Во вчерашната емисија „Заспиј ако можеш“ на Алфа ТВ гостуваше Анастасија Илиеска која што истакна дека власта нема финансиска стратегија, нема реформи во економијата и со тоа создава несигурност, нестабилност и непредвидливост во стопанството.

„Јас сум застапник секогаш на пониски даноци, заради тоа што пониските даноци не само што не ги оптеретуваат компаниите за да ги платат, туку тие веќе не ни размислуваат на кој начин да ги избегнат. Дури и на тој начин ќе се намали и сивата економија. Сивата економија е некаде 33 проценти од бруто домашниот производ во Македонија, 4,3 милијарди евра, за споредба во ЕУ е некаде околу 19 проценти. А, 50 проценти од причините се висината на даноците. А, ако ние имаме систем каде што имаме рамноправност и неселективност на тој начин полесно ќе се сузбива сивата економија“, посочи Илиеска.

Илиеска истакна дека власта нема економска стратегија, не постои даночна реформа и со тоа создава несигурнoст, нестабилност, и непредвидливост во стопанството.

„Кога сме кај ретерирањето зимата се донесе во рамки на измените на данокот за додадена вредност оние најмали компании кои што имаат приходи до 3 милиони денари годишно да си плаќаат данок на добивка. Тие досега беа ослободени како категорија на помали компании кои што обично се семејни бизниси имаат еден до двајца вработени и буквално не ја оптеретуваат државата како социјални случаи. Тие се систем алка во економијата каде големите компании зависат од нив. И ова беше во таа фамозна реформа, даночна реформа и дека сега тие измени ги нема, и добро е што ги нема ние гласно зборувавме тогаш. Но од друга страна цело време зборуваме за некоја стратегија, за некоја даночна реформа, а цело време наназад се враќаме и ретерираме. Со тоа ситуацијата и атмосферата што се создава во економијата, во стопанството е несигурност. Создава нестабилност и една атмосфера дека секој момент може нешто да се смени, непредвидливост“, нагласи Илиеска.

The post Илиеска: Власта нема економска стратегија appeared first on Република.

Поранешната директорка на Управата за јавни приходи, Анастасија Илиеска преку статус на Фејсбук пишува дека не се за фалење повисоките бројки на нето и бруто платите, кога вредноста на платата е помала.

Не се за фалење повисоките бројки на нето и бруто платите, кога вредноста на платата е помала. Суштината е во зголемена вредност на плата, а не во зголемен номинален износ.
Исплатена месечна нето-плата во Македонија за месец април 2023 година била 36.134 денари (ДЗР).

Индексот на просечната месечна исплатена плата за периодот Јануари-Април 2023 година во споредба со истиот период од 2022 година има зголемување од 113,3%. Но, Индексот на РЕАЛНАТА плата за периодот Јануари-Април 2023 во споредба со Јануари-Април 2022 година е 98,3%.

Препорака:

Ако тоа не можете да го забележите од статистичките податоци,тогаш прашајте ги граѓаните. Еднаш слушнете го народот што кажува, стои во нејзиниот пост на Фејсбук.

The post Илиеска: Не се за фалење повисоките бројки на нето и бруто платите, кога вредноста на платата е помала appeared first on Република.

Дали владата има потпишано договор каде се обврзала да обезбеди закон од 60 часа работни неделно за работниците кои ќе работат на коридорите?, прашува Анастасија Илиеска од ВМРО-ДПМНЕ.

Доколку не се обезбеди 60 часовна работна недела за изградба на Коридорот 8, државата ќе плаќа пенали на стратешкиот партнер:
53.000.000 евра еднократно;
1.265.000 месечна исплата
900.000 евра месечно додека трае сегашната работна недела од 40 часа.

Кој прави робови од работниците?

Согласно член 353 од КЗ став 1 ,службеното лице со пречекорување на границите на своето службено овластување на друг му нанесува штета, ќе се казни со затвор од шест месеци до три години.
Дополнително, став 5:ако делото е сторено при вршење јавни набавки или на штета на средствата од Буџетот на Република Македонија, од јавните фондови или од други средства на државата, сторителот ќе се казни со затвор најмалку 5 години.

The post Дали Владата има потпишано договор каде се обврзала на закон од 60 часа работни неделно за работниците на коридорите? appeared first on Република.