Премиерот на Унгарија, Виктор Орбан, престојува во Виена за да го промовира „Патриотскиот манифест“ со Херберт Кикл, лидер на австриската десничарска Партија на слободата, како и Андреј Бабиш, поранешен премиер на Чешка.

Орбан, Кикл и Бабиш го потпишаа „Патриотскиот манифест“ изутринава во Виена, обидувајќи се да формираат најголем десничарски блок во Европскиот парламент.

Говорејќи за ТВ ФПО, Орбан изјави дека ќе формира нова политичка сила, која според него ќе стане најголемиот десничарски блок во Европскиот парламент.

Унгарските медиуми претходно пишуваа за тоа дека Виктор Орбан работи на создавање нова фракција во Европскиот парламент. Освен австриските и чешките конзервативци и десничари, фракцијата треба да ја сочинуваат и претставници на партијата на словачкиот премиер Роберт Фицо, како и полската партија Право и правда (ПиС) која ја води Јарослав Качински.

Орбан и неговите сојузници на ниво на Европската Унија изразија големо незадоволство од распределбата на позициите по изборите, кои претежно им припаднаа на функционерите од Европската народна партија (ЕПП) и Социјалдемократите. Ваквата распределба Орбан ја окарактеризира како удар врз цела Европа и нејзините вредности.

The post „Патриоти за Европа“: Орбан формира нов десничарски блок во Европскиот парламент appeared first on Република.

Медиумските компании контролирани од чешкиот милијардер и опозициски лидер Андреј Бабиш се продадени на инвеститорот Карел Пражак, јавија денеска чешките медиуми.

Компанијата „Агроферт“, која Бабиш ја контролира преку поверенички фондови, се согласи да ги продаде своите медиумски компании МАФРА и ЛОНДА и хемиски фирми на Празак, наведоа двете страни, но ниту една не откри финансиски детали.

Компаниите МАФРА и ЛОНДА ги поседуваат и дневните весници „Млада фронта Днес“ и „Лидове новини“, како и една од најголемите радиостаници во Чешка.

Бабиш се одлучи да ги продаде медиумските компании откако чешката Влада усвои нацрт-законот според кој членови на Парламентот и Владата не можат да поседуваат одредени медиуми, дури и преку поверенички фондови или поврзани субјекти.

Противниците често го критикуваа Бабиш, кој беше премиер од 2017 до 2021 година, дека ги користи медиумите под контрола на „Агроферт“ за своја политичка корис

The post Чешкиот милијардер, пријател на Заев ги продаде весниците и телевизиите appeared first on Република.

Поранешниот чешки премиер Андреј Бабиш пред две години излезе пред суд поради обвинение дека пред 13 години на измама добил дотации од околу два милиона евра, европски пари за семејната фарма и за конференцискиот центар „Гнездото на штркот“.

Поранешниот чешки премиер во 2019 година во времето кога премиер беше Зоран Заев ја посети Македонија, а на средбите со државниот врв изрази силна поддршка на земјава во евроинтеграциските процеси.

Сега истиот Бабиш се кандидира за претседател на Чешка.

Поранешниот командант на чешката армија Петр Павел, прозападен кандидат кој ја поддржува помошта за Украина, има голема предност пред поранешниот премиер Андреј Бабиш додека Чесите влегуваат во вториот круг од гласањето за нов претседател.

Пензионираниот генерал Павел (61) се кандидираше како независен кандидат и има поддршка од централно-десничарската чешка влада.

Чешките претседатели немаат многу секојдневни овластувања, но тие избираат премиери и гувернери на централните банки, имаат право на глас во надворешната политика, моќни креатори на мислење се и можат да влијаат на владината политика.

Се проценува дека Павел има десет пати поголеми шанси да победи од милијардерот Бабиш, а водеше во најновите истражувања на јавното мислење објавени во понеделникот.

Гласањето започнува денеска во 14 часот, а завршува утре во 14 часот. Резултатите се очекуваат нешто подоцна.

Павел се пријавил во армијата за време на комунистичката ера кога Прага беше дел од Варшавскиот пакт предводен од Советскиот Сојуз и беше одликуван за неговото учество во мировните операции во поранешна Југославија во 1990-тите. Тој се искачи на рангот на командант на чешкиот Генералштаб и служеше како претседател на Воениот одбор на НАТО три години пред да се пензионира во 2018 година.

Бабиш (68) е деловен магнат во секторот на хемикалиите, храната, земјоделството и медиумите, кој беше премиер од 2017 до 2021 година. Тој рече дека ќе понуди да посредува во мировните разговори и сугерираше дека Павел, како поранешен војник, може да ја вовлече Чешка во војна. Павел ги отфрли обвинувањата нарекувајќи ги „бесмислици“.

The post Се сеќавате на Бабиш?: Чешкиот премиер „преварант“кој го фалеше Заев сака да стане претседател appeared first on Република.

Поранешниот чешки премиер Андреј Бабиш и пензионираниот генерал Петр Павел одат во вториот круг од претседателските избори во Чешка, што ќе се одржи на 27 и 28 јануари

Во првиот круг Бабиш освои 36,72 отсто од гласовите, Павел 33,73 отсто, додека трета беше економистката Дануше Нерудова со 13,79 отсто по пребројани 80 отсто од гласовите, објави чешкиот Завод за статистика.

Претседателската функција нема извршни овластувања, но чешките претседатели имаат значајна улога во назначувањето на премиерот, уставните судии, шефот на централната банка и имаат право еднаш да го вратат законот во Парламентот. Тие имаат ограничени овластувања во надворешната политика и се команданти на војската.

Во предизборните анкети водеа Павел и Бабиш, а во вториот круг меѓу двајцата блага предност му се дава на Павел.

Право на глас имаат 8,3 милиони гласачи, а вториот круг од изборите се очекува за две недели.

The post Бабиш и Павел одат во вториот круг од претседателските избори во Чешка appeared first on Република.

Чешките обвинители подигнуваат обвинение за измама против поранешниот премиер Андреј Бабиш по долгогодишна истрага, соопштија официјални лица во Прага во понеделникот.

Бизнисменот и милијардер е обвинет за несоодветно аплицирање за ЕУ субвенции и штета на финансиските интереси на ЕУ.

Бабиш се товари дека добил околу два милиони евра помош од ЕУ за неговите компании за изградба на спа и ресорт во 2008 година.

Парите биле наменети за поддршка на мали и средни бизниси, додека Бабиш води голем конгломерат од околу 200 компании во областа на земјоделството, производството на храна и хемикалии. Заедно со Бабиш, обвинет е и поранешен вработен за поттикнување на злоупотреба.

Бабиш (67) ги негираше обвиненијата.

Тој е основач на популистичката партија АНО, која загуби на минатогодишните парламентарни избори, иако се шпекулира дека Бабиш би можел да се кандидира за претседателската функција кога ќе заврши актуелниот мандат на Милош Земан во март 2023 година. Чешкиот претседател има имунитет од кривично гонење.

The post Паѓаат поранешните премиери: Обвинение за измама против Бабиш appeared first on Република.