Ние како дел од локалната власт успеавме дел од горливите проблеми на тетовчани да ги решиме, вели Ангел Карапетров, координаторот на советничката група на ВМРО-ДПМНЕ во советот на општина Тетово во воведниот разговор на денешната трибина насловена „Социјални политики против иселување и сиромаштија“.

Карапетров посочи дека како советничка група поддржале голем број на инфраструктурни проекти во делот на изградба и реконструкција на улици, како и изградба и реконструкција на водоводна мрежа.

Ја завршивме улицата Страшо Пинџур, ја завршивме улицата Јане Сандански, улицата Димо Гавровски Кара. Го решивме водоснабдувањето во Фалише и Сараќино, во моментот мислам дека едната бушотина е пуштена и во Фалише и Сараќино пристигнуваат 15 литри во секунда вода, имаме уште една бушотина со 5 литри во секунда и мислам дека и таа ќе биде ставена во систем. Значи со 20 литри вода во секунда, чиста и здрава вода да имаат 8000 жители, додаде тој.

Карапетров рече дека како советничка група прават добри дела за сите граѓани без разлика на која етничка припадност припаѓаат.

Ние знаеме да правиме добри дела за сите граѓани. Никогаш не мислиме само за еден етникум во Тетово, кажа тој.

Карапетров нагласи дека проблемот со кучињата скитници мора веднаш да се реши потенцирајќи дека како советничка група на ВМРО-ДПМНЕ побарале вонредна седница на советот на која ќе се најде решение на овој проблем со кои се соочуваат тетовчани, но и ќе бараат од централната власт да помогне.

Ние како советничка група побаравме вонредна седница на советот на општина Тетово со една точка на дневен ред односно да видиме како ние ќе можеме да го решиме локално проблемот, но не само локално туку ќе побараме од централната власт и регионално да го решава тој проблем, вели Карапетров.

The post Карапетров: Советничката група на ВМРО-ДПМНЕ во Тетово поддржува реализација на инфраструктурни проекти и бара решавање на проблемот со кучињата скитници appeared first on Република.

Денес сум тука во Тетово, ќе имаме неколку состаноци ќе разговараме со граѓаните со неколку целни групи. Многу ни се важни овие избори овде во Тетово, очекуваме да освоиме значаен број на советници, односно да го подобриме резултатот кој што го имавме во октомври, изјави лидерот Мицкоски.

Очекуваме најмалку еден, а се бориме за вториот дополнителен советник овде во Тетово. Ќе дадеме се од себе за тоа да го оствариме, а потоа тоа и да го оправдаме пред граѓаните овде во Тетово дека ВМРО-ДПМНЕ е политичка партија која што мисли за сите, која што мисли за иднината, и не е ВМРО-ДПМЕН политичка партија као што некои сакаат да злоупотребат дека е партија која што не враќа во минатото. Напротив, со чесна работа, посветена работа, со многу проекти, со многу реализација ВМРО-ДПМНЕ покажува насекаде низ Македонија дека иднината е во работата, чесна работа и посветена работа, а  така ќе биде овде во Тетово веднаш после овие избори за советот.

Тука до мене е носителот на советничката листа Ангел Карапетров, очекувам рекорден број гласови што некогаш ВМРО-ДПМНЕ ги освоил за советничка листа овде во Тетово. Ја има целосната моја поддршка, доверба и не само Ангел, туку и сите оние луѓе кои што се дел од советничката листа на ВМРО-ДПМНЕ овде во Тетово.Повикувам тетовци во сабота да излезат, да гласаат масовно за советничката листа на ВМРО-ДПМНЕ предводена од Ангел Карапетров.

The post Мицкоски од Тетово: Покажавме дека не сме сите исти, работиме чесно и посветено за да обезбедиме иднина за сите граѓани, ги повикувам тетовчани во сабота масовно да гласаат за ВМРО-ДПМНЕ appeared first on Република.