Поранешниот украински амбасадор во Германија и сегашен во Бразил, Андриј Мелник, неочекувано ги повика западните лидери да преговараат со рускиот претседател Владимир Путин за ставање крај на војната во Украина.

Мелник, особено го повика германскиот канцелар Олаф Шолц да се сретне со рускиот претседател.

Зошто господинот Шолц не треба да се сретне со Путин? Можеби не треба да го покани во Германија на пиво или да лета за Москва. Но, имаше состаноци за време на Студената војна, на пример, во Исланд“, истакна Мелник.

Според него, „разговорот може да создаде чудо“.

Можеби тоа се само мои соништа, но верувам дека сега треба да се повлече и дипломатската палка. На крајот на краиштата, сега скоро секој ден читаме дека Путин, преку некои посредници, испраќа сигнали за неговата подготвеност за преговори, дека наводно сака да ја прекине војната.

 

Мислам дека Путин останува човек што размислува рационално. Можеби има точки кои, паралелно со зголемениот воен притисок, ќе го наведат да мисли дека би било подобро војната веднаш да се прекине. Тој во секој случај е способен да му го претстави и најтешкиот пораз на руското општество како победа“, изјави Мелник.

Според Мелник, темата на преговорите би можела да биде улогата на Русија по крајот на војната.

Путин не е рамнодушен кон оваа тема“, вели дипломатот.

Според него, светот треба да размисли како да најде пристап кон руското раководство.

Би сакал да видам посилна дипломатска иницијатива од Западот со учество на други играчи, вклучително и од глобалниот југ, особено Кина и можеби Бразил“, вели амбасадорот.

Тој исто така додава дека „никој во Украина не сака да ја води оваа војна до последниот војник“.

За нас ова е прашање на зачувување на нашата државност“, вели Мелник.

The post Поранешниот украински амбасадор во Германија бара Западот да преговара со Путин околу Украина appeared first on Република.

Амбасадорот на Украина во Германија, Андриј Мелник даде големо интервју за германски „Билд“.

„Светлината исчезна. Шетањето и уживањето во сонцето изгледаат непримерно во ваква ситуација. Има живот пред и по 24 февруари. Треба да можеш да се смееш, инаку ќе полудиш. Но, мене ми е многу тешко, како и на сите во Украина. Поминав многу непроспиени ноќи размислувајќи за ужасните воени злосторства што Русите ги прават во мојата татковина“, вели Андриј Мелник.

Запрашан за ескалацијата на конфликтот, тој рече дека третата светска војна веќе започнала.

„Третата светска војна веќе започна. Нападот на Путин на Украина влијае на сите. И на Германија, иако сè уште не воено. На сите треба да им биде јасно: Путин сака империјалистички светски поредок со намален НАТО сојуз, сојуз каде Полска, Чешка и Словенија веќе не би биле членки. Стравот дека Германија ќе стане страна во војната е целосна глупост. За Путин, Германија е веќе страна во оваа војна. Руската победа во Украина би била најлошото нешто што може да ѝ се случи на Германија“, рече тој.

Што се однесува до вооружувањето, Мелник кажа дека тенковите што ги испратила Германија се стари 40 години.

„За да победиме против Русија, ни треба модерно германско оружје“, нагласи тој.

The post Украинскиот амбасадор во Германија: Третата светска војна е веќе почната appeared first on Република.