Французинката Ализ Корне ја коментираше судската одлука за укинување на визата на Новак Ѓоковиќ, по што српскиот тенисе ќе мора да ја напушти Австралија и нема да има можност да ја брани титулата на Австралија опен.

Знам премалку за да судам за ситуацијата. Но, можам со сигурност да кажам дека Новак е секогаш прв кој се залага за тенисерите. Сега покажавме дека никој од нас не застана во негова одбрана. Држи се Новак - напиша Корне на Твитер.

Брзо потоа, француската тенисерка испрати порака до оние кои ја злоупотребуваа секоја порака со поддршка за Ѓоковиќ.

И не ме нарекувајте антиваксер, ве молам! Ви благодарам - порача Корне.

Федералниот суд на Австралија утрово одлучи да му ја укине визата на светскиот рекет број еден со што тој мора да ја напушти Австралија и нема да може да игра на Грен слемот во Мелбурн.

https://republika.mk/sport/ostanati-sportovi/gjokovikj-go-zagubi-sporot-pred-federalniot-sud-mora-itno-da-ja-napushti-avstralija/

The post Французинката Ализ Корне: Новак секогаш прв застанува во одбрана на тенисерите, а никој од нас не застана зад него appeared first on Република.