Ако Европската Унија се покаже некредибилна во однос на своето ветување за Западен Балкан, за нејзиното соседство, тогаш нема да има никаков кредибилитет како меѓународна геополитичка сила, порача поранешниот грчки премиер Алексис Ципрас во неговиот говор откако му беше доделена наградата за мир за Договорот од Преспа од грчка организација, јави дописничката на МИА од Атина.

За значењето на Договорот од Преспа, за потребата да се почитува од новата власт во земјава, но и за ЕУ перспективата и важноста за целиот регион, говореше, меѓу другото Ципрас откако ја прими наградата за мир „Никос Никофоридис“, што од 2018 година ја доделува мировната организација „Опсерваторија на меѓународни организации и глобализација“, а оваа година беше награден поранешниот грчки премиер за договорот со нашата земја.

Посочи дека Договорот од Преспа „има особена важност“ и дека не смее да се дозволи „да се изгуби моментумот создаден за европската перспектива на регионот“.

Како што неодамна кажавме со Зоран Заев, треба јасно да ставиме до знаење дека единствениот пат не само за европската иднина, туку и за иднината на самата Cеверна Македонија како земја е почитувањето на Договорот од нејзиниот нов политички и државен врв, рече Ципрас.

Додаде дека „ова, сепак, не е доволно“, бидејќи потребно е да се врати моментумот за ЕУ интеграцијата на регионот.

Објасни дека за неколку дена ќе биде Белград со Комитетот за Западен Балкан на Советот на Европа, каде што, како што рече, ќе има можност да истакне дека „во време кога дестабилизацијата се интензивира, не смееме да дозволиме Балканот да стане неконтролирана арена за натпревар на сили“.

Не треба да дозволиме национализмот уште повеќе да тлее во регионот. Треба да го вратиме моментумот на европската перспектива создадена со Договорот од Преспа, извлекувајќи го регионот од стагнацијата во која беше во 2018 година. Договорот што претставува модел за решавање на спорови за Западен Балкан, бидејќи докажа дека постои пат до заемно прифатливи решенија кои ги бранат националните интереси, а истовремено промовираат мир. И ако Европската Унија се покаже некредибилна во однос на своето ветување за Западен Балкан, за нејзиното соседство, тогаш нема да има никаков кредибилитет како меѓународна геополитичка сила,

Ципрас говореше и за останатите прашања од грчката надворешна политика, на почетокот на неговиот говор коментираше дека е непријатно да примаш награда за мир среде крвави војни, но и дека „можеби тоа е и можност да се разбере дека борбата за мир не е бесмислена, застарена или чудна“.

Наградата за мир е во спомен на борецот за мир Никос Никифоридис, кој на 23-годишна возраст го предводеше Мировниот младински фронт во 1950 година, кој во Грција го ширел апелот од Стокхолм за укинување на целото нуклеарно оружје, по што бил уапсен, казнет со смртна казна и егзекутиран на 5 март 1951 година во Солун.

Ципрас рече дека е голема чест за него што ја добива конкретната награда што го носи името „на младиот член на младинската организација, кој остана парализиран и слеп“ и кој беше погубен „под обвинение дека собираше потписи за мир“.

Конкретната награда за мир оваа година освен на Ципрас им беше доделена и на двајца претставници на движењето за обединет Кипар.

The post Ципрас доби награда за мир за Договорот од Преспа appeared first on Република.

„ЕУ и меѓународната заедница треба јасно да ги стават на знаење последиците што непочитувањето на Договорот ќе ги има врз регионот, а особено врз иднината на Cеверна Македонија“, истакнал поранешниот грчки премиер Алексис Ципрас за време на Комитетот за Западен Балкан на Советот на Европа, јави дописничката на МИА од Атина.

Ципрас вчера претседаваше во Стразбур со Комитетот, а според информациите од Грција, фокусот бил ставен на важноста на Договорот од Преспа за мирот, стабилноста и европската перспектива на Западен Балкан, особено во време на големи предизвици во регионот.

На состанокот улествувал и поранешниот грчки премиер Јоргос Папандреу., а посебна покана за учество добиле професорите Константинос Филис од Грција и Кристијан Фидановски од Македонија.

Папандреу истакнал дека сè додека регионот е ранлив на националистички конфронтации, ќе бара заштитници и ќе тоне во нестабилност и нови конфликти, а наспроти тоа дека е потребно сите да го почитуваат принципот на добрососедство, на посветеност на демократските принципи, на почитување на човековите права и владеењето на правото и паралелно ја истакнал важноста на Договорот од Преспа за иднината на Западен Балкан и регионалната соработка.

Професорот Фидановски, како и сите членови на Комисијата кои зеле збор, според истите информации, се фокусирале на потребата од верно почитување на Договорот од новата Влада на соседната земја.

Грчкиот професор Филис ја истакнал потребата да се развие европска мапа за Западен Балкан и да се нагласи враќањето на довербата меѓу ЕУ и општествата од земјите од регионот и додал дека патот кон Европа го покажуваат Договорот од Преспа на Ципрас и Заев од 2018 година и Солунската агенда промовирана од Јоргос Папандреу во 2003 година.

На крајот од состанокот, претседавачот со Комитетот Алексис Ципрас подвлекол дека треба да се води активна борбата против национализмот и дестабилизацијата во регионот, а тоа, според него, пред сè значи поддршка на Договорот од Преспа и динамична дипломатска улога на ЕУ на Западен Балкан пред целосно да го загуби својот кредибилитет и дополнително укажал на потребата меѓународната заедница, а особено ЕУ, јасно да ги разјаснат последиците што непочитувањето на Договорот ќе ги има врз регионот, а особено врз иднината на Македонија.

The post „Пријателот“ Ципрас бара ЕУ и меѓународната заедница јасно да ги кажат последиците од непочитувањето на Договорот од Преспа appeared first on Република.

Поранешниот премиер  Алексис Ципрас на конференцијата во Атина призна дека ако неговиот пријател Зоран Заев не прифател да го промени името на својата држава, Грција ќе била под голем притисок да го признае уставното име на Македонија.

Не само што беше вистинското време туку ако не го потпишевме договорот работите можеа да„скиснат“, не само да созреат затоа што шест години подоцна работите многу се променети.Се прашувам ако денес дури и скандинавските земји сакаат да се прикклучат во НАТО каков ќе беше притисокот врз Грција.Без оглед кој е на власт ќе бевме под притисок да го прифатиме уставното име на нашата соседна земја-си призна Ципрас пред Заев.

Нешто што не го забележав по медиуми од конференцијата во Атина, а е добро да се слушне. Бидејќи многу јаки геостратези имаме кои и ден-денес ум даваат. Што вели Ципрас, што ќе се случеше ако не беше потпишан преспанскиот во 2018? pic.twitter.com/p3x5QAo763

— Боби (@BatmanSaysT) June 19, 2024

The post Ципрас призна дека ако Заев не го променел, Грција ќе морала да го признае уставното име на Македонија appeared first on Република.

Грчките медуми се гневни на однесувањето на известувачот на Советот на Европа за Косово Дора Бакојани која предложи Косово да биде примено во најстарата европска организација.

За предлогот четворица пратеници  гласале „за“, и тоа: самата Дора Бакојани, Ана Ефтиму, Јоргос Стаматис, Еврипидис Стилијанидис.

[caption id="attachment_43983" align="alignnone" width="640"] (фото: Влада на РМ)[/caption]

Единствена што гласаше против  беше Нина Касимати од Сириза, додека Алексис Ципрас и Јоргос Папандреу беа воздржани.

The post Пријателот на Заев: Ципрас беше воздржан на гласањето за прием на Косово во Советот на Европа appeared first on Република.

Потребата Косово да преземе дополнителни дејствија за неговото членство во Советот на Европа да придонесе за мир, но и потребата за дополнителна дискусија со земјите кои не го признаваат околу статусот под кој би бил приемот, ги истакнал поранешниот грчки премиер Алексис Ципрас, кој воедно е и претседател на поткомитетот за Западен Балкан на Советот на Европа за време на расправата во Париз на Политичкиот комитет на Парламентарното собрание на СЕ, јави дописничката на МИА од Атина.

На расправата и гласањето на извештајот на грчката пратеничка Дора Бакојани за приемот на Косово во Советот на Европа, Ципрас ги поздравил извештајот, перспективата за членство на Косово и фактот што земјата ја призна правната сопственост на манастирот Високи Дечани.

Сепак, истакнал дека тоа не е доволно како единствен услов и дека се потребни дополнителни активности од Приштина особено во однос на формирањето на Заедницата на српските општини и законот за експропријација на малцинските имоти за интеграција на Косово во организацијата.

Паралелно потенцирал дека тензијата е многу зголемена во регионот со заемна одговорност на страните и потребни се повеќе авансни гаранции за приемот на Косово во Советот на Европа вистински да се придонесе за мирот на Балканот.

Додал дека е потребна дополнителна дискусија со земјите кои не го признаваат Косово за статусот под кој ќе се приклучи на организацијата.

Извештајот за Косово вчера беше усвоен од Комисијата за политички прашања, а следен чекор е пленарна расправа, која ќе се одржи на 18 април.

Како што вчера јави дописникот на МИА од Белград, вицепремиерот и министер за надворешни работи на Србија Ивица Дачиќ изјави дека за одлуката на Политичкиот комитет на Парламентарното собрание на Советот на Европа за препораката за прием на Косово во членство во Советот на Европа е срамна и скандалозна.

The post Ципрас: Потребни се дополнителни дејствија од Косово за приемот во Советот на Европа да придонесе за мир appeared first on Република.

https://republika.mk/vesti/makedonija/tsipras-dojde-so-strumichko-be-em-ve-mu-donese-uzo-od-granitsa-na-zaev/

The post Ципрас се запозна со родителите на Заев: Се надеваме дека им кажал оти има сериозни намери со нивниот син appeared first on Република.

Поранешниот грчки премиер Алексис Ципрас дојде во Струмица да го посети својот другар Зоран Заев.Досегашниот лидер на СИРИЗА дојде во познато струмичко кафуле со „Бе-ем-ве“ со струмички регистарски ознаки а на својот пријател му донесе узо.

Средбата помина во пријатна и релаксирачка атмосфера.

The post Ципрас дојде со струмичко „бе-ем-ве“, на Заев му донесе узо од граница appeared first on Република.

Поранешниот македонски премиер Зоран Заев му посака добредојде во Струмица на поранешниот грчки премиер Алексис Ципрас.

Добредојде во Струмица за другарот Алексис Ципрас кој денеска ми е на гости во приватна посета. Се потсетуваме на нашите заеднички напори и придонеси кон мирот и стабилноста на Балканот и разговараме за предизвиците пред кои регионот е денес исправен. Особена чест ми е што пријателството меѓу Македонија и Грција и моето другарство со Алексис преминуваат во трајни и скапоцени вредности, напиша попладнево Заев на Фејсбук.

Дописничката на МИА од Атина денеска јави дека станува збор за еднодневна приватна посета.

Во периодот кога Заев и Ципрас беа премиери на двете земји беше потпишан Договорот од Преспа, а оттогаш одржуваат пријателски односи.

На Конгресот на СИРИЗА одржан минатата година, додека Ципрас беше претседател на партијата, присуствуваше и Заев кој им се обрати на членовите на партијата.

The post Алексис Ципрас на гости во Струмица кај Зоран Заев appeared first on Република.

Поранешниот грчки премиер Алексис Ципрас денеска е во приватна посета на Струмица, на покана на поранешниот премиер на Македонија Зоран Заев, јави дописничката на МИА од Атина.

Според информациите на МИА од Атина, станува збор за еднодневна приватна посета.

Во периодот кога Заев и Ципрас беа премиери на двете земји беше потпишан Договорот од Преспа, а оттогаш одржуваат пријателски односи.

На Конгресот на СИРИЗА одржан минатата година, додека Ципрас беше претседател на партијата, присуствуваше и Заев кој им се обрати на членовите на партијата.

The post Ципрас на гости кај Заев во Струмица appeared first on Република.

Меѓу Стефанос Каселакис и Ефи Ахциоглу, односно меѓу двајцата кандидати кои минатата недела добија најголем број гласови, но недоволно за да биде избран претседател на СИРИЗА во првиот круг, членовите на партијата денеска избираат нов лидер, јави дописничката на МИА од Атина.

Најголемата грчка опозициска партија гласа во вториот круг за избор на наследник на Алексис Ципрас кој 15 години ја водеше СИРИЗА, а пред речиси три месеци си поднесе оставка.

Во првиот круг имаше голем одѕив кај членовите на партијата, гласаа нешто помалку од 150.000, од кои речиси една четвртина се зачленија на денот на изборите, а победник беше 35-годишниот Каселакис со 44,91 отсто од гласовите, додека пак 38-годишната Ахциоглу доби 36,18 проценти, односно 12.800 гласа помалку.

Бизнисменот Стефанос Каселакис, кој живее и работи во САД, а речиси во последен момент ја достави кандидатурата за лидер на СИРИЗА, по соопштувањето на резултатите во неделата рече дека „беше направен првиот чекор за земјата набргу да добие прогресивна Влада“.

Поранешната министерка и актуелна пратеничка од СИРИЗА Ефи Ахциоглу порача дека вториот круг ќе биде пресуден и ќе се одреди дали „битките што ќе се водат се политички или не“, но и дека опозициската партија „не може да плови во матните води на лесни решенија“.

Фактот што Каселакис, до доставувањето на кандидатурата за претседател на СИРИЗА беше речиси целосно непознат за грчката јавност, без да биде еден од главните партиски играчи, предизвика интерес кај медиумите во Грција.

Од друга страна, внатрешноста на партијата се подели на два табори, еден со поддршка за Каселакис, другиот со поддршка за Ахциоглу.

Паралелно не изостанаа ни меѓусебните препукувања на двајцата кандидати.

За денешните избори, отворени се вкупно 538 гласачки места во цела Грција, гласањето ќе трае од 8 до 20 часот, а право на глас имаат сите кои гласаа во првиот круг, како и оние кои се веќе членови на СИРИЗА, а овој пат не е дозволено зачленување на нови членови во текот на денешниот ден на самите гласачки места, како што беше случај минатата недела.

The post Се бара наследник на другарот на Заев: СИРИЗА избира нов претседател appeared first on Република.

Пет години по Договорот од Преспа, поранешниот премиер на Македонија, Зоран Заев, зборуваше на вестите на  Уан канал со водителот Ренато Лека за ратификацијата на меморандумите од грчкиот парламент, за неговиот „брат Алексис Ципрас “ и за изборите во СИРИЗА, војната во Украина но и иднината на Западен Балкан во Европската Унија.

-Заедно со тогашниот премиер, господинот Ципрас, направивме чекор и го отворивме патот за нова перспектива и подобра иднина за нашите земји. Пред пет години, храброста и визијата на тогашните влади на Атина и Скопје ставија крај на тековното горчливо несогласување, воведувајќи нова ера на соработка и регионална стабилност. Со Договорот од Преспа невозможното го направивме возможно. Покажавме дека дипломатијата може да ги надмине конфликтите и поделбите, го ставивме поголемото и општо добро над сопствените интереси. Денес Македонија, е горда и достојна членка на НАТО, сојузник со Грција. Ние споделуваме заеднички визии за безбедност и мир во светот со најголемиот безбедносен сојуз. Договорот од Преспа ја приближи и Македонија до Европската Унија. Благодарение на големата поддршка од Грција и со другите партнери и поддржувачи сме посветени на градење посветла иднина за нашите граѓани и генерациите што доаѓаат, изјави Заев за Преспанскиот договор со кој двете земји компромисно ги надминаа децениските несогласувања и државата го смени името во Република Македонија.

The post Заев: Ципрас ми е како брат appeared first on Република.

Знам дека нема потреба особено да го охрабрувам Алексис, но еве и јавно ќе порачам дека по крајот на една ера секогаш доаѓа нова, а ние, современите социјалдемократи, секако ќе бидеме витален дел од одбраната на демократијата и во новата ера, каква и да е, вели поранешниот македонски премиер Зоран Заев за грчкиот весник „Ефимерида тон синдактон“, коментирајќи ја оставката на Ципрас од лидерската позиција во СИРИЗА.

Новинарот пишува дека телефонскиот разговор што го имал со поранешниот премиер, Заев го започнал со фразата „Алексис Ципрас за мене е како брат“ и со задоволство прифатил да говори за сега веќе поранешниот лидер на СИРИЗА и да му упати порака преку весникот.

Заев истакнува дека оставката ја гледа како „чин на преземена одговорност пред членството на СИРИЗА и пред грчкиот народ“ и додава дека „од врвни демократски политичари како него треба да се очекува токму тоа, искрена борба за цели и идеали, но и отчетност и одговорност“.

Ваквите промени на политичката сцена треба да се гледаат како моменти за пресврт, за промислување, за нови стратегии и планови, за иноваци и креации. Ципрас веќе е препознаен како историска личност на современата грчка и европска политика. Тој е демократски левичарски капацитет кој ги инспирираше левичарите, социјалистите и социјалдемократите во регионот и пошироко. Сигурен сум дека неговото визионерство, широкоградост и мудрост ќе продолжат да нѐ инспирираат без разлика на неговата оставка, истакнува Заев.

Тој потенцира дека нема простор за големи разочарувања, бидејќи „Алексис е тука, здрав, жив, витален“ и изразува убеденост дека „ќе изнајде безброј други начини да продолжи да придонесува кон приниципите на солидарноста и соработката и кон јакнење на грчкото и европското социјалдемократско семејство“.

Во однос на Договорот од Преспа, поранешниот македонски премиер вели дека за време на преговорите наспроти него имал „вистински лидер, голем патриот, пријателски настроен, позитивен и целосно посветен на она што се обидувале да го постигнат“.

Од денешна перспектива, сигурен дека Договорот од Преспа немаше да беше можно да се создаде со било кој друг грчки актуелен современ политичар. Оттука, големината на Ципрас не исклучителна само поради креативноста и квалитетот на решенијата од договорот, туку и поради контекстот, историјатот и околностите на балканската и европската политичка мапа изминативе 30-ина години, посочува Заев.

На новинарот му рекол дека она што го постигнале со Ципрас во Преспа „охрабри многу лидери во светот да преземат суштински чекори за мир и да потпишат договори за доброто на нивните народи“.

Мислам дека најважното нешто за Алексис Ципрас, најважното нешто за еден лидер, е тоа што не му беше важна политичката цена, туку само интересот на неговиот народ и неговата земја, истакнал поранешниот премиер во разговорот со новинарот од „Ефимерида тон синдактон“.

Заев паралелно се потсетува и на денот кога беше постигнат договорот и кога преминале на македонската страна од Преспанското езеро, а присуството на Ципрас ги освоило граѓаните, додавајќи дека можеби и се вратил гладен во Грција бидејќи постојано бил меѓу народот, а се осврнува и на моментот кога му ја подари вратоврската.

Освен нашите преговори, беше под голем стрес и за решавање на прашањето со долгот на Грција. Многу интензивно се сеќавам на ова, со мене ја споделуваше неговата загриженост како ќе успее да го постигне тоа. Тогаш ми кажа дека ќе стави вратоврска само ако го подмири долгот. Затоа му ја подарив, бидејќи бев сигурен дека ќе успее. И успеа!“, истакнува Заев.

За конкретната вратоврска, Ципрас во интервју за МИА пред откри дека ја чувал во фиоката од бирото, за како што рече, да го потсетува „на историскиот момент, на храбриот чекор напред за пријателство и соработка народи, што беше потпишувањето на Договорот од Преспа“.

The post Заев го пофали Ципрас за оставката во СИРИЗА: Чин на преземена одговорност пред членството и пред грчкиот народ appeared first on Република.

Одлучив да предложам избор на ново раководство на партијата, за кое нема да бидам кандидат, порача лидерот на СИРИЗА Алексис Ципрас во денешната вонредна изјава по состанокот на извршната канцеларија на партијата по поразот на изборите, јави дописничката на МИА од Атина.

Ципрас рече дека дојде време да се отвори нов циклус во СИРИЗА.

Грчката опозициска партија претрпе голем пораз на двојните парламентарни избори во Грција.

На првите избори во мај, СИРИЗА доби 20 од гласовите, двојно помалку од Нова демократија, а на вторите избори во неделата, дополнително се зголеми разликата меѓу двете партии (на 22,73 проценти), левичарската партија загуби гласови, освојувајќи 17,83 проценти.

Алексис Ципрас 15 години ја водеше партијата, а во периодот од јануари 2015 година до јули 2019 година додека СИРИЗА беше на власт, беше премиер на Грција.

The post Ципрас си поднесе оставка од функцијата претседател на СИРИЗА appeared first on Република.

На почетокот на својот говор на официјалното отворање на Преспа форум за дијалог „Пет години по Преспанскиот договор: предизвици претворени во можности“, премиерот Ковачевски им оддаде признание на двајцата лидери, поранешните премиери на Македонија и Грција, Зоран Заев и Алексис Ципрас.

Без Заев и Ципрас, денеска ќе беше само уште еден обичен ден, рече премиерот.

Со договорот од Преспа и сите следни чекори до денес, ние ја обновивме вербата во дипломатијата, промовирајќи го отворениот дијалог како придобивка. Со тоа покажавме применлив и функционален пример за решавање на кризи што има посебно значење во денешниот геополитички контекст на случувања, за решавање слични предизвици пред кои што се исправени и регионот и Европа денес, порача вечерва од Струга премиерот на официјалната сесија за отворање „Пет години по Преспанскиот договор: предизвици претворени во можности“ на Преспа форумот за дијалог.

Ковачевски оцени дека одржливи решенија се постигнуваат на маса каде што се води дијалог, меѓу лидери кои имаат политичка волја да се разберат и во името на доброто на својот народ и на својата држава.

Земјите-членки на ЕУ, на НАТО, САД, во Македонија денес гледаат како фактор на стабилност и безбедност во Европа. Поради сето тоа, денес реалистично гледаме на 2030 година како на достижна цел за полноправно членство на државава во ЕУ, нагласи тој.

Ковачевски истакна дека Македонија покажа дека ниту еден искрен напор не е залуден.

И кога велам дека постои доказ, тогаш најдобар доказ е Договорот од Преспа, којшто пред пет години беше решение за билатерален спор а денес е модел за перспективи за иднината, рече вечерва Ковачевски на панелот „Пет години по Преспанскиот договор: предизвици претворени во можности“.

The post Ковачевски на Преспа форумот: Без Заев и Ципрас, денеска ќе беше само уште еден обичен ден appeared first on Република.

Она што го помислив беше оставка, тоа беше првото чувство и не беше минливо, тоа беше нешто што ме мачеше со часови и денови, но кога го надминав шокот, сфатив дека единственото нешто што немам право да го правам е да дезертирам, откри лидерот на СИРИЗА Алексис Ципрас говорејќи за изборниот резултат пред десет дена, јави дописничката на МИА од Атина.

На изборите на 21 мај СИРИЗА загуби од Нова демократија со над 20 отсто разлика, односно доби двојно помалку гласови од првата партија, а во интервјуто за грчката телевизија „Стар“, прво по изборите, Ципрас истакна дека резултатот за нив бил „болен и голем шок“.

-За нас тоа беше шок, шок кој ни создаде големи чувства на тага и разочарување. Не го очекувавме. Затоа, во овој момент она што ни е важно е да го надминеме овој шок, да се прегрупираме и да ги исправиме грешките, посочи Ципрас.

Објасни дека не ги бараат виновниците и причините за поразот кај граѓаните или кај противниците, туку во самата политика на партијата „во начинот на кој ја раширивме нашата порака, начинот на кој ја соопштувавме нашата порака“.

Ципрас откри дека по изборниот резултат помислил на оставка, но подоцна сфатил дека нема право да го стори тоа пред историјата и пред 1.200.000 граѓани кои гласаа за нив, дека нема право да дезертира и да ги остави сами неговите сопартијци „во тежок момент“.

Истакна дека не ги чека реванш, бидејќи резултатот од претходното гласање нема да се најде на следните избори на 25 јуни

The post Исто како Заев: По убедливиот пораз Ципрас размислува за оставка appeared first on Република.

The post Пријателот на Заев убедливо загуби на изборите во Грција appeared first on Република.

Лидерот на СИРИЗА, Алексис Ципрас, телефонски му честитал на претседателот на Нова демократија и актуелен премиер на Грција, Кирјакос Мицотакис, за победата на парламентарните избори.

Информацијата ја објавија грчките медиуми повикувајќи се на извори од двете партии, без да има дополнителни детали околу телефонскиот разговор.

Според официјалните податоци од грчкото Министерство за внатрешни работи со пребројани 80 отсто од гласовите, Нова демократија е победник на изборите со 40,82 отсто, 20 повеќе од СИРИЗА.

The post Ципрас телефонски му честитал на Мицотакис за победата на изборите appeared first on Република.

Предизборниот период во Грција кулминира со митинзи и централни говори во Атина на лидерите на грчките партии, кои веќе, на четири дена пред изборите, ги трчаат последните километри од предизборниот маратон, јави дописничката на МИА од Атина.

Претседателот на социјалистичката ПАСОК- Движење на промена Никос Андрулакис, која според рејтинзите е трета политичка сила во Грција и генералниот секретар на Комунистичката партија Димитрис Куцубас, вечерва на две различни локации ќе ги одржат нивните собири во Атина.

Четврток пред изборите, традиционално е резервиран за предизборен митинг на опозициската партија, односно СИРИЗА во конкретниот случај, а лидерот Алексис Ципрас ќе одржи говор на плоштадот Синтагма пред грчкиот Парламент.

В петок, на последниот ден од предизборниот период, централен собир и говор во Атина ќе одржи актуелниот премиер и претседател на Нова демократија Кирјакос Мицотакис, кој се очекува да ја опише програмата за следните четири години, доколку добие нов мандат од граѓаните.

Лидерите на партиите, особено на Нова демократија и СИРИЗА, освен традиционалните митинзи и интервјуа за информативните емисии, вестите, весниците итн, одбраа да говорат и за поопуштени теми,  гостувајќи во забавни емисии и кај млади блогери и јутјубери, а паралелно Мицотакис и Ципрас се активни на социјалните мрежи, особено на Тик ток.

Централниот слоган на владејачката Нова демократија е „Стабилно, храбро, напред“ додека на опозициската СИРИЗА „Правда за сите“.

Според истражувањата на јавното мислење во Грција, Нова демократија е на првото место, втора е СИРИЗА, а трета ПАСОК – Движење на промена, додека пак околу десет отсто, односно еден од десет анкетирани сè уште не одлучиле за кого ќе гласаат.

Изборите в недела ќе се спроведат според пропорционалниот модел што не предвидува бонус од 50 пратеници за партијата победник, што значи дека ќе биде многу тешко да се формира еднопартиска Влада, а доколку партиите не коалицираат, земјата ќе оди на втори избори на почетокот на јули.

The post Избори во Грција: Дали пријателот на Заев ќе се врати на власт? appeared first on Република.

Ставот дека доколку СИРИЗА победи на изборите ќе може да формира Влада со третата партија, односно со ПАСОК, го изрази лидерот на СИРИЗА Алексис Ципрас во интервјуто за неколку грчки локални телевизии, јави дописничката на МИА од Атина.

Ципрас истакна дека прашањето „што ќе се случи следниот ден по изборите“ е „прашање за една милијарда“, посочи дека оној што ќе биде прв, „ќе има можност да ја одреди играта на постизборните соработки“, но и да формира Влада.

Ако е СИРИЗА прва ќе има можност да формира прогресивна Влада. Првата со третата партија ќе имаат можност да формираат Влада, врз основа на податоците што ги имаме во наши раце во овој момент, објасни Ципрас.

Според истражувањата на јавното мислење во Грција објавени во изминатиот период, а во пресрет на изборите на 21 мај, Нова демократија е прва, СИРИЗА втора со неколку проценти разлика, а ПАСОК – Движење на промена е на третата позиција.

The post Ципрас: Ако СИРИЗА победи на изборите ќе може да формира Влада со ПАСОК appeared first on Република.

Официјализирање на бракот за сите парови, без разлика на полот и правото да имаат деца, доколку СИРИЗА дојде на власт, најави лидерот на партијата Алексис Ципрас во неговата видео порака за време на настанот организиран од ЛГБТ+ групата во партијата, јави дописничката на МИА од Атина.

Ципрас рече дека за актуелниот грчки премиер „иако се декларира како либерален, сè уште не е дојдено времето за клучните прашања и клучните барања на ЛГБТ движењето“ и упати уверување дека со СИРИЗА на власт ова ќе се промени.

Победата на СИРИЗА- Прогресивна алијанса на изборите на 21 мај ќе го отвори патот за прогресивно владеење. А прогресивната влада предводена од СИРИЗА- Прогресивна алијанса ќе го институционализира бракот за сите парови, без разлика на полот со целосни права, вклучително и правото на потомство, рече Ципрас.

Потсети дека за време на Владата на СИРИЗА, во Парламентот беше донесен закон за граѓанско партнерство за истополовите парови.

The post Ципрас им вети на Грците истополови бракови и посвојување деца appeared first on Република.