите од регионот, а 26 проценти се на ставот дека има слично образование. Само пет проценти се изјасниле дека образованието во земјава е подобро во однос на она од земјите во регионот.

Како причина за лошиот образовен процес и за ниските места на светските мерења за квалитетот на образованието граѓаните гледаат повеќе фактори. 28,9 проценти сметаат дека тоа е лошата наставна програма, 22,6 проценти лошиот наставен кадар, 18,3 проценти лошиот квалитет на учебниците, а 7,5 проценти како фактор ги навеле лошите услови во училиштата.

- Анализата на одговорите на граѓаните на ова прашање во анкетите низ годините покажува дека пораснал бројот на граѓаните кои за лошиот квалитет на образованието ја обвинуваат наставната програма и неквалитетните учебници, додека се намалил бројот на граѓани кои како причина ги гледаат лошите услови во училиштата, велат од Детектор.

Образованието односно просекот на оценките на основното, средното и високото образование е слаба „тројка“ и тоа на самата граница со „двојка“ . Најлоша оценка има основното образование, на самата граница меѓу два и три е средното образование, а со тројка е оценети високото образование.

Спојувањето на повеќе предмети во еден не го поддржуваат 68,9 проценти од граѓаните, а само 20,9 проценти од анкетираните дале поддршка. Против дигитализација на учебниците се изјасниле 84,4 проценти од анкетираните.

Граѓаните се поделени и околу воведувањето на пролетниот распуст иако мнозинството не даваат поддршка на оваа реформа. 43,7 проценти се изјасниле „против“, а 39,1 проценти даваат поддршка.

Истражувањето е спроведено врз репрезентативен примерок од 1116 во периодот од 23 до 26 мај годинава.

The post Детектор: Две третини од граѓаните сметаат дека имаме неквалитетно образование appeared first on Република.

ТВ21 дојде до првата анкета по парламентарните избори. Изработена е од ИПСОС во период од 10.05.2024 до 20.05.2024 година на територија на Македонија, на репрезентативен примерок. Анкетата е спроведена теренски.

Од анкетираните кои се изјасниле дека сигурно би излегле да гласаат резултатите се следни:
-Коалиција „Твоја Македонија“ предводена од ВМРО-ДПМНЕ 47%
-Коалиција „Европска иднина“ предводена од СДСМ 15%
-Коалиција „Европски фронт“ предводена од ДУИ 11%
-Коалиција „Вреди“ 11%
-Левица 8%
-Движење ЗНАМ 6%
-Коалиција „Храбро за Македонија“ 1%

Од вкупниот број пак на анкетирани резултатите се следни:
-Коалиција „Твоја Македонија“ предводена од ВМРО-ДПМНЕ 31%
-Коалиција „Европска иднина“ предводена од СДСМ 10%
-Коалиција „Европски фронт“ предводена од ДУИ 11%
-Коалиција „Вреди“ 11%
-Левица 8%
-Движење ЗНАМ 6%
-Коалиција „Храбро за Македонија“ 1%

-Неодлучни 10%
-Одбива да одговори 19%
-Не би гласал 4%
Ова е прва анкета која се спроведува по парламентарните избори одржани на 8-ми мај.

The post Анкета: ВМРО-ДПМНЕ доминира со 31%, Европски фронт и Вреди за прв пат изедначени на 7% appeared first on Република.

Секој трет човек во Македонија размислува да се исели од државата, покажува последното истражување на јавното мислење кое за Детектор го спроведе Институтот за политички истражувања Скопје. Според него, 32,3% од анкетираните рекле дека размислуваат или некогаш размислувале да се иселат од државата додека 63,6% не размислувале на оваа тема.

Иако не се големи разликите, сепак изненадува фактот што за иселување најмногу размислуваат луѓето меѓу 40 и 49 години каде 42,5% рекле дека имале или се уште имаат планови да ја напуштат државата. Слични бројки од 42,2% граѓани кои размислуваат да се иселат има и во возрасната група меѓу 30 и 39 години додека кај најмладите, оние кои имаат под 30 години 37,8% размислувале или размислуваат да се иселат од државата.

Споредбата со анкетите од претходните години кои за Детектор исто така ги спроведуваше ИПИС не покажуваат некои значителни промени во ставовите на граѓаните. Во сите анкети во последните 5 години, процентот на граѓани кои размислувале или размислуваат да се иселат е над 30%.

Сепак, 52,7% од сите анкетирани граѓани рекле дека во наредните 5 години нема шанси да се преселат од Македонија додека сигурни дека ќе си заминат во истиот период се 11,5% од анкетираните. Поредбата со анкетите од претходните години не покажува некои значителни отстапувања.

За иселување граѓаните најчесто се решаваат поради повисоките плати (17,2%), подобрите услови за работа (15,7%) и подобрите можности кои им се нудат на децата (12,2%) како и подобриот здравствен и образовен систем кој го нудат странските земји (11,5%). Кај младите под 30 години, очекувано повисоките плати (21,7%) и подобрите услови за кариера (20,6%)се главната причина поради која тие си заминуваат или би си заминале од земјава.

Најпосакувана дестинација за преселба се земјите од Европската Унија. 42,7% од граѓаните рекле дека ако решат да се иселат, би се преселиле во некоја од земјите членки на Еврпоската Унија. 6,1% би се селеле во САД или Канада, 4,4% од Австралија или Нов Зеланд а 4,9% би одбрале некој друг дел од светот. 83,1% од анкетираните сметаат дека степенот на иселување во земјава, во споредба со изминатите 5 години се зголемува. Само 6,1% велат дека тој се намалува а 8,7% дека останува ист.

Анализата на етничката структура на граѓаните кои одговарале покажува дека 20% од етничките Албанци сметаат дека процентот на иселување се намалува во споредба со претходните години, став кој го делат само 2% Македонци од кои пак речи си 90% сметаат дека денеска луѓето повеќе се иселуваат што е значително повеќе од оние 65% етнички Албанци кои делат ваков став.
Две третини од граѓани веќе имаат некој близок кој се преселил во странство. Споредбата со анкетите од последните 5 години покажува дека бројот на граѓани кои имаат свои блиски кои се иселиле од Македонија скокнал од 60% лани на 66,6% оваа година.
Во таа насока очекуван е и одговорот на граѓаните дека пред 5 години се живеело подобро од денеска. Ваков став делат 53% од анкетираните. 8,6% велат дека сега живеат подобро од пред 5 години додека 35,7% не чувствуваат никаква промена.

Со исклучок на анкетата во 2019 кога само една третина од граѓаните тврдеа дека пред 5 години живееле подобро, и лани и оваа година над

половина од анкетирнаите велат дека животот пред 5 години бил подобар.

Анкетата по нарачка на Детектор ја спроведе Институтот за политички истражувања Скопје врз репрезентативен примерок од 1079 испитаници во периодот од 16 до 20 април оваа година.

The post Дури 42,5 отсто од луѓето на возраст меѓу 40 и 49 години планираат да ја напуштат Македонија appeared first on Република.

Секој трет човек во Македонија размислува да се исели од државата, покажува последното истражување на јавното мислење кое за Детектор го спроведе Институтот за политички истражувања Скопје. Според него, 32,3% од анкетираните рекле дека размислуваат или некогаш размислувале да се иселат од државата додека 63,6% не размислувале на оваа тема.

Иако не се големи разликите, сепак изненадува фактот што за иселување најмногу размислуваат луѓето меѓу 40 и 49 години каде 42,5% рекле дека имале или се уште имаат планови да ја напуштат државата. Слични бројки од 42,2% граѓани кои размислуваат да се иселат има и во возрасната група меѓу 30 и 39 години додека кај најмладите, оние кои имаат под 30 години 37,8% размислувале или размислуваат да се иселат од државата.

Споредбата со анкетите од претходните години кои за Детектор исто така ги спроведуваше ИПИС не покажуваат некои значителни промени во ставовите на граѓаните. Во сите анкети во последните 5 години, процентот на граѓани кои размислувале или размислуваат да се иселат е над 30%.

Сепак, 52,7% од сите анкетирани граѓани рекле дека во наредните 5 години нема шанси да се преселат од Македонија додека сигурни дека ќе си заминат во истиот период се 11,5% од анкетираните. Поредбата со анкетите од претходните години не покажува некои значителни отстапувања.
За иселување граѓаните најчесто се решаваат поради повисоките плати (17,2%), подобрите услови за работа (15,7%) и подобрите можности кои им се нудат на децата (12,2%) како и подобриот здравствен и образовен систем кој го нудат странските земји (11,5%). Кај младите под 30 години, очекувано повисоките плати (21,7%) и подобрите услови за кариера (20,6%)се главната причина поради која тие си заминуваат или би си заминале од земјава.

Најпосакувана дестинација за преселба се земјите од Европската Унија. 42,7% од граѓаните рекле дека ако решат да се иселат, би се преселиле во некоја од земјите членки на Еврпоската Унија. 6,1% би се селеле во САД или Канада, 4,4% од Австралија или Нов Зеланд а 4,9% би одбрале некој друг дел од светот. 83,1% од анкетираните сметаат дека степенот на иселување во земјава, во споредба со изминатите 5 години се зголемува. Само 6,1% велат дека тој се намалува а 8,7% дека останува ист.

Анализата на етничката структура на граѓаните кои одговарале покажува дека 20% од етничките Албанци сметаат дека процентот на иселување се намалува во споредба со претходните години, став кој го делат само 2% Македонци од кои пак речи си 90% сметаат дека денеска луѓето повеќе се иселуваат што е значително повеќе од оние 65% етнички Албанци кои делат ваков став.
Две третини од граѓани веќе имаат некој близок кој се преселил во странство. Споредбата со анкетите од последните 5 години покажува дека бројот на граѓани кои имаат свои блиски кои се иселиле од Македонија скокнал од 60% лани на 66,6% оваа година.
Во таа насока очекуван е и одговорот на граѓаните дека пред 5 години се живеело подобро од денеска. Ваков став делат 53% од анкетираните. 8,6% велат дека сега живеат подобро од пред 5 години додека 35,7% не чувствуваат никаква промена.

Со исклучок на анкетата во 2019 кога само една третина од граѓаните тврдеа дека пред 5 години живееле подобро, и лани и оваа година над половина од анкетирнаите велат дека животот пред 5 години бил подобар.

Анкетата по нарачка на Детектор ја спроведе Институтот за политички истражувања Скопје врз репрезентативен примерок од 1079 испитаници во периодот од 16 до 20 април оваа година.

The post Дури 42,5 отсто од луѓето на возраст меѓу 40 и 49 години планираат да ја напуштат Македонија appeared first on Република.

Продолжува трендот на огромната предност на претседателската кандидатка поддржана од ВМРО-ДПМНЕ, професорката Гордана Силјановска Давкова, пред кандидатот поддржан од Социјалдемократскиот сојуз, Стево Пендаровски.

Во најновата анкета објавена во емисијата „Објектив“ на Македонската радио телевизија спроведена од ИПИС во април месец, се истражуваше рејтингот на претседателските кандидати во третата и четвртата изборна единица.

На прашањето „За кого ќе гласате на претстојните претседателски избори?“, во третата изборна единица (ИЕ3) за Гордана Силјановска Давкова одговориле 37,1%, додека за Стево Пендаровски 21,8% од испитаниците. Зад нив се Максим Димитриевски 6,7%, Билјана Ванковска 5%, Стевчо Јакимовски 1,2%, додека пак Арбен Таравари и Бујар Османи се под еден процент.

На истото прашање во април месец во четвртата изборна единица (ИЕ4), дека ќе гласаат за Гордана Силјановска Давкова одговориле 36,3% од испитаниците, додека Стево Пендаровски има доверба од 23,8% од анкетираните.

Далеку зад нив следат Билјана Ванковска 3,9%, Максим Димитриевски 5,6%, Стевчо Јакимовски 1,1 отсто, Бујар Османи и Арбен Таравари и во четвртата изборна единица се со доверба под еден процент.

The post Огромна предност на Силјановска Давкова пред Пендаровски во третата и четвртата изборна единица appeared first on Република.

Да бидам искрен, и јас многу не им верувам на анкетите на ИПИС кои ги презентира МТВ. Обично тие покажуваат двојна предност на ВМРО-ДПМНЕ кон СДСМ, а според мене разликата е најмалку 3:1. Така што СДСМ би требало да им бидат благодарни на ИПИС за анкетите, а не да го обвинуваат, бидејќи тие во ублажена форма го прикажуваат колапсот што му следи на СДСМ, пишува Дарко Јаневски во колумна за „Денешен“.

Но, на Бихачка извгледа комплетно „одлепиле“ од реалноста. Не се свесни за пулсот на народот надвор од нивните канцеларии и фотелји, како што не се свесни дека надвор постои таков гнев кон нив, што никакви лажни обвинувања кон Луке Галески и другите, меѓу кои навеле и некое име на некој човек кој не постои, нема да им помогнат. Тие очигледно живеат во својот свет на бифтеци и милиони и немаат поим дека на улиците има 500 000 луѓе кои дневно располагаат со само 150 денари на ден, 84 000 луѓе кои живеат со 60 денари на ден, 100 000 пензионери кои примаат 13 000 денари пензија, 200 000 пензионери кои примаат пензија до 20 000 денари, 46 отсто вработени кои имаат минимална плата или плата која се движи тука некаде и да не редам понатаму (извинете што се повторувам со овие бројки во последните неколку колумни и јавни настапи, но тие се толку ужасни, катастрофални и шокантни што едноставно треба да се врежат во свеста на секој граѓанин на оваа пустелија).

Така што во Македонија веќе станува збор за беда и глад, а не за некаков европски пат. За каква Европа можете да му зборувате на човек кој има 60 или 150 денари на ден, за каква Европа можете да зборувате кога тие луѓе се мнозинство во државата чии протагоности се фалат со тоа што преку пуч, преку уцени и насилство, додека глумат жртви, ја прекрстиле во Северна, па уште и додаваат и се фалат со тоа дека вчера Заев добил громогласни аплаузи во Борис Трајковски. За каква Европа ни зборуваат, кога еден од нивните главни пулени во кампањата ќе биде Филипче, во чиј мандат Македонија застана на трето место во светот по бројот на мртви од корона, веднаш зад Перу и Бугарија. Премногу трагично за да биде и смешно во исто време.

Кога на сето ова ќе ја додадете и корупцијата, која не дека ја немаше, ама која сега го има зафатено целиот организам, бездушното крадење и трупање милиони, тогаш, разликата од 3:1, наспроти разликата од 2:1 изгледа сосема нормално. Работата е дотаму дојдена што на еден паркинг, возачот кој што излегува ја пушти картичката за излез во апаратот, а тој ја зеде, но рампата не му се крена. Го повика редарот, а тој му вели: „Што се чудиш, ова е Македонија, овде и апаратите крадат!“ Ете до кај сме стигнале!

Но, сето ова покажува дека, пливајќи во базените со украдени пари, т.н. социјалдемократи комплетно ја промениле свеста. Нивниот мозок едноставно не функционира согласно погорните бројки за чие постоење се исклучиви виновници, туку на сосема поинаков начин. Тие се веќе психолошка категорија која не може да ја перцепира мизеријата во која живеат огромното мнозинство од граѓаните. Тие, додека ги обезбедуваат своите внуци и правнуци со украдени милиони, преминаа во категоријата на Марија Антоанета и време е да почнат по своите канцеларии да закачуваат нејзини фотографии. Тие се нашата, оригинална „северна“ верзија на Марија Антоанета која шета низ позлатените ходници на Версај и се расфрла со обвинувања за нарачани и лажни анкети не верувајќи дека народот не ја сака и не сфаќајки зошто е тоа така. А, ете, по самите себе и нивните милиони гледаат дека овде сите сме богати. Зар, не? Тие немаат поим дека 16 денари струја по киловат час (ако се греете на струја и влезете во четвртиот блок) едноставно е премногу висока фантастична цена за економски исцрпениот и сиромашен народ чија главна рекреација во зимно време е цепење дрва за да заштеди додека цела фамилија се бутка во една соба.

Така што ВМРО-ДПМНЕ, Луке Галески, Зоран Ставрески и другите наведени во лагата на СДСМ немаат потреба да местат никакви анкети. Очајот што владее во СДСМ по оваа наводна афера е доволен показател дека партијата на власт убедливо губи и дека таа разлика може само да се зголемува, независно од закаснетите ветувања од Бихачка за плата од 1 100 евра. Самиот податок дека во исто време, додека СДСМ ветува плата од 1 000 до 1 300 евра, нивниот пулен Битиќи смета дека нема пари за линеарно зголемување на пензиите од 5 000 денари (само затоа што тоа е ветување на ВМРО-ДПМНЕ) доволно покажува дека партијата веќе нема компас, односно дека го има, но стрелките покажуваат сосема различен правец од тој што треба да го покажуваат. И тука веќе нема спас за оваа партија. Колапсот е неизбежен, прашање е само колку драматичен ќе биде и што ќе се случува после библискиот потоп што ќе ги удави. И тука нема никаков „фризерај“.

Како што нема спас ни во нивната надеже дека дури и да загубат на изборите, тие заедно со ДУИ ќе формираат влада. Ако се гледаат анкетите, ни на ДУИ не му оди сјајно, па Османи губи во шестата изборна едница, а ДУИ и „ВРЕДИ“ се изедначени. Кога работата дојде до таму Ахмети да не е сигурен на изборите, Дунав очигледно донел премногу вода. И тука завршува приказната за оваа фабрикувана „афера“ со анкетите од Бихачка. Очајно слабо, момци. Очајно слабо. Дајте нова лага!

The post Јаневски: Ништо не го спасува СДСМ од колапс, па ни лажни „афери“ за анкетите! appeared first on Република.

Двојната предност на ВМРО-ДПМНЕ пред СДСМ се одржува и во месец март во изборните единици 2 и 6, а неизвесна е трката помеѓу ДУИ и албанската опозиција.

Имено според анкетата на ИПИС објавена во емисијата Објектив на МРТ, а спроведена во месец март, на прашањето за која партија би гласале на престојните избори, во втората изборна единица најмногу 20,4% од испитаниците се определиле за ВМРО-ДПМНЕ, а 11,1% за СДСМ.

По нив следат ДУИ со 7,4%, албанската опозиција со 6% и движењето ЗНАМ со 5,6% доверба од анкетираните.

Во шестата изборна единица најголема доверба меѓу граѓаните во месец март имале Европскиот сојуз за промени (албанската опозиција) со 20,2%, а веднаш зад нив ДУИ со 20%.

ВМРО-ДПМНЕ бележи 8,6% доверба во ИЕ 6, а СДСМ има 4% поддршка од анкетираните.

The post Двојната предност на ВМРО-ДПМНЕ пред СДСМ се одржува и во месец март во ИЕ 2 и 6 appeared first on Република.

На два дена пред почетокот на изборната кампања Гордана Силјановска-Давкова од ВМРО-ДПМНЕ е во убедлива предност пред кандидатот на СДСМ и актуелен претседател на државата Стево Пендаровски, покажа вчерашната анкета  на МКД.мк.

Дури 63 отсто од анкетираните сметаат дека актуелниот претседател не заслужува нов мандат.

Оценката за работата на актуелниот претседател на државата Стево Пендаровски на скала од 1 до 10 е 4,02. Оваа оценка за работата на Владата е 3,03. Назадоволството од работата на Пендаровски се гледа и во одговорот на прашањето дали тој заслужува втор мандат – 63,3 отсто од граѓаните велат „не“, а со „да“ одговориле 22,3%.

Очигледен е интересот на граѓаните за гласање на претседателските избори закажани за 24 април. За разлика од парламентарните, каде подготвност за излез на избори искажале 66,6 отсто од граѓаните, на изборите за шеф на државата би излегле дури 72,1 отсто од граѓаните.

Предноста на Силјановска-Давкова пред Пендаровски е речиси 2:1. Интересен е дуелот меѓу кандидатите во албанскиот блок, Бујар Османи и Арбен Таравари. За Османи како кандидат на коалицијата на ДУИ би гласале 7,9 отсто од граѓаните, а за Таравари како кандидат на албанската опозиција би гласале 5,8%.

Претседателскиот кандидат на ЗНАМ, Максим Димитриевски е високо позициониран со 6,9 отсто од анкетираните граѓани, што значи трето место меѓу кандидатите Македонци. Во слободниот одговор на анкетата за тоа во кој политичар верувате, Димитриевски е дури и пред Пендаровски.

The post На два дена пред почетокот на кампањата Силјановска има убедливо водство пред Пендаровски appeared first on Република.

Сè поголем е бројот на граѓаните кои се незадоволни од работата на оваа влада, се зголемува и процентот на определените гласачи кои би излегле на гласање, расте рејтингот и на опозициската партија ВМРО-ДПМНЕ и на нејзиниот лидер Христијан Мицкоски. Она што е интересно е и растот на популарноста на новата политичка партија ЗНАМ и нејзиниот лидер Максим Димитриевски. Ова се дел од резултатите од телефонската анкета спроведена на 1.200 испитаници од агенцијата Маркет вижн од 15 до 24 март, по нарачка на редакцијата на МКД.мк.

Дури 70 отсто од анкетираните граѓани сметаат дека работите во Македонија се движат во погрешна насока. Само 16,5 отсто од испитаниците одговориле дека насоката е правилна.

И натаму, како и на претходната анкета од декември минатата година, за граѓаните најголемиот проблем е криминалот и корупцијата во државата (29,2%), на второ место е инфлацијата, растот на цените и трошоците за живот (17,6%), невработеноста 14,2 отсто, емиграцијата, отселувањето на младите 7,8 отсто…

Дека Владата неуспешно се справува со овие проблеми сметаат 66,6 отсто од испитаниците во анкетата, а само 5,7 отсто од нив велат дека власта тоа го прави успешно.

Ако се оценува успешноста на Владата од 1 до 10, тогаш средната добиена оценка би била тројка – 3,03.

Токму затоа 71,4 отсто од анкетираните одговориле негативно на прашањето дали Владата заслужува уште еден мандат. Дека власта заслужува уште еден мандат сметаат 17,1 отсто од испитаниците.

На прашањата за тоа во кој политичар веруваат и во кој лидер на политичките партии имаат најголема доверба, според одговорите на испитаниците на двете листи на прво место е Христијан Мицкоски (25,1 % и 16,6 %). На овие прашања интересен е резултатот на Максим Димитриевски, претседателот на ЗНАМ, кој покажува поголема популарност и од Стево Пендаровски.

Во албанскиот блок Али Ахмети е убедливо прв (11,6% и 6,9%), а на второ место меѓу Албанците и како политичар и како лидер на партија е Арбен Таравари (7,9% и 4,2%). Оваа анкета покажува пад на популарноста на Димитар Апасиев и на неговата партија Левица.

Популарноста на досегашниот премиер и лидер на СДСМ Димитар Ковачевски и како политичар и како лидер на партија е 5,6% и 4,9 %. Висок процент од 49,2 отсто немаат доверба во ниту еден лидер на политичките партии во Македонија.

Процентот на излезноста на граѓаните за гласање на претстојните парламентарни избори, во споредба со анкетата на МКД.мк лани во декември е во пораст. Дека на изборите на 8 мај ќе излезат на гласање одговориле 66,6 отсто од испитаниците (во декември овој процент беше 60%), сè уште не одлучиле 7,6 отсто од анкетираните, а со „не“ одговориле 25,7 отсто.

Според рејтингот на политичките партии, коалицијата предводена од ВМРО-ДПМНЕ е во убедливо водство – 27,2 %. Коалиција предводена од СДСМ би освоиле 10,7 отсто од гласачите, ДУИ – 8,7%, коалицијата Вреди 7,7%, ЗНАМ 5,5%, Левица 5,3%…

Анкетирањето е спроведено од 15 до 24 март со употреба на CATI метода – телефонско анкетирање со помош на компјутер на примерок од 1.200 испитаници (статистичка грешка: 3%; интервал на доверба: 99%).

Примерокот е репрезентативен на ниво на Македонија според: регион, пол, возраст и етничка припадност според податоците за резидентното население од пописот 2021 година.

Извор: МКД.мк

The post ВМРО-ДПМНЕ и лидерот на партијата Мицкоски во убедливо водство appeared first on Република.