Портпаролот на министерството за одбрана на Украина, Александар Мотузјаник, предупреди дека руските сили се подготвуваат да го заземат градот Харков.

Мотузјаник наведува и дека „непријателот има намера да ги опколи украинските сили“.

Главните напори на непријателот беа насочени кон подготовките за продолжување на офанзивните операции со цел да се опколат сојузничките сили и да се заземе градот Харков - изјави Мотузјаник.

Според него, Русија продолжува да користи оружје со висока прецизност за уништување на критичната инфраструктура на Украина и презема мерки за формирање и преместување дополнителни единици од Источниот и Централниот воен округ за учество во воените дејствија.

The post Украина: Русите се подготвуваат да ги опколат нашите сили и да го заземат Харков appeared first on Република.