Селекторот на македонската фудбалска репрезентација, Благоја Милевски ги искажа своите очекувања за утрешниот квалификациски натпревар за ЕУРО 2024 со Англија.

-Македонија покажа не само сега во моментов, туку покажува и назад неколку години дека има квалитет и потенцијал да биде конкурентна во Европа. Да не се навраќам што овие момци имаат постигнато низ годините. Овој тим има потенцијал да одигра добар меч со Англија, а потоа да биде конкурентна и во квалификациите. Ме радува фактот што Серафимов и Велковски го завршија тренингот без проблеми. Се надевам дека ќе се стават во функција на денешниот натпревар. Натпреварот кој ни следи го играте еднаш, можеби и ниеднаш пак во своите кариери. Мора да го потврдиме она кое го покажавме во претходните дуели. Околу Англија, не треба да се трошат зборови, дали е индивидуален или тимски најдобар. Се работи за екипа со врвни фудбалери, кои пред некое време ја освоија Лигата на шампионите. Би ја сместил Англија во ТОП-3 во Европа и ќе ни биде чест да одиграме меч со таков ривал, рече Милевски на денешната прес-конференција.

Средбата ќе се одржи утревечер на „Олд Трафорд“ во Манчестер со почеток во 20:45 часот.

Англичаните се први на табелата во Ц-групата од квалификациите со максимални девет бодови, македонската селекција има три бода исто колку и Италија и Украина. Малта е последна без освоен бод.

The post Милевски: Овој тим има потенцијал да одигра добар меч со Англија appeared first on Република.

Утревечер Македонија ѝ гостува на Англија во квалификациите за ЕУРО 2024. Натпреварот ќе се одигра на „Олд Трафорд“ во Манчестер, а картите за натпреварот се веќе распродадени, објавија Англичаните уште вчера. Се очекува атмосферата да биде пеколна, со оглед на тоа што македонската репрезентација на „Олд Трафорд“ ќе ја пречекаат 74.300 на Гордиот Албион.

Натпреварот ќе се игра од 20:45 часот.

Англичаните се први на табелата во Ц-групата од квалификациите за Еуро 2024, македонската селекција има три бода исто колку и Италија и Украина. Малта е последна без освоен бод.

The post Македонија ќе игра пред полни трибини на „Олд Трафорд“ appeared first on Република.

Голманот на македонската фудбалска репрезентација Столе Димитриевски верува дека може да се дојде до позитивен резултат на утрешниот натпревар со Англија.

Мора да го дадеме нашиот максимум на терен и мислам дека ако фокусот ни е на високо ниво, може да извадиме позитивен резултат, а зошто не и да дојдеме до победа. Нормално е дека овој натпревар ни доаѓа близу, по оној по Украина, а се наоѓаме на крајот на сезоната и чувствуваме замор. Но, знам дека ние имаме квалитетна екипа. Мора само да бидеме концентрирани, за да може да дојдеме до посакуваната цел. Имавме перфектни шеесет минути со Украина, но, сепак, мечот трае 90 минути. Немавме концентрација и фокус до крајот на натпреварот и така загубивме. Сега ни следи нов меч, за ново докажување. Мора да имаме подобар фокус, само така можеме до победа или нерешен резултат, изјави Димитриевски.

Натпреварот ќе се игра утревечер од 20:45 часот на „Олд Трафорд“ во Манчестер.

Англичаните се први на табелата во Ц-групата од квалификациите за Еуро 2024, македонската селекција има три бода исто колку и Италија и Украина. Малта е последна без освоен бод.

The post Димитриевски: Ако се фокусираме, можеме и да ја победиме Англија appeared first on Република.