Американските трупи во североисточна Сирија биле нападнати со беспилотно летало, информира американски официјален претставник. Според првичните извештаи нема повредени.

Тоа е втор напад во изминатите денови против американските сили на Блискиот Исток, додека регионот се подготвува за можен нов воен одговор од Иран и неговите сојузници по израелскиот атентат врз лидерот на Хамас во Техеран.

Исмаил Ханија, политичкиот лидер на Хамас поддржан од Иран, беше убиен во иранскиот главен град Техеран на 31 јули, напад што предизвика закани за одмазда од Иран против Израел, кој се бори против палестинската група во Газа.

Иран го обвини Израел за убиството. Израел не ја презеде одговорноста.

The post Aмерикански војници во Сирија нападнати со дрон, првични информации велат дека нема повредени appeared first on Република.

САД го завршија повлекувањето од последната база во Нигер - онаа во Агадез.

Повлекувањето дојде набргу откако Нигер ја одбележа првата годишнина од воениот удар. Воениот режим тогаш побара од американската војска да ја напушти земјата.

Веста за повлекувањето ја потврди американската команда во Африка.

На почетокот на јули американската војска во друга база - во Ниамеј, ја напушти африканската земја.

Повлекувањето од базата Агадез почна во мај.

The post И последниот американски војник го напушти Нигер appeared first on Република.

Привремената влада на Нигер објави прекин на воената соработка со САД. Според таквата одлука, властите го прогласија военото присуство на САД како нелегално, го обвинија Вашингтон за притисок и побараа повлекување на сите американски сили од земјата и од регионот како целина.

Како што објави „africaninitiative“, Владата во Ниамеј го прогласува присуството на воениот контингент на Вашингтон за нелегално. Во официјалното соопштение на претставникот на нигериската влада, полковник мајор Амаду Абдраман, се наведува дека земјата го отфрла договорот за воени и цивилни претставници на Пентагон во земјата.

Меѓу другите аргументи за прекин на воената соработка со САД, нигерискиот спикер посочува:

▪️ лажни обвинувања за испораките на ураниум за Иран;

▪️ директни закани како одговор на проширувањето на нигерско-иранската и нигерско-руската соработка;

▪️ нерамноправниот договор меѓу Вашингтон и Нијами за работата на американските воени бази, кои дел од трошоците за нивните операции ги става на товар на Република Нигер;

▪️ недостаток на помош од Американците во борбата против тероризмот;

▪️ неподготвеноста на Вашингтон да го информира Ниамеј за активностите на американската војска во Нигер, нивниот состав и планови;

▪️ Извиднички летови на американски авиони неовластени од властите во Нигер.

Во моментов, САД оперира со две воздушни бази во Нигер, лоцирани во Ниамеј и Агадез, во кои има околу 1.000 војници, од кои американските воздухопловни сили активно ги следат активностите и на властите и на милитантите во триграничната област во текот на изминатиот месец.

https://republika.mk/vesti/svet/povlekuvaneto-na-frantsuskite-trupi-od-niger-pridonese-za-podobruvane-na-borbata-protiv-terorizmot-vo-zemjata-veli-afrikanski-minister/

Во својата изјава, претставникот на нигериските власти всушност ја обвинува американската делегација, предводена од американскиот државен потсекретар за Африка, Моли Фи, која оваа недела го посети Нигер, за кршење на дипломатскиот протокол, за притисок врз раководството на Нигер и за омаловажување на владата и народот. Абдраман го нарече присуството на американскиот воен контингент еднострано наметнат од Вашингтон.

Високо рангираната американска делегација го напуштила Нигер без средба со шефот на преодната влада на Нигер, Абдурахаман Тиани. Најдобро што успеале е да се сретнат со премиерот.

Преодната влада на Нигер не објави никакви соопштенија за печатот за причините за откажување на состанокот. Според ТРТ АФРИКА, ова е поврзано со изборот на Нигер за нови партнери за соработка.

Засега нема одговор од Белата куќа на оваа одлука на Нигер, која најверојатно изненади многумина. Ова особено доаѓа по неодамнешното нормализирање на односите меѓу земјите и назначувањето на нов американски амбасадор во земјата.

https://republika.mk/vesti/svet/germanija-pobarala-od-niger-da-gi-prekine-odnosite-so-rusija-afrikantsite-odgovorile-koj-saka-neka-si-odi/

Од воениот удар во Нигер минатиот август, примарна поддршка на новиот режим беа Мали и Буркина Фасо, две земји кои имаат силно изразени антизападни ставови. Тоа предизвика зголемениот притисок на САД, преминот од економски санкции кон отстранување на трговските бариери преку ЕКОВАС и дипломатското признавање, разбирливо предизвика фрустрација.

Дополнително, руските власти почнаа активно да обезбедуваат воена и хуманитарна помош за властите во Нигер.

Ваквиот развој на настаните и моѓното повлекување на американскиот контингент, кој најверојатно ќе биде преместен во Сенегал и Габон, означува уште една значајна пресвртница во проектот за интеграција во Сахел.

The post Не се веќе добредојдени: Нигер бара итно повлекување на американските војници од земјата appeared first on Република.

Американските воени сили за специјални операции ќе бидат трајно распоредени на тајванскиот остров Кинмен, пограничен остров на Тајван што се наоѓа на само 10 километри од Кина.

Како што соопштија претставници на американската војска, американските специјални сили ќе ги обучуваат елитните тајвански сили да го бранат островот и да водат герилска војна против потенцијална кинеска инвазија.

Овој месец, военото издание СОФРЕПО објави дека американските зелени беретки ќе бидат распоредени во Тајван како воени инструктори, според Законот за овластување за национална одбрана од 2023 година. Според таа одлука, американските специјви ќе бидат сместени во архипелагот Кинмен, на само десет километри од копното на Кина.

The post Американски војници ќе бидат распоредени на тајвански остров на само 10 километри од Кина appeared first on Република.

Соединетите Американски Држави и Ирак во Багдад ја одржаа првата седница на разговори за ставање крај на коалицијата за борба против таканаречената Исламска држава.

Во соопштението објавено од коалицијата предводена од САД се наведува дека работните групи составени од официјални лица од двете земји ќе ја проценат заканата од милитантната организација и дека висока воена комисија ќе работи на утврдување на условите за транзиција на мисијата во Ирак.

САД се во Ирак од 2003 година, по што американските борбени сили ја напуштија земјата во 2011 година, но се вратија во 2014 година за да и помогнат на ирачката влада во борбата против терористичката т.н. Исламска држава.

Откако припадниците на терористичката организација ја загубија контролата врз територијата што некогаш ја држеа, ирачките власти периодично повикуваа на повлекување на коалициските сили, потсетува РСЕ.

Багдад особено инсистираше на заминување на трупите на САД по американскиот воздушен напад во јануари 2020 година, во кој иранскиот генерал Касем Сулејмани и водачот на ирачката милиција Абу Махди ал-Мухандис беа убиени пред аеродромот во главниот град на Ирак.

Прашањето повторно се отвори откако Израел почна интензивно да го бомбардира во Појасот Газа по нападот на Хамас врз земјата на 7 октомври.

Од средината на октомври, милиција поддржана од Иран, која себеси се нарекува Исламски отпор во Ирак, често ги напаѓа американските сили во Ирак и Сирија поради поддршката на Вашингтон за Израел во војната во Газа.

Се проценува дека имало повеќе од 150 ракетни и беспилотни напади врз 2.500 американски војници и нивните бази, во кои биле ранети десетици членови на американската мисија во Ирак.

Американските сили возвратија со напади врз милициите, вклучително и некои шиитски паравоени групи кои официјално се под контрола на ирачката армија, по што Багдад оцени дека тоа е нарушување на суверенитетот на Ирак.

Организацијата Исламски отпор во Ирак најави дека ќе продолжи со нападите врз американските сили во таа земја и го оцени навестувањето за повлекување на САД од коалицијата како „доказ дека Американците го разбираат само јазикот на силата“.

Американските власти неодамна изјавија дека разговорите за завршување на коалициската мисија биле во тек уште пред 7 октомври и дека одлуката не е поврзана со нападите.

The post САД и Ирак почнаа разговори за заминување на американските војници од земјата appeared first on Република.

Aмериканскиот министер за одбрана, Лојд Остин, изјави дека во европските земји се распоредени дополнителни 20.000 американски војници.

Како одговор на најсериозната закана за европската безбедност од крајот на Втората светска војна, ние заедно со нашите сојузници брзо тргнавме кон понатамошно обединување и зајакнување на НАТО. Алијансата ја зајакна одбраната на источното крило.

 

Во меѓувреме, САД распоредија или проширија повеќе од 20.000 дополнителни американски сили во Европа и ги распоредија првите постојани американски сили на источното крило на НАТО“, изјави шефот на Пентагон.

The post Во Европа распоредени дополнителни 20.000 американски војници appeared first on Република.

Американската војска соопшти дека неидентификувани сили истрелале проектил врз база во Сирија во која се сместени американски војници и локални сили. Во соопштението се додава дека немало повредени и нападот не предизвикал штета.

На местото се пронајдени дополнителни проектили - соопшти Централната команда на американската армија, која ги предводи американските сили на Блискиот Исток

Од Командата не наведуваат за кого сметаат дека е одговорен за неуспешниот напад.

Американските сили беа распоредени во Сирија за време на кампањата на администрацијата на Барак Обама против Исламската држава и тие се партнери со групата предводена од Курдите наречена Сириски демократски сили.

Во Сирија има околу 900 американски војници, повеќето од нив во источниот дел на земјата.

The post Непознати сили извршиле ракетен напад врз американски војници во Сирија appeared first on Република.

Американската армија соопшти дека САД на есен ќе распоредат дополнителни 260 војници во Европа како поддршка на своите сојузници на континентот додека руската војна во Украина влегува во седмиот месец.

Војниците бидат од 101-та дивизиска бригада од Форт Кембел, Кентаки, се вели во соопштението на армијата.

Дополнителните војници ќе помогнат да ја поддржат непопустливата посветеност на САД кон нашите европски и НАТО сојузници. Ова привремено распоредување е одговор на инвазијата врз Украина и не е трајна промена на целокупната позиција на армиските сили во Европа - се наведува во армиското соопштение.

The post САД на есен ќе испратат дополнителни 260 војници во Европа appeared first on Република.

Романскиот претседател, Клаус Јоханис, го информирал парламентот дека го одобрил распоредувањето на американскиот баталјон „Страјкер“ за извршување одбранбените задачи на НАТО.

Јоаханис информира и за распоредување на американски борбени авиони Ф-35 за зајакнување на противвоздушните капацитети на Алијансата.

Во документот проследен до Парламентот се наведува дека ескалацијата на тензиите и масовното зајакнување на военото присуство на Русија во близина на Украина и во областа на Црното Море влијаат на меѓународната безбедност и стабилност, поради што Романија одлучила да преземе мерки за зајакнување на своите одбранбени способности.

The post Романија презема итни мерки за распоредување американски војници во земјата appeared first on Република.

Војната во Украина ги доведе во прашање долгорочните планови на Пентагон, а се очекува високи функционери од одбраната на САД да го променат начинот на распоредување на војниците во Источна Европа и Балтикот поради загриженоста за пошироките амбиции на Русија.

Началникот на Здружениот Генералштаб, генералот Марк А. Мили, порача дека е за воспоставување постојани бази за американските трупи во регионот, но персоналот да се распоредува на ротирачка основа, „за да се добие ефектот на постојаност“ по пониска цена, затоа што на тој начин нема да има трошоци што се сместување на семејствата и училишта.

Верувам дека многу од нашите сојузници, особено оние како Балтикот, Полска или Романија, се многу подготвени да воспостават постојани бази. Ќе ги изградат и ќе ги платат - порача Мили во дискусија пред Комитетот за вооружени сили на Претставничкиот дом.

Зборувајќи пред истиот комитет минатата недела, генералот на воздухопловните сили Тод Д. Волтерс, кој ја предводи американската европска команда, изјави дека сегашната политика на НАТО за ротирање трупи низ Источна Европа „мора да се промени“ и дека тамошните земји се „многу желни“ за трајно прифаќање на НАТО силите.

Разговорите на високо ниво доаѓаат во време кога офанзивата на руските сили врз поголемите украински градови стагнира. Како резултат на тоа, американските власти оценија дека рускиот претседател Владимир Путин ги ревидира своите воени цели, со намера да ги пренасочи борбените дејствија кон источна Украина.

Од почетокот на воената акција, Пентагон драстично го зголеми бројот на американски војници во Европа, од околу 60.000 на повеќе од 100.000. Во екот на Студената војна во 1950-тите, военото присуство на САД низ Европа броеше повеќе од 400.000 војници.

Високите американски одбранбени функционери беа претпазливи во одредувањето на патот по кој ќе тргнат, пишува „Вашингтон пост“, додека руската воена акција во Украина ја дефинираа како настан што го промени глобалниот поредок. Портпаролот на Пентагон Џон Кирби минатата недела изјави дека САД навремено ќе се консултираат со своите сојузници за да одлучат која е вистинската безбедносна стратегија во Европа „без разлика како ќе заврши оваа војна“, и дека администрацијата на Џо Бајден е отворена за дискусија за тоа дали е потребно „поголемо постојано присуство“ на континентот.

Во вторникот, министерот за одбрана Лојд Остин истакна дека ова прашање најверојатно ќе се појави на самитот на НАТО во јуни.

Нашата цел е да продолжиме да ги уверуваме нашите сојузници и партнери, особено оние од источното крило, а особено нашите сојузници на Балтикот -  рече тој.

На плановите ќе влијае и фактот што Америка процени дека Кина, а не Русија, предизвикува поважни долгорочни безбедносни грижи.

Висок функционер за одбрана на САД, кој разговарал за плановите на Пентагон под услов да остане анонимен, во интервјуто вели дека „ќе има промена во присуството на Европа“ како резултат на војната во Украина. Но, Источна Европа, исто така, ќе биде „зајакната“ со војници од другите земји на НАТО кои пресметуваат што ќе биде неопходно за да ја одвратат Русија во наредните месеци и години, вели претставникот.

Во моментов мислам дека ќе успееме да ги балансираме двата региона, да го направиме Индо-пацификот приоритет, а истовремено да го зголемиме нашето присуство во Европа - вели тој.

Елбриџ Колби, поранешен функционер за одбрана во администрацијата на Доналд Трамп, од друга страна, смета дека поголем ангажман во Европа ќе ги наруши плановите на САД во Азија.

Иако Пентагон многу се потпира на американската војска во Источна Европа и веројатно би се потпирал на морнарицата и воздухопловните сили во Пацификот, има повеќе преклопувања отколку што луѓето сфаќаат. На пример, 82-та воздушно-десантна дивизија, која има илјадници војници распоредени во Полска, бара воздушна поддршка, како и други сили потребни на други места - вели тој.

По присоединувањето на Крим кон Русија во 2014 година, американските одбранбени претставници размислуваа дали трајно да ги базираат трупите во Источна Европа. Идејата на крајот беше напуштена поради, како што беше објаснето, високите трошоци, но неодамнешните настани може да го променат тоа размислување, обкаснува Џон Таунсенд, поранешен функционер на администрацијата на Барак Обама.

The post САД размислуваат за „десант“ во Европа и поставување зголемен број постојани воени бази appeared first on Република.

Првите американски војници распоредени заради зајакнување на источното крило на НАТО пристигнаа во Летонија, јави ДПА.

Четириесетина американски војници пристигнаа во Летонија од Италија рано изутринава, што е првата група од, како што се очекува, распоредување на повеќе од 300 војници, соопшти летонското Министерство за одбрана.

Војниците, кои ќе бидат сместени во воената база Адази, во непосредна близина на летонскиот главен град Рига, пристигнале нешто по полноќ по локално време, пред да започнат непријателствата во Украина, се додава во соопштението.

Американскиот претседател Џо Бајден во вторникот најави прераспределување на војниците во Европа. Според американски официјален претставник, кој побарал да остане неименуван, тоа подразбира испраќање на 800 пешадиски војници во балтичкиот регион и до осум борбени авиони Ф-35 на неколку оперативни локации долж источното крило на НАТО.

The post Првите американски војници пристигнаа во Летонија за да го зајакнат источното крило на НАТО appeared first on Република.

Американскиот претседател, Џо Бајден, издаде наредба до американската војска во Европа да ја засили одбраната во земјите кои се граничат со Украина, со распоредување дополнителни трупи и авијација во балтичките земји, Полска и во југоисточното крило на НАТО.

Силите ќе бидат префрлени во текот на неделата - соопшти претставник на Министерството за одбрана.

Министерот за одбрана Лојд Остин дал наредба за префрање на 800 американски војници од Италија во балтичките земји. Префрлање ќе има и на осум воени авиони Ф-35 Лајтнинг 2 од Германија во оперативната база на источното крило на НАТО.

Дваесет офанзивни авиони АХ-64 Апачи исто така ќе бидат префрелни од Германија, а 12 хеликоптери Апачи ќе бидат префрлени од Грција.

Овој дополнителен состав ќе биде релоциран за давање сигурност на нашите НАТО сојузници во справување со потенцијална агресија против земјите членки на НАТО и се спроведува заедно со силите на земјите домаќини - изјави Остин.

The post САД распоредува дополнителна американски војници во Источна и Југоисточна Европа appeared first on Република.

Американските трупи нема да водат војна во Украина во случај на руска инвазија на таа земја, изјави портпаролот на Пентагон Џон Кирби за телевизијата MSNBC.

Претседателот Џо Бајден јасно стави до знаење дека американските трупи нема да бидат во војна во Украина, рече тој.

Употребата на американските сили, рече тој, дури и за евакуација на американските граѓани од земјата „ќе го зголеми ризикот од погрешно проценување и ќе ја зголеми можноста за конфликт меѓу руските и американските сили“, што, според портпаролот на Пентагон, ќе ја развие ситуацијата. „на ново ниво“.

Тој посочи дека конфликтот околу Украина се уште може да се спречи, но времето истекува. Американската администрација не ја разгледува можноста за воведување превентивни санкции против Русија.

Во меѓувреме, нова серија американско оружје пристигна во Украина.

Утрово два авиони пристигнаа во Киев со американска помош за брза реакција со цел да се зајакне одбраната на Украина. Тоа е дел од помошта вредна 200 милиони долари – муниција, објави американската амбасада на Твитер.

Министерот за одбрана на Украина Алексеј Резников на Фејсбук напиша дека од САД досега се испорачани 1.300 тони воен товар.

The post Пентагон: Американски војници нема да војуваат во Украина appeared first on Република.

Данска соопшти дека ја отвора вратата за присуство на американски војници и воена опрема на нејзина територија како дел од новиот билатерален договор што го олеснува движењето на американските војници во Европа во услови на тензиите меѓу Западот и Русија.

САД и подадоа рака на Данска, која, исто така, е членка на НАТО, и и’ понудија билатерална соработка во областа на одбраната - изјави премиерката Мете Фредриксен на прес-конференција.

Таа појасни дека сè уште не е дефинирана точната форма на оваа соработка, но дека може да опфати и присуство на американски војници и воена опрема на данска територија.

Данската премиерка изјави дека преговорите за идниот договор не се забрзани од актуелната криза меѓу Русија и Украина, иако истакна дека сегашната криза ја „илустрира“ потребата од засилена соработка.

НАТО и САД се гаранти на нашата безбедност, затоа формираме заеднички фронт со САД кога западните вредности, како демократијата и слободата, ќе бидат доведени во прашање - изјави данскиот министер за одбрана Мортен Бодсков.

Француските медиуми наведуваат дека оваа нордиска земја, која се бореше заедно со Американците во Ирак, во последните две децении стана еден од најблиските сојузници на Вашингтон во Европа.

The post Данска ги отворa вратите за присуство на американски војници на нејзина територија appeared first on Република.

Во Романија пристигнаа првите американски сили како засилување на НАТО сојузниците во источното крило.

Американците пристигнаа. Повеќе од 100 војници на специјалните сили на САД се подготвуваат заедно со нашите експерти за логистика, што значи дека нема да помине долго пред да пристигнат останатите војници - соопшти романскиот министер за одбрана Василе Динчу

Министерот појасни дека првите 100 американски војници во Романија се ангажирани во логистика.

САД одлучија да испратат околу 3.000 дополнителни војници во Полска и Романија за да ја заштитат Источна Европа од потенцијалното прелевање на украинската криза.

Пентагон соопшти дека ќе ја премести ескадрилата „Страјкер“ од околу 1.000 американски војници од Вилсек, Германија, во Романија. Што се однесува на Полска, таму почнаа да пристигнуваат американски војници во саботата.

САД во моментов имаат околу 900 војници во Романија, која е членка на НАТО од 2004 година и која има и систем за одбрана од балистички проектили, при што дел се од силите на НАТО, а дел се таму под посебни билатерални аранжмани.

The post Во Романија пристигнаа првите 100 американски војници appeared first on Република.

Првите американски војници, кои треба да ја интензивираат присутноста на НАТО во Источна Европа за време на кризата на руско-украинската граница, пристигнаа во Германија, соопшти американската армија.

Војниците на 18. Воздушно-десантен корпус денеска пристигнаа во Висбаден, се наведува во соопштението на американската армија.

Во соопштението се наведува дека во Германија ќе биде формиран заеднички штаб како поддршка на 1.700 падобранци распоредени во Полска.

Администрацијата на американскиот претседател Џо Бајден на 2 февруари најави распоредување на речиси 3.000 американски војници во Полска и во Романија, за да ја заштитат Источна Европа од потенцијално прелевање на кризата од Украина.

Пентагон најави дека ескадрила Страјкер од околу 1.000 американски војници стационирани во Вилсек, Германија, ќе биде распоредени во Романија, а околу 1.700 припадници на 82. воздушнодесантна дивизија од базата Форт Брег во Северна Каролина ќе бидат распоредени во Полска. Додека 300 други американски војници ќе бидат префрлени од Форт Брег во Германија.

Во Полска веќе пристигнала американската воена опрема. Сè уште е непознато кога ќе пристигнат американските војници и каде ќе бидат стационирани. Во Полска има околу 4.500 американски војници, кои главно се стационирани во западниот дел на земјата.

The post Во Германија пристигнаа првите американски војници appeared first on Република.

Портпаролот на Кремљ, Дмитриј Песков, истакнува дека распоредувањето американски војници во Европа е доказ дека Русија има причина за загриженост.

САД де факто продолжуваат да ги зголемуваат тензиите во Европа. Распоредувањето војници е најдобар доказ дека Русија има очигледна причина за загриженост - порача Песков.

Пентагон претходно соопшти дека 2.000 американски војници ќе бидат испратени од Cеверна Каролина во Полска и во Германија, а уште 1.000 војници, кои веќе се во Германија, ќе бидат префрлени во Романија.

The post Песков: САД повторно ги зголемува тензиите, испраќањето американски војници во Европа е причина за загриженост appeared first on Република.

Дипломат од НАТО, за британските медиуми информира дека во услови на ескалација на тензиите меѓу Украина и Русија, САД размислуваат во следните неколку недели дел од своите војници стационирани во Западна Европа да преместат во Источна Европа.

Ова се однесува на американската војска која веќе се наоѓа во Европа - вели дипломатот, кој сакаше да остане анонимен, потврдувајќи го извештајот на весникот „Њујорк Тајмс“ во кој се вели дека американскиот претседател Џо Бајден размислува да испрати американски војници во балтичките и источноевропските сојузници.

НАТО соопшти дека ги става своите сили во состојба на подготвеност и дека Источна Европа ја опремува со повеќе бродови и борбени авиони, што Русија го осуди како ескалација на тензиите околу Украина.

Дипломатот вели дека потенцијалното преместување на војската ќе биде постепено и дека до пополнувањето на празнината на НАТО на источното крило може да се случи во наредните недели.

The post Дипломат на НАТО: САД планираат префрлање свои војници од Западна во Источна Европа appeared first on Република.