На извесна страница на Фејсбук Family service е злоупотребено името на Владата на Македонија дека наводно нуди бесплатни часови по англиски јазик. Станува збор за измама, какви што деновиве кружат по Фејсбук.

На огласот на кој има грб, на лош македонски јазик пишува дека „Владата на Македонија нуди бесплатни курсеви по англиски јазик за лица од 18 до 65 години“, почнувајќи од јуни 2024 година. Во огласот се наведува дека Владата ќе им додели бесплатен таблет и сертификат во рок од 4 недели.

Некои граѓани поверувале дека огласот е вистински, што се гледа од коментарите под постот. „Почнаа со популистички мерки“, „Нема каде да се аплицира“, се дел од коментарите на граѓаните.

Погледнете како изгледа лажниот оглас и најважно, не го отворајте!

The post На Фејсбук кружи лажен оглас од Владата за бесплатни часови по англиски appeared first on Република.

Единицата за корупција при Одделот за сузбивање на организиран и сериозен криминал (ОСОСК) вчера до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.

Како што соопшти МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.

Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата, велат од МВР.

The post Директорка на велешка градинка фатена со лажен бугарски сертификат за познавање англиски јазик appeared first on Република.

Девојката која го освои светот е од Македонија , а нејзиниот талент воодушевува.

Сите акценти се точни, звучи исто како некои мои пријатели од други земји“, стои во еден од коментарите до најновото видео што Теона Сима го објави на Инстаграм, а во кое зборува на англиски јазик со различни акценти.

Видеото за брзо време стана вистински хит и на Твитер, каде што има над 44 милиони прегледи и безброј пофални коментари..

https://twitter.com/TheFigen_/status/1739983109154804031?ref_src=twsrc%5Etfw%7Ctwcamp%5Etweetembed%7Ctwterm%5E1739983109154804031%7Ctwgr%5Eb12bdc34c9c35e8b938d3ad8b4103a4581c6c439%7Ctwcon%5Es1_&ref_url=https%3A%2F%2Fulica.mk%2Fd0bcd0bbd0b0d0b4d0b0d182d0b0-d0bcd0b0d0bad0b5d0b4d0bed0bdd0bad0b0-d182d0b5d0bed0bdd0b0-d0b5-d181d0b2d0b5d182d181d0bad0b8-d185d0b8d182%2F

Теона Сима на Инстаграм и на ТикТок е позната како @thelanguageblondie, а на својот Инстаграм профил објави видео во кое раскажува зошто е возбудена да се врати на универзитет, при што, постојано го менува акцентот на англискиот јазик.

Станува збор за видео предизвик, во кое нејзините пријатели ѝ задаваат задачи да почне да зборува со различен акцент.

The post Младата Македонка Теона е светски хит: Зборува англиски на 10 различни акценти appeared first on Република.

Франција поднесе жалба против Европската Унија пред Општиот суд на ЕУ поради фаворизирање на англискиот пред останатите јазици, објави „Политико“, наведувајќи дека Париз го обвинува блокот дека некои од новите вработувања во европските институции ги врши врз основа на проценки направени само на англиски јазик.

Според бриселскиот портал, реакцијата на Франција следи откако во процесот на селекција при вработувањето на нови службеници поврзани со секторите вселена, одбрана и економија, биле вклучени тестови само на англиски јазик.

Париз смета дека ваквиот пристап ги фаворизира „англофонските кандидати“ пред нивните конкуренти, како и дека тоа претставува дискриминација и прекршување на договорите на ЕУ, кои предвидуваат дека сите граѓани на Унијата треба да имаат рамноправен третман, без разлика на националноста. Дополнително, и правилата за ангажирање на функционери на ЕУ, исто така, забрануваат дискриминација врз основа на јазикот, освен под одредени услови.

„Тоа ги дискриминира кандидатите кои не се англофони“, изјави за „Политико“ француски дипломат кој побарал анонимност, нагласувајќи дека ова не е само „француска борба“, бидејќи и другите земји членки споделуваат иста загриженост.

Според друг анонимен дипломат, француската позиција има поддршка и од други членки на ЕУ, пред се од Италија

„Ова не е позиција против одреден јазик, туку во корист на повеќејазичноста“, додаде тој.

Во француската жалба до Општиот суд на ЕУ како пример за „дискриминацијата“ се доставени два огласи за вработување на Европската канцеларија за избор на персонал од оваа и од минатата година, во кои некои од тестирањата биле спроведени само на англиски јазик.

Европскиот општ суд, кој е прва судска инстанца во рамки на Судот на правдата на ЕУ за спорови во кои се инволвирани институциите на Унијата, се очекува да донесе одлука по жалбата во рок од една година, но веќе ги поништи двата огласи за вработување кои се основа за покренување на спорот.

Според Договорот за ЕУ, францускиот е еден од 24-те официјални јазици на Унијата, но неформално, заедно со англискиот и германскиот се смета за еден од трите работни јазици на Европската комисија, како и еден од двата говорни јазици на Советот на ЕУ, заедно со англискиот.

Со вкупно 3 271 вработени во Европската комисија во 2023 година, Французите се трети по бројност во оваа институција на ЕУ, веднаш по Италијанците и Белгијците.

Како што наведува „Политико“ иако употребата на англискиот јазик е нашироко распространета во институциите на ЕУ, Франција „никогаш не се откажа од надежта дека бриселската администрација зборува и француски“.

The post Франција се жали: Во ЕУ се фаворизира англискиот јазик appeared first on Република.

Еден од најдобрите универзитети во Кина ги укина тестовите по англиски јазик како предуслов за дипломирање, што повторно ја поттикна дебатата за улогата на овој светски јазик во образовниот систем на земјата, јави Си-Ен-Ен.

Универзитетот Сиан Џиаотонг, во главниот град на провинцијата Шанси, соопшти дека од студентите повеќе нема да се бара да полагаат национален стандардизиран тест за англиски јазик или кој било друг испит по англиски јазик за да добијат диплома.

Објавата предизвика дебата на социјалните мрежи, при што многумина ја пофалија одлуката и повикаа повеќе универзитети да го сторат истото, додава Си-Ен-Ен.

Полагањето на тестот за англиски јазик, национален стандардизиран испит за првпат одржан во 1987 година, беше услов за дипломирање на повеќето кинески универзитети со децении, иако властите никогаш не го направија тоа задолжително.

Во последните години, некои универзитети ја минимизираа важноста на англискиот јазик, или со замена на националниот тест по англиски јазик со свои испити или, како во овој случај, со целосно отфрлање на квалификацискиот испит за англиски јазик како критериум за дипломирање.

The post Еден од најдобрите универзитети во Кина го укина тестот по англиски јазик како услов за диплома appeared first on Република.

Повикот за избор на учебник по англиски јазик ќе биде објавен за многу брзо време и очекувам во текот на наредната учебна година конечно да се реши проблемот со учебниците за странски јазици, изјави денеска министерот за образвание и наука Јетон Шаќири.

Овој проблем е повеќе од три години. Заедно со Педагошката служба, како одговорен дел во Министерството за образование и наука, веќе е подготвен начинот и правилникот за повик за учебник за странски јазици. Во новиот закон за учебници за основно и средно образование ќе бидат вклучени сите проблеми кои ги увидовме во овој процес на подготовка на учебници, а повикавме и секој што може да даде придонес во овој процес да се приклучи. Новиот закон ќе биде отворен за да имаме подобра, поефикасна, поевтина и поквалитетна постапка во изборот на учебници за странски јазици, рече Шаќири во одговор на прашање при денешната посета на Универзитетот Гоце Делчев во Штип.

Нагласи дека во новиот закон за учебници ќе се земат во предвид сите подобри примери од регионот и пошироко.

The post Три години нема учебник по англиски јазик, наскоро ќе биде објавен повик за избор appeared first on Република.

На Правниот факултет во Скопје најверојатно нема да се учи англиски јазик и англиска правна терминологија.

Ова на Наставно-научниот совет го соопштил деканот на факултетот, објаснувајќи ја новата студиска програма на Правните студии.

Професорот Тони Дескоски на Фејсбук извести за ова непријатно изненадување.

Проверив, на Правните факултети во Белград, Загреб и Љубљана, трите во првите 500 на Шангајска листа, задолжително има странски јазик (правна терминологија). Искрено се надевам дека нашиот факултет нема да продолжи со оваа глупост и дека англиски јазик (и англиска правна терминологија) ќе си остане во студиската програма, пишува Дескоски.

The post На Правен факултет на УКИМ нема да се учи англиски јазик appeared first on Република.

На вчерашнатa модна ревија од Скопскиот моден фестивал, манекенките кои ги носеа креациите од македонската модна дизајнерка Сара Реџиќ, носеа и листови на кои беа испишани антивоени пораки. На еден од нив наместо „мир“ (peace) беше побарано „парче“ (piece).

Do you speak english?
-Small! pic.twitter.com/PoV1QAEBLl

— Севда (@koljobezciflik) March 6, 2022

The post Онлајн образование… appeared first on Република.