Неодамна на „Белградска пролет“ младата македонска пејачка Ана Петан со „Балада за анѓел“ предизвика воодушевување и овации кај публиката. Ана имаше совршена интерпретација и беше споредена со Маја Оџаклиевска, таа што песната што ја потпишуваат Григор Копров, Душан Бачиќ и Стефан Петановски многу брзо стана една од најслушаните на фестивалот.

Ми беше чест и задоволство да настапувам на „Белградска пролет“, каде, слушнав, биле пријавени 323 композиции, а се натпреваруваа 19 песни, од кои и мојата „Балада за анѓел“. Тоа е одлична стартна позиција! Генерално се чувствував многу возбудено и гледав најмногу што можам да уживам. Но исто така ги упивав сите искуства додека траеше фестивалот и секако се концентрирав на мојот настап. Голем фестивал и убав град, ова беше и моето прво одење во Белград - прекрасен град со многу душа и многу убава енергија!

Се подготовувала преку неколку проби.

Имавме две генерални проби што течеа брзо, експедитивно и денот пред настапот беше многу продуктивен. Кога излеговме на сцена, немав премногу трема, повеќе беше позитивна возбуда. Сепак, самиот фестивал, песната, сите тие големи имиња, свечена атмосфера и сознание дека не си во својата земја па сакаш да бидеш најдобар, ми направи да треперам повеќе од обично... Ама кога тргна првата строфа, тоа стивна и мене ме понесе песната... Кога заврши се, слушнав големи аплаузи, прекрасни коментари што навистина многу ме инспирираат.

Стефан ми е најголемиот столб и поддршка во животот за сѐ, и радосна  сум што сме заедно во ова искуство. Инаку песната „Балада за анѓел“ е на Григор Копров, текст на Душан Бачиќ, а аранжманот го правеше брат ми Стефан Петановски. Продолжуваме и понатаму со многу интересни проекти!

The post Овации за Ана Петан на „Белградска пролет“ appeared first on Република.

„Балада за анѓел“ е песна на Григор Копров, со аранжман на Стефан Петановски а по текст на Душан Бачиќ, што на фестивалот „Белградска пролет“, (20 април), ќе ја пее девојка со бисерен глас, Ана Петан.
Песната по многу нешта е особена, првин затоа што звучи многу моќно поради супериорниот вокал на Ана, а потоа затоа што е инспирирана од еден коментар на јутјуб, напишан под песната „Твоите бакнежи на моите бели кошули“, една од омилените на Тоше Проески... Така коментарот „Када сам тужна ти си ту, кад сам среќна ти си ту, у сваком мом новом дану...“ стана рефрен на оваа балада, која потсетува на Тоше, на љубов и големи емоции.
Ана е пејачка со огромен потенцијал, а овој настап е одлична можност да ја слушнат и надвор од границите: и посакуваме многу среќа и на „Белградска пролет“ и на следните летни фестивали „Сунчане скале“, „Шибенска шансона“ и „Охрид- фест“ што годинава ќе се случува на 30 и 31 август.

Фото: Диоген Хаџи- Коста Милевски

The post Ана Петан на „Белградска пролет“ со песна од Копров appeared first on Република.