Во Театар Комедија во Скопје вечер премиерно ќе биде изведена претставата „Ало! Ало!“ во режија на режисерот Синиша Евтимов.

Како што информира Театар Комедија – Скопје, „Ало! Ало!“ е духовита пародија на историските случувања и на човековите слабости во обидот да се сочува главата во налетот на насилството. Дејството е сместено во скопската кафеана „Кај Јорго“, во окупираното Скопје за време на Втората светска војна. „Кај Јорго“ е сврталиште на високите претставници на фашистичкиот окупатор во Скопје и на членовите на Отпорот, а сопственикот на кафеаната, Јорго, се труди да ги „менаџира“ односите со двете страни и да се одржи жив среде војната.

Во претставата играат: Атанас Атанасовски, Жаклина Петровска, Валентин Костадиновски – Тино, Сергеј Димовски, Тони Денковски, Виктор Арсов, Јаков Спасов, Столе Мицов, Илија Илиоски, Наталија Теодосиева, Маја Љутков, Елена Кузманов, Григор Јовановски и Стефан Николовски.

Илина Ангеловска е сценограф, Александар Ношпал – костимограф, Борјан Стојков – асистент на режија, Марија Ѓорѓиевска – асистент на сценографот и Ивана Каранфиловска – асистент на костимографот. Одговорен зад сцената е инспициентот Александар Јорданов, текстуална поддршка на актерите им дава суфлерката Зорица Манаскова Станковиќ, а за тонот и светлото се задолжени тон-мајсторот Георгиј Полизов и светло-мајсторите Слободан Илиоски и Виктор Лазаревски.

Претставата ќе биде дел од редовниот репертоар на Театар Комедија.

The post Премиера на Синиша Евтимов во Театар Комедија: „Ало! Ало!“ е духовита пародија на историските случувања и на човековите слабости appeared first on Република.

Британскиот актер Робин Паркинсон, најпознат по улогата на Леклер во култната хумористична серија „Ало, Ало!“, почина на 92-годишна возраст.

Паркинсон беше добро познато лице на англиската комедија во седумдесттите и осумдесеттите години на минатиот век. Тој глумеше и во комедите The Young Ones, Dad’s Army, The Two Ronnies и други.

Во соопштението објавено во име на неговото семејство се наведува: „Робин Паркинсон, актер познат по ‘Allo!’ Allo! и како глас од детската серија Button Moon, почина мирно на 92-годишна возраст. Покрај него беа сопругата и ќерките.“

Неговата кариера траеше повеќе од четири децении во филмот, театарот и телевизијата, вклучително и бројни ТВ-серии – Girls About Town, The Many Wives Of Patrick, The Young Ones и Rising Damp.

Фановите ќе го паметат по улогата на Ернест Леклер и познатата реплика: It is I, Leclerc!

The post Почина Робин Паркинсон, актерот од култната серија „Ало, Ало!“ appeared first on Република.