Со доделувањето на наградите и со концертот на Добрила и Дориан дуо во чест на наградените синоќа во Прилеп и официјално заврши 58. Македонски театарски фестивал „Војдан Чернодрински“.

„Го затвораме 58 Македонски театарски фестивал ‘Војдан Чернодрински’ – Прилеп. Ги собираме впечатоците, го собираме уморот, се обидуваме да го одржиме пламенот на креацијата и страста во создавањето нови промени“, рече Ана Стојаноска, уметнички директор на Фестивалот на затворањето на сцената во Центарот за култура „Марко Цепенков“.

Стојаноска со посебна благодарност до целата екипа која го реализираше осумдневниот Фестивал богат со настани: 11 претстави во официјалната и уште пет во придружната програма, со работилница, промоции, разговори за одиграните претстави, автор во фокусот, Театар за деца.

Наградените ги добија наградите со почит и посебно задоволство, нескриено изразувајќи ги емоциите. Добивајќи ја статуетката на патронот, Војдан Чернодрински, за најдобрата претстава „Црна дупка“, раководителот на струмичкиот театар, Драган Маџиров нагласи дека ансамблот добива награда по 45 години.

Наградата за најдобра претстава ја добиваме токму на 75 годишнината од постоењето на театарот. Тоа е посебно задоволство и пресреќни сме“, рече Маџиров.

Струмичкиот театар добио уште две награди, за најдобра машка улога за актерот Васил Михаил кој го толкува ликот на Силјан во претставата и за епизодна женска улога на Анкица Бенинова за улогата на Сања во претставата.

Горан Стефановски праќа уште подлабока порака од митот за Силјан штркот. Овде во овој живот да го побараме она што недостасува, а тоа е љубовта“, рече Васил Михаил.

Претставата „Иванов“ на МНТ се закити со седум награди, меѓу кои за најдобра режија за Зоја Бузалковска.

Ова ми е прва награда на Фестивалот и навистина сум посебно возбудена. Сметам дека наградата е за целиот тим, зашто на претставата работеше огромен тим“, рече Бузалковска.

За добитникот на наградата за епизодна машка улога, Ѓорѓи Јолевски во претставата „Иванов“ на МНТ, најбитно е улогата да се одигра посветено, од срце.

Многу е важно улогата што се игра во театар и улогата што се добила да се одработи чесно, со многу љубов и да има импакт кај публиката“, рече Јолевски.

Во чест на наградените, концерт одржаа Добрила и Дориан дуо со што официјално е завршен 58. Макеоднски театарски фестивал „Војдан Чернодрински“.

The post Да го одржиме пламенот на креацијата и страста во создавањето нови промени, порачаа на затворањето на 58. издание на МТФ „Војдан Чернодрински“ appeared first on Република.

58. издание на МТФ „Војдан Чернодрински“ во Прилеп почнува вечерва, под мотото „Промени се, промени сè“.
Изложбата „Горан Стефановски и книгите“ што ќе биде отворена во 19 часот во Градската библиотека „Борка Талески“, ќе биде првата содржина на отворањето на фестивалот. Изложбата се реализира во соработка со прилепската библиотека. Половина час подоцна ќе следува изведбата на „Хеда Габлер“ во режија на Васил Христов, а продукција на Драмскиот театар од Скопје.
На изведбата на актерите од Драмскиот театар ќе претходи врачувањето на наградите за животно дело, за актерите Мими Таневска Србиновска и Јордан Витанов. Оваа година наградата за животно дело е изработена од автентичен прилепски мермер од страна на „Крин производство“.

Сакам да имаме фестивал кој ќе се менува, но и ќе го менува театарскиот контекст, кој ќе иницира промени кај секој што избрал да се занимава со театар. И видливо е тоа, посебно деновиве во Прилеп дека успеваме на некој начин да ја почнеме промената. Тргнавме од начинот на организација, да ги поедноставиме и осовремениме сите активности во самиот процес, да ја креираме поинаквата естетика, па дури и да почнеме со онлајн продажбата на билетите за прв пат оваа година. Фестивалот сакам да го поставиме на мапата на сериозни театарски фестивали и да го задржи статусот на најстариот и најважниот театарски фестивал во Македонија – вели Ана Стојаноска, уметнички директор на фестивалот.

Со Стојаноска разговаравме во пресрет на Фестивалот за програмата, предизвиците, селекцијата, промените...

Меѓународниот театарски фестивал „Војдан Чернодрински“- Прилеп ќе се одржи од 7 до 14 јуни под мотото „Промени се, промени се“. Какви промени најавувате?

Промени на сите нивоа на организирање на фестивалот, но и во начинот на третирањето на театарската практика и естетика денес. Сметам дека од нас, најстариот и најзначајниот театарски фестивал во Македонија треба да почне идејата за промена. Затоа решив да го смениме и начинот на креирање и начинот на организирање на фестивалот. И се е тоа инспирирано или иницирано од нашиот годинешен автор во фокус Горан Стефановски. За мене промената е излез од конфорната зона, откривање на сопствените способности, а истовремено и инспирација за понатаму.

Вашата програма како уметнички директор е именувана „Ново читање“. Концептот „Ново читање“ ги опфаќа двете потпрограми: „Новото читање на драмите од авторот во фокус - Горан Стефановски“ и „Ново читање на класиците“. Кажете ни нешто повеќе за селекцијата?

Како и секој сериозен театарски фестивал, МТФ „Војдан Чернодрински“ – Прилеп е позициониран во посветување на внимание кон нашето театарско наследство, но и отворање можности за нови читања, актуелни театарски трендови. Затоа оваа селекција е направена според концептот „Ново читање“. Од една страна ново читање на драмите на Горан Стефановски, од друга, ново читање на класиците на театарот. Сакав на фестивалот да донесам актуелни претстави што покажуваат како театрите го третираат актуелниот театарски контекст. Внимавав да има сериозни режисерски концепти, отстапување од вообичаената практика, да има поместување од досегашниот начин на третманот на драмскиот текст, да има актерски остварувања кои ќе останат маркирани во театарската историја.

Покрај Центарот за култура, најавивте и уште неколку други фестивалски зони. Што е предвидено да се случува овие денови во Прилеп?

Ќе се случува театар низ цел град. Од утринските часови, детската зона која е во центарот на градот под Саат кулата, потоа уличните театарски перформанси, откривање на нови театарски простори и покажување дека театар може да се случува секаде. Да, театарските претстави во конкуренција за награди се случуваат во Центарот за култура „Марко Цепенков“ и Театарот „Војдан Чернодрински“, но работилниците, поткастите, промоциите, филмот, детските зони, разговорите за театарот си бараат свои нови простори кои ги имаме и благодарение на градот Прилеп, но и благодарение на пријателите на фестивалот. Тоа е исто така еден новитет што го променивме од минатото издание.

Автор во фокус годинава е Горан Стефановски- какви активности ќе се реализираат во негова чест?

Четири претстави во официјална селекција се на негови драми, недела е ден на Горан Стефановски, од утринската презентација на едукативните работилници кои работеа цела година, преку промоција на книги за и од Горан Стефановски, потоа презентација на Фондацијата „Горан Стефановски“ на Факултетот за драмски уметности – Скопје и на наградата „Горан Стефановски“ на Драмски театар – Скопје, следуваат и аудиодрамите на Горан што ги продуцираше и реализираше „Самоглас“, потоа филм за Горан Стефановски исто изработен од Факултетот за драмски уметности – Скопје и две претстави. Скоро сите активности на работилниците во текот на фестивалот се инцирани и инспирирани од неговата дејност. Сметам дека на тој начин како фестивал покажуваме како треба да ги чуваме големите автори и како треба да им оддадеме почит и внимание. Би сакала да дојдете во Прилеп и да уживате овие осум дена.

The post Промената е излез од конфорната зона, откривање на сопствените способности и инспирација за понатаму appeared first on Република.

Монографијата „Чашуле: приказнувачот“ од Ана Стојаноска ќе биде промовирана денеска на сцената на Факултетот за драмски уметности во Скопје.

Книгата е заедничко издание на авторката, во соработка со Факултетот за драмски уметности – Скопје и „Арс Ламина“. Промотор на книгата ќе биде проф.д-р Јелена Лужина. На промоцијата ќе бидат изведени и делови од претставата „Црнила ремикс“, чија реконструкција е сместена во централниот дел на монографијата.

Монографијата „Чашуле, приказнувачот“ претставува научна и емотивна книга за македонскиот писател и драмски автор Коле Чашуле, на стогодишнината од неговото раѓање. Замислена е како троен преглед на три важни топоси поврзани со неговата работа и со работата на авторката. Насловена е „Коле Чашуле: приказнувачот“, според еден од текстовите во книгата. Ова е исклучително ретка книга во македонската театролошка литература. Не само во жанровска, туку и во поетичка смисла, книгата „Чашуле, приказнувачот“ се препознава како прилично, дури и експлицитно „хибридна“: нејзиниот „темелен“ дискурс е, напоредно, и научно дистанциран (театролошки аргументиран/„објективен“), ама и евидентно „субјективен“: интимистички тактилен, речиси романескно „расприкажан“, поетичен, наведува проф. д-р Јелена Лужина во рецензијата на книгата.

Ана Стојаноска (1977, Прилеп) театролог, писателка, редовна професорка на ФДУ – Скопје Уметнички директор и Претседател на Собранието на Македонскиот театарски фестивал „Војдан Чернодрински“ – Прилеп, од септември 2022г.

Дипломирала општа и компаративна книжевност на Филолошкиот факултет „Блаже Конески“ – Скопје (2001). Постдипломските студии по театрологија ги завршила на ФДУ, каде што магистрирала (2003) и докторирала (2007). Работела како координатор во Институтот за театрологија при ФДУ (2001 – 2011). Активно се занимава со истражување и проучување на драмата и театарот. Специјализирала театарска музеологија.

Авторка е на стотина студии и есеи објавувани во македонската и странската периодика, како и коавтор на неколку театарски монографии. Пишува и театарска критика. Поезија и проза и е објавувана во повеќе различни медиуми (електронски и пишани, на неколку јазици). Во 2019 година стана член на Друштвото на писатели на Македонија. Членува во повеќе здруженија и организации фокусирани на истражување на книжевноста и театарот. За албумот „Крик и прашина“ (2019) ги пишуваше текстовите заедно со авторот Сашко Костов. Нејзина поезија е објавувана во повеќе меѓународни списанија. Пишува постојано, не сакајќи да се „вкалапува“ во ниту еден жанр (научен или книжевен), затоа пишува и проза и поезија и драмски текстови.

Промоцијата се реализира во рамките на Меѓународниот театарски фестивал „Млад отворен театар“, а во јуни, на последното 57. издание МТФ „Војдан Чернодрински“ во Прилеп, беше прв пат претставена пред јавноста.

The post Промоција на книгата „Чашуле: приказнувачот“ од Ана Стојаноска appeared first on Република.

Монографијата „Чашуле: приказнувачот“ од Ана Стојаноска ќе биде промовирана в сабота, на 18 ноември во 16 часот, на сцената на Факултетот за драмски уметности во Скопје. Книгата е заедничко издание на авторката, во соработка со Факултетот за драмски уметности – Скопје и „Арс Ламина“. Промотор на книгата ќе биде проф.д-р Јелена Лужина. На промоцијата ќе бидат изведени и делови од претставата „Црнила ремикс“, чија реконструкција е сместена во централниот дел на монографијата.

Промоцијата се реализира во рамките на Меѓународниот театарски фестивал „Млад отворен театар“, а во јуни, на последното 57. издание МТФ „Војдан Чернодрински“ во Прилеп, беше првпат претставена пред јавноста.

Монографијата „Чашуле, приказнувачот“ претставува научна и емотивна книга за македонскиот писател и драмски автор Коле Чашуле, на стогодишнината од неговото раѓање. Замислена е како троен преглед на три важни топоси поврзани со неговата работа и со работата на авторката. Насловена е „Коле Чашуле: приказнувачот“, според еден од текстовите во книгата. Ова е исклучително ретка книга во македонската театролошка литература. Не само во жанровска, туку и во поетичка смисла, книгата „Чашуле, приказнувачот“ се препознава како прилично, дури и експлицитно „хибридна“: нејзиниот „темелен“ дискурс е, напоредно, и научно дистанциран (театролошки аргументиран/„објективен“), ама и евидентно „субјективен“: интимистички тактилен, речиси романескно „расприкажан“, поетичен, наведува проф. д-р Јелена Лужина во рецензијата на книгата.

Ана Стојаноска (1977, Прилеп) театролог, писателка, редовна професорка на ФДУ – Скопје Уметнички директор и Претседател на Собранието на Македонскиот театарски фестивал „Војдан Чернодрински“ – Прилеп, од септември 2022г.

Дипломирала општа и компаративна книжевност на Филолошкиот факултет „Блаже Конески“ – Скопје (2001). Постдипломските студии по театрологија ги завршила на ФДУ, каде што магистрирала (2003) и докторирала (2007). Работела како координатор во Институтот за театрологија при ФДУ (2001 – 2011). Активно се занимава со истражување и проучување на драмата и театарот. Специјализирала театарска музеологија.

Авторка на: Ние (роман, избран во првите три на конкурсот за необјавен роман Пегаз, Арс Ламина, 2022), Ликови (Чија е приказната?) (драма, Антологија „Јас не сум мртов, богат и славен“, Македонски ИТИ Центар, 2022), Лебед (роман, Полица, 2021), Трогледало (драма, 2020, објавена во изборот на ЕУРОДРАМ: Нова македонска драма); Потпис: Трепетлика (збирка поезија, Три и „Антево перо“, 2020, за која ја доби наградата Антево перо за 2020) Јас и Лин, отпосле (роман, Блесок, 2016; за која ја доби наградата Рациново признание, 2017 и финалист за Роман на годината и второ издание, Култура, 2019), Дијалози во еднина (Култура, 2019), Театар – предизвик: Студии и есеи (УКИМ, 2018), Димитар Ќостаров – Реалистичката поетика и естетика на еден режисер (монографија, ФДУ, 2014) и Македонски постмодерен театар (монографија, ФДУ, 2006). Приредувачка на: Драми од Дејан Дуковски (Проартс, 2002) и Современа македонска драма (Микена, 2008). Нејзината монодрама Стаклен лампион е праизведена во продукција на Театра – Скопје, 2013. Авторка на стотина студии и есеи објавувани во македонската и странската периодика, како и коавтор на неколку театарски монографии. Пишува и театарска критика. Поезија и проза и е објавувана во повеќе различни медиуми (електронски и пишани, на неколку јазици). Во 2019 година стана член на Друштвото на писатели на Македонија. Членува во повеќе здруженија и организации фокусирани на истражување на книжевноста и театарот. За албумот „Крик и прашина“ (2019) ги пишуваше текстовите заедно со авторот Сашко Костов. Нејзина поезија е објавувана во повеќе меѓународни списанија. Пишува постојано, не сакајќи да се „вкалапува“ во ниту еден жанр (научен или книжевен), затоа пишува и проза и поезија и драмски текстови.

The post Промоција на монографијата „Чашуле: приказнувачот“ од Ана Стојаноска на ФДУ appeared first on Република.

Уметничката директорка на МТФ „Војдан Чернодрински“, Ана Стојаноска, на претстојното 63. издание на МЕСС (Меѓународен фестивал на мали и експериментални сцени во Сараево), ќе биде член на жирито на официјалната програма.

Еден од најпрестижните фестивали во регионот ќе започне утре, на 30 септември (сабота), а ќе трае до 8 октомври во Сараево.

Стојаноска ќе ги оценува претставите заедно со Марина Катниќ-Бакаршиќ, професорка на Факултетот за сценски уметности во Сараво и Јана Баскау, продуцентка од Германија.

МЕСС ќе биде отворен со претставата „Калигула“ на Националниот академски драмски театар „Иван Франко“ од Украина. Врвот на европскиот театар низ 12 претстави ќе се претстави со дела од Англија, Литванија, Србија, Црна Гора, Босна и Херцеговина. На фестивалот не учествува театарска куќа од Македонија.

Писателката и професор Ана Стојаноска дипломирала на Општа и компаративна книжевност на Филолошкиот факултет „Блаже Конески“ во Скопје. Постдипломски студии завршила на театрологија на Факултетот за драмски уметности, каде магистрирала и докторирала. Работела како истражувач и координатор на Институтот за театрологија при ФДУ. Специјализирала од областа на театарската музеологија. Авторка е на бројни романи и драмски дела, стотина студии и огледи објавени во македонски и странски списанија, како и коавтор на неколку театарски монографии. Пишува и театарски критики. Нејзината поезија и проза се објавени во многу македонски и меѓународни зборници.

The post Ана Стојаноска член на жирито на МЕСС во Сараево appeared first on Република.

Романот „Ние“ на Ана Стојаноска е објавен деновиве во издание на „Арс Либрис“ (дел од „Арс Ламина – публикации“) од Скопје. Четвртиот роман на Стојаноска влезе во потесниот избор за наградата „Пегаз“ за 2021 година (заедно со „Хотел меѓу две војни“ од Александар Русјаков, кој ја доби наградата „Пегаз“ и „Мастилна мапа“ од Марија Ралповска), што ја доделува „Арс Ламина“ во соработка со фондацијата „Славко Јаневски“.

Романот „Ние“ на Ана Стојаноска е објавен деновиве во издание на „Арс Либрис“ (дел од „Арс Ламина – публикации“) од Скопје. Четвртиот роман на Стојаноска влезе во потесниот избор за наградата „Пегаз“ за 2021 година (заедно со „Хотел меѓу две војни“ од Александар Русјаков, кој ја доби наградата „Пегаз“ и „Мастилна мапа“ од Марија Ралповска), што ја доделува „Арс Ламина“ во соработка со фондацијата „Славко Јаневски“.

Романот има интересна, загонетна структура во трите елементарни форми на нарација (јас, ти и ние форма) и истовремено си игра со читателот, поставувајќи го во централната позиција на откривање на тоа што е вистинито, а што измислено во романот. Романот е концентриран на една навидум обична љубовна приказна, помеѓу една писателка и нејзиниот маж, а всушност раскажува неколку попатни приказни, постхумно откриени од страна на нејзиниот сега веќе возрасен син. Романот си игра и со приказната и со читателите, создавајќи една динамична наративна линија, во која еден настан е раскажан и низ призмата на машкиот и низ призмата на женскиот главен лик.

Ана Стојаноска создава роман кој излегува од рамките на вообичаеното раскажување и покажува како една љубовна приказна може да е третирана како наративен предизвик.

Ова е четвртиот роман на Ана Стојаноска, после „Јас и Лин, отпосле“ (прво издание за „Блесок“, 2016, второ издание за „Култура“, 2019 за кој го доби „Рациновото признание“ за 2017г., романот е преведен и објавен и на украински и на англиски јазик), „Дијалози во еднина“ (Култура, 2019) и „Лебед“ (Полица, 2021, во моментов „Книга на месец декември“ во Градската библиотека „Браќа Миладиновци“ – Скопје).

Ана Стојаноска (Прилеп, 1977) е писателка, театролог, редовна професорка на Факултетот за драмски уметности – Скопје и актуелна директорка на МТФ „Војдан Чернодрински“ – Прилеп. Авторка е на повеќе од сто библиографски единици од областа на книжевноста, театрологијата и културологијата. Авторка и коавторка на неколку театарски монографии и собрани драми. Нејзината поетска збирка „Потпис: Трепетлика“ ја доби наградата „Антево перо“ за 2020 година.

The post Објавен „Ние“, четвртиот роман на Ана Стојаноска appeared first on Република.

На денешното собрание на Македонскиот театарски фестивал „Војдан Чернодрински“ кое се одржа во Скопје, за нов претседател на Собранието на фестивалот е избрана д-р Ана Стојаноска, театролог и професор. Изборот на новиот претседател доаѓа откако собранието на Фестивалот констатира дека е изминат мандатот на досегашниот претседател, Катарина Коцевска-Хаџавасилева.

Како што изјави Стојаноска, главниот фикус ќе биде создавање фестивал според современите страндарди, фокусиран на домашната драма и новиот театар.

Благодарам на Собранието на Фестивалот што ме избра. Се надевам дека ќе имаме одлична соработка со сите театри. Главниот мој фикус ќе биде создавање фестивал според современите стандарди, фокусиран на домашната драма и на новиот театар. Со сериозен концепт и можност да се види каков театар создаваме денес, со програми што ќе го „оживеат“ театарскиот сјај и со грижа за театарското наследство, вели Стојаноска.

Македонскиот театарски фестивал „Војдан Чернодрински“ е единствената национална театарска манифестација која го презентира театарскиот миг во земјава. Годинава,. во почетокот на јуни го одржа своето 56 издание.

Само во екот на пандемијата, во 2020 година, фестивалот не се одржа, а лани беше со променет термин – се одржа во октомври наместо во традиционалниот термин – првата недела во јуни. Со одлука на селектор, на фестивалот се презентира театарската продукција на професионалните македонски театри.

Годинава за најдобра беше прогласена претставата „Народен непријател“ на Македонскиот народен театар.

The post Ана Стојаноска е нова претседателка на МТФ „Војдан Чернодрински“ appeared first on Република.