Директорот на Управата за извршување на санкции, Александар Пандов, ја оценува состојбата во затворите низ државата како загрижувачка. Во интервју на МИА, тој открива дека недостигаат околу 300 до 400 луѓе во целиот затворски систем. Се надева на одобрување на нови вработувања и најавува повеќе реформи, како инфраструктурни, така и системски. Најавува подобрување на можностите за пробација и на образованието во казнено-поправниот систем.

Кога го говорам ова, тоа значи дека пред сѐ и над сѐ затворски полицајци, меѓутоа и луѓе во ресоцијализација, во финансии, во човечки ресурси, во правниот дел во управите што се на затворите. Се надевам дека тие вработувања ќе бидат одобрени во наредната 2025 година, вели Пандов.

Според Пандов, една од причините за дефицитот на затворската полиција е тоа што полицајците ги напуштале своите работни места од безбедносни причини, нешто, кое што, како што вели, нема да биде случај во иднина.

Тие луѓе чувствувале дека одредени затворени лица имаат таква поткрепа од дел од директорите или надвор од некои одредени моќни политичари, што никој ништо не им може што и да направат внатре и како и да се однесуваат кон затворските полицајци.Тоа е веќе заборавена приказна и затвореници кои така се однесуваат ќе бидат најстрого санкционирани во рамки на позитивните закони што ги имаме, а ги имаме доволно за да може да се справиме сега со нив, посочува Пандов.

Кон крајот на месецов очекува да профункционира и интервентната единица во затворите.

Состојбата во македонските затвори Пандов ја подели на два дела - инфраструктурна, односно како изгледаат затворите и второ - какви се условите, односно како се работело во нив. Како затвори со добра инфраструктура ги издвојува кумановскиот затвор, Воспитно-поправниот дом – Тетово и отвореното и затвореното одделение во Идризово за кои потенцира дека се изградени во времето на претходното владеење на ВМРО-ДПМНЕ.

Пандов вели дека има затвори во кои е неопходна инфракстурктурна инвестиција.

За жал, има одреден број на затвори во кои инфраструктурно мора да се инвестира и тоа сигурно дека ќе биде направено во идно време. Инфраструктурно кога говорам, исто така е голем проблем што за жал во „Идризово“ е завршена само првата фаза од неговата изградба. Уште од 2010 година, Република Македонија добива заем од Банката за развој при Советот на Европа за изградба на супер нов затвор во Идризово и завршена е само првата фаза. Во минатите седум години не е направено ништо, а притоа, кога би била завршена и втората фаза би било направено супер ново и современо затворено одделение. Она што за мене е многу важно е притворското одделение. Би имало и нова кујна, нова амбуланта за затворениците, кога би се направило тоа, вели Пандов.

Тој појаснува дека дел од позајмените пари се потрошени за отвореното и полуотвореното одделение, а остатокот се под мораториум затоа што, како што информира, при контролите на Комитетот за превенција од тортура имало големи забелешки за македонските затвори.

Од Комитетот треба да дојдат од 7 до 10 октомври во Македонија, ќе имаме состанок, меѓутоа ќе имаат состанок и со министерот за правда Игор Филков и со премиерот на Република Македонија, Христијан Мицкоски. Јас и повиканите ќе направиме сѐ да ги увериме дека правиме и ќе правиме сѐ за подобрување на забелешките што ги имаме од нив за да можеме да започнеме. Се надевам дека в година ќе започнеме, ќе го распишеме тендерот и ќе ја почнеме втората фаза, дополнува Пандов.

Како главни цели, Пандов ги издвојува изградбата на втората фаза и пуштањето во употреба на судницата во затворот „Идризово“.

Како што вели, она што го загрижува е начинот како биле чувани затворените лица. Според првичните информации, осудените лица во одредени затвори излегувале и влегувале кога сакале.

Не велам дека во сите затвори тоа се случувало, но имаме докази и веќе е информирано и Министерството за внатрешни работи и Обвинителството дека одредени раководители, односно директори на затвори, буквално се однесувале во стилот на Луј 16 - „државата, тоа сум јас“, вели Пандов.

Тој информира дека наследената состојба на затвореници евидентирани во бегство е околу 200, додека, во однос на прашањето дали постои гаранција дека ќе се вратат затворениците на кои тој им одобри прекин на издржување на казната, меѓу кои има и осуденици од „27 април“, вели дека нема гаранција исто како и за затворениците кои ги пуштаат на викенд.

На најголем дел од нив веќе им се завршени прекините и се вратени во затворите. Не мал дел од нив, во меѓувреме имаат побарано од судовите да им се издадат подолги прекини. Како најзвучно име за кое имаше прекин е поранешниот министер за внатрешни работи Митко Чавков.  Во меѓувреме, колку што сум информиран од затворот, господинот Чавков, има добиено тримесечен прекин кој му завршува во ноември. Не мал дел од другите лица осудени за 27 април имаат добиено од судовите повторно прекини, некој на месец, некој на два. Гаранција не постои, како за секој кој со закон ќе биде пратен на 30-45 или 60 дена, кога ќе го пуштиме на викенд, ако не е вратен, тоа значи дека е во бегство, ние веднаш го информираме Министерството за внатрешни работи и тој осуденик се води како во бегство, појаснува Пандов.

Според Пандов, проблемот со пренатрупаноста во затворите може во голема мера да се реши со Законот за пробација.

Има два начини да се реши тоа. Едниот е побавен, меѓутоа во голема мера ќе ги реши работите. Тоа е она што го говорев - сите да засукаме ракави и час поскоро да почне со изградба втората фаза на затворот „Идризово“, затоа што над илјада легла ќе се добијат со завршување на втората фаза. Меѓутоа, има уште една работа што би сакал да ја потенцирам, а тоа е Законот за пробација со кој осудениците имаат право на условен отпуст, посочува Пандов.

Тој информира дека покрај 11-те пробациски канцеларии во државава, се очекува да се отворат уште три.

Тие функционираат веќе четири-пет години. Меѓутоа, она што паѓа во очи е дека од 650 луѓе кои се со условен отпуст, 450 луѓе се во Скопје. Скопје е најголем град, има најголем број на осудени лица кои се од Скопје, меѓутоа не е така соодносот. Останатите 200 се од останатите општини во Македонија. Имаме намера, мислам дека веќе и месецов се закажани некои состаноци со одредени судии, а подоцна и цел судски систем да ги поттикнеме, да ги охрабриме да ги употребуваат овие мерки, вели Пандов.

Една од темите што МИА подолго време ја следи е образованието во Воспитно поправниот дом–Тетово, кое што го нема веќе три години. Токму за ова разговаравме и со директорот Пандов кој потврди дека децата во ВПД-Тетово не седнаа во училишните клупи и вети дека ќе разговара со министерката за образование Весна Јаневска за решавање на проблемот.

Да не се оправдувам, меѓутоа тоа ми е мене наследена ситуација. Ќе направам сѐ за тоа да се смени. Она што бев информиран е дека тој процес е започнат, меѓутоа, сега повторно е застанат. Јас ќе направам обид со новата министерка за образование да им овозможиме на децата во Волковија и каде било во сите казнено поправни установи да имаат образование, истакнува Пандов.

Во врска со проблемот со просториите за девојчињата упатени во воспитно-поправен дом, за кој последната најава беше дека ВПД-Тетово ќе биде адаптиран за таму да можат да се сместуваат штитенички, Пандов вели дека адаптацијата не е почната.

Најбрзо решение е една од трите згради во Волковија да биде преправена и да се огради од останатите две згради каде што се сместени машки деца. Тоа ќе биде направено во наредниот период, а ќе размислиме дали е тоа трајно решение, можеби и не е, не тврдам дека е, меѓутоа, тоа е единствениот начин како тоа да се реши. Адаптацијата сѐ уште не е започната, а доколку во меѓувреме некое девојче биде упатено во ВПД ќе го размислиме кога ќе дојде до тоа, нагласува Пандов.

Според директорот на Управата за извршување на санкции, работното ангажирање е најдобриот начин за ресоцијализација на затворениците. Вели дека ќе се обиде законски да интервенира во делот на работно ангажирање на затворениците со цел тоа да се користи почесто.

Имам забелешки на последниот закон, направен сега во април. Планирам во наредниот период да побарам измени на одредени точки, или вметнување на нови. Забелешка е тоа што кај нас, доколку говориме дека имаме 2 400 затвореници, мислам дека околу 100 се само работно ангажирани. Моите насоки кон директорите на затворите се да се обидат да постигнат договори со градоначалниците, со други фирми, што поголем број на затвореници да бидат работно ангажирани, вели Пандов.

Тој информира дека само во мал број на затворите има фарми каде одреден број на затвореници се ангажирани, а најголем дел од земјиштата стојат неискористени.

Пандов вели де е важно затворениците да се оспособат за време на издржувањето на казната со цел да можат да се адаптираат откако ќе излезат од затвор.

Не гледам зошто не ги научиме на некои занаети за кога ќе излезат да бидат оспособени да преживеат. Таков ни е системот што човек кога ќе излезе од затвор, едноставно не сме го осудиле, меѓутоа, не сме го оспособиле да може да функционира надвор од заворот и тоа е веројатно главната причина зошто не мал дел од нив повторно се враќаат во затворите, вели Пандов.

The post Пандов: Состојбата во затворите е загрижувачка, недостигаат над 300 луѓе во целиот затворски систем appeared first on Република.

Има голема разлика од еден до друг затвор. Има затвори кои се од латино-американски тип, во кои само исклучително ментална силна личност би можела да издржи, изјави денеска директорот на Управата за извршување на санкции Александар Пандов во Штип, по откривањето на споменикот на Тодор Александров.

Одговарајќи на новинарско прашање каква е состојбата во македонските затвори по извршениот увид во нив, Пандов изјави дека некои затвори функционирале нормално, а некои како „приватни затвори“.

-А за жал браќава од 27 април, некои од нив и по две години ги држеа во притворот во Шутка. Има затвори кои, да не бидам погрешно разбран, буквално се европски затвори, коишто изгледаат супер, нормално и коишто функционираат супер, нормално. Она што јас како забелешка сум го нашол не во сите, но, во дел од раководствата во затворите се однесувале во духот на Луј 14. Тие како директори се заживувале дека се сопственици, дека се тоа приватни нивни затвори и така ги третирале затворениците, вели Пандов.

Забележува дека имало осуденици, кои затворите ги воделе дека се во нив, а не престојувале, но, како што вели Пандов, има и осуденици коишто го виделе најлошото низ затворите. Тој истакна дека ова почнува да се менува и бара не мал дел на инвестиции во затворите.

-Она најважно што е затоа што во затворскиот систем во Македонија постои затвор „Идризово“, каде што има 1.200 затвореници, а сите останати 11 затвори имаат 1.200 затвореници. За жал, во време на владеење на ВМРО-ДПМНЕ, во минатото до 2016, 2017 година половина е направено, односно отвореното и полуотвореното одделение, таму се изградени и тие се налик, супер европски затвори. Но, она што е затворениот дел, амбуланта и притвор, а тоа се немал дел од тој затвор правиме се сега, за да ги направиме и веќе догодина да почне да се гради. Јас се надевам дека до крајот на мандатот, овој четиригодишен мандат на ВМРО-ДПМНЕ дека ние „Идризово“ ќе го имаме како супер модерен затвор, рече Пандов.

Прашан за оценка на условите во штипскиот Затвор, Пандов со одговор дека е некаде на средина.

-Тоа значи дека треба да се инвестира во штипскиот затвор. Јас сум супер задоволен од новото раководство, коешто сега е поставено таму и од директорот и од заменик-директорот. Тоа се двајца луѓе коешто се супер амбициозни и сакаат да ги променат работите во затворот. Јас како директор на Управата за извршување на санкции им давам максимална поддршка и ќе ја имаат и во идно време, изјави Пандов.

Тој најави инвестиции во штипскиот затвор за подобрување на условите на осудените лица. Прашан дали имаат преброено, колку осуденици имаат избегано од затворите во земјава, Пандов вели дека мал број имаат на осуденици, кои имаат сторено класично бегство. Но, околу 120 до 130 осуденици се водат како бегалци, бидејќи по закон им е дадено викенд отсуство, но не се вратиле во затворите, за да ја продолжат затворската казна.

-Во годините наназад зборувам, четири-пет години, кои биле пуштени на одмор или на викенд и не се вратени во затворите, вели Пандов.

Што се однесува за новиот продолжен прекин во издржување на казната на дел од осудените лица за 27 април, Пандов одговори дека тој како директор на Управата за извршување на санкции што може да го направи е ако осуденето лице донесе медицинска документација во којашто е прикажано дека има некое акутно заболување и треба веднаш да се лекува, тој  дава прекин од 30 дена.

-Меѓутоа не мал дел од нив, еве конкретниот пример, поранешниот министер за внатрешни работи, Митко Чавков, јас какошто сум информиран има добиено сега прекин од три месеца. Меѓутоа, тоа е од судот, кога имаат документација, ако им следуваат прекини веројатно судовите ќе доделуваат и доделуваат во моментов, изјави Пандов.

The post Пандов: Некои затвори функционирале нормално, а некои како „приватни затвори“ appeared first on Република.

Секој затвореник којшто ќе достави медицинска документација до Управата за извршување на санкции, потпишана од лекар специјалист дека во итен период треба да се лекува, ќе му биде издаден прекин, изјави вечерва директорот на Управата за извршување на санкции Александар Пандов.

Во Тема на денот на телевизија Сител, Пандов ја потврди информацијата дека Управата ќе издаде прекин за уште тројца осуденици за настаните од 27 април кои побарале привремен отпуст од затвор, покрај петтемина на кои веќе им е издаден прекин со времетраење од 30 дена.

Секој што ќе дојде со медицинска документација дека има акутно заболување, потпишана од лекар-специјалист дека во итен период треба да се лекува таа болест, ќе му издадам прекин. Да потсетам дека по шест и пол години тие луѓе скапуваат по затвориве низ Македонија. Јас не можам како човек да не им дадам таков отпуст на тие луѓе, рече Пандов.

Во врска со ослободувањето на поранешниот министер за внатрешни Митко Чавков, директорот на Управата вели дека имал тешка повреда на коленото за која било потребно физикална терапија.

 Има тешка повреда на коленото, притоа што му прават на човекот, му даваат да оди на физикална терапија во „Цар Самоил“, но не го отпуштаат, туку секој ден со повреда од затворот во Штип го носат до „Цар Самоил“ и го враќаат. Специјалист пишал дека тоа треба да се направи, притоа дека два пати во годината треба да има таков третман, вели Пандов.

Тој истакна дека Управата за извршување на санкции плаќа судски и адвокатски трошоци, откако обвинетиот за настаните од 27 прил Ацо Тошта добил на суд, поради, како што рече, неговиот кардиолошки проблем за кој морал да оди во болница и „тортурата која му ја правеле претходно“.

Пазете што му имаат правено на Тошта, човекот имал кардиолошки проблем и оди во болница. Изгубивме на суд и ние како Управа за извршување на санкции плаќаме судски и адвокатски трошоци, затоа што претходно тоа што го правеле е тортура, рече Пандов.

Не само на осудените за 27 април, додаде Пандов, туку секој кој што ќе достави таква документација до Управата ќе му биде издаден прекин. Нагласи дека истите имале барано претходно да им биде издаден прекин, но биле одбивани.

Во разговор со премиерот Мицкоски, Пандов побарал смена на директорите на затворите во земјава, и очекува на утрешната седница на Влада тоа да биде донесено.

По разговор со Мицкоски, на утрешната седница на Влада очекувам смена на директорите во најголем дел, почнувајќи од Филип Андонов, па до останатите директори. Утре планирам да одам во затворот Идризово. Во идно време очекувам помош од самите нови директори, не можам да говорам за затворот во Штип, како и за Струга. Не велам во сите, но во најголем дел е катастрофална. Ви ветувам дека состојбата ќе биде драматично сменета, имам поддршка од министерот за правда, од министерот за внатрешни работи и премиерот, рече Пандов.

The post Пандов: Прекин ќе му биде издаден на секој затвореник кој ќе достави медицинска документација потпишана од специјалист appeared first on Република.

Директорот на Управата за извршување санкции, Александар Пандов, изврши неколку прекини на казни поради медицински потреби во изминатите две недели. Како што истакна Пандов, најголемиот дел од овие прекини се однесуваат на осуденици од случајот „27 април“.

https://republika.mk/vesti/makedonija/pandov-ja-povika-katitsa-janeva-pak-da-pobara-da-odi-na-rabota/

„Како вршител на должноста директор на Управата за извршување санкции, ако дојде барање од затвореник за акутен здравствен проблем, немам право да го одбијам. Факт е дека 4-5 лица, откако сум директор, имаат поднесено барања кои ги потпишав“, рече Пандов.

На прашањето дали сите лица за кои се одобрени прекините се осуденици од случајот „27 април“, Пандов одговори: „Има едно-две лица кои не се од случајот „27 април“

The post Има прекини на казни за лекување за осуденици од „27 Април“ appeared first on Република.

Директорот на управата за извршување на санкции Александар Пандов за Бојан Јовановски, познат како Боки 13, кој иако треба да биде во затвор не е, рече дека од Судот добил условен прекин поради здравствени причини.

-Проверив за него. Тој има добиено условен прекин, до кога не знам, но тоа судот му има одредено поради здравствени причини. Тоа не е прекин кој што го дава Управата туку Судот и има овластување Судот тоа да го направи, рече Пандов.

https://republika.mk/vesti/makedonija/pandov-ja-povika-katitsa-janeva-pak-da-pobara-da-odi-na-rabota/

The post Не се знае до кога Боки 13 ќе биде на „распуст“ appeared first on Република.

Директорот на Управата за извршување санкции, Александар Пандов вчера извршил контрола во затворот „Скопје“ во Шутка, каде констатирал дека 10 лица не биле во собите, а едно било во бегство. Пандов не сака да коментира за „Скопје1“ и посочува дека во понеделник ќе одржи и прва прес-конференција. Според информации на „Скопје1“, сите десет лица за кратко време се појавиле, но и иако првично не биле најдени, не им се одземени привилегиите кои ги уживаат и се со истиот третман.

Директорот на затворот, Филип Андов посочува дека е на одмор и дека за состојбата бил запознаен од командирот. Тој посочува дека има забелешка зошто ако немало 10 лица, само еден е пријавен во полиција за по него да се трага.

Имам забелешка. Како недостасуваат 10 лица, а само еден е пријавен во полиција? Известен сум од командирот дека од Управата биле на проверка, каде по завршувањето, директорот не успеал да ги забележи во собите овие десет лица и се појавиле отпосле. Моето прашање е, ако десет лица биле во бегство или 11, зошто не се пријавени или нема постапка? И зошто нема постапка за сите останати 10 лица, за да се префрлат во приемно одделение, да им се одземат сите права? Дотолку повеќе, што, по сознанија, денеска пак можат да ја напуштат институцијата. Ако има за сите службени белешки, ова е тежок престап и треба да се обезбедат луѓето во приемно одделение додека не се заврши постапката за сите лица, ако како што тврди тој, затворениците не се најдени во своите соби, вели Андов.

Пандов не сака да коментира за „Скопје1“, но за други медиуми посочил дека затворениците биле повикани да се вратат по телефон.

Извор: Скопје1

The post Изброени десет, пријавен еден избеган од затворот во Шутка: Клинч меѓу Андов и Пандов appeared first on Република.

Поранешнатaта Специјална обвинителка Катица Јанева веќе нема да може да го користи правото на т.н делумна слобода откако била фатена дека не оди на работа во адвокатската канцеларија на нејзиниот син Лазар Јанев.

Службени лица од Управата за извршување на санкции по добиена анонимна пријава извршиле увид во канцеларијата и затекнале дека таа е затворена односно нема никој. Јанева веднаш била вратена во затворот во Идризово.

Јанева била должна да се пријави ако не е таму. Направен е записник и веќе нема да може да користи делумна слобода. Таа има право повторно да побара но со оглед дека веќе направила прекршок нема да и биде дозволено- потврди за „Република“ директорот на Управата Александар Пандов.

Катица Јанева доби 7 години затвор за злоупотреба на службената положба во случајот „Рекет“.

The post Катица Jaнева фатена на дело: Лажела дека работи кај синот – се враќа во Идризово appeared first on Република.

Дозволата на општество на Љупчо Палевски Палчо да биде застапен во јавниот простор, да креира мислење, да формира партии е нешто што не требало да се случи воопшто. На Палчо преку еден портал Инфомакс, ден за ден му се дозволуваше да штити најбрутална омраза кон сите, да шири говор на омраза, да шири расна, верска омраза, да се искажуваат најгнасни зборови, да се повикува на линчови е сосема неприфатливо, нешто што требало веднаш да се спречи, рече Александар Пандов, претседател на Патриотскиот институт на ВМРО – ДПМНЕ на вечерашната емисија Само вистина што се емитува на телевизија Канал 5.

Пандов се осврна и на начинот на комуникација меѓу Палчо и останатите лица од Инфомакс.

„Палчо им велеше на Александар и Милош чичини, тоа личи како да му се деца кои ги подучува. И ако некој не реагираат на тоа што таму се случува или дела оттаму се шири омраза, се повикува на омраза, се зборува со погрдни зборови за сите неистомисленици, може да ни се случи нов Палчо. Доколку надлежните институции не преземат нешто за случувањата околу тој портал може да биде уште полошо“, рече Пандов.

Пандов укажа дека треба да се реагира за порталот Инфомакс, ама и за политичката партија Десна за која како што рече треба да се забрани.

„Треба да се види кои се луѓе членуваат таму, затоа што очигледно е дека сите тие се затруени. Гледате сите учесници во монструозното убиство на Вања се дел од таа група“, кажа Пандов.

Според него треба да се стави ред и во медиумскиот простор.

„Да, треба ред во медиумскиот простор, ако тие воопшто се медиум бидејќи Инфомакс не личи на ништо, а најмалку на медиум. Лицата оттаму сеат само омраза и затоа треба да се интервенира, тоа што се случува таму е недозволиво“, укажа Пандов.

Да заклучам, рече Пандов, ако и во иднина се остават да функционираат вакви портали, во случајот Инфомакс, во кои главна улога имал Палчо или во кој како што се гледа ги подучувал лицата од Инфомакс ќе значи дека ништо не сме научиле како општество.

The post Пандов: Треба да се стави ред во медиумскиот простор appeared first on Република.

Секој пат почнува со прв чекор. Патот на Македонската револуционерна борба за слобода почнува со првиот чекор кој го направија Дамјан Груев, д-р Христо Татарчев, Петар Поп Арсов, Иван Хаџи Николов, Христо Батанџиев и Андон Димитров, кои пред точно 130 години на овој ден ја основаа Македонската револуционерна организација која беше внатрешна затоа што произлегуваше и делуваше за македонскиот народ и за македонската слобода.

Во Солун во 1893 година овие родољуби ја втемелија идејата. Ниту една борба не почнала веднаш масовно, туку тлеела и се всадувала од херои и визионери какви што биле овие великани. Но малку се примерите во светот, каде што еден ваков чист идеал бил толку брзо и толку масовно прифатен од народот, каков што е примерот со идеалот за ВМРО. Организацијата станала потоприштето на целата борба, но и надежта на поробениот македонски народ за слобода после векови туѓа власт. Зошто било тоа така? Затоа што организацијата била автохтона, била посветена и пожртвувана кон остварувањето на таа цел. Организацијата и народот биле едно, душата и телото на Македонија.

Македонци, вие не сте само херои, туку и светци. За вас, сите жртви се заслужени – рече Иван Хаџи Николов, еден од основачите на македонската револуционерна организација и на тој начин ќе го покаже својот стремеж, но и стремежот на илјадници синови и ќерки на Македонија кои потоа ќе се жртвуваат за својата Татковина. Овие зборови, но и делата на Организацијата, биле искрата во мракот кај напатениот и подјармен народ. Ваквите зборови мобилизирале старо и младо да се вклучи во револуционерното движење, кое било искрено и чисто и кое по многу што освен на отоманската империја им се спротивставувало и на околните хегемонски и империјални аспирации на другите земји - посочи во својот говор Александар Пандов, претседател на Патриотски институт на ВМРО-ДПМНЕ „Гоце Делчев“.

Пандов додаде дека не случајно Дамјан Груев, еден од основачите на ВМРО ќе истакне дека освен грчка и српска пропаганда, постои и бугарска.

“Таа постои. Има бугарски политичари кои праќаат платеници во Македонија. Под имињата на мошне познати шефови тие испраќаат чети во Македонија да агитираат за анексионистичката идеја. Тука има место само за една организација, народната, македонската“ – ќе каже безмалку пророчки Груев, затоа што тие негови зборови се толку актуелни и ден денес.

Со народот, Организацијата, го делеше и доброто, но најчесто лошото што и се случи на оваа напатена и со крв натопена македонска земја низ целиот овој век. Македонија за нив беше мајка со која сострадуваа. Апостолот на Македонската револуционерна борба Гоце Делчев, како еден од најголемите и најхрабрите синови на Организацијата и на Македонија беше свесен дека успехот може да се темели само на внатрешните усилби и сили за внатрешно востание, кое ќе произлезат преку духовно воздигнување на народот, па во таа насока ќе каже: Внатрешната организација не се стреми само да им дава оружје на луѓето, ами да го разбие нивниот ропски дух.

Затоа нивното дело е толку велико. Затоа нивните имиња со златни букви се запишани во македонската колективната меморија и во македонската историја. Тие го посеаа семето за национално будење на македонскиот народ и создадоа корен на македонската државност. Не само Илинден 1903, туку и Илинден 1944 година се плодот на нивното револуционерно дело.

После Илинденското Востание и Крушевската Република врските со народот не прекинаа, туку напротив продолжија. Организацијата стана трн во око на надворешните непријатели, затоа што сватија дека нејзината идеа за слободна македонска држава им ги пореметува нивните планови за својатање на Македонија. Но Организација или слободно можеме да речеме Подземната република со институции како држава, успешно одолеваше на сите тие напади и предизвици, и одново, одново како феникс се издигаше благодарение на народот и на идеалот. Идеалите се бесмртни, а македонскиот идеал е просто како пиреј, колку повеќе го корнеш, толку повеќе излегува на површината.

Со поголеми или помали успеси, нескршливиот дух опстои во текот на големите војни кои се прекршуваа на грбот на Македонија. Организацијата ја одржа идеата за македонска држава и покрај сите премрежја. Впрочем борбата за слобода која се водеше во НОБ почнуваше и беше окончана со успех водена од идеалите втемелени во 1893 година. Партизанските одреди ги носеа имињата на хероите од илинденската епопеја, повиците за омасовување на отпорот се повикуваа на континуитетот на македонската борба и на крајот ветераните на Организацијата како Павел Шатев и Панко Брашнаров беа клучни учесници на АСНОМ кога се поставува македонската државност.

Прогоните кои потоа уследија врз членови на ВМРО беа производ на едно идеолошко слепило, кое затворајќи ги неправедно луѓето за вмровските идеи, сакаа да го затворат и македонското прашање, но и тоа не успеа. ВМРО продолжи да живее во секој Македонец како симбол на слобода и независноста на Македонија. Во дијаспората, но пред се во Македонија огромно мнозинство остана верни на аманетот на Организација и тој аманет го крунисавме на 8-ми септември 1991 година, кога на референдумот јасно и гласно го кажаа својот стремеж за независност - рече Пандов.

Пандов нагласи дека организацијата е завет и ќе продолжи да биде завет за секој Македонец додека е векот и векува. ВМРО и денес е стожерот на македонската борба за правдини и македонските интереси. И денес кога се атакува по Македонија и кога се пљачка со цел да не дотераат до питачки стап и нашата мила и богата земја Македонија да заприлега на пуста пустина, ВМРО е тоа кое што под бајракот на Македонија ги обединува сите граѓани и застанува напред во борбата за достоинство и напредна иднина.

Ќе ми дозволите во оваа прилика да истакнам огромна и посебна благодарност до претседателот на ВМРО-ДПМНЕ Христијан Мицкоски кој дава сесрдна и сестрана поддршка на патриoтскиот институт на ВМРО-ДПМНЕ „Гоце Делчев“ чие партиско живеење, свој почеток и сега она што сме е последица и производ на негова заслуга. Имаше визија но и мудрост да го направи чекорот со формирање на овој институт затоа што тој и е неопходен на ВМРО и на Македонија. Благодарам Претседателе, во мое име и во името на сите членови на Патриотскиот институт, а сите заедно еден до друг сме во битката да ја кренеме повторно Македонија на нозе. Таа е нашата најважна битка.

Народот е ВМРО, ВМРО е народот, а заедно се и ќе останеме заштитници на Македонија и на македонските национални интереси. Тоа е наша обврска како генерација. ВМРО го обединувало народот во минатото, ВМРО-ДПМНЕ го обединува народот денес. Тоа е традиција која обврзува за иднината која доаѓа - рече Пандов.

The post Пандов: ВМРО-ДПМНЕ ќе остане да биде заштитник на Македонија и македонските национални интереси, ВМРО е завет за секој еден Македонец appeared first on Република.

Лидер е оној кој се бори да ја направи својата татковина подобро место за живеење, економски, социјално, да не биде вака како што е сега, бидејќи сега ситуцаијата сега е многу лоша за сите, условите за живот се многу лоши. Мора да се работи на тоа секој еден граѓанин  да ја сака својата татковина. Надвор во европските земји, во САД секој еден граѓанин има коректен однос кон својата татковина, рече Александар Пандов, претседател на Патриотскиот институт на ВМРО-ДПМНЕ на гостување во утринската програма на телевизија Алфа.

Пандов се осврна и на актуелната тема датум за избори.

„Чекорите кои ги влечат СДСМ и ДУИ се неразбирливи, нив ги интересира само функцијата и ништо повеќе, а во една нормална држава лидерите треба да седнат и да се договорат за избори кога ќе има и слично. Дополнително кај нас има и 100 дена пред избори техничка влада, а сега не се знае ни кога ќе бидат изборите, а на пролет има велигденски, рамазански пости и треба да се договори датум за избори. На сите треба  им е јасно дека ВМРО-ДПМНЕ и сите 44 пратеници нема да  гласаат за уставни измени, тоа е завршена работа“, кажа Пандов.

Според Пандов изборите се најдобра анкета.

„На СДСМ ќе им се случи торнадо на изборите, ќе бидат поклопени. Секој еден изборен цуиклус чини многу и затоа треба изборите да се во ист датум парламентарните избори и претседателските. Ние не треба да трошиме толку пари на избори за да има одвоени избори.

Наместо посебни избори во два три месеци што е неразумно трошење на парите на граѓаните, претседателските и парламентарните избори треба да има во ист термин. Да не се трошат пари на избори и да не се губи време, парите треба да се трошат за здравство, образование“, вели Пандов.

Пандов заклучи дека оваа Влада става во фокус само крадење или само корупција и криминал и купување на ден повеќе да бидат на функциите.

The post Пандов: На СДСМ ќе им се случи торнадо на изборите, ќе бидат поклопени appeared first on Република.

Во вечерашното гостување во емисијата „За или против“ на Алфа Телевизија гостуваше претседателот на патриотскиот институт „Гоце Делчев“ при ВМРО-ДПМНЕ Александар Пандов. Тој посочи дека договорот за изградбата на Коридорите 8 и 10д власта го крие што отвора многу сомнежи во јавноста.

„Проблемот во Македонија е затоа што толку криминал и корупција гледаме и веќе македонските граѓани се отапени што и да направи актуелната власт на ДУИ и СДС. “, рече Пандов.

„Се наоѓаме во ситуација каде го немаме видено договорот со Бехтел и Енка. Имаме пратеници во македонското собрание кои ги поднеле законите за измена а истите тие пратеници главниот договор помеѓу Македонската Влада и Бехтел и Енка го немаат видено договорот склучен“, кажа Пандов.

Тој посочи дека актуелната власт нема ништо направено и го има зголемено само Буџетот.

„Сега ништо не е направено, буџетот е зголемен неколкукратно а ништо не е направено. Што е најтрагично договорите што се потпишани ние ќе ги плаќаме понатака македонските граѓани а автопати нема да видиме“, изјава Пандов.

Тој додаде дека четворица експерти имаат земено по 300.000 евра за месец дена за Коридорите 8 и 10д, а човек со средно образование двојкаш за работа ќе е платен 5,500 евра.

The post Пандов : Пратеници од ДУИ и СДС поднеле измена на закони за изградба на коридорите, а не го виделе договорот со Бехтел и Енка appeared first on Република.

Претседателот на Патриотскиот институт на ВМРО-ДПМНЕ „Гоце Делчев“, Александар Пандов, информира дека Институтот и целото раководство во пресрет на одбележување на родниот ден на македонскиот херој Гоце Делчев ќе организира херојска стража и ќе има целодневно присуство на гробот на Гоце Делчев, затоа што Гоце е Македонија.

Пандов ги повика сите граѓани почитувачи на делото на Делчев да изразат заедничка мирна и достоинствена почит кон великанот.

Истовремено, Пандов информира дека на заседание на ЦК на Институтот се донесени повеќе заклучоци.

Прво, го осудуваме шовинизмот и негаторските политики кои доаѓаат од Бугарија и се дополнително распламтувани од поединци од бугарската политика.

 

Второ, упатуваме отворен повик до владата за поенергично реагирање во однос на негаторската политика и преземање на адекватни мерки кои ќе обезбедат почитување на нашиот идентитет и посебност. Секоја негација кон постоењето на македонскиот народ и неговите обележја треба да бидат проследени со протесна нота и реакција на македонските институции. Државата постои за народот, а не народот за државата.

 

Трето, наместо констатации, анализи и седење со скрстени раце на државниот врв кој кажа дека провокациите се дело на агентурни мрежи, да се преземат чекори на власта кои ќе значат спречување на туѓи пропаганди и агенди.

 

Четврто, Гоце е Македонија и Гоце припаѓа на светот. Упатуваме повик до македонскиот народ, македонската Влада и сите добронамерници за достоинствено поклонување на гробот на Македонецот Гоце Делчев.

 

Воедно, сакам да ве информирам затоа што Гоце Делчев е и патрон на нашиот институт на ВМРО-ДПМНЕ што ќе рече 4 ти февруари е наш роденден, ние следната недела поточно утре недела во 12:00 часот ќе имаме трибина во општина Штип, во вторник ќе имаме трибина во општина Ѓорче Петров, каде што ќе се обратам јас, претседателот на УМС Сергеј Попов, и историчарите Слободан Ников, и Игор Јуруков.

 

По денот на положување на венци горе на гробот на Гоце Делчев во СВ. Спас во 16:00 часот ќе имаме историски час на кој што јас ќе бидам модератор, а главни говорници ќе бидат проф. д-р Ванчо Ѓорѓиев и претседателот на ВМРО-ДПМНЕ проф. д-р Христијан Мицкоски, а ќе се одржи во културниот дом Билјана Беличанец, информира Пандов.

https://www.youtube.com/watch?v=ZLaQ0nmp7_I&embeds_euri=https%3A%2F%2Fmail.google.com%2F&embeds_origin=https%3A%2F%2Fmail.google.com&source_ve_path=MjM4NTE&feature=emb_title

The post Пандов: Патриотскиот институт на роденденот на Гоце Делчев ќе оддаде целодневна херојска стража на неговиот гроб appeared first on Република.

Бедно е ова што ни се случува во правосудството. Врз мотото „Нема правда, нема мир“ СДСМ и ДУИ дојдоа на власт, но факт е дека до денес немало пониско ниво на правосудството - сега само 8 отсто од граѓаните веруваат во судскиот систем, вели Александар Пандов од Патриотскиот институт на ВМРО-ДПМНЕ во емисијата „Студио 10“ на ТВ24.

Госпоѓата Весна Дамева е стручен соработник, не била судија, а сега како претседателка на Судскиот совет треба да го оценува судиите. Зарем вака ќе одиме во Европа? Тоа ли е мислењето на оние на кои устата им е полна со Европа? Оваа жена е ставена да служи на некои партиски кујни. Не е проблемот тоа што се сликала со Зоран Заев, но таа не крие дека е симпатизер на СДСМ, вели Пандов.

Во врска со тоа која е гаранцијата дека ако ВМРО-ДПМНЕ дојде на власт состојбата во судството ќе се промени, Пандов коментира дека тоа зависи од чесноста на политичкото раководство на партијата.

Порано беа едни луѓе во раководството на ВМРО-ДПМНЕ, а досема други луѓе се сега, вели Пандов.

Во врска со назначувањето на Ислам Абази за шеф на ОЈО за што има шпекулации дека тоа е изведено во соработка меѓу ВМРО-ДПМНЕ и ДУИ, Пандов демантира и вели дека обвинителите не би гласале по барање на неговата партија оти таа не е на власт, на власт е СДСМ.

The post Пандов: Не е проблем што Дамева се сликала со Заев, туку што не ни крие дека е симпатизер на СДСМ appeared first on Република.

Александар Пандов од ВМРО-ДПМНЕ преку Фејсбук го обвини лидерот на ГРОМ Стевчо Јакимовски дека го ситни отпорот кон власта и дека не се појавувал на протестите пред владата од лични интереси.

-Кој го ситни отпорот, поточно кој се обидува да го ситни отпорот кон предавнициве? Стевче Јакимовски! Не му чуе нему ни за бугарски договор, ни за француски предлог, уште помалку за протоколите, а со тоа и бугаризирањето на Македонија. Главен проблем му е што не добил јавно претпријатие во градот Скопје и одреден број места по управните одбори низ градот. Тоа е причината што Стевче не дојде на сенародниот протест на 18.06, каде ќе го слушнеше претседателот на ВМРО ДПМНЕ, Христијан Мицкоски, како професорски им ја демонтира заверата на предавниците кон македонскиот народ и воедно ги предупреди на отпорот кој следи!

Беа потребни да поминат само неколку дена, а неговите предупредувања да се остварат и на секого во Македонија да му стане сосема јасно или да бидам попрецизен, на над 80% од народот, но не и на Стевче. Излегуваме на протести пред влада на 22, 23 и 24 јуни, Стевче го нема!

И покрај високите температури и годишните одмори веќе наредната недела народот предводен од претседателот на ВМРО, Христијан Мицкоски, но и од претседателите на Левица, Димитар Апасиев, Социјалистичка Партија, Љупчо Димовски и Демократска Партијата на Србите во Македонија, Иван Стоиљковиќ, секојдневно маршираа по скопските улици и сплотени и обединети извикува: Ултиматум, Не благодарам, Стевче повторно никаде го нема. Додуша има сведоци кои тврдат дека еден ден се појавил, некој велат дека дури и два пати дошол и толку!

Оттука да обвинуваш некого кој 20 дена поминал по улици протестирајќи, а ти само два, најблаго кажано е неморално и нечесно.

Македонскиот народ и Македонија се соочени со најголемата опасност по нивниот опстанок и постоење! Ако бидеме обединети против предавниците ќе ги победиме.

Премногу е ниско и мизерно било кој, та бил тоа и Стевче Јакимовски, оваа борба да ја сведе на лечење фрустрации и суети за едно директорско место или неколку членови по управни одбори!, напиша Пандов на Фејсбук.

The post Пандов за Јакимовски: Не му чуе нему ни за бугарскиот договор ни за францускиот предлог appeared first on Република.

Со видеопорака Александар Пандов го повика премиерот Димитар Ковачевски да види што е народ кој не прифаќа да се побугарчи по француски рецепт.

На видеото е поворката која вечерва се движеше од Владата преку МНР до Собранието.

The post Ќурко, гледаш ли што е народ, пушти му го видеово на Радев да види, порача Пандов appeared first on Република.

Ќурко тече низ ногавици, а? Е тече! Ти си историски неписмен, но ова мора да го знаеш. Не постои режим и хунта која може против народ. Запамети, народ се пресметал со многу поголеми светски диктатори, а не па со мисири ко тебе!!!

 

Се гледаме вечер во 19 часот на ИЛИНДЕНска пред влада на Република Македонија! - пишува претседателот на Патриотскито институт на ВМРО-ДПМНЕ, Александар Пандов.

The post Пандов: Ќурко тече низ ногавици, а? Ти си историски неписмен, но ова мора да го знаеш, не постои режим и хунта која може против народ appeared first on Република.

Таче, ќурко предавничка. Пошто не повикуваш на „консултации”, еве ме мене вечерва во 19 часот пред Влада да поразговараме за бугарскиот предлог поднесен од западногерманецот Макрон, му порача политичкиот аналитичар Александар Пандов од Патриотскиот институт на премиерот Димитар Ковачевски.

Ако немаш муда сам да дојдеш, земи си ги и Маричиќ и Османи. Ма ако сакаш дојди и со Арбр и оној што ќе ќе ни крши раце и нозе, а ти е државен секретар. Јас со син ми Столе ќе дојдам, а верувам и огромен број од македонскиот народ ќе дојде да ни ја гледа дебатата во живо. Се гледаме во 19ч пред влада!, порача Пандов.

The post Пандов: Таче, ќурко предавничка, се гледаме во 19 часот пред Влада! appeared first on Република.

По повод 101-годишнината од смртта на Ѓорче Петров, на 28 јуни, во паркот во скопската населба која го носи името на македонскиот револуционер, ќе одржи трибина посветена нему.

Браќа и сестри, по повод 101 години од погибјето на македонскиот ревулуционер и великан Ѓорче Петров, ве поканувам утре да дојдете во 19:30 часот во паркот во патриотско Ѓорче. На трибината ќе се обрати претседателот на ВМРО проф. д-р Христијан Мицкоски! Се гледаме - информира претседателто на Патриотскиот институт на ВМРО-ДПМНЕ, Александар Пандов.

The post ВМРО-ДПМНЕ организира трибина по повод 101 година од смртта на македонскиот ревулуционер и великан Ѓорче Петров appeared first on Република.

ВМРО-ДПМНЕ е предводник на овој протест, но огромен број на луѓе ќе дојдат на протестот на 18 јуни, од сите партии и националности. На народот му е дојдено преку глава, не можат да го издржат повеќе ова страдање - изјави во емисијата „Што не е јасно“ на Алфа, Александар Пандов, претседателот на Патриотски институт на ВМРО-ДПМНЕ.

Пандов истакна дека масовноста на протестот ќе биде одраз на лошиот живот во Македонија, затоа што обичниот народ пати изминативе години, а владата владава нема ништо добро направено и тоа го покажуваат сите бројки.

Пандов посочи дека колку и да се правда власта, реалноста е дека токму поради нив има толку висока инфлација и дека државава не памети толку високи цени,

Македонија не памети поскапи горива, а денеска има ново покачување. Поскапеа горивата, народот нема пари, народот со оваа влада станува се посиромашен и посиромашен мора да се стави крај. Крајот е предвремени парламентарни избори, да повлечеме црта и да тргнеме напред - вели Пандов.

Како што истакна Пандов, доказ за лошиот живот со оваа власт е тоа што на сите анкети младите кажуваат дека сакаат да си заминат од Македонија.

Младите на возраст од 18 до 35 години, над 80% на сите анкети велат дека би си заминале од Македонија. Тоа е страшно нешто. Ковачевски се провозел ли низ Македонија, видел ли како се живее? Се иселуваат луѓето и тоа е запрепастувачки, а оваа влада не ни разговара за тоа - потенцира Пандов.

Тој нагласи дека луѓето не ја напуштаат државава и само поради сиромаштијата туку и поради системот и нефункционалноста на македонското општество.

Овие 4-5 години на граѓаните им е дојдено преку глава.  И тоа ни е показател како гледаат на денешното живеење. Можеби и да не работат ќе направат подобро нешто, затоа што со се што прават тоа е лошо за државава - рече Пандов.

The post Пандов: На народот му е дојдено преку глава, мора да се стави крај на тешкиот живот во Македонија appeared first on Република.

Претседателот на Патриотскиот институт на ВМРО-ДПМНЕ, Александар Пандов, во емисијата „Што не е јасно“ порача дека на 18 јуни на Ковачевски јасно и гласно ќе му биде предочено каде му е местото.

Пандов изјави дека уште на локалните избори, граѓаните му покажале на СДСМ каде му е местото.

За жал се уште СДСМ и ДУИ се на власт. А, токму тоа Македонија ја чини многу пари. Многу јад и чемер гледа Македонија во нивното владеење. Но, јас искрено сум оптимист и мислам дека се броени деновите на оваа Влада и дека на есен ние ќе имаме предвремени парламентарни избори - истакна Пандов, додавајќи дека листата на штетните политики на оваа власт кон Македонија е премногу долга, и дека верува оти македонските граѓани едвај чекаат предвремени избори за да го разрешат СДСМ од власт.

Пандов додаде дека македонскиот народ треба да излезе и да протестира бидејќи власта многу штета направи на Македонија со штетните политики.

Националните понижувања коишто им се случија на македонските граѓани, задирање во македонскиот идентитет, бришење на правото да македонскиот граѓанин е Македонец надвор од Македонија, неправди во правосудството, корумпирано правосудство, лоша економија, висока инфлација, се само дел од причини поради кои граѓаните треба да излезат на 18 јуни на протест - изјави Пандов.

Во текот на емисијата, Пандов посочи дека последното видео каде што Ковачевски се смее и молчи на коментарите на премиерот на Албанија е голема навреда за македонскиот народ. Тој истакнува џека не може премиер да премолчи на коментарите каде што се навредува државата.

Тој човек нема политички капацитет. За да си премиер треба да си спремен политичар. Ковачевски покажа дека не е спремен за да остане премиер на Македонија.

А, да не говориме за инфлацијата во Македонија, завчера читав дека 8.1% е европскиот просек, а во Македонија околу 12%, односно поточно е 11.9%, тоа е скоро 50% поголема инфлација имаме ние од Европа. Податоците во економијата за Македонија се застрашувачки - нагласи Пандов.

Тој порача дека и двојката на Ковачевски добиена од граѓаните школски е чиста единица. Иако Ковачевски е над 100 дена премиер на Македонија за жал не направи ништо за граѓаните, напротив државата ја втурна во поголема сиромаштија.

The post Пандов: Национални понижувања, задирање во македонскиот идентитет, лоша економија се само дел од причини поради кои граѓаните треба да излезат на 18 јуни на протест appeared first on Република.