Американскиот новинар Такер Карлсон објави 20-минутно интервју со познатиот руски филозоф и политички коментатор Александар Дугин.

Карлсон го претстави Дугин како „писател кој пишува за големи идеи“, тврдејќи дека неговите книги биле „забранети од администрацијата на Бајден“ во САД.

- Не можете да ги купите на Амазон - рече тој.

Дугин тврдеше дека либералната идеологија, која де факто стана неспорна на Запад по распадот на Советскиот Сојуз, води кон пад на концептот на семејството.

- Семејството се уништува во корист на овој индивидуализам - рече тој, додавајќи дека природниот напредок на либерализмот ќе доведе до „напуштен човечки идентитет“.

- Следната фаза:

Новиот либерализам. Сега не се работи за владеење на мнозинството, туку за владеење на малцинствата. Не се работи за индивидуална слобода, туку за будност – рече Дугин.

- Тоа не е демократија. Тоа е тоталитаризам.

The post Taкер Карслон по Путин имаше интервју со Дугин: Во новиот либерализам владеат малцинствата appeared first on Република.

Рускиот философ и идеолог на Кремљ, Александар Дугин во текст објавен на порталот „Царград“ (Tsargrad) заговара мобилизација во Русија и најавува голема војна помеѓу Западот и Русија.

– Ние сме на работ на трета светска војна, во која Западот опсесивно не турка. Тука веќе не се работи за страв или исчекување, тоа се факти. Русија е во војна со колективниот Запад, со НАТО и неговите сојузници (иако не со сите – Турција и Грција имаат свој став, а голем број европски земји, пред сè Франција и Италија, но не само тие, не сакаат активно да учествуваат во војната со Русија). А сепак заканата од трета светска војната е сè поблиску, пишува Дугин во првиот текст објавен по смртта на неговата ќерка Дарја, која загина пред еден месец при експлозија на автомобил.

Тој во текстот предупредува и дека постојано расте можноста од употреба на нуклеарно оружје.

– Дали ќе се користи нуклеарно оружје е отворено прашање. Но, веројатноста за нуклеарен армагедон расте секој ден. Сосема е јасно, а многу американски воени лидери отворено го прокламираат, Западот повеќе нема да биде задоволен дури и со нашето целосно повлекување од територијата на поранешна Украина, тие сакаат да не уништат на наша почва, инсистирајќи на „безусловно предавање“ (Јенс Столтенберг), „деимперијализација“ (Бен Хоџис), распарчување на Русија“, тврди Дугин.

Според него специјалната воена операција, како што Москва ја нарекува инвазијата врз Украина, е завршена. Дугин истакнува дека специјалната воена операција прераснала во „вистинска војна со Западот, во која терористичкиот и нацистички режим во Киев е само инструмент“.

– Она што се случи е неповратно и нема потреба да се плашиме од какви било отстапки или компромиси од наша страна. Непријателот ќе го прифати само нашето целосно предавање, поробување, распарчување, окупација. Така што едноставно немаме избор. Крајот на специјалната операција значи потреба од длабоки трансформации на целиот политички и општествен систем на модерна Русија – транзиција на земјата врз воена основа во политиката, економијата, културата и информациската сфера. Војната со Западот потчинува сè, наведе Дугин

The post Дугин: На раб сме на Трета светска војна appeared first on Република.

Таткото на Дарија Дугина, Александар Дугин изјави оти смртта на неговата ќерка е „терористички акт од украинскиот нацистички режим“ и дека таа, како што рече, е „брутално убиена пред мене“, јави Би-Би-Си.

Таа беше убава православна жена, патриот, воен репортер, експерт за централна телевизија и филозоф, истакна тој.

Украина негираше вмешаност во смртта на Дарија Дугина, која загина во експлозија на автомобил во саботата вечерта.

Нејзиниот татко на Запад го гледаат како еден од „мозоците“ на рускиот претседател Владимир Путин.

The post Дугин: Убиството на мојата ќерка е терористички акт appeared first on Република.