Апелацискиот суд во Ниш ја потврди првостепената одлука на Високиот суд, со кој се одбива екстрадиција на поранешниот украински разузнавач Андриј Наумов во Украина.

Оваа одлука на правосудните органи на Србија да не го екстрадираат Наумов во Украина е правно обврзувачка, потврдиле за Радио Слободна Европа (РСЕ) во Апелацискиот суд во Ниш.

Украина испрати барање до Србија за негова екстрадиција во средината на октомври 2022 година.

На 6 јули, Високиот суд во Ниш донесе одлука со која ја отфрли претставката на Украина, а Апелацискиот суд ја потврди таа одлука на 29 септември.

Наумов се спротивстави на екстрадицијата во Украина, тврдејќи дека неговата безбедност во тој случај ќе биде загрозена.

Поранешниот украински разузнавач беше уапсен на почетокот на јуни 2022 година на територијата на Србија на граничниот премин Прешево кон Македонија заедно со германскиот државјанин Александар Акст, кај кого беа пронајдени повеќе стотици илјади евра.

Полицијата тогаш соопшти дека парите и дијамантите ги пронашла при преглед на автомобилот и дека „се сомнева дека потекнуваат од криминални активности“.

https://republika.mk/vesti/balkan/osuden-ukrainskiot-razuznuvach-faten-na-tabanovtse-so-polovina-milion-evra-i-dijamanti/

Според правниот застапник, Наумов ги негира наводите од истрагата и тврдеше дека тоа се негови лични пари. Србија го сомничи за перење пари и во тој случај води посебна постапка.

Со одлука на Вишиот суд во Ниш на 29 септември, Наумов за тоа дело првостепено е осуден на една година затвор. Правосилна пресуда во таа постапка треба да донесе и Апелацискиот суд во Ниш.

Како што е потврдено за РСЕ, Наумов е во притвор од неговото апсење во јуни 2022 година.

The post Србија одбива да го екстрадира уапсениот поранешен украински разузнавач во Киев appeared first on Република.

Поранешниот украински разузнавач Андриј Наумов (41), кому му се судеше пред Вишиот суд во Ниш за кривично дело перење пари, откако на 7 јуни минатата година се обиде да премине од Србија во  Македонија со возило во кое имало 592.990 евра, 120.000. долари и две смарагди, денеска со првостепената пресуда е осудена на една година затвор.

На Наумов ќе му бидат одземени сите пари, смарагди и автомобилот со кој ја минувал границата, а ќе треба да плати и казна од 200.000 динари. Судот му одреди и пет години забрана за влез во Србија по отслужувањето на казната.

Наумов порано работел во Државното обвинителство, Службата за безбедност на Украина и Државната агенција за Чернобил. Тој ја напушти Украина пред почетокот на војната со Русија, а по апсењето претседателот Володимир Зеленски му го одзеде чинот бригаден генерал и го прогласи за предавник.Украина бара негова екстрадиција за седум различни кривични дела, главно економски.

The post Oсуден украинскиот разузнувач, фатен на Табановце со половина милион евра и дијаманти appeared first on Република.

Украинскиот шпион Андриј Наумов, кој неодамна беше уапсен во обид да влезе во Македонија најдолго се задржал во Црна Гора каде ја уживал заштитата на државниот врв, тврди весникот „Објектив.рс“.

Кавачка врска

Наумов тесно соработувал со Кавачкиот клан во Украина каде се криеше водачот на групата Радоје Звицер. Тој им бил прибежиште на оваа криминална крупа во Киев.

Власта во Киев веднаш по апсењето властите во Киев го повикале актуелниот премиер Дритан Абазовиќ да дојде во Украина и да им објасни за што се работи.
Уште се тврди дека претседателот Мило Ѓукановиќ лично им гарантирал безбедност на сомнителни бизнисмени и шпиони како Наумов.

Наумов беше уапсен на граничниот премин Прешево во обид да влезе во Македонија со смарагди и половина милион евра во кеш.

https://republika.mk/vesti/balkan/ukrainski-shpion-proteran-od-zelenski-se-obidel-da-vleze-vo-makedonija-so-polovina-milion-evra-i-dijamanti/

The post Украинскиот шпион кој сакаше да влезе во Македонија ги криел водачите на Кавачкиот клан во Киев appeared first on Република.

Во средата на граничниот премин Прешево е упасен  поранешнен функционер на украинската разузнавачка служба СБУ, Андриј Наумов. Тој на  31 март официјално бил разрешен од претседателот на Украина, Володимир Зеленски, под обвинение за велепредавство бидејќи ја напуштил земјата непосредно пред руската инвазија и го испратил своето семејство во странство, објави „Објектив.рс“.

Наумов е уапсен на граничниот премин заедно со германски државјанин кој бил негов возач, под сомнение дека перел пари. Нивното апсење го соопшти и МВР на Србија.

- На граничниот премин Прешево, при преглед на автомобил БМВ управуван од А. Тие се товарат дека имале намера преку граничниот премин да пренесат пари и скапоцени камења за кои постои сомневање дека потекнуваат од криминални активности и да ги изнесат надвор од Република Србија - се вели во соопштението на МВР.

Украинските медиуми пишуваат дека постои страв дека Наумов поседува бројни украински државни тајни и би можел да се обиде да ги тргува во замена за својата слобода.

Планот на Наумов бил преку Прешево да влезе во  Македонија, а потоа понатаму во Грција. Неговиот сопатник  Германец му послужил како параван да ги мине граничните премини.

The post Украински шпион протеран од Зеленски се обидел да влезе во Македонија со половина милион евра и дијаманти appeared first on Република.