Итно да се истражи, открие и најстрого казни сторителот кој од чиста забава и во повеќе наврати со самострел нишани и застрелува мирни маалски животни, мачиња и кучиња, во Хиподром, во околина на детската градинка „Пони“, основно училиште „Вера Јоциќ“ и детските игралишта кои се полни со деца, пред кои и се застрелани нивните маалски миленици, реагираат од здружението за заштита на животни „Анима Мунди“, споделувајќи фотографии од застреланите животни.

Ова е кутре Нуну, локален миленик, мирна да помирна нема, куче кое децата го обожуваат – изложено на болка и страотно страдање; за среќа сакано и веднаш му е укажана ветеринарна помош. На мачките е стрелано при што се предизвикани и многу посериозни рани, а во еден случај луѓето не успеале да го фатат застреланото и преплашено животно, кое останало со метална стрела во телото. Граѓани се преплашени, гневни, пријавиле во полициската станица Автокоманда и бараат поддршка. Информациите кои бараме да бидат проверени е дека 18 – 19 годишно момче од населбата е видено со ваков вид самострел и посочено како можен сторител. Поединци ни посочуваат дека бил агресивен и во рамки на семејството, велат од „Анима мунди“.

Додека насилството врз животните не се препознава и третира како сериозна психосоцијална девијација и опасност по сите, додека не се превземат најстроги мерки , додека во државни рамки не се промовира соживотот помеѓу човекот и другите живи битија, хуманоста и емпатијата не се поттикнуваат и учат од мали, а ваквите случаи ќе бидат се позачестени и ќе ескалираат многу пошироко. Во случајов секое дете, жител на населбата, случаен минувач е потенцијална жртва на некој кој има без двоумење психосоцијален проблем, решил да се изживува, се осмелил да пука во живи мети и делото го повторува веќе најмалку 5 пати во една седмица!
Повикуваме на итно постапување на службите на МВР , сериозна истрага; постапување на училишните и други служби од доменот на менталното здравје доколку е точно тврдењето дека делото го прави момче од 18/19 години кое од далечина стрела и ужива во болката која ја нанесува и очигледно нема намера да запре, велат од здружението.

The post Дечко со самострел стрела миленици кај градинка и детски игралишта во Хиподром appeared first on Република.

Здружението за заштита на животни Анима Мунди денеска испрати соопштение во кое се вели дека иако во Македонија не е забележан ниту еден случај на птичји грип кај домашната живина и вирусот на птичји грип е речиси без никаква опасност по здравјето на луѓето, за само еден ден направен е масакар врз птици во Зоо Скопје.

Според нив, што е видливо и на грозоморните видеа, најсурово – со пушки, кршење вратови, фрлање живи во канти за ѓубре – се ликвидирани 24 патки, 6 гуски, 5 кокошки и една чавка, која била присутна на локацијата.

„Прашуваме кој извршил тестирање и докажал присуство на птричји грип и кој се шансите да не се во право?

Кои се шансите во ЗОО Скопје, каде не е извршен увоз на ниту една птица периодов; да се пријави птичји грип, а никаде во државава да го нема?

Прашуваме, дали птичји грип фаќаат само небитни живи битија, небитни животи кои немаат економска вредност – гуски, патки, чавки, кокошки – или фаќаат и орли, мршојади, ара папагали , птици кои се заштитени со закон, ретки видови птици пред истребување? Како тоагаш тие во ова лудило спасиле жива глава, или е во прашање страв од јавноста, домашна и странска која како никогаш до сега е во шок и ова најостро го осудува! Не само тоа, страв од сериозна правна, кривична одговорност во случај кога вака би ликвидирале со закон заштитени птици! Бараме ова лудило да запре, бараме комплетна транспарентност, документи на увид, имиња и презимиња/ евиденција за тоа кој констатирал и докажал птичји грип и најстрога одговорност доколку се докаже дека не се во правож

Ние во ова не веруваме додека не се излезе јавно со сериозни докази, а и доколку е точно за овој терор оправдување немажДоколку требаше да се преземат одредени мерки за спречување на евентуално ширење на птичјиот грип, тоа би можело да се реши со ставање под карантин на околината која е потенцијален ризик на изворот на вирусот.

Несфатливо е, ако треба да се изврши евтаназија, живината претходно да не биде зашеметена со евтини гасовити анестетици како што е хлороформот, кој му е познат на секој ветеринар.

Наместо тоа, бездушно е извршена болна ликвидација на питома живина со истиснување на нивните вратови и пукање со огнено оружје, што, за уште поголем срам на цела Македонија, утре ќе се нарече хумана евтаназија.

Повикуваме на разум, ако некој ја има и итен прекин на ова лудилож АХВ, Институт за јавно здравје, сите надлежни, бараме итно ова да запреж Бараме одговорност за сите кои наредиле и спровеле вакво умоболие врз животните“, велат од Анима Мунди.

The post Анима Мунди: Птичји грип не се превенира со кршење вратови, фрлање живи во канта и стрелање со пушки appeared first on Република.

Згрозени, но не и изненадени од трагичната смрт на трите копитари во Зоолошка градинка Скопје и овој пат не би изостанале од осуда кон оваа институција која што низ годините единствено што докажа е некомпетентност да одржува во живот животни чије место не е позади решетки, реагираат од Здружението „Анима мунди“.

Додаваат дека неприфатливо е да исклучително ретки животни на раб на истребување, безумно завршат во субстандардна зоолошка во Македонија - која патем го загуби и кандидатскиот статус за членка на Европската асоцијација на зоолошки градини и аквариуми (ЕАЗА) – и умрат едно по едно во ист ден.

Потсетуваат дека досега официјалното раководство до моментов се нема произнесено за ништо, што е „рамно на скандал“.

Не реагиравме вчера со цел да добиеме појасна слика за она што се случило. Добивме индиции за тоа дека во Зоо Скопје работи таков кадар, што е можно и самиот да ги убил, отрул животните. Повторуваме, се укажува на можноста вработени поединци сами намерно да одлучиле да ги убијат:
1. Бараме итно да се вештачат снимките од сите камери во ЗОО Скопје, доколку изостанува видео надзор во институцијата, најстроги казни за раководството
2. Бараме информација дали и колку од ветеринарните лица во ЗОО Скопје се доктори специјалисти за лекување на диви животни, доколку такви воопшто има
3. Бараме итна надворешна и независна истрага, аутопсија која не би можела да биде лажирана, го повикуваме донаторот на трите коњи овој пат да ја обезбеди финансиски, за да се превенира во најмала рака и други животни да завршат „донирани“’ на овој начин, во оваа недојдија!
4. Бараме мораториум на внес на нови животни
5. Дивите животни не се украс, атракција и експонати туку живи суштества и со третманот кој што го добиваат во зоолошката градина се единствено изложени на стрес, страв и страдање, неприродни за природниот хабитат од кој примарно потекнуваат. Склони се на самоповредување, бавно умирање, тешка депресија. Не поддржувајте и не посетувајте животни зад решетки и Зоолошки за животни. 

The post „Анима мунди“: Имаме индиции дека во Зоо Скопје работи таков кадар, што е можно и самиот да ги убил животните appeared first on Република.

Од Здружението за заштита на животни „Анима мунди“ не е задоволни тоа што од Агенцијата за храна и ветеринарство не започнала постапка за одземање на домашен миленик од жител на Велес, кој пред две недели е снимен како го удира сопственото куче. Од АХВ му наложиле на велешанецот само да го вакцинира кучето и да го микрочипира. Случајот е пријавен и во МВР, но засега нема одговор од полицијата.

- По илјадити пат јавноста сведочи на изживување врз животно и по илјадити пат институциите докажуваат неспособност, слепи и глуви пред очигледно мачење на куче. И овој пат во оваа бесправна држава кучето на приложената снимка остана во рацете на садист кој одбива да го предаде, сака да го тепа а официјалните ветеринари и полициските службеници станаа негови помошници, соучесници занемарувајќи ја константната тортура и болка на животното одлучуваат дека истото ќе остане кај него и го задолжуваат да го чипира и вакцинира што подразбира да стане негов законски сопственик, велат од „Анима мунди“.

Според здружението, лицето кое тепа куче е охрабрено од институциите да продолжи со изживувањето врз кучето.

- Институциите одлучија постапката да заврши со едукација. Треба да го микрочипира, вакцинира а тоа што е чувано во импровизирани услови со видлив деформитет на задни нозе од живот на ланец и повремено тепан очигледно не ги засега оние што треба да го заштитат животното и имплементираат законот, реагираат од „Анима мунди“.

Оттаму, прашуваат до кога ќе се замижува пред секојдневните случаи на неодговорност, мачење и малтретирање па и убивање на животни.

- Бараме од Министерството за внатрешни работи да извести јавен обвинител и да се поведе кривична постапка за мачење и малтретирање на животното. Бараме од Агенцијата за храна и ветеринарство да престане со префрлање на одговорност, да направи исклучок и покаже способност за работа како што и доликува на една европска држава и да пристапи кон одземање на кучето од сопственикот, нагласуваат од здружението

The post „Aнима мунди“: Во нашава држава е во ред да тепаш животни appeared first on Република.

Во Штип среде бел ден, во населена средина возрасен човек шета со оружје, нишани и стрела во животни за да ги осакати и убие, при што е сериозно повредена мачка на негови комшии – објави здружението за заштита на животните Анима Мунди на својот профил на Фејсбук, заедно со куса снимка што ја добило од граѓани.

До кога секој силеџија и социопат ќе чувствува комодитет да стрела по животни, знаејќи дека за делото нема да одговара? Или во насилството врз животните ќе препознаеме девијација, или ќе го препознаеме дури тогаш кога ќе ескалира и врз луѓе. Куса снимка од ова лице, кое лежерно и без трошка страв пукало по што ќе му текне, кршејќи најстрого закон, ни пуштија жители од населбата, преплашени за својата безбедност, но за и безбедноста на своите миленици. Среде бел ден е предизвикана сериозна опасност на јавноста и мачени се и убивани животни, што се кривични дела за што е потребно итно постапување на надлежните и најстрога казна за сторителите, побара Анима Мунди.

Организацијата објавува и видео снимка на која се гледа како во Виница, возач со автомобил влече врзано куче, кое мора да трча по колата за да не биде задавено.

Ваков пример на насилство врз животно би било веднаш строго санкционирано во секоја европска држава, но не и во Македонија. Неколку лица се обиделе да пријават во полиција – потенцираме, се обиделе, но полицијата не сакала ниту да прими и да евидентира ваква пријава, што значи дека за нив тоа што се случило е нешто нормално. Токму непостапувањето на службените лица значи злоупотреба на должноста и дава поттик на насилниците и понатаму да мачат, убиваат и да поминуваат неказнети, пишуваат од Анима Мунди.

Здржението ги повикува институциите итно да започнат со сериозни истраги, најстрого да ги казнат сторителите, затоа што, како што велат, ваквите индивидуи се закана за безбедноста и на животните и на луѓето.

The post Штипјанец сред бел ден шета со оружје и стрела животни, соседите преплашени appeared first on Република.

Извесен Д.Д. од населба Лисиче, Скопје на најсуров и монструозен начин малтретира и повредува мачка, реагираат од „Анима мунди“. Од Здружението велат дека кај нив вчера реагирал сопственикот на мачката и дека ова видео е само дел од долготрајното психопатско изживување врз мачката.

Според сведоштвата, ја удирал од земја неколкупати со што и нанел очигледни повреди и траума.

Ваквите слики од млади лица кои судејќи по смеењето во позадина на видеото и задоволството во изживување врз живо битие се скоро секојдневие и аларм за тоа каква младина продуцира ова општество и која би била следната жртва на насилниците од овој калибар.
Млади лица, небаре деца кои покажуваат волку ниска свест, нула емпатија и се изживуваат, убиваат животни подоцна нивната агресија според стручни лица можат да ја применат и на луѓе.
Бараме од надлежните институции да превземат соодветни дејствија и да има одговорност во овој случај, да се интервенира навремено кај овој млад човек и превенираат вакви случки во иднина.
Недозволиво е било кое живо суштество да е мета на насилници со вакво девијантно и монструозно однесување, велат од „Анима мунди“.

The post Скопјанец фрла мачка, претходно се изживувал врз неа appeared first on Република.

Здружението за заштита на животните „Анима Мунди“ на својот официјален фејсбук профил, напишаа дека потресени се од последното случување каде осум годишно дете беше убиено од кучиња. Од Здружението велат дека би поддржале забрана за увоз, продажба, подарување и размножување, како и чување од малолетни лица на секое животно кое има физички предиспозиции да нанесе тешки телесни повреди или да загрози животот на друго битие.

Длабоко сме потресени и изразуваме сочувство до семејството на детето кое почина по напад од кучиња. Во оваа трагедија загубата е ненадоместлива, неповратна и утеха нема.
Повикани сме од повеќе страни да дадеме изјава, но што и да се рече сега е доцна за ова дете, а секое слободно толкување во однос на оваа несреќа од која нема назад за нас е непримерно и болно.
Единствено што би сакале да се знае дека како здружение за заштита на животни без дилема и веднаш би поддржале забрана за увоз, продажба, подарување и размножување, како и чување од малолетни лица на секое животно кое има ФИЗИЧКИ предиспозиции да нанесе тешки телесни повреди или да загрози животот на друго битие.
Нагласуваме физички предиспозиции бидејќи нашите искуства, искуствата на стручната фела, а и статистиките кажуваат дека најголемите, најсилните животни имаат најстабилен карактер, се најмирни, но нивната сила е огромна, па дури и со еден потег можат да би можеле да бидат кобни по човек или животно. Еден може да биде фатален.
Поддржуваме и бараме прецизна категоризација во соработка со стручни и засегнати страни и мораторијум на размножување, продажба и увоз на животни кои ќе се категориризаат како такви веднаш. Наши предлози се и мандаторна стерилизација или забрана за размножување на сите кучиња, но за овој тип на животни ги бараме и поддржуваме веднаш - стои во објавата.

The post Анима Мунди: Длабоко сме потресени и изразуваме сочувство до семејството на детето кое почина по напад од кучиња appeared first on Република.

По само два месеци од масовното убиство на кучиња од Струга, кога вооружани лица среде бел ден стрелале во жива мета по улиците на Струга, фрапантно кршејќи закон; сведочиме на јавно охрабрување за убивање на кучињата. И тоа не изјави на некој обичен граѓанин туку првиот човек на Струга, кој очигледно залутал во дејност чија одговорност не ја разбира, реагираат од здружението „Анима мунди“, на изјавата на струшкиот градоначалник Рамиз Мерко дека „ако можиме да колиме јагниња, да колиме телиња, да колиме овци, овни, да тепаме диви животни, да ловиме риба, се правиме што ни е потребно за наш живот, а единствено ќе ги чувема кучињата“.

https://republika.mk/vesti/makedonija/merko-ako-mozhe-da-se-kolat-jagnina-zoshto-ne-mozhe-da-se-ubivaat-kuchina/

Рамиз Мерко, ова не е племенски сојуз, туку држава! Законите, стратегиите постојат за да се унапредуваат, а со идеите за тендери со ловни друштва и убивање на секое куче од улица, закана сте по сѐ што е цивилизациска придобивка, претставувате опасност и ја срамите Струга.
Ова е говор на омраза кој промовира и поттикнува насилство за што треба итно да се биде казнет!
Со вакви сфаќања, повици и изјави човек не смее да биде политичар, уште помалку градоначалник на град и атрактивна туристистичка дестинација во нашата држава.
Од една страна Струга со сите свои убавини, од друга градоначалник кај кој личи дека општествената еволуција застанала, за кого емпатија и хуманост се непознати поими а насилството, безредието, убивањето животни посакувана норма.
Компаративно одобрување на помало убиство - животно, не може никогаш да го прави истото дело оправдано. Посочуваме и дека во изјавата Рамиз Мерко кажува како жител од село Мислешево убил и натоварил цел трактор со мртви кучиња, бараме институциите, обвинителелството веднаш да постапи по овој случај на кој Мерко е очигледно сведок и да биде повикан на распит. Воедно легитимно е да се праша дали градоначалникот на Струга ги поттикнал или ангажирал оние кои во јануари стрелаа бездомни кучиња по градот, загрозувајќи ја безбедноста на сите, а притоа никој да не одговара до ден денес. Одговорност мора да има ако целиме кон правичност и правда, а не кон девијација на и она малку нормално што остана од/во нашава држава!, реагираат од здружението.

The post Рамиз Мерко, ова не е племенски сојуз, туку држава! appeared first on Република.

Не постои ништо по штетно од партиско препукување, а програмско, системско, сестрано игнорирање на проблем, сметаат „Анима мунди“. Нивната рекација доаѓа откакокуче и сопственик беа нападнати од глутница бездомни кучиња во Аеродром.

Анима мунди се согласуваат дека се работи за непријатен случај, но нагласуваат дека тој е изолиран. Тие реагираат на реакциите на претставници од најголемите партии кои меѓусебно да се обвинуваат и ја отфрлаат сопствената одговорност обвинувајќи ја ЈП Лајка за нефункционалност и недоволни резултати.

Политичари, колку важност и значење придавате на еден проблем, толку се изгледите да биде локализиран, контролиран, решен!

Лајка е последната алка во синџирот која и те како дејствува и испорачува резултати, маневрира во обид да воспостави контрола со резултати кои се веднаш воочливи, мерливи, но секако недоволни бидејќи не може да го третира коренот на проблемот кој зависи од инсититуциите кои ги раководите вие!

Измените на Законот за заштита и благосостојба на животните со кои бараме итно регулирање на одговорното сопствеништво, забрани за неконтролирано размножување на животните се само декларативен приоритет – праќаме иницијативи, барања, укажувања, од АХВ немаат волја ни да одговорат, а камо ли да организираат работен состанок! Дека нешто се превзема е толку бајата лага во која никој со грам рационален расуд повеќе не верува!

Општините од друга страна имаат повеќе пари за украсни жардињери, откако за програми со кои би третирале сериозен проблем од етички , безбедностен, здравствен, комунален аспект, како на граѓаните, така на животните. Тоа е важно да се знае, зошто за оваа проблематика само 3 општини од град Скопје издвојуваат средства за работата на ЈП Лајка – другите ги мрзи да конципираат програма, а камо ли да наменат денар од буџетот, ништо! Но секако пари за исполнување нивни каприци и ќефови не недостасуваат. Коректно е да се знае дека општина Аеродром е една од тие кои плаќаат, но ни 10 Лајки нема да не спасат доколку не се забрани и контролира напуштањето, размножувањето, промовира вдомување и стерилизација!

Граѓани на Скопје, ЈП Лајка прв пат има сеопфатна стратегија и пристап кој го охрабруваме, поддржуваме да продолжи, но минорни ќе бидат сите резултати, сиот труд, се додека не се почне од коренот, од законската регулација на одговорното сошпствеништво, регулирање на продажбата, подарувањето миленици, преку дефинирање забрани за размножување и најстроги казни за напуштање миленици, исфрлање на цели легла кутриња по учиците.

Се до тогаш имаме борба со ветерници и евтина парада пред јавноста, од која ве уверуваме ни е преку глава на сите, велат од Анима мунди.

The post Анима мунди: Ни 10 Лајки нема да не спасат ако не се забрани напуштање и размножување кучиња appeared first on Република.

Бездомните кучиња и нивениот третман не се само проблем од етичка природа, туку реалност која секојдневно влијае врз севкупниот живот на Скопјани и сите посетители на градот.

Не сакаме да гледаме гладни, несреќни животни по улиците, животни без дом. Безбедноста, здравствената заштита на населението, стандардот на градска чистота се сфери кои исклучително зависат  од тоа на кој начин и во која мерка ќе обезбедиме хуман третман на животните, кои се на улица, но не по сопствен избор или вина.

Граѓаните на Град Скопје  бараат од Вас решавање на овие проблеми, хуман третман, поголема грижа за нивната безбедност и здравје. Како Совет на Град Скопје должни сте за рационално, одговорно, ефикасно распоредување на нивните средства.

Во понеделник се одлучува  по прашањето дали средствата на граѓаните ќе одат за превенција на штети, унапредување на севкупниот животен стандард во градот, хумано намалување на бројката бездомни животни, или средствата ќе се трошат во блиска иднина наменети за санирање штета, исплата на оштети од претрпен страв и физички повреди. Секоја инвестиција во оваа област сега, спречува одлив на милиони во иднина.

ЈП Лајка е единствено претпријатие чија намена е да се справи со предизвиците и проблемите кои се таложени 3 децении. ЈП Лајка маневрира во услови каде секојдневно се зголемува бројката бездомни животни поради тоа што нема соодветна законска регулатива која наложува забрана за неконтролирано размножување и напуштање миленик, која регулира продажна дејност со животни, нивно подарување, која најстрого санкционира насилство на животни и нивно занемарување. .. ЈП Лајка не смее да има вработени кои се во континуитет изложени на несигурноста и стравот дали ќе имаат плата,  кои поради енормата , наследена задолженост на претпријатието во минатото немаат основна опрема за работа, медикаметни за стерилизации не можат својата иднина долгорочно да ја планираат тука, бидејќи е неизвесна и самата судбина на претпријатието. ЈП Лајка не може да испорача резултат на Скопјани доколку стерилизира масовно, брзо без прекин, со цел да се опфатат минимум 75% на постоечките нестеризирани единки на улица.ЈП Лајка не може да биде успешна приказна доколку не се сфати неговата исклучителна важност, доколку сега не се помогне за да ја премости кризната состојба која произлегува од енормна, наследена презадолженост на претпријатието и, последователно не се предвидат и инвестираат средства во буџетот за 2023 година, сразмерно на реалните потреби на град Скопје и претпријатието кое ги има внатре.

Во име активистите за права на животни, хуманите граѓани и секој еден кој е директно или индиректно засегнат од оваа проблематика, бараме да ја согледате важноста на ЈП Лајка и во понеделник дадете поддршка за за финансиска помош на претпријатието.

Здружение за заштита на животни „АНИМА МУНДИ“

The post „Анима мунди“: Советот на Град Скопје да одобри неповратна финансиска помош за ЈП Лајка appeared first on Република.

Анима Мунди – здружение за заштита на животни ја поздрави одлуката на Град Скопје и градоначалничката Данела Арсовска за разрешувањето на сега поранешниот директор на скопската Зоолошка градина, Кристијан Стаменов и бара од институциите (МВР, АХВ) итно да постапат и најстрого го казнат екс-директорот, како и сите кои биле инволвирани, ставиле потпис и ја аминувале одлуката за колеж на животните!

Згрозени сме од настанот во Зоолошката градина во Скопје. Свирепо убиство на 16 копитари (искористувани, мачени цел живот; меѓу нив и млади ждребиња) е надвор од сите законски прописи и правилници е нешто што не е одлика на нормална држава – велат од Анима Мунди.

The post Анима Мунди бара одговорност за настанот во Зоолошка appeared first on Република.

„Не се бара правдина за себе со чин во кој на друго битие му создавате болка, траума, невиден стрес и го лишувате од сѐ што е за него природно. Мисирката е, исто како и човекот, чувствително и свесно битие, способно за емоции и, наспроти општото убедување, мисирката е интелигентно животно кое во случајов никому ништо не му згрешила“, велат од здружението по повод вчерашниот протест.

Анима Мунди го подржува правото на протест и верува во силата на народот, но мачење на животни никогаш не било ниту ќе биде досетливо, креативно – човечно – и најостро го осудува.

„Приморување на животно да биде меѓу таква толпа народ, со врзани екстремитети, кубено, тегнето, обезличено како да е предмет а не жива душа, е најодвратен облик на мачење на животно.

Бараме од организаторите и сите присутни да не бидат инертни пред стравот на ниту едно живо битие и да се оневозможи злоупотреба на животни за какви било цели!

Бараме јасна и недвосмислена осуда на чинот и никако да не се повтори! Бараме птицата итно да се ослободи во нејзината природна средина, или да ни се предаде ако за другото не постои алтернатива“, велат оттаму.

The post Анима мунди протестира против донесувањето ќурка пред Собранието appeared first on Република.

The post „Анима мунди“ ги повика АХВ и МТСП итно да постапат по случајот на колење јагниња во градинка во Делчево appeared first on Република.

Од Здружението за заштита на животни „Анима мунди“ реагираат по последниот случај со нападнати граѓани од страна на бездомни кучиња и начинот на кој случајот бил пријавен од страна на јавна личност, како и начинот на кој тој случај бил решен. Станува збор за статусот во кој актерот Сашо Тасевски го објансува нападот на бесно куче-скитник кој ја искасал неговата мајка.

Нивното јавно обраќање до градоначалникот на Општина Аеродром Тимчо Муцунски ви го пренесуваме во целост:

Актуелниот градоначалник на Општина Аеродром мисли дека проблемот со бездомните кучиња се решава со нивно лишување од засолништа на минусни температури!

По притисок на одредени јавни личности и ширење омраза од јавноста спрема бездомните кучиња од Општина Аеродром оваа недела два бездомни миленици на жителите од Аеродром беа заловени од страна ЈП Лајка и сместени на безбедно во стационарот заради страв од понатамошни постапки што можат поединци да ги преземат бидејќи знаеме, докажано е, во какво општество живееме.

Истите тие кучиња ќе бидат спроведени за вдомување.

Ние го осудуваме начинот на кој целиот тој немил настан беше „пријавен“ од страна на јавна личност со користење на социјалните мрежи, што постигна само да се разбудат монструмите во нашата држава и да посегнат по животот на животни кои не по своја вина се на улица и не по своја вина немаат каде да живеат освен - на улица. Тие не се улични, туку бездомни.

Дополнително овој статус го поттикна градоначалникот на Општина Аеродром Тимчо Муцунски на минусни температури да им ги уништи засолништата на останатите бездомни кучиња во тој дел, куќарки за кои совесните жителите на Општина Аеродром вложиле да ги направат и да им обезбедат нешто пристојно каде што ќе можат да ја поминат зимата.

Наместо да го следи примерот на поранешни градоначалници кои донираа материјали и отстапуваа простор за активистите да направат куќарки за овие несреќни животни тој без трошка совест и хуманост постоечките ги фрли во отпад!

Ви се обраќаме лично градоначалнику, дали навистина мислите дека со отстранување на тие куќарки се решава проблемот со бездомните животни?

Дали вие сте градоначалник само на жителите во општината што мрзат животни?

Имајте на ум дека Општина Аеродром како една од најголемите општини во Скопје има и еден од најголемите проценти на љубители на животни.

Бараме градоначалникот на Општина Аеродром Тимчо Муцунски да ги замени овие куќарки со нови, подобри, на сметка на општината. Бараме општината да биде исто толку ефикасна и експедитивна за создавање, колку што беше за уништување на куќарките кои граѓаните со сопствен труд ги поставиле за да си ги заштитат маалските миленици.

Бараме градоначалниците на сите општини да ПРЕСТАНАТ ДА ВРШАТ ПРИТИСОК ВРЗ ЈП ЛАЈКА ЗА ЗАЛОВУВАЊЕ НА БЕЗДОМНИ ЖИВОТНИ БЕЗ СООДВЕТНИ ДОКАЗИ ЗА ПРИЈАВА НА АГРЕСИВНО КУЧЕ БИДЕЈЌИ СО ОВА СЕ ПОПРЕЧУВА ПРЕТПРИЈАТИЕТО ДА ЈА ВРШИ ГЛАВНАТА ДЕЈНОСТ И СПРОВЕДУВА ВО ЦЕЛОСТ ПРОГРАМАТА ЗА НАМАЛУВАЊЕ НА БЕЗДОМНАТА ПОПУЛАЦИЈА НА КУЧИЊА, ШТО Е ЕДИНСТВЕНО ДОКАЖАНО ЕФИКАСНО РЕШЕНИЕ.

Нашето здружение со својата експертиза и долгогодишно искуство се става на располагање повторно, како и многу пати низ годините, да достави предлози и ефективни решенија како општината може да придонесе за намалување на бројот на бездомни животни.

The post „Анима мунди“ имаат проблем со начинот на кој бил пријавен нападот од бесно куче врз постара жена appeared first on Република.

Заврши распитот на сточарот Александар Мачевски од пехчевското Робово, во чиј дом беше објавено видео, кое здружението Анима Мунди го окарактеризира како наводно малтретирање на домашно животно. По распитот Мачевски истакна дека ќе поднесе кривична пријава против здружението и лице од Берово, кое на Фејсбук упатило бројни навреди против него.

-Од она што можам да го кажам е дека фокусот на здружението бил кон инспекторот, а не лично кон мене. Сепак со „самото“ инволвирање на моето семејство, е нанесена огромна штета врз нашиот углед, заради што ќе поднесам пријава до Здружението. Дополнително за навреди на лична основа, ќе биде поднесена пријава и против поединец од Берово кој ме навредуваше на социјалните мрежи, истакна Мачевски.

Во ек на сезоната за продажба на јагнињата, во домот на сточарот од Робово минатиот петок беше организирана прослава, со изведба на стар обичај кој беше снимен со мобилен телефон. Објавеното видео на социјалните мрежи, Здружението за заштита на животните го окарактеризира како повреда на невино животно, заради што поднесе пријава до надлежните, упатена кон Инспектор за благосостојба на животните кој присуствувал на средбата, но според нив не го заштитил животното.

Како што потврди самиот сточар, пријава до здружението ќе следува и од самиот инспектор.

Претходно од Анима Мунди истакнаа дека не планираат да му се извинат на Мачевски, повторувајки дека нивниот фокус бил инспекторот на Агенцијата за храна и ветеринарство кој наместо да санкционира, славел, а не самиот овчар.

Семејството Мачевски кое со сточарство се занимава од 2006 година, во меѓувреме доби голема поддршка од сточарите од Малешевијата и поширокиот регион, кои застанаа во одбрана на старите сточарски адети.

The post Сточарот Мачевски по распитот: Ќе поднесам пријава против Анима Мунди appeared first on Република.

Сточарот Александар Мачевски во чиј дом било снимено видео поради кое здружението „Анима Мунди” излезе со обвинување за малтретирање на животно, утре е повикан на распит во полицијата.

Информацијата ја потврдил самиот сточар кој денеска во обраќање до јавноста истакна дека здружението со објавата на видео снимката на својот фејсбук профил и тврдењето дека намерно малтретираат животно, го загрозил угледот на семејството Мачевски, кое со сточарство се занимава од 2006 година.

– Од 2006 година до ден денеска, јас кога ги продавам јагнињата како традиција организирам прослава. Таа традиција продолжи и во петокот кога ги продадов јагнињата за што ги поканив луѓето кои ми помогнаа да ги товарам јагнињата за продажба. Лично беше поканет како роднина и инспекторот, за да се почестиме што успешно ги продадовме јагнињата. Како дел од традицијата на крајот се свири песната „Изгубено јагне”, татко ми го зема јагнето од шталата го носи врзано на масата, се свири песната, завршува песната и јагнето се враќа во шталата и толку тоа трае адетот 2 минути. И потоа почнаа критики видеото го објави Анима Мунди, презедоа многу портали и имаше многу навреди, вели Мачевски.

Со сточарство од ова семејство се занимаваат 10 луѓе кои многу се повредени, со како што вели погрдни зборови кои биле кажани после објавата на Анима Мунди.

– Јас ќе покренам постапка и друга личност од Берово која сама ќе се препознае што ме нарекува „простак” и слично. Години и години ја чувам стоката, јас ако не ја „чувам” стоката, нека дојдат тие од Скопје што навредуваат да видат како се чува стока, додава Мачевски.

Ако биде обвинет вели дека ќе ги подмири трошоците, но со ова според него се уништува сточарството и сакаат да им наштетат на чесните семејства.

– На Анима Мунди им порачувам да видат како се стрижат овци, дали со врзани нозе или како се стрижат. На 20 мај јас ќе ги стрижам овците, и ако ги врзам овците ќе ме слика некој и ќе речат малтретирање на животно. Не е тоа малтретирање на животно, лично јас имав повреда од животно мене никој не ме заштити. Јас сум љубител на стоката, ќе работам со стоката и секогаш ќе останам на тоа, но со тие критики не, додава Мачевски.

Доколку биде обвинет за како што вели нешто што се практикувало со години и е дел од малешевската традиција, Мачевски е на план со семејството да се исели од државата, а стоката да ја подари на државата.

Претходно Анима Мунди поднесе пријави до сите надлежни институции против наведениот инспектор кој бил присутен за време на снимање на посоченото видео со невиното животно, а реакции со осуда за случката имаше и од страна на министерот Љупчо Николовски и Агенцијата за храна и ветеринарство.

The post Овчарот од Робево: Тие од Анима мунди да дојдат во мај и да видат дали се стрижат овци со врзани нозе appeared first on Република.

Агенцијата за храна и ветеринарство ја осуди и се огради од постапката на инспекторот од подрачната единица на АХВ во Берово, по снимката која вчера беше објавена во медиумите и на социјалните мрежи за иживуваање врз животно и најавваат дека инспекторот ќе биде повикан на разговор и против сите лица вклучени во случајот ќе покренат и спроведат соодветна законска постапка.

https://republika.mk/zivot/kaleidoskop/anima-mundi-inspektorite-na-agencijata-za-hrana-azurni-no-vo-prekrshuvanje-na-zakonot-se-izivuvaat-vrz-zivotno/

И министерот за земјоделство Љупчо Николовски рече дека е згрозен од монструозниот чин на инспекторот за благосостојба на животните во подрачната единица Берово, на Агенцијата за храна и ветеринарство, и најави итно постапување и преземање на сите дисциплински мерки од страна на АХВ.

Сточарот Александар Мачевски од пехчевското село Робово, пак, во врска со написот на „Анима Мунди“ изјави дека снимката е лична и приватна направена во неговиот дом како традиција што секоја година се прави во домот на сточарите кога ги продаваат јагнињата.

„Се свири песната ‘Изгубеното јагне’ и се носи јагне како адет и традиција и мора да биде врзано. Ако може да забележите јагнето не е малтретирано, мачено и заклано и после песната е пуштено затоа што се верува дека на тој начин ќе има повеќе јагниња следната година, изјави Мачевски, кој најави судска постапка против здружението ако не го повлечат соопштението.

The post Николовски згрозен од ритуалот со јагне, АХВ најави постапка против инспекторот кој учествувал appeared first on Република.

Здружението за заштита на животни „Анима Мунди“ попладнево објави видео на кое е прикажано како неколкумина мажи се изживуваат врз живо јагне. Со врзани нозе јагнето го поставуваат на маса пред, како што нагласуваат од „Анима Мунди“, инспектор за заштита на благосостојбата на животните во подрачната единица Берово на Агенцијата за храна и ветерина.

Мажите играат околу јагнето ставено на маса, а ги забавува жива музика. Го снимаат со мобилните телефони и секогаш кога тоа ќе се легне, некој го буцнува да стане иако едвај стои со врзани нозе.

„Видно задоволен го гледа и снима престрашеното животно во очи, сведок и соучесник во ова изживување е оној кој треба да го заштити, но го измачува! Во кое нормално општество вакви ликови се вработуваат во државни институции и ги прекршуваат законите што треба да ги спроведуваат? Во кое нормално општество инспектор за заштита на животните е соучесник во нивно малтретирање, причинување непотребен стрес, страдање? Бараме итно да се покрене дисциплинска постапка о страна на Агенцијата за храна и ветеринарство против инспекторот од Берово и трајно да се отстрани од вршење службена должност во институцијата. Дополнително бараме Агенцијата да покрене постапка против сите овие лица што се соучесници во овој монструозен чин“, стои во објавата на „Анима Мунди“.

Тие најавуваат дека ќе поднесат пријави до сите надлежни институции против наведениот инспектор оти сметаат дека неспособен, неадекватен и очигледно психички нестабилен за да биде државен службеник, а уште помалку некој што треба да заштити животно во неволја, судејќи по објавеното видеото.

The post Анима Мунди: Инспекторите на Агенцијата за храна ажурни но во прекршување на законот, се иживуваат врз животно appeared first on Република.

„Анима мунди“ испрати информација до медиумите во која се вели дека бараат итен инспекциски надзор во JП „Лајка“ и констатирање на фактичка состојба колку кучиња се убиени и зошто, дали одлуки за убивање носела претходната директорка и кога имало можност за вдомување на куче, дали е лажирана провала во стационарот, со цел да исчезнат документи од работењето на „Лајка“, проверка и на безбедносните камери, како и ревизија на сите продуцирани документи од работата во време на мандатот на таа директорка.

„Во ноември минатата година доставивме барање за информации од јавен карактер каде наш интерес се еутаназираните животни за време на мандатот на сега разрешената директорка на Тина Петрушевска. Барањето го доставивме поради индиции и наши сомнежи во точноста на податоците објавени во годишните извештаи за работа – прикажани 15 еутаназирани кучиња, додека во јавноста се јавуваа примери за убиени мирни маалски миленици и самоволието на директорка лично да одлучува дали некое куче ќе биде убиено- потенцираме, дури и во случаи кога за него постои вдомувач кој би го земал на сопствена одговорност“, соопштуваат од „Анима мунди““.

Во соопштението се наведува дека тој период коинцидира со пријава за провала во стационарот, кога во ноември минатата година поранешната директорка пријавила провала во стационарот.

„Прашуваме, кој има интерес да провалува и што би крадел во стационар за кучиња? Прашуваме, дали пријава на провала пред нејзино разрешување е обид за прикажување на кражба на документација? Бараме надлежните да ја проверат информацијата според која во ЈП ‘Лајка’ се исчезнати класери со документи во однос на животните и финансиското работење. Ги упатуваме на проверка на сите сигурносни камери и обезбедувањето на Лајка“, пишува во соопштението на Анима мунди и се нагласува дека нема да се отстапи од барање одговорност за секое куче.

The post „Aнима мунди“ ќе бара одговорност за секое убиено куче во „Лајка“ appeared first on Република.