Коалиционите партнери СДС и Левица, подеднакво очајни и бедни, во обид со ширење лажни вести да предизвикаат етничка нетрпеливост и паника кај ѓорчепетровци, реагира градоначалникот на Ѓорче Петров, Александар Стојковски.

Елементарно неписмени ви се информациите за било каква градба во новодонесениот ДУП СЗ16, или издадена градежна дозвола за било кој тип на објект во истиот.

 

Како прво, во новодонесениот ДУП не постои локација како на илустрациите коишто ги закачиле на косовскиот сајт за продажба, како второ ниту е возможно толку брзо да дојде до издавање на градежна дозвола на локација со нерешени имотно правни односи и како конечно, од авион ви се гледа очајот и политичката немоќ и неинвентивност па си се копирате едни со други.

 

Матрицата ви е иста - вазали и поданици, тука нема разлика.

 

И не се секирајте, на вашите стравови набрзо ќе им дојде крај, ќе имате многу време да размислувате каде сте згрешиле.

 

Ќе ве победиме сите заедно, на купче.
Да живее силно Ѓорче Петров!, вели Стојковски во својата реакција.

The post Стојковски: Коалиционите партнери СДС и Левица во обид со ширење лажни вести да предизвикаат етничка нетрпеливост и паника кај ѓорчепетровци appeared first on Република.

Градоначалникот на Општина Ѓорче Петров, Александар Стојкоски беше во посета на училиштето „Страшо Пинџур“ каде што го поминал своето основно образование.

-Дечињата од три класа од 4-то одделение и еден клас од 3-то одделение споделија со мене одлични идеи. Задоволство е да се слушне колку тие се информирани во однос на работата на локалната самоуправа. Во училиштето во кое јас го поминав моето основно образование секогаш ми навираат убави спомени од детските денови. Сега, од позиција на градоначалник, заедно со мојата администрација, а во соработка со директорите, правиме секојдневни напори за подобрување на состојбите во образовните институции, напиша Стојкоски на Фејсбук.

Стојкоски вети дека ќе продолжат со реализација на нови проекти во областа на образованието.

The post Стојкоски се сретна со учениците во ООУ „Страшо Пинџур“ appeared first on Република.

Градоначалникот на Општина Ѓорче Петров, Александар Стојкоски објави дека ветувањата се реализираат и дека решиле децениски проблем.

-Селото Кучково конечно добива водоснабдување согласно потребите на жителите. Ставен е во функција системот за водоснабдување. На денот кога го славиме Свети Георгиј Победоносец, заштитник на манастирот во селото, селото добива вода. За многу години! Кучково конечно добива услови според стандарди. Годинава завршени се големи инфраструктурни чекори во ова населено место, напиша на Фејсбук, Стојкоски.

Инаку, Кучково доби мапирани велосипедска и пешачка патека, нова урбана опрема, а партерно беше уреден локалитетот Крст.

Стојкоски најави дека продолжуваат во насока на реализација квалитетни проекти кои ќе го подобрат животот на жителите на Ѓорче Петров.

The post Стојкоски: Ветувањата се реализираат, ставен во функција системот за водоснабдување во Кучково appeared first on Република.

Данела Арсовска и СДС се во коалиција, Ковачевски потврди имале и средби, плод на коалицијата е директорот на ЈСП кадар на СДС. Димитар Ковачевски јавно призна дека имал средби со Данела Арсовска. А тоа се гледа и по кадровските политики на градоначалничката на Скопје, која за свои први соработници назначува луѓе од СДС. Имено Александар Стојковски, директорот на ЈСП поставен од Данела Арсовска е кадар на СДС. Ова е фотографија од која се гледа Стојковски на партиските состаноци во централниот штаб на СДС - обвини денеска портпаролот на ВМРО-ДПМНЕ, Наум Стоилковски.

Според негозЗаедничкиот интерес на таквата коалиција се тендерите и договорите во 4 очи.

Зошто ЈСП троши повеќе нафта од тоа што трошеше со повеќе автобуси од пред 8 години?

Зошто фирмата на владиниот пратеник е победничката на милионскиот тендер за набавка на нафта за ЈСП?

Одговорите ги крие коалицијата Арсовска - Ковачевски, кои што се одговорни за хаосот.

Данела Арсовска молчи и за долгот на Клинички центар кон ЈП Водовод и канализација. Зошто молчи, ако не се во тајна коалиција?

Град Скопје му должи на ЈП Улици и патишта.

Данела Арсовска го заглавила градот во долгови, неподмирени обврски и во проблеми.

Еден од таквите проблеми е и застојот во јавниот превоз.

Додека делат тендери, Арсовска и Ковачевски ги ставија приватните превозници на милост и немилост, а скопјани со нарушен јавен превоз.

Скопје е блокирано, а скопјани заглавени во сообраќаен хаос, и тоа е вина само на СДС и на Данела Арсовска.

Очигледно е зошто ВМРО-ДПМНЕ ја повлече својата поддршка за Арсовска. Никогаш нема да поддржиме некој кој тргнува во коалиција со криминалци за правење на матни зделки - запраша Стоилковски.

https://www.youtube.com/watch?v=P5esgnl3Mys

The post Стоилковски: Зошто ЈСП троши повеќе нафта од тоа што трошеше со повеќе автобуси од пред 8 години appeared first on Република.

В.д. директорот на Јавното сообраќајно претпријатие Александар Стојковски во интервју за МИА вели дека долгот кон приватните превозници го наследил кога стапил на функцијата пред шест месеци. Смета дека треба да се подмири, но најпрво да се утврди колкав е реалниот долг откако ќе заврши увидот направен од Финансиската полиција и Управата за јавни приходи.

– Со моето стапување на функцијата пред шест месеци во ЈСП, имаше долг кон приватните превозници. Во моето тековно работење, сите доспеани фактури што ни беа доставени од приватните превозници, се редовни исплаќани. Се работи за заостанат долг, којшто ние сакавме тековно пополека да го затвориме. Последната уплата е на 8 ноември. Последниот период направивме анализа, што мислам дека е обврска на секој директор кога ќе дојде да направи комплетна функционална и финансиска анализа на работењето на едно претпријатие. Дојдовме до сознанија дека последните пет години приватните превозници не уплаќале, односно не задолжувале никакви карти, а тоа е нивна обврска којашто е договорена односно јасен е член 5 од договорот меѓу ЈСП и приватните превозници, посочува Стојковски.

Стојковски открива и зошто е раскинат договорот со „Макеспрес“. Ги отфрла како шпекулации информациите дека нема нафта за автобусите на ЈСП и тврди дека нема да има зголемување на цената на билетот без оглед на случувањата на глобално ниво со цената на нафтата.

– Категорично тврдам дека во ЈСП нема недостиг на нафта. Жал ми е што во последниов период има такви шпекулации и невистини по одредени портали и медиуми. Никогаш нема да биде ставено во опасност функционирањето на ЈСП и опслужувањето на граѓаните во Град Скопје. Би сакал да напоменам дека без оглед на случувањата на глобално ниво со покачување на цената на нафтата, ЈСП не планира да направи корекции, односно покачување на цената на билетот, нагласува Стојковски.

Тврди дека автобусите на ЈСП се технички исправни и најавува нови вработувања за возачи поради одлив на кадар по основ на пензионирање.

Ветува и дека Скопјани ќе добијат бесплатен јавен превоз. Вели дека работите се ставени во мирување поради актуелната економска и енергетска криза, но дека се прават подготовки за да се реализира ветеното пред граѓаните на главниот град.

The post Стојковски од ЈСП: Долгот кон приватните превозници е наследен, треба да се подмири, но да видиме колкав е реалниот долг appeared first on Република.

Кадар на СДСМ, поставен од Данела Арсовска го потпиша тендерот во четири очи за набавката на гориво за 118 денари по литар, обвинуваат од ВМРО-ДПМНЕ.

Директорот на ЈСП е кадар на СДС. За тоа сведочат и фотографиите на Александар Стојковски во штабот на СДС.

Стојковски е кадар на Ковачевски и Зечевиќ назначен од Арсовска.

Тоа е тајната коалиција СДС - Арсовска. Кадарот на СДС Стојковски го потпиша тендерот од 27 милиони евра.

Токму ваквите матни зделки со СДС и криминогеноста на Арсовска беше една од причините за повлекување на поддршката на ВМРО-ДПМНЕ за Арсовска, велат од ВМРО-ДПМНЕ.

The post Кадар на СДС, поставен од Арсовска го потпиша тендерот во четири очи за набавката на гориво за 118 денари по литар appeared first on Република.

Дел од членовите на Управниот одбор на ЈСП Скопје поднесоа тужба до Основниот граѓански суд Скопје против в.д. директорот на претпријатието Александар Стојковски и Јавното сообраќајно претпријатие Скопје за јавно изречена навреда и клевета.

На 20.10.2022 год. по налог на в.д. директорот на ЈСП на официјалната веб страна и на фејсбук-страната на ЈСП Скопје објавен е идентичен текст во кој Управниот одбор на ЈСП Скопје неправедно се инволвира како еден од организаторите на штрајкот на синдикатите кој се случуваше истиот ден и дека членовите на УО ќе бидат дел од кривична пријава поради незаконско организирање на штрајк и попречување на работата на претпријатието.
Поради изнесувањето на невистини на официјалните јавни гласила на ЈСП Скопје и проследувањето на истите невистини до медиумите во државата, беше побарано јавно извинување од в.д. директорот до членовите на УО. Од причина што в.д. директорот на ЈСП Скопје одби да се извини на Управниот одбор, дел од членовите одлучија правдата да ја бараат пред надлежните судови во нашата држава, односно доставија Тужба против него за клевета. Поради изнесени невистинити факти и тврдења директно е нанесена штета на честа и угледот на членовите на УО на ЈСП, се вели во соопштението од УО на ЈСП Скопје.

Како што додаваат, целта на ваквото однесување од страна на в.д. директорот била да се префрли вината за настанатата ситуација на Управниот одбор на ЈСП, а со тоа и да се дискредитираат како личности и професионалци во својата работа.

Иако во писменото известување, не се наведени членовите на УО по име и презиме, сепак нивниот идентитет е очевиден со оглед дека на веб-страната на ЈСП, во делот „раководна структура“ јавно се објавени податоците за сите членови на Управниот одбор, што подразбира дека таквите податоци се јавно достапни за целата јавност, велат оттаму.

The post Управниот одбор на ЈСП Скопје со тужба против директорот Стојковски appeared first on Република.

Раководството на ЈСП денеска со неколку автобуси ја блокира улицата пред Владата, поради неисплата на долгот од околу два милиони евра, додека вработените протестираа во кругот на претпријатието, поради неисплатата на заостаната плата.

Секретарот на Град Скопје Зоран Глигоров рече дека скопјани заслужуваат јавен превоз и ќе го добијат, без разлика на проблемите со кои што се соочуваат и без разлика на притисокот што се прави, како од МОН кој не ги исплаќа своите обврски од 120 милиони денари, така и од општините кои имаат долг од околу 40 милиони денари кон ЈСП. Долгот од МОН е за субвенции за вршење линиски превоз за студенти и ученици во средно.

Вработените во ЈСП заслужуваат плати и истите ќе ги добијат. Градот Скопје стои во целост зад нив. Овој притисок што се врши со неплаќање го доведува ЈСП во последните два месеци од функционирање во тековната година да има потешкотии, кои ќе се надминат. Платата не се доцни, се доцни два до три дена моментално и ќе биде реализирана согласно законските обврски, изјави Глигоров.

ЈСП, посочи Глигоров, има наследен долг од над 300 милиони денари и долг кон приватните превозници од над 90 милиони денари, но сепак, како што рече, успешно ги сервисира сите свои обврски.

Глигоров, исто така, изрази уверување граѓаните дека ќе го добијат превоз,тој  нема да биде прекинат и ЈСП ќе функционира во континуитет.

Александар Стојковски, в.д. директор на ЈСП, изрази уверување дека проблемот со платата ќе се надмине.

Плата вработените ќе добијат. Дека ние преговараме и кажуваме дека Владата ни должи, а нивните одговори дека не постои никаков долг, искрено кажано и за време на пандемијата ЈСП ги добивало тие средства и одеднаш зошто се прекинуваат, искрено и ние ги бараме тие одговори, изјави Стојковски.

Прашан, што доколку Владата не ги исплати овие средства, Стојковски рече дека ќе продолжат со радикализација и блокади.

Градоначалничката на Скопје Данела Арсовска вчера оцени дека станува збор за сериозен долг и најави дека автобусите на ЈСП „од утре ќе бидат пред Владата и останатите институции, се додека не бидат подмирени долговите кон ова јавно претпријатие“.Раководството на репрезентативните синдикати на ЈСП вчера најавија дека ќе штрајкуваат се додека не се реализира ветеното, но вработените нема да ја прекинуваат работата.

Од Владата пак, ги отфрлија обвинувањата за каков било долг кон Јавното сообраќајно претпријатие „Скопје“.

Сабајлево, поради дојава за бомба, јавниот автобуски превоз беше во прекин.

Вработените во ЈСП денеска го почнаа протестот пред Владата и пред другите институции поради неисплакање на септемвриската плата.
Раководството на репрезентативните синдикати на ЈСП вчера најави дека ќе штрајкуваат сѐ додека не се реализира ветеното, но вработените нема да ја прекинуваат работата.

https://republika.mk/vesti/skopje/bomba-nema-nezadovolstvoto-eksplodira-avtobusite-na-jsp-se-parkiraa-pred-vladata/

Привршуваат антитерористичките проверки на автобусите на ЈСП откако утрово беше примена дојава за бомба, а вработените со автобусите од Автокоманда се префрлаат пред Владата. Утрово тие излегоа пред дирекцијата на претпријатието во Автокоманда и порачаа: „Сите сме гладни“.

Aко денеска не добиеме плати утре во 16.30 ќе дојдеме со нашите семејства на протест. Сите сме гладни не може да си ги вршиме своите обврски и сите задно ќе бидеме за да го изразиме револтот од политичките партии и се надевам дека денеска ќе седнат и ќе се договорат, изјави денеска Миќо Стојановски од синдикатот на ССМ при ЈСП.

https://republika.mk/vesti/skopje/za-sindikatot-na-jsp-arsovska-i-direktorot-se-krivi-shto-docnat-platite-i-nie-imame-deca-ama-nashite-se-gladni/

Африм Муча, претседател на независниот синдикат на возачите во ЈСП Скопје на денешната прес-конференција најави дека утре рано наутро заедно со семејствата ќе протестираат пред седиштето на ЈСП, ако денеска не им биде исплатена септемвриската плата, а автобусите нема да возат.

Утре се договоривме да дојдеме со семејствата во 4.30 часот сабајле. Градоначалничката и Градот Скопје земаа плата, тие се со полни стомаци, ние сме гладни. Денеска е 19ти, кога ќе добиеме плата, кога ќе јадеме? И ние имаме деца како што таа има деца и како што директорот има деца, рече Муча.

The post Арсовска се сокри од гладните возачи на ЈСП, ги испрати секретарот и директорот да им кажат да се стрпат appeared first on Република.

Африм Муча, претседател на независниот синдикат на возачите во ЈСП Скопје на денешната прес-конференција најави дека утре рано наутро заедно со семејствата ќе протестираат пред седиштето на ЈСП, ако денеска не им биде исплатена септемвриската плата, а автобусите нема да возат.

Утре се договоривме да дојдеме со семејствата во 4.30 часот сабајле. Градоначалничката и Градот Скопје земаа плата, тие се со полни стомаци, ние сме гладни. Денеска е 19ти, кога ќе добиеме плата, кога ќе јадеме? И ние имаме деца како што таа има деца и како што директорот има деца, рече Муча.

Тој додаде дека не знае кој го организира денешниот протест пред Влада и нагласи дека криви за тоа што се уште немаат земено плата се Арсовска и директорот на ЈСП.

https://republika.mk/vesti/skopje/bomba-nema-nezadovolstvoto-eksplodira-avtobusite-na-jsp-se-parkiraa-pred-vladata/

Претседателот на Независниот возачки синдикат на ЈСП, Африм Муча кажа дека добивал вербални закани од страна на в.д. директорот на ЈСП, Александар Стојковски.

Муча кажа дека Стојковски го обвинил дека тој е виновен за инцидентот со дојавата за бомба во автобус на ЈСП.

Дојдовме во 7.30 часот заедно со колегите по дојавата за бомба. Само што стасав, имав инцидент со директорот Александар, кој ме обвини дека сум бомбаш. Утре ќе му поднесам пријава“, кажа Муча.

https://republika.mk/vesti/skopje/pretsedatelot-na-nezavisniot-vozachki-sindikat-na-jsp-afrim-mucha-dobival-verbalni-zakani-od-direktorot-na-jsp/

The post За Синдикатот на ЈСП Арсовска и директорот се криви што доцнат платите: И ние имаме деца, ама нашите се гладни appeared first on Република.

Град Скопје реагира на обвинувањата на член на Советот на Град Скопје, советникот Филип Јаневски од партијата „Глас за Македонија“ дека добил закани од страна на в.д. директорот на ЈСП, Александар Стојковски.

https://republika.mk/vesti/skopje/skandal-direktorot-na-jsp-so-zakani-kon-sovetnikot-janevski/

Оттаму ги демантираат обвинувањата и вината ја насочуваат кон лидерот на ВМРО-ДПМНЕ Христијан Мицкоски.

Работата на ЈСП е саботирана од страна на советниците на Мицкоски во обид да се руинира претпријатието во време на криза.

Коалицијата на Мицкоски која е власт во Град Скопје, носи директна одговорност за неуспесите со кои учествува и раководи преку своите членови во сите управни одбори на јавните претпријатија.

 Апелираме советниците да ги надминат партиските стеги и наместо познатата лицемерна матрица на обид да се прикажуваат како жртва, да работат за доброто на скопјани и реализација на програмата "За Модерно Скопје", наместо да ја саботираат, пишува во реакцијата испратена од Град Скопје.

The post Град Скопје: Советниците на Мицкоски го саборитаат работењето на ЈСП appeared first on Република.

По завршувањето на денешната седница, в.д. директорот на ЈСП Скопје, Александар Стојковски, лично ми се закани дека физички ќе се пресмета со мене, обелодени советникот Филип Јаневски од партијата „Глас за Македонија“.

Критиките кои ги упатив за неговото неработење, непочитување на одлуките на Советот на Град Скопје како и самоволието на директорот, беа причина тој да ми упати закани во неколку наврати! Како млад политичар со интегритет, кој секогаш ги брани интересите на граѓаните, никогаш нема да потклекнам на притисоци и закани од било кој поединец или група и ќе продолжам да работам во интерес на граѓаните на Град Скопје, реагира Јаневски.

Советничката група на ВМРО ДПМНЕ и Коалицијата за Обнова на Македонија најостро ги осуди овие закани.

Кога има недостиг на аргументи тогаш има закани, и уцени како израз на слабост и паника. Тоа говори дека Директорот на ЈСП поставен од Данела Арсовска, а кој доаѓа од партијата СДС, нема храброст да се соочи со аргументите. Тендер коалицијата на Арсовска со СДС, ГРОМ и крими поединци треба да каже дали ова е модерното Скопје кое скопјани го очекуваа?
Арсовска да излезе од крими матрицата и да почне да работи за скопјани. Никој не ви се плаши, велат од Советиничката група.

The post Скандал: Директорот на ЈСП со закани кон советникот Јаневски appeared first on Република.

Александар Стојковски е новиот директор на Јавното сообраќајно претпријатие Скопје (ЈСП).

Стојковски е дипломиран машински инжинер на Машинскиот факултет во Скопје. Има над 20 години работно искуство, а на функцијата доаѓа како претходно вработен во Јавното сообраќајно претпријатие Скопје.

Градоначалничката на Град Скопје, Данела Арсовска на новиот директор му посакува успешна работа, да продолжи со досегашната успешна организациска поставеност на ЈСП, со грижата за вработените и да работи пред се во служба на сите граѓани, воспоставувајќи одлуки кои ќе бидат во интерес за сите граѓани.

ЈСП Скопје ќе продолжи со сите расположливи средства и ресурси да го опслужува јавниот превоз во интерес на скопјани.

Уверени сме дека ќе продолжи домаќинското работење, оптимизацијата на трошоци и консолидирање на претпријатието, како еден од предусловите кон отпочнување на следната фаза до конечно исполнување на ветувањето на градоначалничката Арсовска за бесплатен јавен превоз.

Финансиската позитива во првото тримесечје од годинава, зголемувањето на приходите со над 60 отсто во споредба со минатата година, воведување на бесплатен превоз за возрасните лица, бенефициите за лицата со попреченост, како и повторното функционирање на Жичарницата и ноќните линии, се доказ дека ветувањата се остварливи.

The post Александар Стојковски е новиот в.д. директор на ЈСП Скопје appeared first on Република.