Партнерите на Украина треба да одговорат на руската уцена со обезбедување на Киев со системи за противвоздушна одбрана, кои можат да пресретнат балистички ракети со среден дострел како Орешник, објави шефот на украинската дипломатија Андриј Сибиха на социјалната мрежа Икс.

- Употребата на балистичка ракета со среден дострел од страна на Русија е типична уцена. Путин се обидува да ги исплаши сите за да не ја поддржуваат Украина, наведе Сибиха.

Тој ги повика сојузниците на Украина да ги отфрлат таквите закани, да ја зголемат поддршката и да ги зајакнат капацитетите за противвоздушна одбрана на земјата обезбедувајќи и системи кои можат да пресретнат такви ракети.

Руските сили на 21 ноември истрелаа интерконтинентална балистичка ракета со среден дострел Орешник врз Дњепар, како одговор на наводната употреба на Украина на американски и британски ракети со долг дострел.

The post Сибиха бара партнерите да и обезбедат на Украина системи за пресретнување на ракетите Орешник appeared first on Република.

Официјален Киев вчера испрати важна порака за евентуални преговори со Русија. Досега тоа е најексплицитна порака дека Украина е заинтересирана за преговори со Русија, објави британскиот весник „Фајненшл тајмс“.

Украинскиот дипломати и заменик шеф на кабинетот на претседателот Володимир Зеленски, Андриј Сибиха изјави дека Киев е подготвен за дипломатски разговори со Москва за иднината на окупираниот полуостров Крим, но под еден услов.

Доколку успееме да ги постигнеме нашите цели на фронтот, односно кога сме на административната граница со Крим, подготвени сме да отвориме дипломатски преговори на таа тема. Тоа не значи дека исклучуваме воено ослободување на Крим - изјави Сибиха во интервју за ФТ.

Според весникот изјавите на Сибиха би можеле да ја намалат загриженоста на западните лидери кои се скептични за способноста и капацитетите на украинската армија за воено ослободување на Крим, но и загрижени за можноста рускиот претседател Владимир Путин да ја ескалира војната поради таквиот обид, можеби дури и со тактичко нуклеарно оружје.

Зеленски досега ја можноста за какви било преговори со Москва додека сите руски сили не ја напуштат Украина.

The post Сибиха: Ако успее офанзивата, Украина ќе разговара за Крим appeared first on Република.