Владата одлучи дека во сегашните околности Александрополис е толку стратешки, геополитички и енергетски важен за нашата земја што треба да остане под јурисдикција на грчката држава“, изјави Мицотакис за телевизијата АНТ1.

Во септември, Грција доби две обврзувачки понуди за 67 отсто од акциите во пристаништето, откако минатата година четворица понудувачи биле во потесниот избор.

Понудата била поднесена од Quintana Infrastructure and Development, преку Liberty Port Holdings Single Member и International Port Investments Alexandroupolis, заедничко вложување на Black Summit Financial Group, Euroports, EFA Group и GEK Terne.

Александрополис се наоѓа на северот на Грција, блиску до границата со Бугарија и Турција и има потенцијал да стане енергетски центар за Централна Европа.

Планот е да се изгради пловечко складиште за гас и објект за гасификација на течен гас, што е клучно за Европа во енергетската криза предизвикана од намалените испораки на гас од Русија и западните санкции против Москва поради руската инвазија на Украина.

Од почетокот на инвазијата, Александрополис се користи како алтернативен пат за испраќање воена опрема на НАТО во земјите на источното крило, преку Романија и Бугарија.

Управниот одбор на Агенцијата за приватизација ќе се состане во четврток за да го анализира прашањето за пристаништето и следните чекори во неговиот развој, изјавил извор од агенцијата.

The post Мицотакис ја запре приватизацијата на пристаништето Александрополис appeared first on Република.

Шефот на бугарската дипломатија, Николај Милков, во преодната влада, за БНР коментираше дека неговата земја прави напори да ги развие односите со Грција за пристаништето во Александрополис.

Како што јави дописникот на МИА од Софија, Милков наведува дека Бугарија поседува 20 отсто од капиталот на гасниот терминал во овој грчки град, што треба да почне со работа во 2023 година. Бугарија е заинтересирана и за вториот гасен терминал што треба да се гради во Александрополис, како и за приватизацијата на тамошното пристаниште.

На овој начин, Бугарија ќе стане медитеранска земја и ќе се избегнат тесните грла во Истанбулскиот теснец и ризиците за поморскиот транспорт во Црното Море. На овој начин Грција, Бугарија и Романија ќе ја подобрат својата поврзаност и ќе добијат дополнителни геополитички предности од нивното членство во Европската Унија и ќе можат да станат дел од синџирот на снабдување и транспорт, кажа Милков.

Милков коментираше и дека ги има сите причини да мисли дека интерконекторот меѓу Бугарија и Грција за пренос на неруски гас во балканскиот регион ќе стапи во функција на 1 октомври.

Бугарскиот министер за надворешни работи ја отфрли можноста ЕУ да се распадне и рече дека нема таква опасност од раскинување на политиката што ја води Европската Унија.

Инаку, според него, ова била стара стратегија на Москва.

Од времето на Студената војна, Москва се обидува да забие клин меѓу САД и Европа, како и во неа, за да ја зајакне хомогеноста и нивните позиции на европските земји. Натрупаните кризи со кои се соочува ЕУ, почнувајќи од пандемијата на Ковид-19, нарушувањето на синџирите за снабдување, недостигот на основни производи, недостатокот и зголемувањето на цените на енергенсите и суровините, откриваат нови слабости што ЕУ мора да ги надмине, за да станеме поконкурентни и похомогени, прокоментира Милков

The post Бугарија сака да го приватизира пристаништето од каде Македонија треба да добива гас appeared first on Република.