ДКСК мора да отвори предмет и да покаже дали крвното сродство е пресудно за бизнисмени од СДСМ да добиваат тендери во скопска Дрисла, побара портпаролот на ВМРО-ДПМНЕ Наум Стоилковски.

Антикорупциска мора да отвори предмет за механизацијата во Дрисла. Мора да се утврди зошто компанија којашто и сама поседува механизација, за изнајмување на багери за две години исплаќа 850 илјади евра на фирма заради којашто менувала и ставки во огласот од Дрисла? Притоа Договор е склучен во 4 очи. И над сето тоа дали стои крвно сродство меѓу добитник на договор, директор на ЈП со генералниот секретар на владата на СДСМ? ДКСК мора да отвори предмет и да испита наводите дали сестринството на мајките на Драги Рашковски и Александар Пиперевалиев биле пресудни фирмата на струмичкиот бизнисмен да фактурира 850.000 евра за две години од Дрисла? ДКСК мора да одговори дали роднинството меѓу Рашковски и Пиперевалиев е причината за одливање на 850.000 евра од Дрисла?, побара тој.

Доколку антикорупционерите не ја завршат улогата заради којашто се избрани, вели Стоилковски, тие со своето неделување во случајот се соучесници во процесите на корупција во Македонија.

Македонија тоне во корупција и тоа е евидентирано во сите извештаи. Корупцијата, непотизмот и протекционизмот, фаворизирањето на луѓе блиски на СДСМ и ДУИ ја турнаа Македонија во економска, енергетска, здравствена, образовна и каква се не криза. Се додека со институциите во Македонија владее политички ешалон на луѓе заштитници на криминалот и на корупцијата, Македонија нема да може да излезе од кризите во коишто тие ја втурнаа. Решение е само брзи предвремени парламентарни избори, порача Стоилковски.

https://youtu.be/6nkFWnTxOvE

The post Mајките на Рашковски и Пиперевалиев се сестри, ДКСК мора да испита дали тоа пресудно за тендерите вредни 850.000 евра од Дрисла appeared first on Република.

За да вртат камиони со струмички таблици во Дрисла, на фирма блиска до Рашковски се менувани услови во сред оглас, обвинуваат од ВМРО-ДПМНЕ.

https://republika.mk/vesti/makedonija/firma-bliska-do-rashkovski-zemala-tenderi-vredni-850-000-evra-od-drisla/

За време на активен оглас за набавка на услуга - машини за работа во Дрисла се бришани условите како што било барањето за минимум 12 вработени. За со така сменети услови фирмата на Александар Пиперевалиев, кој е во роднинска врска со Драги Рашковски да добие тендери за две години во вредност од 850 илјади евра. Дали фирмата на Пиперевалиев ги добивала тендерите, кои патем се преговарани во четири очи заради неговата роднинска врска со Рашковски, и дали немало друга фирма која можело да работи во Дрисла под истите или можеби и подобри услови за претпријатието, па морало да се склучува договор во четири очи со роднината на Рашковски? Дали тие 850.000 евра, не можеле наместо за изнајмување на машини да се искористат за купување на нови машини на претпријатието или за редовно сервисирање на постојната механизација?, прашуваат од ВМРО-ДПМНЕ.

The post За да вртат камиони со струмички таблици во Дрисла, на фирма блиска до Рашковски се менувани услови во сред оглас appeared first on Република.

Како во време на СДСМ, додека со Дрисла управува Коста Начевски, роднина на Рашковски и функционер на СДСМ, фирмата Алпима Градба на Александар Пиперевалиев од Струмица, бизнис партнер на Заеви и роднина на Рашковски склучува договори за изнајмување на машини со јавното претпријатие, за што му се исплаќаат близу еден милион евра, праша на денешната прес-конференција портапролот на ВМРО-ДПМНЕ Наум Стоилковски.

Фирмата Алпима Градба, сопственост на Пиперевалиев, од Струмица, близок до Рашковски, со само два договори од 2019 и 2020 година успева со изнајмување на машини да оствари приход од Дрисла близу еден милион евра? Како токму фирмата од Струмица, блиска до Заеви и до Рашковски го добива тендерот за изнајмување машини во Дрисла? Дали за Алпима Градба е менувана тендерска документација во отворена постапка?, прашува тој.

https://republika.mk/vesti/crna-hronika/bratuchedot-na-rashkovski-aleksandar-piperevaliev-i-ortakot-na-viceto-goran-krstev-partneri-na-koluvija-vo-makedonija/

Стоилковски објасни како течела постапката и како се наместил тендерот за струмичката фирма.

Според договорот од 2020 година, вреден над 12 милиони денари, и тоа е првата работа откако Дрисла станува ЈП и со претпријатието почнува да управува Коста Начевски. Се распишува оглас за изнајмување на механизација, којшто првично содржи услови за заинтересираните да имаат минимален годишен приход од 20 милиони денари годишно три последователни години, последните години, да имаат најмалку 12 вработени и други критериуми коишто замислете додека е отворена постапката, се менуваат и се бришат! Односно огласот почнува да ги добива контурите токму како на фирмата на Пиперевалиев од Струмица, бизнис партнер на Заев и роднина на Драги Рашковски, во тој момент генерален секретар на Владата. Вториот спорен момент е што за договорот меѓу Дрисла и фирмата на Пиперевалиев е прекршен Законот за јавни набавки и договорот е склучен во четири очи, потенцираше Стоилковски.

Додека државата тонеше економски, здравствено, образовно, и на секое поле, вели Стоилковски, СДСМ тера бизниси во чија што основа лежат криминал и корупција. Се менуваат услови на тендери во отворена постапка, а бизнисите ги делат братучеди и роднини на функционери од владата. Тоа беше тенденцијата и сликата за владеењето на СДСМ изминативе пет години, тоа е сликата која што се уште не е сменета. Единствена промена ќе дојде со предвремени, брзи парламентарни избори.

https://youtu.be/kVzaqzC30pA

The post Фирма блиска до Рашковски земала тендери вредни 850.000 евра од Дрисла appeared first on Република.