Претседателот на Украина, Володимир Зеленски синоќа издаде указ именување нови амбасадори во Летонија, Бахреин и во Бугарија.

Во Бугарија е назначена Олесија Илашчук на местото на Виталиј Москаленко кој ја предводеше украинската дипломатска мисија во таа држава од септември 2018 година

The post Зеленски назначи нов амбасадор во Бугарија appeared first on Република.

Новата македонска амбасадорка во Бугарија, Агнеса Руси Поповска не е добредојдена на конститутивната седница на новото бугарско собрание, закажана за 19 октомври, дознава „Стандард“.

Според информациите на бугарскиот медиум, покрај руската амбасадорка во Бугарија, Елеонора Митрофанова, која беше прогласена за непожелна на седницата, пратениците под знак прашалник го ставиле и присуството на македонската амбасадорка и дали таа треба да влезе во тамошното Народно собрание, откако бугарската национална химна беше исвиркана на фудбалскиот натпревар во Скопје.

Ова доведе до жестока дискусија за време на прелиминарниот состанок за деталите од почетната седница, распределбата на местата во салата од парламентот. Згора на тоа, Скопје има нов амбасадор и вака пречекот ќе ги наруши односите меѓу двете земји, пишува бугарскиот медиум.

Се додава дека денеска на иницијатива на партијата Демократска Бугарија ќе има нова средба на која ќе се допрецизира ставот за Митрофанова и Руси Поповска.

The post Македонската амбасадорка Поповска непожелна на конститутивната седница на новото бугарско собрание? appeared first on Република.

За амбасадор во Софија ќе биде испратен еден од најискусните дипломати во Министерството за надворешни работи. Владата го прифати предлогот на МНР за амбасадор во Бугарија и го однесе на претседателот на државата, информира денеска по брифингот за новинарите шефот на дипломатијата Бујар Османи.

Амбасадор во Софија ќе биде еден од најискусните дипломати во МНР и намерно така е одлучено искусен дипломат да се испрати во Софија во услови кога сакаме да ја вратиме довербата и да ги надминеме разликите. Меѓутоа, не можам да коментирам за името додека не се добие агреман, меѓутоа барањето за агреман што значи и одобрување од страна на претседателот е добиено и веќе е пратено во бугарското МНР, наведе Османи.

Дел од македонските медиуми во почетокот на неделава го споменаа името на Агнеса Руси за амбасадор во Софија, која е дипломатка од кариера а во моментов е шефица на македонската мисија при ЕУ во Брисел од 2018 година. 

Македонија е без амбасадор во соседна Бугарија од април 2020 година, додека вршител на должноста амбасадор ја извршуваше Владимир Крстевски.

The post Османи навестува, но не открива точно кој: Еден од најискусните дипломати од МНР ќе биде амбасадор во Софија appeared first on Република.

Министерот за надворешни работи Бујар Османи во изјава за бугарската БТВ најави дека за неколку дена ќе има предлог за амбасадор во Бугарија.

Како што јавува дописникот на МИА од Софија, министерот Османи оценил дека е грешка што во текот на овие години Македонија немала амбасадор во Бугарија, но изразил надеж дека во следните денови тоа ќе се случи.

Последниот амбасадор на Македонија во Бугарија беше Марјан Ѓорчев чиј мандат заврши на крајот на март 2020 година.

The post Османи најави дека за неколку дена ќе има предлог за нов македонски амбасадор во Бугарија appeared first on Република.

За неколку дена ќе има предлог за амбасадор на Македонија во Бугарија. Ова во интервју за bTV го соопшти министерот за надворешни работи на Република Македонија.

Од април 2020 година, Скопје нема претставник во Софија.

„Се согласувам со вас дека ни беше грешка што немавме амбасадор во Бугарија сите овие години. Изјавувам дека сè уште немаме дефинитивно име, но во наредните денови ќе дадам предлог за амбасадор на Македонија во Софија“, рече Бујар Османи.

The post За неколку дена ќе се знае предлогот за македонски амбасадор во Бугарија appeared first on Република.