Италијанскиот фудбалски прволигаш Удинезе официјално го објави трансферот на 35-годишниот чилеански напаѓач Алексис Санчез, кој со клубот од Удине потпиша двегодишен договор.
Чилеанскиот голгетер се враќа во редовите на Удинезе чиј дрес го носеше од 2006 до 2011 година. Во овој период настапи на 112 натпревари во сите натпреварувања, постигнувајќи 21 голови.

Клубот го враќа во семејството на Бјанконерите најголемиот талент откриен од скаутинг-одделот на клубот, кој го напушти Фриули за да стане еден од најголемите шампиони во последните 15 години на големите меѓународни сцени. Тринаесет години подоцна повторно се среќаваме со него, уште поенергичен и борбен од кога било за да постигнеме нови успеси“, се вели во соопштение на Удинезе.

Санчез во 2011 година се пресели од Удинезе во Барселона, а настапуваше и за Арсенал, Манчестер Јунајтед, Интер и Олимпик Марсеј.

The post Чилеанецот Алексис Санчез се врати во Удинезе appeared first on Република.

Извршниот директор на Интер, Џузепе Марота изјави дека поранешниот напаѓач на „нероаѕурите“, Алексис Санчез, го известил за неговата желба да се врати во италијанскиот клуб.

Санчез сака да се врати овде. Алексис ни испрати јасни сигнали за неговата желба да се врати во Интер, вистина е, го цитира Марота новинарот Фабрицио Романо.

Чилеанскиот напаѓач играше за Интер од август 2019 до август 2022 година. Заедно со тимот го освои италијанското првенство, како и Купот и Суперкупот на земјата.

Чилеанецот има 109 настапи за Интер во сите натпреварувања, на кои има ефект од 20 гола и 23 асистенции.

Во сезоната 2022/23, 34-годишниот Санчез одигра 44 натпревари за Марсеј и постигна 18 гола во сите натпреварувања. Во моментов има статус на слободен играч.

Претходно, на 4 август се појави информација дека Санчез би можел да се врати во Барселона, за која играше од јули 2011 до јули 2014 година.

The post Алексис Санчез сака да се врати во Интер appeared first on Република.