Ретроспектива на анимирани филмови од Македонија и Босна и Херцеговина со филмска изложба и реализација на проекции на анимирани филмови од двете земји ќе се одржи денеска и утре во Сараево, во кино Митинг Поинт.

Настанот е на инцијатива на НУ Филмски Центар „Вардар Филм“ – Скопје, а го организираат заедно со Сараевскиот филмски центар.

Филмската изложба ќе го презентира развивањето на анимираниот филм во нашата земја низ годините се до денес, преку изложба и презентација на постери, фолии, кукли и други материјали од анимираните филмови во продукција на Вардар Филм и од новите македонски анимирани филмови. Филмските проекции ќе опфаќаат прикажувања на неколку анимирани филмови од минатото и сегашноста, со што ќе се направи една ретроспектива на македонскиот и босанскиот анимиран филм, наведуваат организаторите.

На проекциите и разговорите каде тема ќе биде анимацијата во минатото и сега, ќе присуствуваат директорот на НУФЦ Вардар Филм – Скопје Сани Саиди со дел од неговиот тим и авторите Жарко Иванов и Крсте Господиновски. Од земјата домаќин, најавено е учеството на млади филмски работници, на познатиот босански аниматор проф. Митад Ајновиќ како и директорката на Сараевскиот филмски центар, Инес Тановиќ.

The post Во Сараево ретроспектива на анимираниот филм на Македонија и на БиХ appeared first on Република.

Анимираниот филм наречен „Агент Елвис“, во кој главниот лик е Елвис Присли, ќе пристигне на Нетфликс во март оваа година.

Познатиот актер Метју Меконахи му го позајмува гласот на кралот на рокенролот.

„Елвис Присли го менува својот комбинезон за „џет пек“ кога ќе биде примен во тајна владина шпионска програма за борба против мрачните сили кои и се закануваат на земјата што ја сака, а сето тоа додека ја извршува својата дневна работа како крал на рокенролот“, се раскажува во дневникот на серијата, наведува Variety.

Цртаниот филм „Агент Елвис“ е создаден заедно од Присила Присли и Џон Еди.

„Од времето кога Елвис беше момче, тој секогаш сонуваше да биде суперхерој кој се бори против криминалот и го спасува светот. Агентот Кинг му дозволува токму тоа“, изјави Присила Присли, пренесува NME.

https://www.youtube.com/watch?v=McHgb1_6UNw&embeds_euri=https%3A%2F%2Fwww.vecer.press%2F%25D0%25B5%25D0%25BB%25D0%25B2%25D0%25B8%25D1%2581-%25D0%25BF%25D1%2580%25D0%25B8%25D1%2581%25D0%25BB%25D0%25B8-%25D0%25B4%25D0%25BE%25D0%25B1%25D0%25B8%25D0%25B2%25D0%25B0&source_ve_path=MjM4NTE&feature=emb_title

The post Елвис Присли добива анимиран филм, Метју Меконахи му го позајмува гласот на кралот на рокенролот appeared first on Република.