Украинскиот претседател Володимир Зеленски денеска му се заблагодари на Претставничкиот дом на САД, како и лично на неговиот претседател Мајк Џонсон, откако беше одобрена воената помош за Украина.

„Благодарен сум на Претставничкиот дом на САД, и на двете партии, и лично на претседателот (на Претставничкиот дом) Мајк Џонсон за одлуката што е на вистинскиот пат на историјата, напиша Зеленски на платформата „Икс“.

Помошта за Украина, која беше изгласана посебно, е во рамки на предлог-законот за воена помош за Израел и за Тајван во вкупна вредност од 95 милијарди долари.

„Клучниот американски закон за помош на Украина го усвои Претставничкиот дом, што ќе спречи ширење на војната, ќе спаси илјадници животи и ќе им помогне на нашите нации да бидат посилни“, посочува Зеленски.

Тој додаде дека се надева дека законот ќе биде поддржан во Сенатот и ќе биде испратен до американскиот претседател Џозеф Бајден.

„Америко, ти благодарам“, напиша Зеленски.

The post Зеленски му се заблагодари на Претставничкиот дом на САД што ја одобри воената помош за Украина appeared first on Република.

Комитетот за надворешна политика на американскиот Сенат го одобри предлог-законот за Западен Балкан и ќе го испрати на изјаснување пред целосниот состав на Горниот дом на Конгресот.

Законот беше поднесен до Сенатот во мај минатата година од демократската сенаторка Жан Шахин, претседателка на Сенатскиот поткомитетот за Европа, со поддршка од колегите од двете политички партии.

Таа истакна дека со одобрувањето на законскиот предлог, Комитетот за надворешна политика „испрати порака за обновена посветеност на земјите од Западен Балкан“.

Го напишав овој предлог-закон за да се фокусирам на зајакнување на нашата посветеност и инвестиции во регионот, преку интензивирање на трговската и економската соработка и да ги зајакнеме американските механизми за решавање на прашањето за малигното влијание, корупцијата и другите работи што се обидуваат да ги поткопаат демократските аспирации на регионот, истакна Шахин.

The post Комитетот за надворешна политика на американскиот Сенат го одобри предлог-законот за Западен Балкан appeared first on Република.

Републиканците во американскиот Сенат го блокираа двопартискиот пакет за границата, со што завршија повеќемесечните преговори со демократите за законот наменет за намалување на рекордниот број на илегални преминувања на границите. Законот содржи и голем пакет помош за Украина, која сега исто така пропадна.

Според голем број републиканци компромисот за изборната година не е доволен, иако поддржувачите на законот инсистираа дека тоа е најдоброто можно решение со оглед на поделбите меѓу републиканците и демократите.

За донесување на законот беа потребни 60 од 100 гласа, но 49 гласа беа против.

Повеќето републиканци најавија дека ќе гласаат против нацрт-законот, кој исто така вклучува 60 милијарди долари воена помош за Украина и 14 милијарди долари за Израел и е поддржан од претседателот Џо Бајден.

Републиканските пратеници инсистираа парите за конфликти во странство да се усогласат со помош за границата со САД.

Претседателот Џо Бајден остро ги нападна републиканците во Конгресот откако тие го блокираа двопартискиот договор за границата и пакет помошта за Украина и за Израел.

Тој истакна дека „никогаш не помислив дека ќе видам нешто слично на она што го гледаме сега“ на Капитол Хил и го обвини својот противник, поранешниот претседател Доналд Трамп.

- Републиканците се откажуваат од договорот бидејќи Доналд Трамп почна да им се јавува и да им се заканува, наведе Бајден

The post Лоша вест за Зеленски: Американскиот Сенат не изгласа финансиска помош за Украина appeared first on Република.

Комитетот за надворешни работи на американскиот Сенат усвои нацрт-закон со кој се отвора можност за конфискација на руски имоти во САД и предавање на тие пари на Украина за финансирање на реконструкцијата од уништувањето на војната.

На гласањето на сенатската комисија, 20 членови гласаа „за“ и еден против, а доколку тој предлог-закон биде усвоен и од Претставничкиот дом и од Сенатот, а биде потпишан од американскиот претседател, ќе се отвори патот за конфискација на руски имот во САД.

Сенаторот Бен Кардин, претседател на комисијата за надворешни работи од редовите на Демократската партија, изрази оптимизам дека овој предлог ќе стане закон и додаде дека и демократите и републиканците „нашироко го поддржуваат“.

По избувнувањето на конфликтот и руската инвазија на Украина во 2022 година, ЕУ, САД, Јапонија и Канада замрзнаа околу 300 милијарди долари средства во сопственост на руската централна банка, но само околу пет до шест милијарди долари од тоа се во САД, додека најголемиот дел од парите во Европа, во Еуроклиар (Euroclear), централен депозитар за хартии од вредност лоциран во Белгија.

The post Комисија во американскиот Сенат усвои предлог-закон за конфискација на руски имот appeared first on Република.

Во четвртокот, американскиот Сенат го усвои законот за кој преговараа претседателот Џо Бајден и претседателот на Конгресот Кевин Мекарти за зголемување на лимитот на американскиот долг за 31,4 милијарди.

Сенатот го усвои законот со 63 гласа „за“ и 36 „против“, кој во средата го изгласа Претставничкиот дом по неколкумесечни несогласувања меѓу демократите и републиканците.

Министерството за финансии претходно предупреди дека нема да може да ги плати обврските доколку до 5 јуни не се донесе мерка.

„Вечерва избегнуваме неплаќање“, рече лидерот на мнозинството во Сенатот, Чак Шумер.

Пред гласањето, сенаторите отфрлија десетина амандмани, испраќајќи го нацрт-законот до претседателот Џо Бајден на потпис пред крајниот рок.

Според новиот закон, федералниот лимит за задолжување ќе биде суспендиран до 1 јануари 2025 година.

Бајден рече дека двопартискиот договор е голема победа за американската економија и народ.

The post Ќе се спасат ли од банкрот? Американскиот Сенат го усвои нацрт-законот за зголемување на долгот appeared first on Република.

Американскиот Сенат едногласно донесе Резолуција со која рускиот претседател Владимир Путин се прогласува за воен злосторник, што претставува ретка демонстрација на единство во поделениот Конгрес.

Резолуцијата, која ја претстави републиканската сенаторка, Линдзи Греем и која наиде на поддршка од сенатори од обете страни, е поттик за Меѓународниот кривичен суд во Хаг и други нации да целат на руската војска во било која истрага за воени злосторства што се сторени за време на инвазијата на Украина.

„Ројтерс“ го цитира лидерот на демократското мнозинство во Сенатот, Чак Шумер во говорот во пресрет на гласањето.

„Сите ние во оваа сала се здруживме со републиканците и демократите да кажеме дека Владимир Путин не може да избегне одговорност за сторените злосторства над украинскиот народ“, истакна тој.

The post Американскиот сенат го прогласи Путин за воен злосторник appeared first on Република.

Сенатот на САД вчера едногласно усвои резолуција со која рускиот претседател Владимир Путин се осудува како воен злосторник, пренесе ДПА.

Резолуцијата, претставена од републиканскиот сенатор Линдзи Греам и поддржана од сенаторите на двете страни, го охрабри Меѓународниот кривичен суд (МКС) во Хаг и другите земји да ја земат за цел руската војска во секоја истрага за воени злосторства извршени за време на руската окупација на Украина, се наведува во соопштението.

Според лидерот на демократското мнозинство во Сенатот, Чак Шумер, демократите и републиканците се здружија за да кажат дека „Владимир Путин не може да избега од одговорноста за злосторствата извршени врз украинскиот народ“, додава ДПА.

Минатата недела, двата дома на американскиот Конгрес го одобрија законот со кој се обезбедува помош од 13,6 милијарди долари за Украина и нејзините европски сојузници. Американскиот претседател Џо Бајден законот го потпиша вчера.

The post Американскиот Сенат го прогласи Путин за воен злосторник appeared first on Република.